Advertisements

Daily Archives: ஜூன் 9th, 2009

எக்ஸெல் சில பிரபலமாகாத டிப்ஸ்கள்

எக்ஸெல் சில பிரபலமாகாத டிப்ஸ்கள்

எக்ஸெல் தொகுப்பில் சில டிப்ஸ்கள் பயனுள்ளவையாய் இருந்தாலும் அவை பற்றி அதிகம் யாரும் கண்டு கொள்வதில்லை. ஏனென்றால் அவை சார்ந்த பயன்பாட்டினை அவ்வளவாக யாரும் மேற்கொள்வதில்லை. அவற்றில் சிலவற்றை இங்கு பார்க்கலாம்.

1. நெட்டு வரிசை மற்றும் படுக்கை வரிசை (Rows and Columns)

களை மறைத்திட: நீங்கள் விரும்பினால் உங்கள் ஒர்க்ஷீட்டில் சில வரிசைகளை மறைத்து வைத்து இயக்கலாம். இது மற்றவர்களிடமிருந்து டேட்டாக்களை மறைப்பதற்காக மட்டும் அல்ல. நாம் செயல்படுகையில் தள்ளி இருக்கும் சில வரிசைகளுக்கேற்ப புதிய செல்களில் டேட்டாக்களை அமைக்க வேண்டியதிருக்கும். அப்போது இடையே இருக்கும் வரிசைகளைத் தற்காலிகமாக மறைத்து வைத்துப் பயன்படுத்தலாம். இதற்கு நீங்கள் எந்த வரிசைகளை மறைக்க வேண்டுமோ அவற்றைத் தேர்ந்தெடுக்கவும்.

பின் பார்மட் (Format) மெனு சென்றால் அங்கு அவற்றை மறைத்திடவும், மறைத்ததை மீண்டும் கொண்டு வரவும் ஆப்ஷன்கள் தரப்பட்டிருக்கும். அவற்றை விருப்பம்போலத் தேர்ந்தெடுத்து அமைக்கலாம்.

2. ஸ்ப்ரெட்ஷீட் சுற்றிவர: கண்ட்ரோல் + ஆரோ கீயினை அழுத்தினால் அது எந்த ஆரோ கீ என்பதற்கேற்ப டேட்டா அமைந்துள்ள செல்களில் முதல் செல்லுக்கும் கடைசி செல்லுக்கும் கர்சர் செல்லும்.

கண்ட்ரோல்+ ஷிப்ட்+ ஆரோ கீகளை அழுத்தினால் தற்போதைய செல் முதல் அழுத்தப்படும் ஆரோ கீயின் படி டேட்டா உள்ள முதல் அல்லது இறுதிச் செல் வரை தேர்ந்தெடுக்கப்படும். அதிகமான எண்ணிக்கையில் செல்களைக் கொண்டு ஒர்க் ஷீட் தயாரித்து வேலை பார்ப்பவர்களுக்கு இது மிகவும் உதவி செய்திடும் கீ சேர்க்கை ஆகும்.

3. SUMIF பங்சன்: ஒரு குறிப்பிட்ட கண்டிஷனில் மட்டுமே மேற்கொள்ளப்பட வேண்டிய கூட்டல்களுக்கு இந்த பங்சன் பார்முலா பயன்படுத்தப்படுகிறது. இதனுடைய பார்மட்: SUMIF (Range,” Comparison”,SumRange)

4. SUMPRODUCT: மேலே சொன்னபடியே செயல்படுத்தப்படும் இந்த பங்சன் இரண்டு டேட்டாவினப் பெருக்கிக் காட்டப் பயன் படுத்தப் படுகிறது.

இதன் பார்மட் SUM PRODUCT (array1, array2, array3, …) எடுத்துக்காட்டாக =SUMPRODUCT (A2:B4, C2:D4) என்று கொடுக்கலாம். இதிலிருந்து கிடைக்கும் விடையும் SUM (A2:B4*C2:D4) என்ற பார்முலாவிலிருந்து கிடைக்கும் விடையும் ஒன்றாகத்தான் இருக்கும் என்பதனை நினைவில் வைத்துப் பார்த்தால் இதன் செயல்பாடு புரியும்.

5. ROUND, ROUNDUP, ROUNDDOWN செயல்பாடுகள்: ROUND (Number,Digits) என்ற பார்மட்டில் கிடைக்கும் எண் அல்லது தரப்பட்ட எண் எத்தனை இலக்கங்களுக்குள் ளாக இருக்க வேண்டும் எனக் குறிப்பிடுகிறோமோ அந்த இலக்கங்களுக்காக ரவுண்ட் செய்து கிடைக்கும்.

இதில் Number என்பது எந்த எண்ணை ரவுண்ட் செய்ய எதிர்பார்க்கிறோமோ அந்த எண். Digits என்பது எத்தனை இலக்கங்களில் அது இருக்க வேண்டும் என நிர்ணயம் செய்கிறோமோ அந்த எண் ஆகும்.

ROUNDDOWN (Number, Digits) மற்றும் ROUNDUP (Number, Digits) ஆகியவை ROUND கட்டளை போலவே செயல்படுபவை. ஆனால் எந்த வகையில் ரவுண்ட் செய்யப்பட வேண்டும் என்பதனை இதில் முடிவு செய்து அளிக்கலாம்.

கீழே குறிக்கப்பட்டுள்ள ஷார்ட் கட் கீகளும் நாம் அடிக்கடி நினைவில் கொள்ள வேண்டியவை ஆகும்.

Alt + ‘: ஸ்டைல் டயலாக் பாக்ஸ் காட்டப்படும்

Ctrl + 9: படுக்கை வரிசைகளை மறைத்திட

Ctrl + Shift + 9: மறைத்த படுக்கை வரிசைகளை மீண்டும் பெற

Ctrl +0: நெட்டு வரிசைகளை மறைத்திட

Ctrl + Shift + 0: மறைத்த நெட்டு வரிசைகளை மீண்டும் பெற

F6 : அடுத்த பேன் பெற

Alt + F8: மேக்ரோஸ் டயலாக் பாக்ஸ் பெற

Alt + F11: :விசுவல் பேசிக் எடிட்டர் பெற

Ctrl + Shift + }: தற்போது கர்சர் இருக்கும் செல்லோடு நேரடியாகவோ மறைமுக மாகவோ தொடர்புடைய பார்முலா காட்டும் செல்கள் தேர்ந்தெடுக்க எக்ஸெல் ஒர்க் ஷீட்டில் சில சிறப்பு அடையாளங்களை கீ தொகுப்புகளை அழுத்துவதன் மூலம் பெறலாம். அந்த வகையில் நாம் அடிக்கடி பயன்படுத்தும் சிறப்பு அடையாளங்கள் இங்கு பட்டியலிடப் படுகின்றன.

Advertisements

எதற்கு மைக்ரோசாப்ட் மலிசியஸ் புரோகிராம்?

எதற்கு மைக்ரோசாப்ட் மலிசியஸ் புரோகிராம்?

மைக்ரோசாப்ட் விண்டோஸ் பயன் படுத்தி வரும் அனைவருக்கும் இந்த அனுபவம் ஏற்பட்டிருக்கும். ஒவ்வொரு முறை மைக்ரோசாப்ட் நிறுவனம் தன் அப்டேட் பைல்களை வெளியிடும் போதெல் லாம் அத்துடன் சேர்த்து Microsoft Windows Malicious Software Removal Tool என்ற ஒரு புரோகிராமினையும் சேர்த்து வெளியிடும்.

இந்த புரோகிராமினை டவுண்லோட் செய்து இன்ஸ்டால் செய்தால் நீங்கள் பதியும் அப்ளிகேஷன் புரோகிராம் களில் ஏதேனும் கெடுதல் விளைவிக்கும் வகையிலான புரோகிராம்கள் இணைந்து வருகிறதா என இது கண்காணித்து உங்களை எச்சரித்து அதனை நீக்கும்.

எடுத்துக் காட்டாக பிளாஸ்டர், சாசர் மற்றும் மைடூம் போன்ற கெடுதல் விளைவிக்கும் புரோகிராகளை இந்த புரோகிராம் அறிந்து நீக்குகிறது. பதியப்பட்ட புதிய புரோகிராமினை ஸ்கேன் செய்து அதில் இது போன்ற கெடுதல் விளைவிக்கும் புரோகிராம் இருந்தால் நீக்கிவிட்டு உங்களுக்கும் தகவல் தரும்.

இந்த சாப்ட்வேர் ரிமூவல் டூல் புரோகிராமும் அவ்வப்போது மேம்படுத்தப்பட்டு புதிய பதிப்புகளில் வெளிவருகிறது.

ஒவ்வொரு முறை அப்டேட் பைல்களுடன் வரும் இந்த புரோகிராமின் பதிப்பு உங்கள் கம்ப்யூட்டரின் பின் புலத்தில் அமர்ந்து கொண்டு இயங்கி இந்த பாதுகாப்பு வேலையை மேற்கொள்கிறது.

அப்படியானால் நாமாக இந்த தொகுப்பை இறக்கிக் கொள்ள முடியுமா என்றால் தாராளமாக மைக்ரோசாப்ட் இணையதளம் சென்று இதனை இறக்கிப் பதிந்து பின் இயக்கலாம்.

எப்படி ஆண்டி வைரஸ் மற்றும் வைரஸ் ஸ்கேனர் போன்ற புரோகிராம்களை அவ்வப் போது அப்டேட் செய்து மேம்படுத்திக் கொள்கிறோமோ அதே போல இந்த Malicious Software Removal Tool புரோகிராமினையும் அப்டேட் செய்து கொள்ள வேண்டும்.

வேர்டில் கோடுகள் உருவாக்கம்

வேர்டில் கோடுகள் உருவாக்கம்

வேர்ட் டாகுமெண்ட்கள் தயாரிக்கையில் கோடுகளை அமைப்பது நாம் அனைவரும் மேற்கொள்ளும் வழக்கமான செயலாகும். வெவ்வேறு பொருள் குறித்துச் சொல்லும் சொற்களை அல்லது பத்திகளை கோடுகளால் எல்லை கட்டிப் பிரித்துக் காட்டுகையில் அவற்றை தெளிவாக எடுத்துக் காட்ட முடிகிறது.

ஆனால் கோடுகள் அமைப்பது அவ்வளவு எளிதான வேலை இல்லை. மெனு சென்று பார்மட் தேர்ந்தெடுத்து கோடுகளை அமைத்து பின் மீண்டும் டெக்ஸ்ட் திரும்பி அவற்றை அமைக்க வேண்டியுள்ளது. ஒவ்வொன்றுக்கும் ஒரு முறை இந்த வழியைப் பின்பற்ற வேண்டும்.

இவ்வாறு மெனுக்களை நாடாமல் வேகமாக கோடுகளை அமைப்பதற்கு ஆறு வழிகள் காட்டப்படுகின்றன.

1. மூன்று முறை ஹைபன் – – – அடையாளக் கோட்டினை அமைத்து என்டர் தட்டுங்கள்; நீளமான சாதாரண கோடு தானே உருவாகும்.

2. கீழான கோடு சுசுசுசு மூன்று முறை அமைத்து என்டர் தட்டினால் நீளமான திக் கோடு அமையும்.

3. மூன்று ஆஸ்டெரிக்ஸ் (*) அடையாளத்தை அமைத்து என்டர் கொடுக்க புள்ளிகள் அமைந்த அழகான கோடு கிடைக்கும்.

4. ஈக்குவல் (=) அடையாளத்தை மூன்று முறை அமைத்து என்டர் அழுத்த மெல்லிதான இரண்டு கோடுகள் இணையாகச் செல்வதைப் பார்க்கலாம்.

5. மேலாகவும் கீழாகவும் மெல்லிய கோடுகளையும் இடையே திக்கான கோடும் அமைந்ததாக பார்டர் லைன் வேண்டும் என்றால் ஹேஷ் என்னும் அடையாளக் குறியீட்டை (#) மூன்று முறை டைப் செய்து என்டர் கொடுக்க வேண்டும்.

6. அலை அலையாய் நீளமான கோடு வேண்டுமா? டில்டே என்னும் அடையாளக் குறியீடு தெரியும் அல்லவா! கீ போர்டில் மேல் வரிசையில் முதல் கீ ஒன்று இருக்கும். இதனை ஷிப்ட் கொண்டு அழுத்த டில்டே (நு) கிடைக்கும். இதனை மூன்று முறை அமைத்து என்டர் தட்ட அலை அலையாய்கோடு கிடைக்கும்.

எக்ஸெல் பங்சன்கள்

எக்ஸெல் பங்சன்கள்

எக்ஸெல் தொகுப்பில் பெரும்பாலான டேட்டாக்கள் எண்களாகவே உள்ளன. இவற்றைக் கொண்டு பல பொதுவான கணிப்புகள் மேற்கொள்ளப்படுகின்றன. எனவே ஒவ்வொரு முறையும் இதற்கான பார்முலாக்களை அமைத்து செயல் படுத்தினால் நேரம் வீணாகும் என்பதற்காக எக்ஸெல் தொகுப்பில் டிபால்ட்டாக பல கணக்கீடு பங்சன்கள் தரப்பட்டுள்ளன. அவற்றில் நினைவில் கொள்ள வேண்டிய சில பங்சன்கள் குறித்த விளக்கங்கள் இங்கு தரப்படுகின்றன.

1. Average: கொடுக்கப்பட்டுள்ள பட்டியலில் உள்ள எண்களின் சராசரியைக் கணக்கிட்டு தருகிறது. இதனைப் பயன்படுத்தும் விதம்: AVERAGE (A:A4) இந்த பார்முலாவில் A1முதல் A4வரையிலான செல்களில் உள்ள எண்களின் சராசரி கணக்கிடப்பட்டு, அதாவது A1 முதல் A4 வரையிலான எண்கள் கூட்டப்பட்டு கூட்டுத் தொகை 4ஆல் வகுக்கப்பட்டு தரப்படும். இந்த பார்முலா எந்த செல்லுக்கென எழுதப் பட்டுள்ளதோ அந்த செல்லில் பதியப்படும்.

2. Count: கொடுக்கப்பட்டுள்ள செல்களில் எத்தனை செல்களில் மதிப்பு தரப்பட்டுள்ளது எனக் கணக்கிடப்பட்டு அந்த மதிப்பு பார்முலா தரப்பட்டுள்ள செல்லில் பதியப்படும். இதனை அமைக்கும் விதம் COUNT (A1:A4)

3.Max: கொடுக்கப்பட்டுள்ள பட்டியலில் உள்ள எண்களில் எது அதிக மதிப்புடையது என்று கண்டறிந்து சொல்லும். இதனைப் பயன்படுத்தும் விதம்: MAX(A1:A4) இந்த பார்முலாவில் A1 முதல் A4 வரையிலான செல்களில் உள்ள எண்களில் எது பெரிய எண் எனக் கண்டறிந்து அந்த மதிப்பு இந்த பார்முலா தரப்பட்டுள்ள செல்லில் பதியப்படும்.

4. Min: கொடுக்கப்பட்டுள்ள பட்டியலில் உள்ள எண்களில் எது குறைந்த மதிப்புடையது என்று கண்டறிந்து சொல்லும்.

இதனைப் பயன்படுத்தும் விதம்: Min (A1:A4) இந்த பார்முலாவில் A1முதல் A4 வரையிலான செல்களில் உள்ள எண்களில் எது குறைந்த மதிப்பு கொண்ட எண் எனக் கண்டறிந்து அந்த மதிப்பு இந்த பார்முலா தரப்பட்டுள்ள செல்லில் பதியப்படும்.

5 Sum: இந்த பங்சன் என்ன செய்கிறது? வரிசையாகத் தரப்படும் டேட்டாக்களைக் கூட்டுகிறது.

இதனைப் பயன்படுத்தும் விதம்: SUM (A1:A4) இந்த பார்முலாவில் A1 முதல் A4 வரையிலான செல்களில் உள்ள டேட்டாக்கள் கூட்டப் படுகின்றன.

இந்த பங்சனில் உள்ள பார்முலாவை எந்த செல்லில் அமைக்கிறீர்களோ அந்த செல்லில் இந்த கூட்டுத்தொகையின் மதிப்பு பதியப் படும். மேலே தரப்பட்டிருக்கும் எடுத்துக் காட்டுக்களில் செல்களின் எண்களாக நமக்குத் தேவைப் படும் செல்களின் எண்களைத் தரலாம்.

விண்டோஸ் விஸ்டா Windows Vista

விண்டோஸ் விஸ்டா Windows Vista

நீங்கள் விண்டோஸ் விஸ்டா பயன் படுத்துகிறீர்களா! அப்படியானால் நீங்கள் அவசியம் இதனைப் படித்து செயல்பட வேண்டும். இந்த ஆப்பரேட்டிங் சிஸ்டத் திற்கான சர்வீஸ் பேக் 2ஐ மைக்ரோசாப்ட் நிறுவனம் வெளியிட்டுள்ளது.

இந்த சர்வீஸ் பேக்கில் முதல் சர்வீஸ் பேக் வெளியான பின் வந்துள்ள அனைத்து மேம்பாடு மற்றும் பாதுகாப்பிற்கான பைல்கள் அனைத்தும் தரப்பட்டுள்ளன. கூடுதலாக விஸ்டாவுடனான அனுபவத்தினை மேம்படுத்தும் விஷயங்களும் தரப்பட்டுள்ளன.

புதிய அனுபவம் எது என மைக்ரோசாப்ட் கூறுவதனைப் பார்க்கலாமா!

1. இதன்புளுடூத் புரோடோகால் தொகுப்பு மேம்படுத்தப்பட்டு இப்போது புளுடூத் 2.1 பதிப்பிற்கான வகையில் மாற்றப் பட்டுள்ளது.

2. தனி புரோகிராம் எதுவும் இணைக்காமல் புளு ரே டிஸ்க்கினை இயக்கலாம். (ஆனால் புளு ரே பர்னருக்கு இணையான புரோகிராம் தேவைப் படும்)

3. விஸ்டா சைட் பாருக்கான மேம்பாடு வழங்கப்பட்டுள்ளது.

4. ஸ்லீப் மோடிலிருந்து வெளியே வந்தபின் நன்றாக இயங்கும் வகையில் மேம்படுத்தப்பட்ட வை–பி வசதி தரப்பட்டுள்ளது.

இவை எல்லாவற்றிற்கும் மேலாக மைக்ரோசாப்ட் கூறியுள்ளது இங்கு குறிப்பிடத்தக்கது. இந்த எஸ்.பி.2 பேக்கில் ஏறத்தாழ 700 பிழைகள் சரி செய்யப்பட்டுள்ளதாக அறிவிக்கப்பட்டுள்ளது. இதனால் ஆப்பரேட்டிங் சிஸ்டம் இயங்குவது 10 சதவிகித அளவில் மேம்பாடு அடையும்.

விஸ்டா எஸ்.பி. 2 பைல் சற்று பெரியதாக உள்ளது.

உங்களிடம் டயல்அப் கனக்ஷன் இருக்கும் பட்சத்தில் இன்று இரவு இதனை டவுண்லோட் செய்திடுவது நல்லது. பைலின் அளவு 348.3 எம்பி ஆகும். இரவில் பேண்ட்வித் ட்ராபிக் அவ்வளவாக இருக்காது என்பதால் இந்த அறிவுரை.

நீங்கள் சர்வீஸ் பேக் 2 இறக்கிப் பதிய வேண்டுமென்றால் சர்வீஸ் பேக் 1 ஏற்கனவே பதிந்திருக்க வேண்டும். இந்த சர்வீஸ் பேக் இரண்டும் மைக்ரோசாப்ட் இணைய தளத்தில் கிடைக்கின்றன.

32 பிட் விஸ்டா சிஸ்டத்திற்கான சர்வீஸ் பேக் பெற தள முகவரி: http://www.microsoft.com/downloads/details.aspx?FamilyIDa4dd31d5f90744069012a5c3199ea2b3&DisplayLangen

64 பிட் விஸ்டா சிஸ்டத்திற்கான சர்வீஸ் பேக் பெற தள முகவரி: http://www.microsoft.com/downloads/details.aspx?FamilyID656c9d4a55ec4972a0d7b1a6fedf51a7&DisplayLangen

உங்கள் மூளையின் அட்லஸ்

உங்கள் மூளையின் அட்லஸ்

மூளை, மூளையிலிருந்து மட்டுமே நம் சுகம், இன்பம், சிரிப்பு, திட்டம், சிரிப்பு, சோகம் என அனைத்தும் வெளியாகின்றன என ஹிப்போகிரேட்டஸ் என்னும் அறிஞர் கூறுவார்.

இத்தகைய அற்புதமான சக்தி கொண்ட மூளையைப்பற்றி நாம் அறிந்திருக்கிறோமா? இல்லையே. நாம் நம் கம்ப்யூட்டரின் சிபியுவில் உள்ளதைப் பற்றி அறிந்த அளவு கூட நம் மூளையைப் பற்றி அறிந்ததில்லை. ஏன்? பயமா? இல்லை. அதனை ஒரு பொருட்டாக நாம் கருதுவதே இல்லையா? அல்லது மூளை தான் நம் வாழ்க்கை யின் அனைத்து செயல்பாடுகளையும் கட்டுப்படுத்தி காரணமாய் உள்ளது என்று தெரியாதா?

ஏதோ ஒன்று நாம் நம் மூளையின் வெவ்வேறு செயல்பாடுகள் குறித்து அறியாமல் இருக்கி றோம். இனிமேல் அறிய வேண்டும் என்றால் என்ன செய்யலாம்? இருக்கவே இருக்கிறது இன்டர்நெட். ஒரு சாதாரண மனிதனும் மூளையின் அமைப்பு மற்றும் செயல்பாடுகள் குறித்து அறியும் வகையில் ஓர் இணைய தளம் அமைக்கப்பட்டு இயங்கி வருகிறது.

இதன் முகவரி http://www.brainexplorer.org இந்த தளத்தில் நாம் எதனை எல்லாம் அறிய விரும்புவோம் என்று தீர்க்கதரிசனமாக ஆய்வு செய்து கிடைத்த தகவல்களின் படி பல பிரிவுகளை அமைத்துள்ளனர்.

முதல் பிரிவு Brain Atlas இதில் மூளையின் கட்டமைப்பு நமக்குக் காட்டப்படுகிறது. முன் மூளை, பின் மூளை, நடுமூளை, தண்டுவடம் எனப் பல பிரிவுகள் இருப்பது இதில் தெரிய வருகிறது. ஒவ்வொரு பிரிவும் எந்த உடல் பகுதியுடன் சம்பந்தப்பட்டது, எந்த வேலையை ஆணையிடுகின்றன, எந்த செயல்பாட்டினைக் கட்டுப்படுத்துகின்றன என்று செயல்படுத்திக் காட்டப்படுகிறது. இந்தப் பிரிவு முழுவதும் நமக்கு மிகவும் ஆச்சரியப்படத்தக்க தகவல்கள் தரப்படுகின்றன.

அடுத்த பிரிவு Focus on Brain Disorders. இதில் நம் உணர்வு பூர்வமான நோய்களும் மூளை நோய்களும் விளக்கப்படுகின்றன. மூளையின் எந்த பகுதி எதனால் பாதிக்கப்படுகிறது என்பது சிறப்பாக விளக்கத்துடன் காட்டப்படுகிறது.

எதிலும் அளவுக்கதிகமாக ஆர்வம் கொண்டிருப்பதால் ஏற்படும் பிரச்சினைகள், மனக் குழப்பம், வலிப்பு, ஒற்றைத் தலைவலி, அடுக்கடுக்கான தலைவலி, பயத்தால் நிதானமிழத்தல், பார்க்கின்ஸன் வியாதி, தூக்க வியாதி, பக்க வாத நோய் எனப் பல வகையான மூளை சம்பந்தப்பட்ட வியாதிகளுக்கான காரணங்கள், அவற்றை முன்கூட்டியே தடுக்க நாம் மேற்கொள்ள வேண்டிய வழிமுறைகள் என எக்கச்சக்க தகவல்கள் காணப்படுகின்றன.

இந்த பிரிவினை அனைவரும் கட்டாயம் படிக்க வேண்டும். மூளை சம்பந்தப்பட்ட சொற்களையும் அதற்கான விளக்கங்களையும் Glossary பிரிவு தருகிறது.

அடுத்ததான பிரிவு மூளை கட்டுப்படுத்தும் நரம்பு மண்டலம் குறித்த தகவல்களைத் தருகிறது. பலவகையான நோய்களின் அடிப்படை குறித்து விளக்கம் தந்து அவை எதனால் ஏற்படுகின்றன என்றும் வழி காட்டுகிறது.

மூளை எப்படி எல்லாம் இருக்கிறது என்று பார்க்க விருப்பமா? Gallery என்ற இதன் பிரிவிற்குச் செல்லுங்கள். இங்கு மூளையின் படங்கள் பல்வேறு வகையான தோற்றங்களில் தரப்பட்டுள்ளது. மருத்துவ மாணவர்களுக்கு இது மிகவும் உதவும் பிரிவாகும். இந்த தளத்தின் சிறப்பு இதன் ஸ்டைல் ஆகும். அனைவருக்கும் புரியும் வகையில் மிகவும் குழப்பமான விஷயங்களை வெளிக் கொண்டு வருவதை இந்த தளம் மிகச் சிறப்பாகச் செய்கிறது. அவசியம் அனைவரும் பார்க்க வேண்டிய இணைய தளம் இது.

பைலை மவுஸ் தூக்கிக் கொண்டு வருமா!

பைலை மவுஸ் தூக்கிக் கொண்டு வருமா!

மவுஸ் – இன்று கம்ப் யூட்டரின் பிரிக்க முடியாத ஒரு பகுதியாக மவுஸ் மாறிவிட்டது. லேப் டாப்பிற்கான டச் பேட் மற்றும் கிராபிகல் பென் போல, மவுஸ் மாறிவிட்டது; செயல்படுகிறது. மவுஸ் இல்லாமல் கம்ப்யூட்டர் இயக்கத்தை எண்ணிப் பாருங்கள். அய்யய்யோ என்கிறீர்களா! ஆம் நிச்சயம் அது வெகு கஷ்டமான காரியம். குறிப்பாக இன்டர்நெட் அல்லது வழக்கமான செயல் பாடு இல்லாமல் மிகவும் ஹெவியான கம்ப்யூட்டர் செயல்பாடாக இருப்பின் மவுஸ் இல்லாமல் இயங்குவது மிகவும் சிரமமான ஒன்றாக மாறிவிடும்.

இதற்குக் காரணம் மவுஸ் நம் பெரும்பாலான கம்ப்யூட்டர் பணிகளை மிக மிக எளிதாக மாற்றுகிறது. எடுத்துக் காட்டாக டைரக்டரி ஒன்றில் உள்ள ஒரு பைலை மவுஸ் வருவதற்கு முன்னால் டாஸ் இயக்கத்தில் இன்னொரு டைரக்டரிக்கு மாற்ற வேண்டுமானால் டிரைவில் உள்ள கமாண்ட் ப்ராம்ப்ட் என்னும் கட்டளைப் புள்ளியில் சரியான வகையில் அதன் வழியினை அமைத்து என்டர் தட்ட வேண்டும்.

இதில் ஏதேனும் கூடுதலாக ஒரு கமா, அல்லது இடைவெளி இருந்தால் கட்டளை நிறைவேறாது. மவுஸ் என்றால் அப்படியே இரண்டு எக்ஸ் புளோரர் விண்டோவினைத் திறந்து பைலின் மீது மவுஸின் கர்சரை வைத்து அழுத்திப் பிடித்தவாறே இழுத்து வந்து போட்டுவிடலாம்.

இது ஒன்றும் புதிய விஷயம் இல்லை; கம்ப்யூட்டர் பயன் படுத்தும் நான் அனைவரும் செய்திடும் வேலைதான். இதில் என்ன இருக்கிறது என்கிறீர்களா? மேலே படியுங்கள்.

எப்படி வெவ்வேறு இடங்களுக்கு பைலை மவுஸ் மூலம் எடுத்துச் செல்கிறீர்கள். முதலில் பைலின் பெயர் மீது கிளிக் செய்கிறீர்கள்.

பின்னர் மவுஸின் இடது பட்டனை (இடது கைப் பழக்கம் இருந்தால் வலது பட்டன்) அழுத்தியவாறே இழுத்து எங்கு விட வேண்டுமோ அங்கு விட வேண்டும். இடையே எங்காவது விட்டுவிட்டால் என்னவாகும்? திருவிழாவில் தொலைந்த குழந்தை போல எந்த போல்டர் அல்லது டைரக்டரி என்று அறியமுடியாத இடத்தில் பைல் அமர்ந்து கொள்ளும்.

மவுஸைக் கட்டாயம் கவனமாக அழுத்தியவாறு தான் இந்த பைல் இட மாற்று வேலையைச் செய்திட வேண்டுமா? இதற்குப் பதிலாக விண்டோஸ் இயக்கத்திடம் எனக்குப் பதிலாக உன்னுடைய மவுஸை இந்த பைலைப் பிடித்து எடுத்துக் கொண்டு போகச் சொல்லு.

நான் அந்த நேரத்தில் ஒரு மடக்கு காப்பியைக் குடித்துக் கொள்கிறேன் என்று சொல்ல முடியுமா? முடியும். என்ன முடியுமா? எப்படி என்று ஆச்சரியப்பட வேண்டாம். மேலே படியுங்கள்.

விண்டோஸ் இயக்கத்தில் மவுஸ் பேனலில் இந்த வசதி தரப்பட்டுள்ளது. மவுஸால் பைலை சில நொடிகள் கிளிக் செய்திடலாம். பின் அப்படியே அந்த பைலை மவுஸ் பிடித்துக் கொள்ளும்.

நீங்கள் விரல்களை அல்லது கையை எடுத்துவிடலாம். அப்போது உங்கள் பைல் மவுஸுடன் தானாக லாக் ஆகிவிடும். இதன் பின் உங்கள் மவுஸை அதன் பட்டனைப் பிடித்து அழுத்தாமல், அதனை மட்டும் இழுத்து பைலை வேண்டிய இடத்தில் விட்டுவிடலாம். இது எப்படி என்று பார்த்து செட் செய்வோமா!

இந்த தொழில் நுட்பத்தை (!) மேற்கொள்ள முதலில் Start பட்டன் அழுத்தித் திறக்கவும். பின் Control PanelIz ஐத் திறக்கவும். கண்ட்ரோல் பேனலில் நீங்கள் Classic View வினைக் கொண்டிருப்பதனை உறுதி செய்து கொள்க.

Category  வியூவில் இருந்தால் மாற்றிக் கொள்க. இந்த பட்டியலில் Mouse  ஐகானத் தேர்ந்தெடுக்கவும். இப்போது Mouse Properties  விண்டோ கிடைக்கும். இந்த விண்டோவின் மேலாக உள்ள டேப்களைக் காணவும். Buttons   என்று ஒரு டேப் காணப்படும்.

இந்த விண்டோவின் கீழ்ப்பகுதியைப் பார்க்கவும். இங்கு தான் Click Lock Properties காணப்படும். இதில்  “Turn On ClickLock ” என்று இருப்பதில் டிக் அடையாளம் ஏற்படுத்தவும்.

இப்போது கிளிக் லாக் செட்டிங்ஸ் பட்டன் தெரியும். இதில் கிளிக் செய்தால் ஒரு சிறிய விண்டோ எழுந்து வரும். இதுதான் கிளிக் லாக் செட்டிங்ஸ் விண்டோ. இதில் ஒரு பார் இருக்கும்.

2) இந்த பாரில் செட் செய்வதன் மூலம் (Short Long) மவுஸ் உங்கள் ஆப்ஜெக்டை எவ்வளவு நேரம் உங்களுக்காகப் பிடித்துக் கொண்டிருக்க வேண்டும் என்பதனைத் தீர்மானிக்கலாம்.

நீண்ட நேரம் பிடித்துக் கொண்டிருக்க வேண்டும் என்றால் Long  என்பதை செலக்ட் செய்திடலாம். ஒன்றை நினைவில் வைத்துக் கொள்ளுங்கள்.

இந்த பைல் அல்லது ஆப்ஜெக்ட்டைப் பிடித்துக் கொண்டிருக்கும் வேலையை நீங்கள் உங்கள் மவுஸ் மூலம் பிடித்துக் கொள்ளவில்லையே தவிர அதனை அதற்கென உருவாக்கப்பட்ட சாப்ட்வேர் புரோகிராம் பிடித்து வைத்துக் கொண்டுள்ளது.

இதனை சோதனை செய்திட Short   அருகே ஒரு புள்ளியில் செலக்ட் செய்து பின் மவுஸால் விண்டோவின் மேல் பாரில் கிளிக் செய்து பின் மவுஸை மட்டும் நகர்த்துங்கள். விண்டோ நகர்வதனைப் பார்க்கலாம்.

மவுஸின்பட்டனை அழுத்தாமல் விண்டோ நகர்வது ஆச்சரியமாக இல்லை! Long தேர்ந்தெடுத்தால் அந்த நேரத்திற்கு முன்பாகவே ஆப்ஜெக்டை விட வேண்டும் என்றால் நீங்களாக மேனுவலாக பட்டனைக் கிளிக் செய்து மேற்கொள்ள வேண்டும்.  இந்த கிளிக் லாக் செட்டிங்ஸ் முடித்து அனைத்து ஓகே பட்டன்கள் மீதும் கிளிக் செய்து வெளியேறுங்கள். இனி மவுஸுக்கு பைல் தூக்கும் வேலையைக் கொடுங்கள்.

டிஸ்க் டிக்கர்

டிஸ்க் டிக்கர்

எத்தனை முறை பைல்களைக் கையாளும் விதம் குறித்தும் அவற்றை அழிக்கும் முன் எச்சரிக்கையாகச் செயல்படுங்கள் என்று எழுதினாலும் பல வாசகர்கள் தாங்கள் தெரியாமல் ஒரு சில பைல்களை அழித்துவிட்டோம்; எப்படியாவது அவற்றைப் பெற உதவிடுங்கள் என்று கடிதங்கள் எழுதுகின்றனர்.

இந்த மலரில் அப்படிப்பட்ட இக்கட்டான சூழ்நிலையில் நமக்கு உதவிடும் புரோகிராம்கள் குறித்து பல தகவல்கள் தரப்பட்டுள்ளன.

சில வாரங்களுக்கு முன் ரெகுவா என்று ஒரு அழித்த பைல்களை மீட்டுத் தரும் புரோகிராம் பற்றி எழுதி இருந்தோம். இதோ இன்னொரு பயனுள்ள புரோகிராம்:

டிஸ்க் டிக்கர் (Disk Digger) கம்ப்யூட்டரின் ஹார்ட் டிஸ்க் மட்டுமின்றி பிளாஷ் டிரைவ், டிஜிட்டல் கேமரா மெமரி மற்றும் பிற மெமரி மீடியாக்களில் அழித்த பைல்களையும் மீட்டுத் தரும் என்பது இதன் சிறப்பு.

மீண்டும் பார்மட் செய்யப் பட்ட அல்லது சரியாக பார்மட் செய்யப்படாத டிஸ்க்குகளில் இருந்தும் பைல்களை மீட்டுத் தரும் என்பது கூடுதல் சிறப்பு. Disk Digger ஒரு இலவச புரோகிராம். விண்டோஸ் இயக்கத்தில் இயங்குகிறது. இதனை உருவாக்கியவர் டிமிட்ரி ப்ரையண்ட் என்பவர். இது ஓர் அளவில் சிறிய எக்ஸிகியூட்டபிள் புரோகிராம்.

ஒரு ஸிப் பைலுக்குள்ளாகக் கிடைக்கிறது. இதனை இன்ஸ்டால் செய்திட வேண்டியதில்லை. இதன் எக்ஸிகியூட்டபிள் பைலை இயக்கி எந்த டிரைவினை ஸ்கேன் செய்திட வேண்டுமோ அதனைத் தேர்ந்தெடுக்கவும்.

அழிந்த பைல்களை மீட்டுத் தர இரு வழிகள் தரப்பட்டுள்ளன. ஆழமாக (“dig deep”) டிரைவ்களில் மூழ்கி அழிக்கப்பட்ட பைல்களைத் தேடுதல். இந்த வகையில் முழு டிரைவும் ஸ்கேன் செய்யப்பட மாட்டாது. விண்டோஸ் இயக்கத் தில் நாம் அதிகம் புழங்காத பைல் வகைகளை விட்டுவிடும்.

அதிக ஆழமாகத் தேடும் வகையில் இந்த புரோகிராம் அழித்த பைல் குறித்த தகவல்களைப் பெறும். ஆனால் பைலின் பெயரைப் பெற்றுத் தராது. எந்த எந்த அழிக்கப்பட்ட பைல்களை மீண்டும் பெற முடியும் என்று அதன் பெயர்கள் அல்லது தானாக அமைந்த பெயர்கள், உருவாக்கப்பட்ட தேதி, எடிட் செய்யப்பட்ட தேதி, பைலின் அட்ரிபியூட்ஸ் என்று சொல்லப் படுகிற பைலின் தன்மை, அதன் அளவு ஆகியவை பட்டியலிடப் படும்.

இந்த பட்டியலைப் பார்த்து இன்னும் அந்த பைலில் டேட்டா பத்திரமாக உள்ளதா என அறிந்து கொள்ளலாம். பின் அந்த பைல் அல்லது பைல்களைத் தேர்ந்தெடுத்து Restore selected file(s)” என்ற கட்டளை கொடுக்கலாம். அதன் பின் எந்த டைரக்டரியில் இந்த பைல்களை வைத்திட வேண்டும் எனத் தேர்ந்தெடுத்து கட்டளை கொடுத்தால் பைல்கள் மீட்கப்பட்டு நமக்குக் கிடைக்கும்.

இந்த புரோகிராமினை இலவசமாகப் பெற http://dmitrybrant.com/diskdigger என்ற முகவரிக்குச் செல்லவும்.

எக்ஸெல் – ஷிப்டிங் செல்ஸ்

எக்ஸெல் ஒர்க் ஷீட் ஒன்றில் டேட்டாவினை அமைத்து செயல்பட்டுக் கொண்டிருக்கையில் சந்தோஷமாக அதனை முடிக்கும் வேளையில் மீண்டும் ஒரு சில தகவல்கள் வருகின்றன. அந்த டேட்டாக்களை ஏற்கனவே அமைக்கப்பட்ட செல்களின் ஊடாக அமைக்க வேண்டும். இந்த டேட்டாவிற்கு என புதிய வரிசைகளை இன்ஸெர்ட் செய்தால் மற்ற நேரான டேட்டா மாறிவிடும்.

அப்படியானால் நெட்டு வரிசையில் மட்டும் நமக்கு இரு செல்களை இணைக்க வேண்டும் என்றால் என்ன செய்வது?

இணைக்க வேண்டிய இடத்தின் கீழாக உள்ள செல்களில் உள்ள டேட்டாவினை மொத்தமாக செலக்ட் செய்து அப்படியே கீழே இழுக்கலாமா? இதுவும் பிரச்சினையில் முடியும். ஏனென்றால் பெரிய அளவில் டேட்டா இருந்தால் சிக்கல்தானே.

இதற்கான தீர்வினை எக்ஸெல் கொண்டுள்ளது. டேட்டாக்கள் அமைக்கப்பட்ட செல்களின் ஊடாக மேலும் டேட்டாவினை அமைக்க காலி செல்களைத் தருகிறது. செல்கள் மட்டுமே தருகிறது. முழு வரிசைகளை அல்ல. அருகில் உள்ள படத்தைப் பாருங்கள்.

நெட்டு வரிசையில் ஒருசெல் மட்டும் இடையே செருகப் பட்டுள்ளது. இதனால் மற்ற வரிசைகள் பாதிக்கப்படவில்லை. இது எதற்குப் பயன் படுகிறது என்று பார்க்கலாம். முதலில் உங்களுக்கு ஏற்கனவே டேட்டாக்களுடன் அமைந்த செல்களில் சில வற்றை மாற்ற வேண்டும் என்ற தேவை ஏற்பட வேண்டும்.

பின் சரியாக எத்தனை செல்கள் நகர்த்தப்பட வேண்டும் என்று கண்டறிந்து குறிக்க வேண்டும். இதன் பின் எத்தனை செல்கள் காலியாகத் தேவை என நிர்ணயம் செய்து கொள்ள வேண்டும்.

எந்த செல்கள் காலியாக இருக்க வேண்டும் என்று விரும்புகிறோமோ அவற்றைத் தேர்ந்தெடுக்க வேண்டும். பின் இன்ஸெர்ட் மெனு செல்லவும். அதில் செல்ஸ் என்பதைத் தேர்ந் தெடுக்கவும். அல்லது இதற்குப் பதிலாக கண்ட்ரோல்+ ஷிப்ட்++ (கூட்டல் அடையாளம்) அடுத்து இன்ஸெர்ட் விண்டோ கிடைக்கும். அதில் பல ஆப்ஷன்கள் தரப்பட்டிருக்கும்.

செல்களை வலது புறம் அல்லது கீழாக நகர்த்த ஆப்ஷன்ஸ் கிடைக்கும். இதற்கும் கீழே முழு நெட்டு வரிசை அல்லது முழு படுக்கை வரிசையையும் மாற்றிட ஆப்ஷன்ஸ் இருக்கும்.

எந்த மாதிரியான ஷிப்ட் தேவை என நீங்கள் திட்டமிடுகிறீர்களோ அதற்கான வரியைத் தேர்ந்தெடுத்து ஓகே கிளிக் செய்திடவும். உடனே உங்களுக்குத் தேவையான காலி செல்கள் மற்ற டேட்டாக்களை மாற்றிடாமல் அமைக்கப்பட்டிருப்பதனைக் காணலாம். இதற்கு மாற்று இணையாக செல்களை அழிப்பதற்கு டெலீட் விண்டோவுடன் இதே போன்று ஆப்ஷன்களுடன் விண்டோவும் தரப்படும். அதன் மூலம் செல்களை அழிக்கலாம்.

கூகுள்வேவ் – அடுத்த தலைமுறையின் அதிரடி புரட்சி

கூகுள்வேவ் – அடுத்த தலைமுறையின் அதிரடி புரட்சி

இணையம் மற்றும் டிஜிட்டல் சாதனப் பயன் பாடுகளில் அடிக்கடி ஏதேனும் புதுமையைப் புகுத்தி வரும் கூகுள் நிறுவனம் அண்மையில் சான்பிரான்சிஸ்கோவில் நடைபெற்ற கூகுள் கருத்தரங்கில் அதிரடி அறிவிப்பு ஒன்றினை வெளியிட்டுள்ளது.

புதுமையான கூகுள்வேவ்” என ஒரு சேவையைத் தர இருப்பதாகத் தெரிவித்துள்ளது. மனித வாழ்க்கையில் மாபெரும் புரட்சியை ஏற்படுத்தி வாழ்க்கையின் அடிப்படையில் புதிய தெரு பரிமாணத்தை இமெயில் ஏற்படுத்தியது. மற்ற இணையப் பயன்பாடுகளுடன் இது இணைந்து மனிதனின் சிந்தனைப் போக்கையும் வாழ்க்கையின் நடைமுறையையும் இமெயில் மாற்றியது.

தற்போது கூகுள் அறிவித்திருக்கும் கூகுள் வேவ் இதே போல ஒரு மாற்றத்தை ஏற்படுத்தும் என்று எதிர்பார்க்கப்படுகிறது.

கூகுள்வேவ்” என்பது என்ன? தற்போதைய இமெயில், இன்ஸ்டண்ட் மெசஞ்சர் ஆகியவற்றின் ஓர் விரிவாக்கம் என்று இப்போதைக்குச் சொல்லிக் கொள்ளலாம். இது ஒரு பைல் ஷேரிங் தொழில் நுட்பம் என்று சரியாகப் பெயர் தரலாம்.

கூகுள் வேவ் மூலம் இதனைப் பயன்படுத்துபவர்கள் படங்கள், போட்டோக்கள், வீடியோ கிளிப்களைத் தங்களிடையே பரிமாறிக் கொள்ளலாம். ஒருவருக்கொருவர் தொடர்ந்து பேசிக் கொள்ளலாம்.

இதுதான் ஏற்கனவே இருக்கிறது என்று எண்ணுபவர்கள் கூகுள் இந்த வசதியில் தான் அதிரடியாக ஒன்றைக் கொண்டு வர இருக்கிறது என்ற எதிர்பார்ப்பினை மட்டும் இப்போதைக்கு வைத்துக் கொள்ளலாம். கூகுள் வேவ் வந்தபின் அனுபவித்துப் பார்த்தால் தான் இது தெரியவரும்.

இதில் இன்னொரு சிறப்பு என்னவென்றால் இது ஒரு ஓப்பன் சோர்ஸ் ப்ராஜக்ட்டாக கூகுள் இயக்குகிறது. இதன் கட்டமைப்பு தொடர்ந்து உருவாக்கப்பட்டு வருகிறது.

யார் வேண்டுமானாலும் இதில் பதிந்து தங்களையும் அதனை உருவாக்கும் பணியில் ஈடு படுத்திக் கொள்ளலாம். எனவே டெவலப்பர்கள் என்னும் இணைய தொழில்நுட்ப வல்லுநர்கள் இதில் கலந்து கொள்ளலாம் கூகுள் நிறுவனத்தில் கூகுள் மேப்ஸ் தயாரித்த வல்லுநர் குழுதான் கூகுள் வேவ் உருவாக்குவதிலும் ஈடுபட்டு வருகிறது.

கூகுள் வேவ் எப்போது வெளிவரும் என இன்னும் அந்த நிறுவனம் அறிவிக்கவில்லை. நீங்கள் இது குறித்து அதிக ஆவல் கொண்டிருந் தால், கூகுள் வேவ் பற்றிய அறிவிப்புகள் உங்களை முதலில் வந்தடைய வேண்டும் என எண்ணினால் http://wave.google.com   என்ற முகவரியில் உள்ள தளத்திற்குச் செல்லுங்கள். அங்கு கூகுள் வேவ் பற்றிய சில குறிப்புகள் உள்ளன. உங்கள் இமெயில் முகவரியினைப் பதிந்து கொள்ளுங்கள். பின் உங்களுக்கு இந்த தகவல்கள் தொடர்ந்து தெரிவிக்கப்படும்.

நீங்கள் கணிப்பொறி வல்லுநராக இருந்து இந்த திட்டத்தில் பங்கு கொள்ள வேண்டும் என்றால் http://googleblog.blogspot.com/2009/05/wentwalkaboutbroughtbackgooglewave.html   என்ற முகவரிக்குச் செல்லவும்.

ஸ்லைட் மார்ஜின் வேர்ட் – எக்ஸெல்

ஸ்லைட் மார்ஜின் வேர்ட் – எக்ஸெல்

தலைப்பைப் பார்த்தவுடன் ஸ்லைட் மார்ஜி னில் என்ன இருக்கிறது? அதுவும் வேர்ட் மற்றும் எக்ஸெல் தொகுப்பு இரண்டிலுமாக என்றெல்லாம் எண்ணங் கள் ஓடுகின்றனவா? எண்ணிப் பாருங்கள்;

ஒரு அருமையான வேர்ட் டாகுமெண்ட் தயாரித்துள்ளீர்கள். ஒரு பக்கத்திற்குள் அது முடிந் தால் நன்றாக இருக்கும் என்று சிரமத்துடன் எடிட் செய்து பார்த்தாலும் அது இரண்டு பக்கத்திற்குச் செல்கிறது. என்ன செய்யலாம்?

இதற்கான பல தீர்வுகளில் ஒன்றுதான் மார்ஜின்களை அட்ஜஸ்ட் செய்வது. இந்த முடிவு எடுத்தவுடன் உங்களில் பலர் File  மெனு சென்று பின் Page Setup தேர்ந்தெடுத்து அதில் கிடைக்கும் விண்டோவில் Margins  டேப் கிளிக் செய்து அட்ஜஸ்ட் செய்யலாம். அதன் பின் ஓகே கிளிக் செய்து வெளியேறலாம்.

நம்மில் பலர் செய்திருக்கிறோம். ஆனாலும் இது அவ்வளவு எளிதல்ல; பல முறை இந்த பேஜ் செட் அப் விண்டோவிற்குச் செல்ல வேண்டும். மார்ஜினை இதில் அட்ஜஸ்ட் செய்தவுடன் டாகுமெண்ட் ஒரு பக்கத்திற்குள் வருமா என்று தெரியாது.

மேலும் ஒரு பக்கத்தில் மிகச் சிறியதாக அமைந்து அழகான தோற்றத்தில் அமையாது. எனவே பலமுறை இந்த விண்டோ சென்று அட்ஜஸ்ட் செய்திட வேண்டும். இது நிச்சயம் ஒரு சிலருக்கு விரக்தியைத் தரும்.

இந்த முயற்சியில் தங்களின் ஒரு பக்க டாகுமெண்ட் இலக்கையே சிலர் தியாகம் செய்துவிடுவார்கள்.

ஒரு சிலர் பேஜ் லே அவுட் வியூ சென்று இதனை மேற்கொள்ள முயல்வார்கள். View மெனுவில் Page Layout தேர்ந்தெடுத்து பின் மீண்டும் View  மெனுவில் Rulers கிளிக் செய்து மேலே கூறிய அதே முயற்சியில் ஈடுபடுவார்கள்.

இந்த முயற்சி நமக்கு ஓரளவிற்குச் சுதந்திரம் தரும்; ஏனென்றால் ரூலரில் உள்ள மார்ஜினைக் கைப்பற்றி இழுத்து அமைக்கலாம். இங்கும் பிரச்சினை தான். மேலும் கீழுமாக மார்ஜின்களை மாற்றி அமைக்க வேண்டியதிருக்கும். இடது வலதாகவும் மார்ஜின் அட்ஜஸ்ட் மெண்ட் செய்து கொண்டே இருக்க வேண்டும்.

மேலே சொன்ன அனைத்து வழிகளும் இல்லாமல் வேறு ஏதேனும் சிறப்பான சுமுகமான வழி இருக்கிறதா? ஆம், உள்ளது. ஒரே முறையில் மார்ஜின் அட்ஜஸ்ட் செய்வதன் மூலம் டாகுமெண்ட்டை ஒரு பக்கத்தில் கொண்டு வந்துவிடலாம்.

இதற்கு வேர்ட் தொகுப்பில் பிரிண்ட் பிரிவியூ (Print Preview)  ஆப்ஷனை முதலில் தேர்ந்தெடுக்கவும். இதற்கு File மெனு சென்று விரியும் மெனுவில் Print Preview  த் தேர்ந்தெடுக்கலாம். அல்லது ஸ்டாண்டர்ட் டூல் பார் மேலே காட்டப் பட்டால் அதில் உள்ள பிரிண்ட் பிரிவியூ ஐகானைக் கிளிக் செய்திடலாம். அல்லது கண்ட்ரோல் + எப்2 கீகளை அழுத்தலாம்.

சரி, ஏதோ ஒரு வழியில் பிரிண்ட் பிரிவியூ காட்சி ஸ்கிரீனில் தோன்றச்செய்துவிட்டீர்கள். இங்கு ரூலர் காட்டப்பட வேண்டும். தோன்றவில்லை என்றால் வியூ மெனு சென்று ரூலர் என்பதில் கிளிக் செய்தால் மேலாக ரூலர் கிடைக்கும். அல்லது ரூலர் பட்டனில் கிளிக் செய்திட வேண்டும்.

ரூலர் தோன்றத் தொடங்கிவிட்டால் நீங்கள் மார்ஜினைச் சுற்றி வந்து அதனைச் சரி செய்திடலாம். இனி ரூலர் மேலாக உங்கள் கர்சரைக் கொண்டு செல்லவும். குறிப்பாக எங்கு ரூலர் பளிச்சென்ற நிறத்திலிருந்து வெளிர் நிறத்திற்கு மாறுகிறதோ அங்கு கர்சரைக் கொண்டு செல்லுங்கள். இப்போது கர்சர் இரு புறம் அம்புக் குறி கொண்ட கர்சராகத் தோற்றம் பெறும்.

இப்போது மவுஸின் இடது பட்டனை அழுத்திப் பிடித்துக் கொண்டு மார்ஜின் எந்த இடத்தில் இருந்தால் சரியாக இருக்குமோ அந்த இடத்திற்கு இழுத்துச் செல்லுங்கள். இப்போது கீழாகத் தோற்றமளிக்கும் டாகுமெண்ட்டின் அளவும் மாறுவதனைக் காணலாம்.

எந்த நிலையில் நீங்கள் விரும்பியபடி டாகுமெண்ட் ஒரு பக்கத்திற்கு வருகிறதோ அங்கு மவுஸின் பட்டனை விட்டுவிடலாம். இனி குளோஸ் பட்டனை அழுத்தி மீண்டும் டாகுமெண்ட்டின் பழைய தோற்றத்திற்கு வந்து அதில் தேவையான எடிட்டிங் வேலைகளை மேற்கொள்ளலாம்.

எவ்வளவு எளிது பார்த்தீர்களா? அந்த மெனு இந்த டேப் என்று அலையாமல் ஒரே முயற்சியில் உங்கள் நோக்கம் நிறைவேறி விட்டதல்லவா?

வேர்ட் தொகுப்பில் உள்ளது போலவே எக்ஸெல் தொகுப்பிலும் பைல் மெனு சென்று பேஜ் செட் அப் பெற்று மார்ஜின் டேப் அழுத்தி மார்ஜின்களை மாற்றி அமைக்கலாம்.

இது மார்ஜினை மாற்றி அமைத்தாலும் பிரிண்ட் பிரிவியூ சென்று தான் ஒர்க் ஷீட்டின் அளவை மாற்றி அமைக்க முடியும். ஏனென்றால் அந்த வியூவில் தான் மார்ஜின் மாற்றி அமைக்கையில் ஒர்க்ஷீட் அளவு எப்படி மாறும் என்பதனைக் கண்கூடாகப் பார்க்கலாம்.

இந்த மெனு, பேஜ் செட் அப், பிரிண்ட் பிரி வியூ வேலை இன்றி எளிதாக இங்கு எப்படி இதனை மேற்கொள்ளலாம் என்று பார்க்கலாம். இதற்கான வழி பிரிண்ட் பிரிவியூ விண்டோவிலேயே உள்ளது.

இந்த திரையில் செட் அப் பட்டனைத் தேடிக் கொண்டிருக்கையில் அதன் வலது பக்கத்தில் மார்ஜின்ஸ் பட்டனைப் பார்க்கவில்லையா? இதுதான் நம் வேலைக்கான முதல் கதவு. இதனைக் கிளிக் செய்திடுங்கள். இப்போது பிரிண்ட் பிரிவியூ விண்டோவிலேயே ஒர்க் ஷீட் அளவினை மாற்றலாம் என்பதனை உணர்ந்து கொள்வீர்கள்.

இதில் கிளிக் செய்தவுடன் சிறிய புள்ளிகள் கொண்ட கோடுகள் பாப் அப் ஆகி வருவதனைப் பார்க்கலாம். இந்த வரிகள் தற்போதைய மார்ஜின் செட்டிங்குகளைக் காட்டுகிறது. உங்கள் கர்சரை மெதுவாக இந்த புள்ளிகளாலான கோட்டில் கொண்டு செல்லுங்கள். உடனே கர்சர் இரு பக்க அம்புக் குறிகள் கொண்ட கர்சராக மாறும். அப்படியே கிளிக் செய்து கோட்டைப் பிடித்துக் கொள்ளுங்கள். மார்ஜின் கோடு உங்கள் பிடியில் வந்துவிட்டதா? இனி இதனை இழுத்துச் சுருக்கலாம்; அல்லது விரிக்கலாம்.

இங்கு சில விஷயங்கள் ஒரே குழப்பமாகத் தோன்றுவதாகக் காட்டப்படலாம். மேலேயும் கீழேயும் பல கோடுகள் கிடைக்கும். இந்தக் கோடுகள் ஒர்க் ஷீட்டில் இல்லையே. பின் எப்படி இங்கு வந்தன என்று ஆச்சரியப்படலாம்.

இன்னொன்றும் உங்களுக்கு வேடிக்கையாக இருக்கும். பிரிண்ட் பிரிவியூவில் அளவினைக் காட்ட மார்ஜின் என்று எதுவும் இருக்காது. அதனை இயக்கிக் கொண்டுவரும் வழியும் இருக்காது. மார்ஜின் அளவு இருந்தால் தானே ஒர்க் ஷீட்டினை ட்ரிம் செய்திட முடியும்? என்ன செய்யலாம் என்று ஆச்சரியப்படும் நேரத்தில் இன்னொன்றும் உங்களைக் குழப்பலாம். மேலாக உள்ள புள்ளிகள் எதற்காக, எங்கிருந்து தோன்றுகின்றன என்று நீங்கள் வியப்படையலாம்.

இவை எல்லாம் நமக்காகத்தான். இவற்றை ஒவ்வொன்றாகப் பார்ப்போம். முதலில் எதற்காக இந்த எக்கச்சக்க வரிகள்? மேலும் கீழும் இரண்டு கோடுகள் இருக்கின்றனவா! இவை ஒவ்வொன்றும் ஒரு மார்ஜினைக் குறிக்கிறது.

ஒர்க்ஷீட்களும் ஹெடர் மற்றும் புட்டர்களைக் கொள்ளலாம் என்பதனை இங்கு மறக்க வேண்டாம். அவற்றிற்கும் மார்ஜின் உண்டு என்பதனையும் நினைவில் கொள்ளுங்கள்.

அனைத்திற்கும் மேலாக இருப்பது ஹெடரின் மார்ஜின். இன்னும் சரியாகச் சொல்வது என்றால் ஹெடரின் மேல் பகுதி டெக்ஸ்ட்டுக்கானது. கீழாக இருப்பது புட்டரின் கீழ் பகுதி டெக்ஸ்ட்டுக்கானது.

அடுத்து எப்படி மார்ஜின் அளவுகளைக் கையாள்வது? முதலில் இழுக்கையில் மார்ஜின் நீளம் மற்றும் அகலத்தினை அறிவது கூட முடியாது என்பது போலத் தோற்றம் அளிக் கும். ஆனால் பொறுமையாக மவுஸ் கொண்டு அழுத்துவதை விட்டுவிடாமல் பாருங்கள்.

குறிப்பாக இடது பக்கம் கீழாக விண்டோவில் பாருங்கள். அங்கே மார்ஜின் அளவு கொண்டு ஒரு கட்டம் தெரிகிறதா? இப்போது புன்னகையோடு அதனைக் கையாள எண்ணுகிறீர்களா? இதனை இழுக்கையில் மூலையில் எந்த மார்ஜினை இழுக்கிறீர்கள்; அதன் அளவு என்ன என்று காட்டப்படும்.

அடுத்ததாக மேலாகக் காட்டப்படும் புள்ளிகள். இவை அந்த பக்கத்தில் உள்ள ஒவ்வொரு நெட்டு வரிசையின் வலது எல்லையைக் காட்டுகின்றன. இவற்றை மாற்ற முடியுமா? இவற்றையும் மாற்ற முடியுமென்றால் வேலை முடிந்ததே? என்று எண்ணுகிறீர்களா? ஆம், முடியும்.

மீண்டும் அதே போல மவுஸால் அழுத்தி தேவைப்படும் வகையில் இழுக்கவும். இப்படி இழுக்கையில் இடது பக்கம் விண்டோவின் கீழாகப் பார்க்கவும். நெட்டு வரிசையின் அகலமும் காட்டப்படுகிறது.

இந்த இழுவைகளை அமல்படுத்தி உங்களுக்குத் தேவையான அளவில் நெட்டு மற்றும் படுக்கை வரிசைகளை அமைத்து ஒர்க்ஷீட்டின் மேட்டரை ஒருஒழுங்குக்குக் கொண்டு வரலாம்.  என்ன! பிரிண்ட் பிரிவியூ இவ்வளவு நன்மை தருகிறதா? என்று வியக்கிறீர்களா? நிச்சயமாய். நாம் எண்ணியபடி கம்ப்யூட்டரில் எதனையும் அமைக்கவும் செயல்படுத்தவும் முடியும் என்பதற்கு இவை எல்லாம் சான்றுகள்.

எக்ஸெல் தொகுப்பில் லிஸ்ட்ஸ்

எக்ஸெல் தொகுப்பில் லிஸ்ட்கள் எங்கே இருக்கின்றன? என்று வியப்பாக இருக்கிறதா? ஆம், இருக்கின்றன; ஆனால் அவை எல்லாம் நீங்கள் செய்ய வேண்டிய வேலைகளை நினைவு படுத்தும் பட்டி யல்கள் அல்ல. அப்படியானால் அவை என்ன? இங்கே பார்க்கலாமா?

ஒர்க் ஷீட் ஒன்றின் செல்லில் “Monday” என டைப் செய்கிறீர்கள். அதன்பின் fill handle பயன்படுத்தி இழுக்கிறீர்கள். இந்த ஹேண்டில் எது என்று தெரிகிறதா? செல்லின் கீழாக வலது மூலையில் உள்ள சிறிய பாக்ஸ். இதனை இழுத்தவுடன் வாரத்தின் மற்ற நாட்கள் தாமாக அடுத்த அடுத்த செல்களில் அமைகின்றன.

பொதுவாக ஒரு டேட்டா இருந்தால் பில் ஹேண்டில் அதனை மற்ற செல்களில் காப்பி செய்திடும். ஆனால் இங்கே சார்ந்த டேட்டாக்கள் காப்பி ஆகின்றன.

அப்படியானால் என்ன நடக்கிறது இங்கே? இங்கு தான் ஒரு லிஸ்ட், குறிப்பாக custom list  வருகிறது. இந்த லிஸ்ட்டில் வாரத்தின் நாட்கள் பட்டியலிடப்பட்டு காத்திருக்கிறது. நாம் அதன் ஒரு ஆப்ஜெக்டை டைப் செய்தவுடன் முழுவதையும் காட்டி வேண்டுமா எனக் கேட்டு நிரப்புகிறது.

சரி, வார நாட்கள், மாதங்களின் ஆண்டு பெயர்கள் எல்லாம் அனைவரும் விரும்பும், எதிர்பார்க்கும், பயன்படுத்தும் விஷயங்கள். அதனால் எம்.எஸ்.ஆபீஸ் தொகுப்பில் இந்த பட்டியல்கள் அதன் கட்டமைப்பிலேயே தரப்பட்டுள்ளன.

ஆனால் நீங்களாக சில தகவல்களைக் கோர்வையாகப் பட்டியல் போட்டு வைத்திருப்பீர்கள். அவற்றை பட்டியலாக்கி நம்முடைய ஒர்க்ஷீட்டில் கேட்டு வாங்க முடியுமா? ஏன் முடியாது.

நம் வசதிக்காகத்தானே கம்ப்யூட்டரும் அதன் புரோகிராம்களும். எடுத்துக் காட்டாக ஒரு நிறுவனத்தின் ஊழியர்களின் பெயர்கள், வெவ்வேறு பதவிகளின் பெயர்கள், நிறுவனத்தின் கிளைகள், நிறுவனத்தைச் சார்ந்த தொலைபேசி எண்கள், நிறுவனம் தயாரிக்கும் பொருட்களின் குறியீட்டு எண்கள் என எத்தனையோ இருக்கலாம்.

இவற்றை எல்லாம் எடுத்துக் காட்டில் கூறிய வார நாட்களைப் போல பட்டியலிட்டு தயாரித்து அவற்றில் ஏதேனும் ஒன்றை டைப் செய்திடும் போது அப்படியே அனைத்தும் வந்து தாமாக பில் அப் செய்தால் எவ்வளவு நன்றாக இருக்கும்.

நம் வேலையும் நேரமும் மிச்சமாகும். எப்படி ஒரு custom list எக்ஸெல் தொகுப்பில் தயாரிப்பது என்று பார்க்கலாம். இந்த லிஸ்ட்டைத் தயாரிக்க சில ஆப்ஷன்கள் உள்ளன. Tools Options  விண்டோவில் Custom Lists என்ற டேப்பினைத் தேர்ந்தெடுத்து அதில் லிஸ்ட்டுக் கான டேட்டாவினை டைப் செய்வது. இன்னொன்று ஏற்கனவே ஒர்க் ஷீட் செல்களில் இந்த டேட்டா இருந்தால் அவற்றை நாமாக ஹைலைட் செய்து பட்டியல் தயாரிப்பது.

முதல் வழிக்கு மேலே சொல்லியபடி சென்று Custom Lists விண்டோவினைப் பெறவும். (படத்தைப் பார்க்கவும்).  இந்த விண்டோவின் இடது பக்கமாக எக்ஸெல் தொகுப்பில் ஏற்கனவே உள்ள வழக்கமான பட்டியல்களுடன் புதிய லிஸ்ட் தயாரிக்க வும் ஒரு ஆப்ஷன் தரப்பட்டிருக்கும். New List என்பதை ஹை லைட் செய்து பின் வலது புறத்தில் உள்ள கட்டத்தில் கிளிக் செய்திடவும். இந்தக் கட்டத்தில் நீங்கள் தயார் செய்திட விரும்பும் பட்டியலில் உள்ள டேட்டாவினை டைப் செய்திடவும். பட்டியலில் உள்ள டேட்டா எண்களுடன் தொடங்கக் கூடாது.

ஒவ்வொரு டேட்டாவும் டைப் செய்தவுடன் என்டர் அடிக்க மறக்கக் கூடாது. பட்டியலுக்கான அனைத்து டேட்டாவினையும் டைப் செய்து முடித்தவுடன் Add  என்ற பட்டனில் கிளிக் செய்திடவும். இனி அடுத்து இடது பக்கம் உள்ள கட்டத்தில் பாருங்கள், நீங்கள் டைப் செய்த டேட்டா கீழாகக் காட்டப்படும்.

அடுத்து ஏதேனும் ஒரு எக்ஸெல் ஒர்க் ஷீட்டைத் திறந்து செல் ஒன்றில் நீங்கள் தயாரித்த புதிய லிஸ்ட்டில் உள்ள டேட்டா ஒன்றை டைப் செய்து பின் பில் ஹேண்டிலை இழுங்கள். உடனே நீங்கள் கொடுத்த டேட்டா முழுவதும் ஒவ்வொரு செல்லாக அமைக்கப்படும்.

ஏற்கனவே இந்த டேட்டாவினை எல்லாம் ஒர்க் ஷீட்டில் டைப் செய்து வைத்திருக்கிறோமே! நாங்கள் லிஸ்ட் தயார் செய்திட வேண்டும் என்றால் மீண்டும் இந்த டேட்டாவினை டைப் செய்திட வேண்டுமா என நீங்கள் கேட்கலாம். வேண்டாம், வேண்டவே வேண்டாம். அதற்கு ஒரு வழி உள்ளது.

முதலில் அந்த டேட்டா உள்ள செல்களை எல்லாம் ஹை லைட் செய்திடுங்கள். பின் Tools Options  விண்டோ செல்லவும். Custom Lists டேப் தட்டவும். Custom Lists என்பதன் கீழாக “Import list from cells:” என்று இருப்பதைப் பார்க்கலாம்.

அருகே ஒரு நீள கட்டம் இருக்கும். இதில் நீங்கள் ஹைலைட் செய்த செல்களின் எண்கள் காணப்படும். அருகே உள்ள Import  என்ற பட்டனைத் தட்டவும். உடனடியாக டேட்டா இடது பக்கம் உள்ள Custom Lists கட்டத்தில் அமைந்திருப்பதனைக் காணலாம். அவை வலது பக்கம் உள்ள கட்டத்தில் காட்டப்படுவதனையும் காணலாம்.

உடனே Add  என்ற பட்டனைத் தட்டவும். நீங்கள் நம்புகிறீர்களோ இல்லையோ, இப்போது உங்கள் டேட்டா மீண்டும் டைப் செய்யப் படாமல் லிஸ்ட்டாக அமைந்திருப்பதனைக் காணலாம்.

சரி, இந்த செயல்பாட்டில் சிலர் லிஸ்ட்டில் அமைய வேண்டிய டேட்டாவினை ஹை லைட் செய்யாமல் விட்டிருக்கலாம். அவர்கள் என்ன செய்ய வேண்டும்? கேன்சல் தட்டி மீண்டும் வேலையைத் தொடங்க வேண்டுமா? தேவையில்லை.

இவர்களுக்காகவே இன்னொரு வழியும் இதே விண்டோவில் உள்ளது. “Import list from cells:” என்ற பீல்டின் இறுதியில் ஒரு பட்டன் தரப்பட்டிருப்பதைப் பாருங்கள் (பார்க்க படம்) இதனைக் கிளிக் செய்திடுங்கள்.

நீங்கள் உடனே ஒர்க் ஷீட்டிற்கு அழைத்துச் செல்லப்படுவீர்கள். இங்கு லிஸ்ட்டில் சேர்க்கப் பட வேண்டிய டேட்டாவினை ஹை லைட் செய்திடலாம். அவ்வாறு ஹை லைட் செய்த பின் மீண்டும் அதே பட்டனைத் தட்டவும். மீண்டும் Import கிளிக் செய்து பின் Add   கிளிக் செய்து ஓகே என்டர் தட்டி வெளியேறவும்.

பாருங்கள், எவ்வளவு எளிதான வேலை. இனிமேல் நீங்கள் அடிக்கடி டைப் செய்திடும் டேட்டாவை எல்லாம் வகை வகையாய் பட்டியல் போட்டு பயன்படுத்துவீர்கள் அல்லவா!