Category Archives: படித்த செய்திகள்

இன்னொரு பால் நிகராகுமோ..?

தாய்ப்பாலூட்டும் பெண்களின் சதவிகிதம் உலகளவில் குறைந்துகொண்டே வருவது வேதனையான விஷயம். வேலைக்குச் செல்லும் பெண்களின் எண்ணிக்கை அதிகரித்திருப்பது இதற்கு ஒரு காரணமாகச் சொல்லப்பட்டால், அழகு போய்விடும் என்ற பெண்களின் மூடநம்பிக்கையும், குழந்தையின் உயிர்க்கவசமான தாய்ப்பாலின் அவசியம், மகத்துவம் பற்றிய விழிப்பு உணர்வு இல்லாததும் பிற காரணங்களாக முன்வைக்கப்படுகின்றன. இந்நிலையை மாற்றவே, ஒவ்வொரு ஆண்டும் ‘உலக தாய்ப்பால் வாரம்’ என்றெல்லாம் உலகம் முழுவதும் கடைப்பிடிக்கப்பட்டு, தாய்ப்பால் ஊட்டுவதன் அவசியம் குறித்த விழிப்பு உணர்வு சமூகத்துக்கு அளிக்கப்படுகிறது.

Continue reading →

கடவுள் ஏன் கைவிட்டு விடுகிறார்?

ஆன்மிக, நாத்திக வாதங்கள், சைவ – அசைவ விவாதங்கள், உலகம் உள்ளளவும் இருக்கும். ஆழ்ந்த நம்பிக்கை உள்ளோருக்கும், நம்பிக்கை அற்றோருக்கும் இடையே கடுமையான வாதங்கள் நிகழ்ந்த வண்ணமே உள்ளது என்பதே உண்மை!
இக்கட்டுரை, கடவுளை நம்புவோரை மட்டுமே இலக்காகக் கொண்டது.
கடவுளை அளவுக்கதிகமாக நம்பும் ஒருவர், தம் வாழ்வில் நிகழும் ஒவ்வொரு சம்பவமும், அவரால் எழுதப்பட்டது என்ற தீர்மானத்திற்கு போய் விடுகிறார்.
என்ன ஆபத்து வந்தாலும், ‘அதை அவன் பாத்துக் கொள்வான்…’ என்று சரணாகதி அடைவாரே தவிர, மனித முயற்சி என்ற ஒன்றை, இவர் நம்ப தயாரில்லை.
ஒருமுறை, இவரது உயிருக்கு ஆபத்து வரும்படியான செயல் ஒன்று அறிகுறி காட்ட, இவரோ தன்னை கடவுளிடம் ஒப்படைத்து விட்டார். கடைசியில், எதற்காக எச்சரிக்கப்பட்டாரோ, அது நிகழ்ந்து விட்டது.
இதேபோன்ற குட்டிக்கதை ஒன்றை, ‘ராமகிருஷ்ணர் உபதேசம்’ எனும் நூலில், என் பள்ளி நாட்களில் படித்ததாக நினைவு.
அதற்கு ராமகிருஷ்ண பரமஹம்சர் கூறிய விளக்கம் வெகு அருமை.

Continue reading →

முதுமை இனிமை!

முதியோர்களுக்கு என்றே தனி மருத்துவமனைகள். ரிட்டயர்மென்ட் ஆனவர்களுக்கென்றே தனி அப்பார்ட்மென்ட்கள். சென்ற தலைமுறையில் முதியோர் இல்லம் என்றால், இவை அதற்கும் கொஞ்சம் மேலே ரகம். 60 வயதை நெருங்கும்போது, அவர்களின் விருப்பப்படி வாழவிடாதபட்சத்தில், தங்களின் வாழ்க்கையை, வாழும்விதத்தை அவர்களாகவே நிர்ணயித்துக்கொள்ள, இவை உதவி புரிகின்றன.

தன் வீடு, தன் சொந்தம், தன் மக்கள் என்று வாழ்ந்தவர்கள், தனிமைத் துயரில் சிக்கும்படி அவர்களை ஒதுக்கிவைத்துவிடுகிறது இளைய தலைமுறை. இன்று இளமையாக இருக்கும் நமது அடுத்த பருவம் முதுமைதான் என்ற உண்மை அவ்வளவு எளிதில் நமக்கு  உறைப்பது இல்லை.

Continue reading →

பிளாஸ்டிக் அரிசியில் இருந்து தப்பிக்க முடியுமா?

 

கடைசியில் அது நடந்தேவிட்டது. நம் ஆதார உணவான அரிசியிலும் வந்துவிட்டது பிளாஸ்டிக் அரிசி. அரிசியில் நடக்கும் இந்தக் கலப்படம் குறித்த செய்திகள், சமீப வாரங்களாக சமூக வலைதளங்கள் மூலம் வேகமாகப் பரவிவருகின்றன. இந்நிலையில் டெல்லி உயர் நீதிமன்றத்தில் வழக்கறிஞர் சுக்ரீவ துபே பொதுநல வழக்கு ஒன்றைத் தாக்கல் செய்திருக்கிறார்.

“உலகமயமாக்கல் காரணமாக சீனா மற்றும் இதர நாடுகளில் இருந்து பெருமளவில் அரிசியும் பருப்பு வகைகளும் இந்தியாவுக்கு இறக்குமதி செய்யப்படுகின்றன. ஆனால், அவற்றின் தரம் குறித்த எந்தக் கட்டுப்பாடும் சோதனையும் இங்கே முறைப்படி நடைபெறுவதில்லை” என்று அந்த மனுவில் அவர் குறிப்பிட்டிருக்கிறார்.

இத்தனை நாட்களாக வாட்ஸ்அப், ஃபேஸ்புக் போன்ற சமூக வலைதளங்களில் பிளாஸ்டிக் அரிசி குறித்த செய்திகள் வலம்வந்தாலும், டெல்லி உயர் நீதிமன்றத்தில் தாக்கல் செய்யப்பட்ட இந்த மனுவால் பிளாஸ்டிக் அரிசி குறித்த பீதி பல தரப்பினரிடமும் அதிகரித்துள்ளது. தாவரத்தில் இருந்து விளையக்கூடிய ஒரு தானியத்தை, இயந்திரங்களின் உதவி மூலம் செயற்கையாக உற்பத்தி செய்யும் இந்தப் புதிய முறை அதிர்ச்சியை ஏற்படுத்தியுள்ளது.

எது பிளாஸ்டிக் அரிசி?

Continue reading →

நம்பர் 1 நிக் வ்யூஜெஸிக்

‘ஏதாவது ஓர் அதிசயம் நிகழ்ந்து உன் துன்பமான வாழ்க்கையே தலைகீழாக மாறிவிடும் எனக் காத்திருக்கிறாயா… எந்த அதிசயமும் இதுவரை நிகழவில்லையா? எனில், நீயே அந்த அதிசயமாக மாறிவிடு!’

இன்று உலகின் மிக முக்கியமான தன்னம்பிக்கைப் பேச்சாளராகக் கருதப்படும் நிக் வ்யூஜெஸிக், அடிக்கடி உச்சரிக்கும் உத்வேக வரிகள் இவை. இந்த வார்த்தைகளை நிக், வெறுமனே உதடுகளால் உச்சரிக்கவில்லை. தன் வலி மிகுந்த பிறவியில், வளிமண்டலத்தில் எப்படியேனும் வாழ்ந்தே தீர வேண்டும் என்ற வைராக்கியத்தில் வழி தேடி, போராடி, உச்சம் தொட்ட பின், உணர்ந்து உச்சரித்தவை.

1982-ம் ஆண்டு டிசம்பர் 4-ம் தேதி… ஆஸ்திரேலியாவின் மெல்போர்னில் ஒரு மருத்துவமனையில் நிக் பிறந்திருந்தான். பிரசவ மயக்கம் தெளிந்த அவனது தாய் துஸிகா, குழந்தையைத் தேடினாள். நர்ஸ்கள் அவளிடம் விஷயத்தைத் தயக்கத்துடன் சொல்ல, கணவர் போரிஸும் கண்ணீருடன் நிற்க, வெடித்து அழ ஆரம்பித்தாள் துஸிகா. நர்ஸ் ஒருத்தி, துணி சுற்றப்பட்ட குழந்தையை துஸிகாவின் அருகில் கொண்டுவந்து வைத்தாள். குழந்தை அழுதது. துஸிகா கதறினாள். ‘வேண்டாம். இவனை எடுத்துக்கொண்டு போய்விடுங்கள். நான் இவனைப் பார்க்கவே மாட்டேன்.’

Continue reading →

வங்கி டெபாசிட்… பாதுகாப்பானதா?

ஒரே வங்கியின் பல கிளைகளில் எவ்வளவு தொகை வைத்திருந்தாலும், வங்கி திவால் ஆகும்பட்சத்தில் ரூபாய் ஒரு லட்சம்தான் இன்ஷூரன்ஸ் கிடைக்கும்.

நாம் அனைவரும் வங்கிகளில் டெபாசிட் செய்கிறோம். சட்டரீதியாகப் பார்த்தால், இது நாம் வங்கிகளுக்குத் தரும் பாதுகாப்பற்ற (Unsecured) கடனாகும். வங்கி திவாலானால்,  நாம் போட்டிருக்கும் இந்த டெபாசிட் பணம் என்னவாகும் என்பது பலரது  கேள்வி.

வங்கியிலிருக்கும் சிறு வாடிக்கையாளர்களைப் பாதுகாக்க ரூபாய் ஒரு லட்சம் வரை இன்ஷூரன்ஸ் கட்டாயமாக இருக்கவேண்டும் என்ற விதி உள்ளது. ரூபாய் ஒரு லட்சத்துக்கு மேல் இருக்கும் தொகைக்கு எந்தப் பாதுகாப்பும் இல்லை என்பதே உண்மை.

ஆனால், கடந்தகால நடவடிக்கை களை வைத்துப் பார்க்கும்போது, ஒரு வங்கி திவாலானால், அதை மற்றொரு பெரிய வங்கியுடன் நமது ரிசர்வ் வங்கி இணைத்துவிடுகிறது. ஆகவே, இந்திய மக்களுக்கு வங்கிகளின் மீது அதிக நம்பிக்கை இன்றளவும் உள்ளது.

நம் அனைவருக்கும் வங்கிகளில் உள்ள டெபாசிட் ரூபாய் ஒரு லட்சம் வரைக்கும் இன்ஷூரன்ஸ் இருப்பது தெரிந்திருந்தாலும், அதன் நுணுக்கங்கள் பற்றித் தெரிந்திருக்க வாய்ப்பில்லை. அந்த நுணுக்கங்களைப் பற்றி சிறிது தெரிந்துகொள்வோம்.

Continue reading →

குறைத்துக் காட்டப்படும் புள்ளிவிவரம்… குறையாமல் இருக்கும் விலைவாசி! நிஜ நிலவரம் என்ன?

2014 நவம்பர் மாதத்திலிருந்து மொத்த விலை பணவீக்க விகிதம் மைனஸிலும், சில்லறைப் பணவீக்க விகிதம் தொடர்ந்து குறைந்தும் வருகிறது. ஆனால், உள்ளூர் சந்தையில் தக்காளியில் தொடங்கி அனைத்து காய்கறி மற்றும் உணவுப் பொருட்களின் விலை குறையவே இல்லை என்று சலித்துக்கொள்கிறார்கள் மக்கள். அரசாங்கம் தரும் புள்ளிவிவரங் கள்  நடைமுறைக்கு சம்பந்தம் இல்லாமல் இருக்கிறது. ஏன் இந்த முரண்பாடு என்பதை விசாரிக்க களத்தில் இறங்கினோம்.

நாம் முதலில் சந்தித்தது சென்னை ஆடிட்டர் எம்.சத்திய குமாரை. மொத்த பணவீக்க விகிதம், நுகர்வோர் பணவீக்க விகிதம் எப்படிக் கணக்கிடப் படுகிறது என்று  விரிவான விளக்கம் தந்தார் அவர்.

Continue reading →

ரியல் எஸ்டேட்: வளர்ச்சியைத் தடுக்கும் 50சி!

ன்றைய தேதியில் தமிழகத்தில் மந்தமாக இருக்கும் பல்வேறு துறைகளில் ரியல் எஸ்டேட்டும் ஒன்று. இதற்குப் பல காரணங்கள். என்றாலும், அங்கொன்றும் இங்கொன்றுமாக வீடு மற்றும் மனை விற்பனை நடக்கத்தான் செய்கிறது.

இந்த விற்பனையைக்கூட நடக்கவிடாதபடிக்கு அரசாங்கம் சில சட்டங்களைக் கொண்டு வருவதுதான் வேதனையான விஷயம். என்ன மாதிரியான சட்டங்களை அரசு கொண்டு வந்திருக்கிறது, அந்தச் சட்டங்களினால் யாருக்கு என்ன பாதிப்பு என்று விரிவாக விளக்கிச் சொன்னார், ஆடிட்டர் எஸ்.சதீஷ்குமார்.

Continue reading →

என் இணையம்… என் பாதுகாப்பு !

ங்கள் வீட்டைத் திறந்துபோட்டுவிட்டு நீங்கள் வெளியே செல்வீர்களா… மாட்டீர்கள்தானே? நாம் அன்றாடம் பல தேவை/சேவைகளுக்காக உலவும் இணையமும் நம் வீடு போன்றதுதான். அதில்தான் நம் வங்கிக் கணக்கு முதல் பெர்சனல் தகவல்கள் வரை அனைத்து ரகசியங்களையும் பூட்டிவைத்திருக்கிறோம். அதை ஆன்டிவைரஸ் மூலம் பாதுகாக்கலாம். ஆனால், திருடன் வீட்டுக்குள்ளேயே இருந்தால் என்ன செய்வது? இப்படி ஓர் இக்கட்டில் ஏர்டெல் நிறுவனச் சந்தாதாரர்கள் சிக்கியிருப்பதாகச் சொல்கிறார் பெங்களூரூவைச் சேர்ந்த கம்ப்யூட்டர் புரோகிராமர் தேஜேஷ்.

ஏர்டெல் 3ஜி சேவையைப் பயன்படுத்தும் தேஜேஷ், தான்

Continue reading →

நம்பர் 1 ஆஷிஷ் தாக்கர்

‘ஆப்பிரிக்கா’ என்றதுமே, உலக மனக்கண்ணில் தோன்றும் பிம்பம் எது? எலும்பும் தோலுமான ஓர் ஆப்பிரிக்கக் குழந்தை, கண்களில் தேங்கி வழியும் ஏக்கத்துடனும் பசியுடனும் பாத்திரத்துடன் கையேந்தியபடி சோகமாக நிற்பது.

‘உலகின் தவறான பார்வை இது. ஆப்பிரிக்காவின் நிஜ பிம்பம், நிச்சயம் இது அல்ல. நான் அதை முழுமையாக மாற்ற விரும்புகிறேன். எனது ஆப்பிரிக்காவுக்குப் புதிய அடையாளம் கொடுக்க விரும்புகிறேன். அதை நோக்கிய பயணத்தில்தான் முழுமூச்சுடன் இயங்கிக்கொண்டிருக்கிறேன்’ – இப்படிச் சூளுரைப்பவர், ஆப்பிரிக்காவின் இளம் பில்லியனர், மாரா குரூப்ஸின் நிறுவனர்… ஆஷிஷ் தாக்கர். சபிக்கப்பட்ட கண்டத்தின் தலையெழுத்தை மாற்றி எழுதிக்கொண்டிருப்பவர். வயது 34. பிறப்பால் ஆப்பிரிக்கர். ஆனால், இவரது பூர்விக வேர்கள் பரவிக்கிடப்பது குஜராத்தில்.

Continue reading →

Follow

Get every new post delivered to your Inbox.

Join 3,633 other followers