Daily Archives: ஜூலை 1st, 2009

கலங்கிய வீரத்துறவி! (ஆன்மிகம்)ஜூலை 4 – விவேகானந்தர் நினைவுநாள்!


“வீரன் ஒருநாள் தான் சாகிறான், கோழை தினமும் சாகிறான்…’ என்று வீரமொழி பேசிய விவேகானந்தரே ஒருசமயம் கண் கலங்கியிருக்கிறார் என்றால் ஆச்சரியமாகத் தானே இருக்கிறது. எதற்காக அவரது கண்களில் நீர் முட்டியது?

ஜன., 12,1863ல் மக்கள், மகரசாந்தி பண்டிகையைக் கொண் டாடிய நன்னாளில் இந்தியாவின் நம்பிக்கை நட்சத்திரமாக உதித் தார் சுவாமி விவேகானந்தர். உலகில் எவ்வளவு நாள் வாழ்கிறோம் என்பதை விட, என்ன சாதிக் கிறோம் என்பதே மிக முக்கியம். விவேகானந்தர் 39 ஆண்டுகள் தான் இந்த பூமியில் வாழ்ந்தார். ஜூலை 4, 1902ல் இயற்கை அவரை தன்னோடு அணைத்துக் கொண்டது; ஆனால், இந்த குறுகிய காலத்தில் அவர் செய்த சாதனைகள் கொஞ்ச நஞ்சமல்ல.

இந்த தேசம் வறுமையிலும், அடிமைத்தனத்திலும் மூழ்கிக் கிடக்க காரணம் என்ன என்பது பற்றி அவர் ஆராய்ந்தார். அதற்கு விடை, அவருக்கு கன்னியாகுமரியில் கிடைத்தது. 1892ல் குமரிமுனைக்கு வந்து, பகவதி அம்மனை தரிசித்தார்.

“அம்மா, மகாசக்தி! நீ இமயத் தில் பார்வதியாய் இருக்கிறாய்; இங்கே பகவதியாய் வீற்றிருக் கிறாய். கன்னியாக இருந்தாலும் நீ உலகத்தின் தாயல்லவா! இங்கு அந்நியர்களின் அரசாட்சி நடக்கிறது. மக்கள் தங்கள் நிலையை மறந்து, அந்நியர் களின் கலாசாரத்தைப் பின்பற்றுகின்றனரே! இது அவர்களைப் பாழ்படுத்திக் கொண்டிருக் கிறதே! இதற்கு தீர்வு என்ன?’ என்று முறையிட்டார்.

தன் கேள்விக்கு விடை வேண்டு மானால் தனிமை வேண்டுமெனக் கருதி கடலில் குதித்து, நீச்சலடித்து ஒரு பாறையை அடைந்தார். அங்கே தியானத்தில் ஆழ்ந் தார். அவரது உள்ளுணர்வில் பல எண்ணங்கள் ஓடின; அவை, காட்சிகளாக மலர்ந்தன. பாரதம் அவரது கண்களின் முன் பரந்து விரிந்தது. இங்கே மொழிகளும், மக்களின் பழக்க வழக்கங்களும் மாறுபட்டிருந் தாலும், இவர்களையெல்லாம் இணைக்கும் பாலமாக வேதங் களும், ஆகமங்களும், புராணங் களும், சித்தாத்தங்களும் இருப்பது தெரிந்தது.

ஒவ்வொரு இந்தியனும், ஏதோ வாழ்ந்தோம், மடிந்தோம் என்பதற்காக பிறக்கவில்லை; இந்த ஆன்மிக அமுதத்தை ருசிக்கவே அவன் பிறந்திருக் கிறான். இந்த மக்களை ஆன்மிகத்தின் மூலமாக மட்டுமே இணைக்க முடியும். ஆன்மிகமே இந்தியாவை இணைக்கும் பாலம் என்பது புலப்பட்டது.

அதேநேரம், வறுமையில் சிக்கித் தவிக்கும் இந்தியனிடம் ஆன்மிகத்தைப் பற்றி போதித் தால் எடுபடாதே! அவனது பசியைப் போக்கிவிட்டு, ஆன்மிகத் தைப் போதித்தால், அவனிடம் ஒழுக்கக்கேட்டை உருவாக்கும் அந்நிய கலாசார பழக்கங்களை போக்குவது குறித்த விழிப் புணர்வை ஏற்படுத்தலாம். ஆனால், அவனது பசியைப் போக்கவும், விழிப்புணர்வை ஏற்படுத்தவும் பெரும் பணம் வேண்டுமே! அப்போது தான் அவரது கண்கள் கலங்கின.

அந்த கலங்கிய கண்கள் கடலை நோக்கிச் சென்றன. அந்தப் பார்வை அமெரிக்காவைக் காட் டியது. சனாதன தர்மம் எனப் படும் இந்துமத கொள்கைகள் அந்த தேசத்தில் ஒலிக்குமானால், அது உலகையே எட்டும். அங்கே நடக்கப்போகும் சர்வமத மகாசபை கூட்டத்தில் நமது கருத்துக் களை ஏற்கும் வகையில் பேச வேண்டும். அதற்காக தரப்படும் பொருளைக் கொண்டு நமது தேசத்தில் மடங்களை நிறுவ வேண்டும். அதற்கு நம் குருநாதர் ராமகிருஷ்ணரின் பெயரை வைக்க வேண்டும் என்று முடிவெடுத்தார்.

குமரியில் பிறந்த இந்த சிந் தனை பெரும் சிரமத்தின் பேரில் வெற்றியும் பெற்றது; நமது தேசத்தின் மாண்பு காப்பாற்றப் பட்டது. இன்று ராமகிருஷ்ண மடங்கள் பாரதமெங்கும் விரிந்து கிடக்கின்றன.

இந்த அரிய சாதனையைப் படைத்த விவேகானந்தருக்கு அவரது 107வது நினைவுநாளில் வீர அஞ்சலி செலுத்துவோம்.

குழந்தைகளுக்கென தனியே ஒரு தளம்

குழந்தைகள் என்றாலே நமக்கு கொள்ளை ஆசைதான். முதலில் நம் குழந்தைகளை அன்போடு எதிர்பார்ப்புகளுடன் வளர்த்து ஆளாக்குகிறோம். பின் அவர்களின் குழந்தைகளை, பேரக் குழந்தைகளை வளர்க்கத் தொடங்குகிறோம். இவர்களின் ஒவ்வொரு நிகழ்வையும் போட்டோக்கள் எடுத்து ஆல்பங்களாக அமைத்து காட்டி மகிழ்கிறோம். குழந்தைகள் வளர்ந்த பின் அவர்களுக்குக் காட்டி நீங்கள் இப்படித்தான் வளர்ந்தீர்கள் என்று காட்டுகிறோம். நம் அன்பை அவர்கள் புரிந்து கொள்ள இதுவும் ஒரு கருவியாக அமைகிறது. இதே போட்டோக்களை, சிறிய வீடியோ காட்சிகளை இணையத்தில் அமைத்து குழந்தைகளும் உறவினர்களும் எப்போதும் காணும் வகையில் அமைத்தால் என்ன!

நாம் தனியாக இணையப் பக்கங்களை ஒவ்வொருவரும் அமைக்க முடியாது. இந்த நோக்கத்திற்காகவே நமக்கு இலவசமாக இணையப் பக்கங்களை அமைத்துத் தருகிறது http://www.totspot.com   என்ற முகவரியில் உள்ள இணைய தளம். இதில் நம் குழந்தைகளில் போட்டோக்கள் மற்றும் வீடியோக்களையும் அவர்கள் சாதனை நிகழ்வுகளையும் பதித்து அவர்கள் மற்றும் உறவினர்கள் மட்டும் காணும்படி அமைக்கலாம். இந்த தளம் சென்று முதலில் நமக்கென்று ஒரு அக்கவுண்ட் திறக்க வேண்டும். இதற்கென நாம் வைத்துள்ள இமெயில் அக்கவுண்ட்டினை இந்த தளம் கேட்கும். பின் அந்த தளத்திற்கு ஒரு மெயில் அனுப்பி நம் விருப்பத்தினை உறுதிப்படுத்தும். பின் நமக்கென ஒரு தளம் திறக்கப்படும். அதன்பின் மீண்டும் இந்த தளத்தில் நுழைந்து நம் பெயரில் லாக் இன் செய்து போட்டோக்களை அமைக்கலாம். இவற்றை எல்லாரும் பார்க்க முடியாது. உறவினர்கள் மற்றும் நண்பர்கள் பார்க்க அவர்களுக்கான அக்கவுண்ட்டை உருவாக்கி போட்டோக்களைக் காணுமாறு செய்திடலாம். வருங்காலத்தில் குழந்தைகள் இவற்றைப் பார்வையிடும்போது நிச்சயம் நம் அன்பைப் புரிந்து கொண்டு அதனை அவர்களின் குழந்தைகளிடமும் காட்டுவார்கள் அல்லவா!

பாப் அப் வழி தூண்டில்கள்

இன்டர்நெட்டில் பிரவுஸ் செய்கையில் கம்ப்யூட்டர் இன்பெக்ட் ஆகிவிட்டதாகவும், கம்ப்யூட்டர் மிகவும் ஸ்லோவாக செயல்படுவதாகவும் மெசேஜ் பாப் அப் செய்யப்பட்டு அதற்கு இலவச தீர்வு வேண்டும் என்றால் கிளிக் செய்யவும் என ஒரு லிங்க் அல்லது சிகப்பு கலரில் எக்ஸ் அடையாளம் தரப்படுகிறது. இது உண்மையா? என்ன செய்ய வேண்டும்? இது போன்ற பல கடிதங்கள் கம்ப்யூட்டர் மலர் அலுவலகத்திற்கு வாசகர்களிடமிருந்து வருகின்றன. மேலும் பலர் தொலைபேசியிலும் தொடர்பு கொண்டு கேட்கின்றனர். இதுவும் வைரஸைப் பரப்புபவர்கள் மற்றும் பிஷ்ஷிங் செய்து பெர்சனல் தகவல்களைத் திருடுபவர்கள் வேலைதான். இவ்வாறு பலமுறை எழுதிய பின்னரும் பலர் அது எப்படி இருக்க முடியும் என்று எண்ணி இந்த செய்தியை உண்மை என நம்பி லிங்க்கில் கிளிக் செய்து பின் விளைவுகளை அனுபவிக்கின்றனர். எனவே சற்று விரிவாக இந்த பிரச்சினையை இங்கு காணலாம்.

கம்ப்யூட்டர் பயன்படுத்தும்போது வரும் இத்தகைய தூண்டில் செய்திகள் குறித்து பொதுவாக அனைவருமே அறிந்து வைத்துள்ளனர். அதற்கேற்ப இப்போது ஏமாற்றும் விதமும் அதிகரித்து வருகிறது. இந்த செய்திகளைக் கவனித்தால் அவற்றை அனுப்புபவரின் தந்திரம் தெரியவரும்

1. நாம் உடனடியாகச் செயல்பட வேண்டியது மிகவும் அவசியம் மற்றும் அவசரம் என்ற தொனியில் நம்மை எச்சரிக்கும் விதமாக இந்த செய்தி அமைக்கப்பட்டிருக்கும். வைரஸை எடுக்க வேண்டும்; உடனடியாக அப்டேட் ஒன்றை மேற்கொள்ள வேண்டும்; இல்லையேல் கம்ப்யூட்டர் நாசமாகிவிடும் என நம்மை பயம் அடைய வைக்கும் விதமாக இது அமைந்திருக்கும்.

2. பல வேளைகளில் இந்த செய்தி ஓரு பிரபலாமான நிறுவனம் (மைக்ரோசாப்ட், நார்டன், சைமாண்டெக், அடோப், குயிக் டைம் போன்றவை) ஒன்றின் பெயரில் தரப்படும். இது ஒரு ஏமாற்று வேலை. இந்த செய்தியை நன்றாக உற்றுக் கவனித்தால் பல எழுத்துப் பிழைகள் மற்றும் இலக்கண பிழைகள் இருக்கும். புகழ் பெற்ற நிறுவனங்கள் நிச்சயம் இந்த வகை பிழைகளுடன் செய்திகளைத் தர மாட்டார்கள்.

இவை டவுண்லோட் செய்திடச் சொல்லும் புரோகிராமின் பெயர் அல்லது விசிட் செய்யச் சொல்லும் வெப்சைட்டின் முகவரியினை காப்பி செய்து கூகுள் சர்ச் இஞ்சினில் போட்டுப் பார்த்தால் இவை உண்மையா என்பது தெரியவரும்.

எனவே இது போன்ற மெசேஜ் பாப் அப் ஆகி வருகையில் என்ன செய்திட வேண்டும்?

1. உங்கள் மவுஸின் கர்சரை எந்தக் காரணத்தைக் கொண்டும் லிங்க் அருகே கொண்டு செல்ல வேண்டாம்.

2. விண்டோவின் எந்த இடத்திலும் மவுஸைக் கிளிக் செய்திட வேண்டாம். செய்தால் உடனே நம்மைக் கவிழ்க்கும் புரோகிராம் உங்கள் கம்ப்யூட்டரில் டவுண்லோட் ஆகத் தொடங்கும்.

3. உடனடியாக ஆல்ட்+எப்4 கீகளை அழுத்துங்கள். அந்த விண்டோ அல்லது பிரவுசர் மூடப்படும். பின் மீண்டும் உங்கள் பிரவுசரை இயக்கி இன்டர்நெட் பிரவுஸ் செய்திடலாம்.

அல்லது கீழ்க்காணும் செயல்முறைகளை மேற்கொள்ளவும்.

1. விண்டோஸ் டாஸ்க் மேனேஜரைத் திறக்கவும். இதற்கு Ctrl+Alt+Del கீகளை அழுத்தவும்.

2. கிடைக்கும் விண்டோவில் Applications டேப்பில் இடது கிளிக் செய்திடவும்.

3. உங்கள் பிரவுசர் புரோகிராம் மீது இடது கிளிக் செய்திடவும்; அல்லது நீங்கள் பிரச்சினை என்று முடிவு செய்திடும் புரோகிராம் மீது கிளிக் செய்திடவும். இந்த புரோகிராம் ஹைலைட் ஆகும். பெரும்பாலும் இது நீல நிறத்திற்குச் செல்லும்.

4. அடுத்து End Task பட்டனில் கிளிக் செய்திடவும். புரோகிராம் மூடப்படும்.

உங்கள் கம்ப்யூட்டரில் பயர்வால் மற்றும் ஆண்ட்டி வைரஸ் புரோகிராம் எப்போதும் அப் டேட் செய்யப்பட்டிருக்க வேண்டும். மேலும் உங்கள் பிரவுசரில் இது போன்ற பாப் அப் விண்டோக்கள் வராதவாறு தடை செய்திடும் வசதி இருக்கும். அதனை இயக்கி வைக்க வேண்டும்.

இது போல பிரவுசரில் பாப் அப் தடை செய்யப்பட்டிருந்தாலும் இயங்கும்படி இந்த கெடுதல் விளைவிக்கும் புரோகிராம்கள் செட் செய்யப்பட்டிருக்கலாம். எனவே பிரவுசரில் தடை செய்யப்பட்ட பின் வரும் பாப் அப் செய்திகள் எல்லாம் உண்மையானவை என்று எண்ண வேண்டாம்.ஏற்கனவே உள்ள ஆண்ட்டி வைரஸ் புரோகிராமுடன் இன்னொரு ஆண்ட்டி வைரஸ் புரோகிராமினை கம்ப்யூட்டரில் வைத்துக் கொள்ளுங்கள். இதனை பத்து நாட்களுக்கு ஒரு முறை இயக்குங்கள். இதனால் எப்போது இயங்கும் ஆண்ட்டி வைரஸ் புரோகிராமிற்குத் தப்பிக்கும் கெடுதல் விளைவிக்கும் புரோகிராம்கள் இதில் மாட்டிக் கொள்ளலாம். இதற்கு மால்வேர் பைட்ஸ் (Malwarebytes) என்ற புரோகிராம் சிறப்பாக உதவிடுகிறது. இதனை இலவசமாக டவுண்லோட் செய்து கொள்ளலாம். இந்த புரோகிராமினைப் பெற அணுக வேண்டிய முகவரி: http://malwarebytes.org. இந்த புரோகிராமின் செயல்பாடுகள் குறித்த விளக்கங்களும் புரோகிராம் பைலும் இந்த தளத்தில் கிடைக்கின்றன.

இன்டர்நெட் தொடர்புகள் அறிய

இன்டர்நெட்டில் பிரவுஸ் செய்து தளங்களுக்குச் சென்று அரிய தகவல்களைப் பெறுவது என்பது அனைவரும் விரும்பும் குஷியான சமாச்சாரமாக மாறிவிட்டது. யாராவது இந்த இன்டர்நெட் இணைப்பு எப்படி எந்த கம்ப்யூட்டர் வழியாகப் போகிறது என்று ஒரு நிமிடம் எண்ணிப் பார்த்திருக்கிறீர்களா? பரந்து விரிந்த உலக இன்டர்நெட் கட்டமைப்பில் எந்த எந்த கம்ப்யூட்டர் வழியே ஓர் இணைப்பு கிடைக்கிறது என்று அறிய எல்லாருக்கும் ஆவலாகத்தான் இருக்கிறது. ஆனால் அதனை எளிமையான முறையில் எப்படி அறிவது? அதற்கான தொழில் நுட்பத்தை எல்லாம் கற்றுக் கொள்ளாமல் எப்படி தெரிந்து கொள்வது?

இத்தகைய கேள்விகளுக்குப் பதில் அளிக்கத்தான் இணையத்தில் ஒரு சாப்ட்வேர் புரோகிராம் தரப்பட்டுள்ளது. இன்டர்நெட் தொடர்பில் இருக்கையில் கம்ப்யூட்டரின் பாதுகாப்பினை அறியவும் இந்த புரோகிராம் உதவுகிறது. இந்த புரோகிராமின் பெயர் TCPView. இதனை இலவசமாக இறக்கிப் பதியலாம்.

எளிதாக இயக்கவும் செய்திடலாம். இந்த புரோகிராம் இயங்குகையில் நமக்கு ஒரு நீண்ட பட்டியல் கிடைக்கிறது. இதனை மேலோட்டமாகப் பார்த்தால் கம்ப்யூட்டர் தொழில் நுட்பச் சொற்கள் அடங்கிய பட்டியல் போல் தெரியும். ஆனால் ஒவ்வொரு வரியும் உங்கள் கம்ப்யூட்டர் இன்டர்நெட் தொடர்பில் எதனை எல்லாம் தொடர்பு கொண்டு செயல்படுகிறது என்று காட்டுவதைக் காணலாம்.

நீங்கள் இன்டர்நெட்டில் இருக்கையில் சேட் கிளையண்ட் புரோகிராம் இயங்கலாம். அதற்கான நெட்வொர்க் தொடர்புகள் காட்டப்படும். அதே நேரத்தில் சில தளங்களுக்குச் சென்று நீங்கள் தகவல்களை எடுத்து சேட் செய்திடும் நண்பருக்கு அனுப்ப முயற்சிக்கலாம். அந்த தொடர்பு காட்டப்படும். உங்கள் கம்ப்யூட்டரில் உள்ள ஆண்ட்டி வைரஸ் தொகுப்பு கம்ப்யூட்டர் தொடர்பு கொள்ளும் நெட்வொர்க் கம்ப்யூட்டர்களை எல்லாம் கண்காணித்துக் கொண்டு இருக்கும். அந்த வரிசையும் காட்டப்படும்.

இதில் இன்னொரு நன்மையும் உண்டு. நமக்குத் தெரியாமல் நம் கம்ப்யூட்டரில் அமர்ந்து கொண்டு இயங்கும் புரோகிராம்களும் நம் இன்டர்நெட் வழியாகத்தானே நம் தகவல்களை அனுப்புகின்றன. இந்த தொடர்பு வரிசையைக் கண்டு கொண்டால் அது எங்கே செல்கிறது என்பதனை அறிந்து கொள்ளலாம். எனவே நீங்கள் டி.சி.பி. வியூ புரோகிராமினைப் பதிந்து ரெகுலராக அதனைக் கவனித்து வந்தால் புதிதாக ஏதேனும் ஒரு கம்ப்யூட்டர் உங்கள் இன்டர்நெட் பாதையில் தெரிந்தால் உடனே உஷாராகி அதனை அப்புறப்படுத்தலாம்.

இந்த புரோகிராமில் உங்களுக்கு ஆர்வம் உள்ளதா? உடனே http://technet.microsoft.com/enus/sysinternals/bb897437.aspx என்ற முகவரியில் உள்ள தளத்திற்குச் சென்று இதனை டவுண்லோட் செய்து பதிந்து இயக்கவும்.

அதிக பாராக்களை ஒரே செல்லில் அமைத்திட

வேர்ட் தொகுப்பில் உள்ள டேட்டாவினை எக்ஸெல் தொகுப்பிற்கு மாற்ற வேண்டிய தேவை நம்மில் பலருக்கு அடிக்கடி வரும். பல நேரங்களில் இந்த டேட்டாவினை நம் விருப்பப்படி எக்ஸெல் செல்களில் அமைக்க முடியாது. நாம் ஒரு வழியில் திட்டமிட்டால் டேட்டா பல செல்களில் அமைந்து நம் திட்டத்தைக் கெடுக்கும். இதனை எப்படி சரி செய்து நம் தேவைக்கேற்ப அமைப்பது எனப் பார்க்கலாம்.

இவ்வாறு பல செல்களில் டேட்டாவை எக்ஸெல் அமைப்பதற்கான காரணம் என்ன? வேர்டில் பாராக்கள் அமைக்கும் போது சில மார்க்கர்கள் அதன் கட்டமைப்பில் மேற்கொள்ளப்படுகின்றன. இவற்றை டேட்டாவினை அடுத்த செல்லுக்குக் கொண்டு செல்ல ஏற்படுத்தப்பட்ட மார்க்கர்களாக எக்ஸெல் எடுத்துக் கொள்கிறது. எடுத்துக் காட்டாக மூன்று பாராவில் உள்ள டெக்ஸ்ட்டை டேட்டாவாக நீங்கள் அ1 என்ற செல்லில் அமைக்க முயற்சிக்கையில் அது பாரா பிரிவை செல் பிரிவாக எடுத்துக்கொண்டு A1, A2, A3, என மூன்று செல்களில் அமைத்துவிடுகிறது. ஆனால் நமக்கோ இந்த மூன்று பாரா டெக்ஸ்ட்டையும் ஒரே செல்லில் அமைக்க வேண்டும். எனவே டெக்ஸ்ட்டை எப்படி பேஸ்ட் செய்வதில் என்பதில் தான் பிரச்சினையே உள்ளது? இங்கே வேர்ட் டெக்ஸ்ட் மற்றும் எக்ஸெல் செல்லுக்குண்டான தொடர்பில் செல்லில் பேஸ்ட் செய்திடாமல் செல்லுக்குள்ளாக பேஸ்ட் செய்திட வேண்டும். இரண்டிற்கும் என்ன வேறுபாடு என்று தலையைப் பிய்த்துக் கொள்ள வேண்டாம். கீழே படியுங்கள். குழப்பம் தீர்ந்துவிடும்.

ஒரு செல்லைக் கிளிக் செய்து அதில் பேஸ்ட் செய்தால் எக்ஸெல் கிளிப் போர்டில் உள்ள விஷயத்தைச் சற்று ஆய்வு செய்கிறது. ஆனால் இதனையே டபுள் கிளிக் செய்து பேஸ்ட் செய்தால், எக்ஸெல் உடனே எடிட் மோடுக்குச் செல்கிறது. உங்களை செல்லில் உள்ள டேட்டாவினை எடிட் செய்திட அனுமதிக்கிறது. இந்த எடிட்டிங் வேலையை செல்லுக்குள்ளாகவும் மேற்கொள்ளலாம்; பார்முலா பாரிலும் மேற்கொள்ளலாம். இந்த எடிட் மோடுக்குச் செல்வதற்கு எப்2 கீ அழுத்தியும் செல்லலாம்.

எடிட் மோடுக்குச் சென்றவுடன் நீங்கள் டேட்டாவினை எடிட் செய்திடலாம் என்பதால் உள்ளே சென்ற பின் பேஸ்ட் செய்திடுங்கள். இப்போது பாரா மார்க்கர்கள் ஒரு வரியின் முடிவிற்கான கேரக்டராக எடுத்துக் கொள்ளப்படுகின்றன. ஒவ்வொரு பாரா முடிவிலும் ஆல்ட் + என்டர் கொடுத்து டெக்ஸ்ட் என்டர் செய்யப்பட்டதாக எக்ஸெல் எடுத்துக் கொள்ளும். இந்த வகையில் பேஸ்ட் செய்யப்படுகையில் பாண்ட் மற்றும் பாரா மார்க்கிங் போன்ற பார்மட்டிங் வகைகள் நீக்கப்பட்டு டெக்ஸ்ட் பேஸ்ட் செய்யப்படும்.

இதில் இன்னொன்றையும் கவனத்தில் கொள்ள வேண்டும். எக்ஸெல் 2007 ஒர்க் ஷீட் செல்லில் 21 ஆயிரம் கேரக்டர்கள் மட்டுமே பேஸ்ட் செய்திட முடியும். முந்தைய எக்ஸெல் பதிப்புகளில் (2003 மற்றும் முந்தையன) 255 கேரக்டர்கள் வரை மட்டுமே பேஸ்ட் செய்திட முடியும். இந்த எல்லையை மீறினால் நம்முடைய டெக்ஸ்ட் பிரிக்கப்படும்.

ஜிமெயில் ஸ்லோவாக இயங்குகிறதா?

இன்டர்நெட் இமெயில் விஷயத்தில் கூகுள் நிறுவனம் பல அதிரடி ஆச்சரியங்களை தொடர்ந்து தந்து வருகிறது. யாஹூ, ஹாட் மெயில் தளங்கள் எல்லாம் தயங்கிக் கொண்டிருக்கையில் பல ஜிபி அளவில் இன்பாக்ஸைக் கொடுத்து முதலில் ஒரு புரட்சியை ஏற்படுத்தியது. உலக அளவில் பல மொழிகளில் இதன் தளங்கள் இயங்கி அடிமட்ட மக்கள் வரையில் கூகுள் தளத்தைப் பயன்படுத்தச் செய்தது.

ஆனாலும் ஒரு சிலர் தங்கள் கம்ப்யூட்டரில் ஜிமெயில் மிகவும் மெதுவாகச் செயல்படுகிறது என்று தொடர்ந்து குற்றம் கூறி வருகின்றனர். இதற்குக் காரணம் அவர்களுடைய ஸ்லோ ஸ்பீட் இன்டர்நெட் கனெக்ஷன் தான். கூகுள் தளம் பல வகைகளில் மிகவும் சிறந்ததுதான். ஆனால் மிகவும் மெதுவாக இயங்கும் இன்டர்நெட் இணைப்பு கொண்டவர்களுக்கு கூகுள் மனங்கவர்ந்த மெயில் கிளையண்ட்டாக இருப்பதில்லை. இதற்கான காரணத்தையும் தீர்வையும் இங்கு காணலாம்.

முதலாவதாக கூகுள் அதிகமான நிகழ்வுகளில் தன் இமெயில் சேவையில் ஜாவா ஸ்கிரிப்ட் பதிவு செய்துள்ளது. மெதுவாக இயங்குவதற்கு இது முக்கிய காரணம். இதனால் இமெயில் இன்பாக்ஸ் திறக்க வெகுநேரம் ஆகிறது. இதனை எப்படித் தீர்க்கலாம்?

முதலில் ஜிமெயில் செட்டிங்ஸ் குறித்துப் பார்க்கலாம். ஜிமெயில் டிபால்ட் செட்டிங்கில் ஒரு பக்கத்தில் 50 மெயில்களைக் காட்டும் வகையில் அமைக்கப்பட்டுள்ளது. ஜிமெயில் வேகமாக மெயில்களைக் காட்ட வேண்டும் என்றால் இந்த எண்ணிக்கையினைக் குறைக்க வேண்டும். மிகவும் குறைந்த பட்ச எண்ணிக்கையைக் காட்டினால் போதும் என்ற அளவில் இருக்க வேண்டும். இந்த எண்ணிக்கை 25 ஆகும். இந்த அளவில் குறைவாக மெயில்கள் ஒரு பக்கத்தில் இருக்கட்டும் என ஒதுக்கினால் நிச்சயம் மெயில்கள் வந்து இறங்கும் வேகம் அதிகரிக்கும். இதற்கு Settings லிங்க் கிளிக் செய்து General டேப்பினைத் தேர்ந்தெடுக்கவும். இதில் Maximum page size என்று இருப்பதன் எதிரே Show conversations per page என்று இருக்கும். காலியாக கோடு உள்ள இடத்தில் எத்தனை மெயில்கள் காட்டப்படலாம் என்று இருக்கும். இதில் டிபால்ட்டாக 50 என்று இருப்பதை 25 எனக் குறைக்கலாம்.

ஜிமெயில் வெப் கிளிப்ஸ் (Web Clips) என்று ஒரு சிறப்பு வசதியினைக் கொண்டுள்ளது. இதுவும் செட்டிங்ஸ் லிங்க்கிலேயே கிடைக்கிறது. இந்த வசதி நம் இன்பாக்ஸ் மேலாக அமர்ந்து கொண்டு மற்ற இணைய தளங்களிலிருந்து அன்றைய செய்திகளைத் தருகிறது. ஜிமெயில் வேகமாக இயங்க இதனை இயங்கா நிலையில் வைத்திடலாம். இதன் மூலம் ஜிமெயில் மற்ற இணைய தளங்களிலிருந்து செய்திகளைப் பெற்று இங்கு தரும் செயல்பாடு குறைகிறது. அந்த நேரம் மெயில்களைத் தருவதில் பயன்படுத்தப்படுகிறது. இதற்கு செட்டிங்ஸ் கிளிக் செய்து “Show my Web Clips above the Inbox,” என்று இருக்கும் இடத்தில் உள்ள பெட்டியில் இருக்கும் டிக் அடையாளத்தை எடுத்துவிடவும். இது வெப் கிளிப்ஸ் என்பதன் கீழ் இருக்கும்.

ஜிமெயில் வேகமாக இயங்க அதனை அழைக்கும் வழியை மாற்றலாம். வழக்கமான http://www.gmail.com என்ற முகவரியைப் பயன்படுத்தாமல் பாதுகாப்பான நேரடியான https://mail.google.com என்ற முகவரியைப் பயன்படுத்தலாம். இந்த முகவரியை புக்மார்க்காக அமைத்து ஜிமெயில் திறக்க முயற்சிக்கையில் இதனைக் கிளிக் செய்திடலாம். இது ஜிமெயிலுக்கான நேரடி முகவரி என்பதால் விரைவில் மெயில்கள் கிடைக்கும்.

ஜிமெயில் தளம் எப்படி தோற்றமளித்தாலும் பரவாயில்லை; வேகமாக மெயில்கள் வந்தால் போதும் என்று எண்ணுபவர்கள் இன்பாக்ஸைத் திறக்க அதன் எச்.டி.எம். எல்.லிங்க்கைப் பயன்படுத்தலாம் https://mail.google.com/mail/h என்ற முகவரியை அமைத்துப் பயன்படுத்துங்கள். மின்னல் வேகத்தில் மெயில்கள் காட்டப்படுவதனைக் காணலாம். இது எச்.டி.எம்.எல். தோற்றத்தில் கிடைக்கும். பின் இதிலிருந்து வழக்கமான முறைக்கும் மாறிக் கொள்ளலாம்.

அலங்காரம் எதுவும் இல்லாமல், கூகுள் விளம்பரம் எதுவும் இல்லாமல் வேகமாக ஜிமெயில் வேண்டும் என்றால் கூகுள் மொபைல் பதிப்பைப் பயன்படுத்தலாம். இந்த பதிப்பைப் பெற http://www./google.com/mobile/gmail/#utm_source=encppg4mcgmhp&utm_medium =cpp&utm_campaign=en

என்ற முகவரி யில் உள்ள தளத்தை அணுகவும். இது மிகவும் எளிமையாகவும் கூடுதல் வசதிகளைக் காட்டும் ஐகான்கள் எதுவுமில்லாமல் இருக்கும். ஆனால் ஜிமெயில் ஸ்பீட் வேகமாகக் கிடைக்கும்.

ஒவ்வொருமுறை ஜிமெயில் தளத்தில் நீங்கள் லாக் இன் செய்திடுகையிலும் அது நீங்கள் எந்த பிரவுசரைப் பயன்படுத்துகிறீர்கள் என்று செக் செய்திடும். அதற்கேற்ற வகையில் தன் முகப்பு தோற்றத்தை அமைத்துக் கொடுக்கும். இந்த பிரவுசரைச் சோதனை செய்திடும் வேலையை ஜிமெயில் மேற்கொள்ள விடாமல் செட் செய்திடலாம். இதனாலும் ஜிமெயில்கள் நமக்கு வேகமாக டவுண்லோட் ஆகும். இதற்கு http://mail.google.com/gmail?nocheckbrowser என்ற லிங்க்கைப் பயன்படுத்தவும். இதனால் ஜிமெயில் வேகமாகக் கிடைப்பது மட்டுமின்றி ஜிமெயிலால் பயன்படுத்த முடியாத பிரவுசர் இருப்பின் அதனால் ஏற்படும் பிரச்சினைகள் எழாதவகையில் இது தீர்வைத் தரும்.

இறுதியாக நாம் அனைவரும் கட்டாயம் மேற்கொள்ள வேண்டிய ஒரு வேலை. பிரவுசர் கேஷ் மெமரி, குக்கீஸ் மற்றும் தற்காலிக இன்டர்நெட் பைல்கள் அனைத்தையும் காலி செய்திடும் வேலை. நிறைய பிரவுஸ் செய்திடுபவர்களின் கம்ப்யூட்டரில் இவை அதிகப்படியாகத் தங்கி உங்கள் இன்டர்நெட் வேலையைக் கடினமாக்கும். ஜிமெயில் கிடைப்பது மட்டுமின்றி உங்கள் இணைய உலாவினையும் சிரமப்படுத்தும். எனவே குறிப்பிட்ட கால அவகாசத்தில் இவற்றை கிளியர் செய்வது நல்லது.

மேலே கூறிய செயல்பாடுகளை மேற்கொண்டு பின் ஜிமெயில் எப்படி இயங்குகிறது என்று பாருங்கள். நிச்சயம் வேறுபாட்டினை உணர்வீர்கள்.

அமெரிக்காவில் அர்ஜென்டினாவில் டைம் என்ன?

தமிழ்நாட்டில் பத்து குடும்பங் களை எடுத்துக் கொண் டால் அதில் ஏழு குடும்பங்களில் இஞ்சினியரிங் படித்தவர்கள் இருக்கிறார்கள். அதில் இரு குடும்பங்களில் இளைய தலைமுறையினர் வெளிநாடுகளில் வேலை பார்க்கின்றனர். இவர்களின் பெற்றோர்களுக்கு, தாத்தா பாட்டிகளுக்கு அவர்களுடன் தொடர்பு கொள்ள முயற்சிக்கையில் அங்கு அவர்கள் வாழும் நாட்டில் இப்போது என்ன மணி இருக்கும்? அவர்கள் ஆபீசில் இருப்பார்களா? தூங்கிக் கொண்டிருப்பார்களா? என்ற கேள்வி எழும்.

இங்கு ஐ.டி. துறையில் பணியாற்றும் பலரும் தங்கள் அலுவலகங்களில் வெளிநாடுகளில் நிறுவனங்களுக்கு இயங்க வேண்டிய பி.பி.ஓ. நிறுவனங்களை இங்கு இயக்கி வருகின்றனர். இவர்களுக்கு அந்த அந்த நாடுகளில் அப்போது நேரம் என்னவாய் இருக்கும் என்ற கேள்வி எழுகிறது.

இந்த கேள்விகளுக்கெல்லாம் விடை தரும் வகையில் தீர்வு ஒன்றினை Foxclocks அளிக்கிறது. இதன் தன்மை மற்றும் இயக்கும் விதம் குறித்து இங்கே காணலாம்.

பெயரைப் படித்தவுடனேயே இது பயர்பாக்ஸ் பிரவுசருடன் தொடர்பு கொண்டது என்று உணர்ந்திருப்பீர்கள். ஆம். இது பயர்பாக்ஸ் பிரவுசருக்காக அண்மையில் வடிவமைக்கப்பட்டு வழங்கப்பட்ட ஒரு ஆட்–ஆன் தொகுப்பு. இந்த குறிப்புகளைப் படித்தவுடன் நிச்சயம் இதனை நீங்கள் டவுண்லோட் செய்து பயன்படுத்தப் போகிறீர்கள் என்பது உறுதி.

பாக்ஸ் கிளாக்ஸ் என்பது பயர்பாக்ஸ், தண்டர்பேர்ட் மற்றும் சன்பேர்ட் ஆகியவற்றிற்காக உருவாக்கப்பட்டது. இந்த புரோகிராமினைப் பயன்படுத்தி உங்கள் டாஸ்க்பார், டூல்பார் என எதிலும் ஓர் உலகக் கடிகாரத்தை இயக்கலாம். பல நாடுகளின் நேரத்தை அறிய விரும்புபவர்களுக்கு இது அருமையான வசதியான புரோகிராம் ஆகும்.

எப்படி ஒரே நேரத்தில் பல நாடுகளின் நேரத்தை அறிய முடியும் என்று சிலர் ஆச்சரியப்படலாம். பாக்ஸ் கிளாக்ஸ் மூலம் பல கடிகாரங்களை உங்கள் டாஸ்க் பாரில் அமைத்திட முடியும். மேலும் உங்கள் தேவைகளுக்கேற்ப இந்த கடிகாரங்களை பார்மட் செய்திட முடியும். ஒவ்வொரு நாட்டிற்கான கடிகாரத்தினை ஒவ்வொரு வண்ணத்திலும் அமைக்க முடியும். குறிப்பிட்ட ஒரு கடிகாரம் குறிப்பிட்ட நேரத்தினை அடையும்போது அதன் வண்ணத்தை மாற்றும் படி செட் செய்திட முடியும். உங்களுக்கு ஒரு நண்பர் ஜப்பானில் இருக்கிறார். அந்த நாட்டு நேரப்படி அவரை ஒரு குறிப்பிட்ட நேரத்தில் அழைக்க வேண்டும் என நீங்கள் திட்டமிட்டால் அதனையும் செட் செய்து குறிப்பிட்ட நேரத்தில் உங்களுக்கு அறிவிக்கும்படியும் செய்திடலாம்.

இது ஒரு ஜாலியான வேடிக்கையாகவும் இருக்கும். ஒரே நேரத்தில் உலகத்தில் ஒருவர் தூங்கும்போது இன்னொருவர் தீவிரமாக வேலை பார்ப்பதையும், இன்னொரு நாட்டில் உள்ளவர் அவசரமாக பணிக்குச் செல்ல தயாராவதையும், இன்னொரு கோடியில் உள்ளவர் சாப்பிடுவதனையும் அந்த நேரத்தை வைத்து எண்ணிப் பார்க்க ஜாலிதான்.

சரி, இதனை எப்படி டவுண்லோட் செய்து பதிந்து இயக்குவது என்று பார்ப்போம்.

முதலில் https://addons.mozilla.org/firefox/1117/ என்ற தளத்திற்குச் செல்லுங்கள். அங்கு கிடைக்கும் Install Now என்ற பட்டனில் கிளிக் செய்திடவும்.

இந்த புரோகிராமின் தற்போதைய பதிப்பு எண் பயர்கிளாக்ஸ் 2.5.33. சென்ற மே 12ல் வெளியிடப்பட்டது. இந்த லேட்டஸ்ட் புரோகிராமினை டவுண்லோட் செய்வதனை உறுதி செய்து கொள்ளுங்கள். இது பல்வேறு ஆசிய மற்றும் ஐரோப்பிய மொழிகளில் கிடைக்கிறது. தமிழில் இல்லாததால் ஆங்கிலத்தில் கிடைப்பதனை எடுத்துக் கொள்ளவும்.

பாக்ஸ்கிளாக்ஸ் உங்கள் கம்ப்யூட்டரில் இன்ஸ்டால் ஆனவுடன் அதனுடைய இன்டர்பேஸ் மூலம் எந்த எந்த நாட்டு கடிகாரங்கள் உங்களுக்கு வேண்டும் என்பதனைத் தேர்ந்தெடுக்கவும்.

ஒரு குறிப்பிட்ட கடிகாரத்தைப் பெற டூல்ஸ் என்ற மெனு சென்று அங்கு கிடைக்கும் பல்வேறு கடிகாரங்களில் உங்களுக்குத் தேவைப்படும் அல்லது நீங்கள் விரும்பும் அனைத்து கடிகாரங்களையும் தேர்ந்தெடுக்கவும்.

கடிகாரங்களைத் தேர்ந்தெடுத்த பின் அவை எப்படி தோற்றமளிக்க வேண்டும், எங்கே அமைக்கப்பட வேண்டும் என்பவற்றையும் செட் செய்திடவும். அனைத்தும் அமைந்துவிட்டதா! இனி ஜாலியாக இவற்றை ரசிக்கவும். பாக்ஸ்கிளாக்கினை இயக்க Ctrl+Shift+Q பயன்படுத்துங்கள். மூடிட Ctrl+W பயன்படுத்துங் கள்.

பாக்ஸ் கிளாக்ஸ் புரோகிராமுடன் இணைந்து செயலாற்றும் இன்னொரு புரோகிராமினை நான் உங்களுக்குச் சொல்லியாக வேண்டும். இது ஙூணிணஞு கடிஞிடுஞுணூ என்று அழைக்கப்படுகிறது. இதன் மூலம் உலகின் பல்வேறு பூகோள மண்டலங்களுக்கு நீங்கள் செல்லலாம். உலகின் பல்வேறு நேர மண்டலங்களை இதன் மூலம் அறியலாம். இதனைப் பயன்படுத்தி நீங்கள் தேர்ந்தெடுத்துள்ள பல்வேறு நாட்டின் கடிகாரங்களை வரிசைப்படுத்தி அமைக்கலாம். இதனைப் பெற http://webscripts.softpedia.com/script/Miscellaneous/TimeZonePickerComponents13699.htmlஎன்ற முகவரியில் உள்ள தளத்தைக் காணவும்.

உலகின் ஒரு மூலையில் உள்ள நாட்டின் கால மண்டலத்தைப் பற்றி அறிந்து கொள்ள வேண்டும் என்றால் பாக்ஸ் கிளாக்ஸ் மீது டபுள் கிளிக் செய்தால் ஸோன் பிக்கர் உங்களுக்கு அதனைத் தரும்.

பாக்ஸ் கிளாக்ஸ் குறித்து இன்னும் உங்களுக்கு சந்தேகம் இருந்தால் http://www.stemhaus.com/firefox/foxclocks/ என்ற முகவரியில் உள்ள தளத்திற்குச் சென்று அது குறித்த முழுமையான தகவல்களைப் பெறுங்கள்.

பாக்ஸ்கிளாக்ஸ் இன்னும் பல வசதிகளைத் தருவதனை நீங்கள் அறிந்து கொள்ளலாம். இடம் கருதி அவற்றை இங்கு பட்டியலிடவில்லை. இந்த தளம் சென்று பாக்ஸ்கிளாக்ஸ் குறித்த அனைத்து தகவல்களையும் அறிந்து கொண்ட பின்னர் நீங்கள் இதனை டவுண்லோட் செய்திடலாம். இந்த தளத்திலும் பாக்ஸ்கிளாக்ஸ் டவுண்லோட் செய்திட லிங்க் ஒன்று தரப்பட்டுள்ளது. இனி என்ன! பாக்ஸ்கிளாக்ஸ் உங்கள் கம்ப்யூட்டரில்; உலகம் உங்கள் விரல் அசைவில்.

ஆப்பரா 10 பீட்டா தொகுப்பு

நீங்கள் ஆப்பரா பிரவுசரைப் பயன்படுத்துபவர் என்றால் உங்களுக்கு அருமையான விருந்து காத்திருக்கிறது. ஆப்பரா சோதனைத் தொகுப்பு 10 வெளியிடப்பட்டுள்ளது. கூடுதல் வேகத்துடன் கண்களுக்கு விருந்தளிக்கும் பல வசதிகள் புதிதாக இணைக்கப்பட்டுள்ளன.

சென்ற மாதம் குரோம் பிரவுசர் பதிப்பு 2 வெளியானதை அடுத்து ஆப்பராவின் புதிய பதிப்பிற்கான சோதனை தொகுப்பு வெளியாகி உள்ளது. விண்டோஸ், மேக், லினக்ஸ், சோலாரிஸ் ஆகிய ஆப்பரேட்டிங் சிஸ்டங்களுக்கான அனைத்து பிரவுசர் தொகுப்புகளும் வெளியாகி உள்ளன. அதன் சில சிறப்பு அம்சங்களை இங்கு காணலாம்.

நம் கண்களை முதலில் கவர்வது புதிய தோற்றம் தரும் அதன் ஸ்கின்கள். சரியான முனை மடிப்புகளுடன் எடுப்பான தோற்றத்துடன் உள்ளது.

பேனல் டிஸ்பிளே பட்டன் முதல் டேப்பிற்கு முன்னால் தரப்பட்டுள்ளது. உங்களுக்குப் பிரியமான தளங்களுக்கு புக் மார்க் அமைக்கிறீர்களா! அவற்றுக்கு இதய வடிவிலான ஐகான்கள் தரப்படுகின்றன. இனி இதன் செயல்பாட்டிற்கு வருவோம்.

இதனைப் பல்வேறு சோதனைக்கு உட்படுத்திய பல சாப்ட்வேர் சோதனையாளர்கள், சோதனைகள் அனைத்திலும் இந்த பதிப்பு நல்ல வேகத்தைக் காட்டியதாக தெரிவித்துள்ளனர். பொதுவாக பிரவுசர்களை ஆசிட் 3 டெஸ்ட், சன்ஸ்பைடர் டெஸ்ட் ஆகியவற்றின் மூலம் சோதனை செய்வார்கள். இவற்றில் இதன் வேகம் மற்ற பிரவுசர்களுக்கு இணையாக இருந்ததாக கண்டறிந்துள்ளனர்.

குறிப்பாக முந்தைய பதிப்புகளில் ஜிமெயில் பெற மிகத் தாமதமானது. இந்த பதிப்பில் ஜிமெயில் வேகமாக இறக்கப்பட்டு கிடைக்கிறது. கீழாக இடது ஓரத்தில் ஆப்பரா டர்போ ஐகானைக் கிளிக் செய்து பிரவுசரை செட் செய்திடலாம். இதில் உள்ள ஆட்டோமேடிக் ஆப்ஷன் மெதுவாக இன்டர்நெட் இணைப்பு இருந்தால் அதனைக் கண்டறிந்து வேகமாக மாற்றுகிறது. ஆப்பரா டர்போ என்பது சர்வரை துணைக்கு இழுத்து டேட்டாவை கம்ப்ரஸ் செய்து செயல்படுத்தும் தொழில் நுட்பமாகும். டவுண்லோட் செய்யப்படும் பக்கங்கள், அதில் உள்ள இமேஜஸ் ஆகியவற்றை இந்த தொழில் நுட்பம் கண்காணித்து கிடைக்கும் பேண்ட்வித் திறனைக் கொண்டே அவற்றை வேகமாக டவுண்லோட் செய்திட வழி தருகிறது.

ஆப்பரா பிரவுசரில் தான் முதன் முதலில் ஸ்பீட் டயல் வசதி தரப்பட்டது. அதன் பின் குரோம் மற்றும் சபாரியில் தரப்பட்டது. இப்போது வந்துள்ள ஆப்பரா பதிப்பில் 25 ஸ்பீட் டயல் வசதியினை ஏற்படுத்திக் கொள்ளலாம். இந்த டயல் கிரிட்டை 2×2 என்ற அளவில் சிறியதாகவும் 5×5 என்ற அளவில் பெரியதாகவும் அமைத்துக் கொள்ளலாம். இவற்றை மறைத்து வைத்திட Hide Speed Dial உதவுகிறது.

மேலே சொன்ன சில சிறப்பு அம்சங்களுடன் வழக்கமான வசதிகளும் இதில் உள்ளன. ஒவ்வொரு பிரவுசரும் ஏதேனும் புதிய வசதிகளை அறிமுகப்படுத்தி பிரவுசர் சந்தையில் அதிக வாடிக்கையாளர்களைப் பெறத் துடிக்கின்றன.

இவை அனைத்தும் இப்போது கவனம் செலுத்தும் வசதி ஜியோலொகேஷன் என்னும் புதிய தொழில் நுட்பத்தில் தான். ஆப்பரா 10, கூகுள் குரோம் 3, பயர்பாக்ஸ் 3.5 மற்றும் சபாரி ஆகிய அனைத்தும் புதிய பதிப்புகளை விரைவில் இந்த வசதியுடன் வெளியிட உள்ளன. இவை வந்த பின்னரே எது உயர்ந்திருக்கிறது என்று தெரிய வரும்.

சர்ச் இன்சினில் தவிர்க்க வேண்டியவை


நம் கம்ப்யூட்டருக்குள் மால்வேர் புரோகிராம்கள் நுழைந்து நம் பெர்சனல் தகவல்களைத் திருடி அனுப்புவது ஒரு வகை திருட்டு. ஆனால் சர்ச் இஞ்சின்களில் நாம் தகவல்களைத் தேடுகையில் பல இஞ்சின்கள் நம்முடைய பெர்சனல் தகவல்களைத் திருடும் வாய்ப்பு உள்ளதே”  இந்தக் கோணத்தில் பிரச்சினையை அணுகுகையில் ஏன் இது நடக்கக் கூடாது என்ற சந்தேகம் நமக்கு எழும்புகிறது. அதே நேரத்தில் சர்ச் இஞ்சின்கள் நம் கம்ப்யூட்டரில் உள்ள பெர்சனல் தகவல்களை நிச்சயம் திருடாது என்ற நம்பிக்கையும் கிடைக்கிறது. இருப்பினும் நாம் தகவல்களைத் தேடுகையில் பின்னணியில் என்ன நடை பெறுகிறது என்று யாருக்குத் தெரியும். எனவே ஒரு சில முன்னெச்சரிக்கை நடவடிக்கைகளை எடுத்தால் நாம் ஓரளவிற்கு பாதுகாப்பாகவும் நம்பிக்கையாகவும் இயங்கலாமே. அத்தகைய நடவடிக்கைகள் குறித்து இங்கு காணலாம்.

முதலிலிருந்து இங்கு பார்ப்போம். ஒவ்வொரு முறை நீங்கள் ஒரு சர்ச் இஞ்சினைப் பயன்படுத்துகையில் (யாஹூ, கூகுள் போன்றவை) நீங்கள் தேடுதலுக்குப் பயன்படுத்தும் அனைத்து சொற்களையும் அவை டேட்டாவாக ஸ்டோர் செய்கின்றன. அத்துடன் நாம் செல்லும் அனைத்து தளங்களையும் தகவல்களாகப் பதிவு செய்து கொள்கின்றன. நாம் எந்த நாளில் எந்த நேரத்தில் இவற்றைத் தேடுகிறோம் என்ற தகவல்களையும் எடுத்துக் கொள்கின்றன. ஏன், நம் ஐ.பி. முகவரியைக் கூட இவை பதிந்து வைத்துக் கொள்கின்றன என்பதே உண்மை. இவற்றிலிருந்தே இந்த சர்ச் இஞ்சின்கள் நாம் எத்தகைய மனப்பாங்கு உள்ளவர்கள், இணையத்தை எதற்கெல்லாம் பயன்படுத்துகிறோம், நம் விருப்பங்கள், வெறுப்புகள் ஆகியவற்றைக் கணக்கிட்டுக் கொள்ளும் வாய்ப்பு அளிக்கப்படுகிறது. இது நம் பெர்சனல் வாழ்க்கையில் ஒருவர் தலையிடுவதைப் போல்தான். ஆனால் வேறு வழியில்லையே என்று நாம் அலுத்துக் கொள்ள வேண்டியதுள்ளது. இருப்பினும் இதிலிருந்து தப்பிக்கும் வழிகள் சிலவற்றை இங்கு காணலாம்.

1. சர்ச் இஞ்சினில் லாக் இன்,கூடுதல் வசதிகள் வேண்டாம்: எந்த சர்ச் இஞ்சினில் நுழைந்தாலும் அதில் லாக் இன் செய்திட வேண்டாம். அவ்வாறு உங்கள் அடையாளத்தைக் கொண்டு உள்ளே நுழைந்தால் உடனே உங்களைப் பற்றிய குறிப்புகள் அங்கே செல்கின்றன. இதனை எப்படித் தவிர்க்கலாம்? சர்ச் இஞ்சின் தரும் கூடுதல் வசதிகள் எதனையும் பெறாதீர்கள். எடுத்துக்காட்டாக நீங்கள் கூகுள் சர்ச் இஞ்சினை வேறு எந்த தொடர்பும் இன்றிப் பயன்படுத்தினால் நம்மைப் பற்றிய தகவல் எதுவும் செல்லாது. ஆனால் அதன் கூகுள் டாக், ஜிமெயில், கூகுள் குரூப் போன்றவற்றைப் பயன்படுத்தினால் நம்மைப் பற்றிய தகவல்களை நாம் அதனிடம் கொடுத்துத்தான் ஆக வேண்டும். எனவே சர்ச் இஞ்சினில் தேடும் முன் இத்தகைய வசதி தரும் அனைத்து புரோகிராம்களிலிருந்தும் லாக் அவுட் செய்து விடுபட்டு வெளியே வரவும். இதனை அனைத்து சர்ச் இஞ்சின்களிலும் மேற்கொள்ள வேண்டும்.

2. கூகுளைவிட்டு விலகிச் செல்லுங்கள்: நம்மில் பலர் கூகுள் சர்ச் இஞ்சினைத்தான் பெரும்பாலும் பயன்படுத்துகிறோம். ஆனால் இதில் ஆபத்து உள்ளது என்று பலருக்குத் தெரியாது. கூகுள் சற்று வித்தியாசமாகத்தான் தன் செயல்பாடுகளைக் கொண்டுள்ளது. நம் தேடுதல் வேலையின் போது குக்கிகளைப் பயன்படுத்தி நம்மை அறிந்து கொள்கிறது. குக்கிகளை அழித்துவிட்டால் இந்த பிரச்சினை சரியாகிவிடும் என்று எண்ணுகிறோம். அனைத்து குக்கிகளையும் அழிப்பது நமக்கு சில வசதிகள் கிடைக்காமல் செய்துவிடும். எனவே கூகுள் ஏற்படுத்தும் குக்கிகளை மட்டும் நீக்கிவிடலாம் அல்லது தடுத்துவிடலாம்.

இதற்கு இன்டர்நெட் எக்ஸ்புளோரரில் Tools, Internet Options செல்லவும். இதில் Privacy  என்ற டேப்பினைத் தேர்ந்தெடுக்கவும். அடுத்து Sites  என்ற பட்டனில் கிளிக் செய்திடவும். அடுத்து Address of the Website  என்ற கட்டத்தில் கூகுள் தளத்தின் முகவரியினை (www.google.com)  டைப் செய்திடவும். டைப் செய்து முடித்தவுடன் Block  என்ற பட்டனில் கிளிக் செய்து முடிக்கவும்.

பயர்பாக்ஸ் பிரவுசரில் Tools  தேர்ந்தெடுத்து Options  செல்லவும். இங்கும் Privacy  டேப்பில் கிளிக் செய்திடவும். இதில் Exceptions  என்பதில் கிளிக் செய்து அதில் கூகுள் தளத்தின் முகவரியினை டைப் செய்திடவும். முடித்தவுடன் Block  என்பதில் கிளிக் செய்து முடிக்கவும்.

மேலே கூறிய செட்டிங்ஸ் முடித்துவிட் டால் கூகுள் தளத்தால் உங்கள் கம்ப்யூட்டரில் குக்கிகளைப் பதிய முடியாது. இதனால் உங்களைப் பற்றிய தகவல்களைச் சேர்க்க முடியாது.

3. உங்கள் ஐ.பி. முகவரியை மாற்றவும்: சர்ச் இஞ்சின்கள் உங்களைப் பற்றிய தகவல் களைப் பெரும்பாலும் உங்கள் ஐ.பி. முகவரியினைக் கொண்டே பெறுகின்றன. எனவே உங்கள் ஐ.பி. முகவரியை அடிக்கடி மாற்றுங்கள். நீங்கள் கேபிள் அல்லது டி. எஸ்.எல். மோடம் பயன்படுத்துபவராக இருந்தால் உங்கள் ஐ.பி. முகவரியை மாற்றுவது மிகவும் எளிது. உங்கள் மோடத்தினை சற்று நேரம் ஆப் செய்திடவும். சில நிமிடங் கள் கழித்து மீண்டும் ஆன் செய்து பயன்படுத்தவும். இதனால் உங்கள் பழைய ஐ.பி. முகவரி முற்றிலுமாக நீக்கப்பட்டு புதிய ஐ.பி. முகவரி உங்களுக்குக் கிடைக்கும். நீங்கள் டயல் அப் வகை கனெக்ஷன் வைத்திருந் தால் உங்களுக்கு இன்டர்நெட் வசதி வழங் கும் நிறுவனத்திடம் உங்கள் ஐ.பி. முகவரி அடிக்கடி மாற்றப்பட்டு வழங்கப்படுவதனை உறுதி செய்து கொள்ளவும். இல்லை என்றால் மாற்றிப் பெறும் வழியை அவர்களிடமே கேட்டுப் பெறவும்.

4. தேடுதலில் பெர்சனல் தகவல்கள் வேண்டாமே: தேடுதலில் உங்கள் பெயர், முகவரி,ஊர் போன்ற தகவல்கள் இருக்க வேண்டாம். சிலர் வேடிக்கைக்காக தங்களின் பெயர்கள், இமெயில் முகவரிகள், முகவரி, ஊர் பெயர், கிரெடிட் கார்டு எண் போன்றவற்றை இணைத்து தேடுவார்கள்.

இது வேடிக்கைக்காக என்றாலும் இதன் மூலம் நீங்கள் உங்கள் பெர்சனல் தகவல்களை ஊர் அறிய அனுப்புகிறீர்கள் என்பது உறுதி. உங்கள் அடையாளங்கள் திருடப்படுவதற்கான வாய்ப்புகளை நீங்களே வழங்குகிறீர்கள் என்பதுதான் இங்கு உறுதியாகிறது. உங்களைப் பற்றிய தகவல்கள் தவறானவர்களின் கைகளில் சிக்க வாய்ப்புகள் ஏற்படுகிறது.

5. பிற கம்ப்யூட்டர்களில் பெர்சனல் தேடுதல்கள்: உங்களைப் பற்றிய தகவல்களுடன் நீங்கள் கட்டாயமாகத் தேடுதலை மேற்கொள்ள வேண்டும் என்றால் உங்கள் வீடுகளில் அல்லது அலுவலகத்தில் உள்ள கம்ப்யூட்டர்களில் இந்த வகைத் தேடுதல்களை மேற்கொள்ள வேண்டாம். இதனால் பெரிய அளவில் பாதுகாப்பு என்ன கிடைக்கப் போகிறது என்று எண்ணலாம். உங்கள் வீடு அல்லது அலுவலகக் கம்ப்யூட்டரில் நீங்கள் தேடுதலை நடத்தியகையோடு வேறு புரோகிராம்களிலும் லாக் இன் செய்திடலாம். இதனால் தகவல்கள் ஒன்றுக்கொன்று பரிமாறிக் கொள்ளும் சூழ்நிலை ஏற்படலாம். ஆனால் நீங்கள் இதுவரை பயன்படுத்தாத பிற இடத்தில் உள்ள கம்ப்யூட்டர் என்றால் வேறு புரோகிராம்களில் லான் இன் செய்வதனை நீங்கள் மேற்கொள்ளமாட்டீர்கள்.

6. உங்கள் ஐ.எஸ்.பி. தரும் சர்ச் இஞ்சின் வேண்டாம்: இறுதியாக ஒரு ஆலோசனை. உங்களுக்கு இன்டர்நெட் இணைப்பு வழங்கும் நிறுவனம் ஏதேனும் சர்ச் இஞ்சின் வசதியைத் தந்தால் அதனை பயன்படுத்துவதைத் தவிர்க்கவும். ஏற்கனவே உங்கள் ஐ.பி. முகவரி இருப்பதால் உங்களைப் பற்றிய அடிப்படை பெர்சனல் தகவல்களை அவர்கள் எளிதாகப் பெறலாம். அவர்கள் தரும் சர்ச் இஞ்சினைப் பயன்படுத்துவதன் மூலம் மேலும் சில கூடுதல் தகவல்களை நீங்கள் அவர்களுக்கு வழங்குகிறீர்கள். இதனைத் தவிர்க்கலாமே. உங்களுக்கு சர்வீஸ் வழங்கும் நிறுவனத்தை நம்பாமால் என்ன செய்வது என்று நீங்கள் கேட்கலாம். இருப்பினும் உங்கள் பாதுகாப்பு முக்கியம் அல்லவா.

மேலே சொன்ன அனைத்தையும் நீங்கள் கட்டாயம் பின்பற்ற வேண்டும் என்பதில்லை. படித்து இவற்றை மேற்கொண்டால் பயன் இருக்கும், பாதுகாப்பு கிடைக்கும் என உணர்ந்தால் மேற்கொள்ளுங்கள்.

எக்ஸெல் டேட்டா காப்பி

வேர்ட், பவர்பாய்ண்ட்அல் லது வெப் சைட் ஆகியவற்றில் இருந்து டேட்டாவினை எக்ஸெல் தொகுப்புக்குக் கொண்டு செல்லும் சூழ்நிலை நம்மில் அனைவருக்கும் வரும். டேட்டாவினை பேஸ்ட் செய்திடுகையில் பார்மட்டிங் சாய்ஸ் குறித்து கவனம் கொண்டு செய்கிறோம். Paste Options button  பட்டன் மூலம் எங்கிருந்து கொண்டு வருகிறோமோ அந்த பார்மட்டிங் ஸ்டைலை அப்படியே வைப்பதா அல்லது எக்ஸெல் தன் பார்மட்டிங் ஸ்டைலுக்கு டேட்டாவினை மாற்றிக் கொள்ள அனுமதிப்பதா என்று முடிவு செய்கிறோம்.

இந்த Paste Options button  இல்லாமல் இந்த ஆப்ஷன் நமக்குக் கிடைக்குமா? என்று ஆய்வு செய்த போது அதற்கு ஒரு வழி கிடைத்தது. ஒட்டப்பட வேண்டிய டேட்டாவின் பார்மட்டிங் ஒரிஜினலாக எப்படி இருந்ததோ அப்படியே இருக்கட்டும் என விரும்பினால் வழக்கம் போல செல்லைத் தேர்ந்தெடுத்துப் பின் பேஸ்ட் செய்திடவும். அப்படி இல்லாமல் ஒட்டப்பட இருக்கும் டேட்டா எக்ஸெல் தரும் பார்மட்டில் இருக்க வேண்டும் என விரும்பினால் செல்லைத் தேர்ந்தெடுத்து அதில் டபுள் கிளிக் செய்து பின் பேஸ்ட் செய்திடவும். அதாவது பேஸ்ட் செய்திடும் முன் உங்கள் கர்சர் செல்லில் இருக்க வேண்டும். எக்ஸ்ட்ரா பட்டனை எல்லாம் தேடாமல் நம் பார்மட்டிங் விருப்பம் நிறைவேறிவிட்டதா? ஒரு முறை இதனை முயற்சி செய்து பாருங்களேன்.

சார்ட்களை உருவாக்குவது எப்படி?

எக்ஸெல் தொகுப்பில் சார்ட்களை உருவாக்க அனைத்து வழிகளிலும் உதவி தரப்படுகிறது. எக்ஸெல் தொகுப்பிடம் நீங்கள் எந்த டேட்டாவினைக் கொண்டு சார்ட் அமைக்க இருக்கிறீர்கள் என்பதனைக் காட்டினால் போதும். கீழ்க்காணும் வழிகளைக் கையாளுங்கள்:

1.எந்த டேட்டாக்களுக்கு சார்ட்டினை உருவாக்க வேண்டுமோ அந்த டேட்டாவினை முதலில் தேர்ந்தெடுத்துக் கொள்ளவும். ஒர்க் ஷீட் ஒன்றில் உள்ள அனைத்து டேட்டாவினையும் சார்ட்டில் கொண்டு வர விருப்பமில்லாதவர்கள் அவர்களின் சார்ட் அமைக்கும் நோக்கத்திற்கேற்ப குறிப்பிட்ட டேட்டாவினை மட்டும் தேர்ந்தெடுக்கலாம்.

2. பின் டூல் பாரில் உள்ள Chart Wizard மீது கிளிக் செய்திடவும். இப்போது சார்ட் விஸார்ட் டயலாக் பாக்ஸ் / சார்ட் டைப் (Chart Wizard Dialogue Box / Chart Type)விண்டோ கிடைக்கும்.

3. Chart Type என்பதன் கீழ் எந்த வகையான சார்ட் தயாரிக்க விருப்பமோ அந்த வகையினைத் தேர்ந்தெடுக்கவும். அதிலேயே தரப்பட்டுள்ள டிபால்ட் தேர்வு Column என்பதாகும்; ஆனால் நீங்கள் தேர்ந்தெடுக்க பல வகைகள் உள்ளன.

4. Chart Sub Type என்பதில் குறிப்பாக எந்த வகை சார்ட் டைப்பினை நீங்கள் பயன்படுத்த இருக்கிறீர்கள் என்பதனைக் காட்டும் வகையில் தேர்ந்தெடுக்கவும். ஒவ்வொரு சப் டைப் மீதும் உங்கள் கர்சரைக் கொண்டு கிளிக் செய்திடுகையில் அந்த சப் –டைப் பயன்பாடு குறித்து சிறிய விளக்கம் காட்டப்படும்.

5. உங்கள் டேட்டா இந்த சார்ட் மூலம் எப்படி இருக்கும் என்பதனைப் பார்க்க வேண்டும் என்றால் Press and Hold to View Sample (பிரஸ் அன்ட் ஹோல்ட் டு வியூ சாம்பிள்) என்ற டேப்பில் கிளிக் செய்திடவும். கிடைக்கும் படம் கிடைக்க இருக்கும் சார்ட்டின் ஒரு மாதிரிதான். இதைக் காட்டிலும் பல வகைகளில் மேம்பட்டதாகத்தான் கிடைக்க இருக்கும் சார்ட் இருக்கும். ஏனென்றால் முழு சார்ட்டும் மிகவும் சிறிய இடத்தில் சுருக்கப்பட்டு காட்டப்படுவதால் சார்ட்டின் அனைத்து பரிமாணங்களும் தெளிவாகக் காட்டப்பட மாட்டாது.

6. இன்னும் சில சார்ட் வகைகளைக் காண வேண்டும் என்றால் Custom Types என்னும் டேப்பினைக் கிளிக் செய்திடவும்.

7. சார்ட் டைப் குறித்து நீங்கள் முடிவு செய்து தேர்ந்தெடுத்துவிட்டால் Next பட்டனில் கிளிக் செய்திடவும். மீண்டும் இரண்டாவதான Chart Dialogue Box கிடைக்கும். இது Chart Source Data எனக் காட்டப்படும்.

8. இங்கே சார்ட் எப்படி கிடைக்கும் எனத் தெளிவாகக் காட்டப்படும். முதலில் படுக்கை வரிசையில் உள்ள டேட்டா அடிப்படையில் காட்டப்படும். நெட்டு வரிசையில் (Row) உள்ளபடி காட்ட Columns ரேடியோ பட்டனை அழுத்த வேண்டும்.

9. எந்த வரிசை மற்றும் எந்த சிரீஸ் செல்களிலிருந்து டேட்டா எடுக்கப்பட்டிருக்கிறது என்பதனைப் பார்க்க Series என்பதனைக் கிளிக் செய்திடவும்.

10. இனி தொடர்ந்து செல்ல நெக்ஸ்ட் பட்டனைக் கிளிக் செய்திடவும். இங்கு Chart Options (சார்ட் ஆப்ஷன்ஸ்) என்னும் மூன்றாவது சார்ட் விஸார்ட் கிடைக்கும்.

11. இங்கு கிடைக்கும் சார்ட் டைட்டில் பாக் ஸில் சார்ட்டிற்கான தலைப்பு ஒன்றை டைப் செய்திடவும்.

12. சார்ட்டின் கீழ் பகுதியில் வகை குறித்து டெக்ஸ்ட் அமைக்க விருப்பப்பட்டால் அதனை Category (X) என்னும் எடிட் பாக்ஸில் டைப் செய்திடவும்.

13. இதே போல வேல்யூக்கு டெக்ஸ்ட் அமைக்க விரும்பினால் Value (Y) Axis (வேல்யு ஒய் ஆக்ஸிஸ்) எடிட் பாக்ஸில் டைப் செய்திடவும்.

14. இதே போல நீங்கள் விரும்பும் வகையில் சார்ட் அமைத்திடத் தேவையான பல ஆப்ஷன்கள் அந்த விண்டோவில்கிடைக்கும். செட் செய்து கொள்ளலாம்.

15. அடுத்து பட்டனில் கிளிக் செய்திட Chart Locations (சார்ட் லோகேஷன்ஸ்) என்னும் நான்காவது சார்ட் விஸார்ட் கிடைக்கும்.

16. இது மிகவும் எளிமையான வேலை. நீங்கள் தயாரிக்கும் சார்ட் ஒர்க் ஷீட்டுடன் இணைந்து இருக்க வேண்டுமா? அல்லது தனியே இருக்க வேண்டுமா? என்பதனை முடிவு செய்து அமைக்க வேண்டும். உங்கள் முடிவிற்குச் சரியான ரேடியோ பட்டனை அழுத்தி பின் Finish பட்டனை அழுத்தவும்.

17. சார்ட் தயாராகிவிட்டது. அது ஒர்க் ஷீட்டின் நடுவே இடம் பெறும். நாம் தான் அதனை இழுத்து எந்த இடத்தில் வைக்க வேண்டுமோ அந்த இடத்தில் வைக்க வேண்டும். டேட்டாக்கள் மறைக்கப்படாமல் அதனை வைக்கலாம். சார்ட்டின் நீள அகலத்தை சரி செய்திட அதன் பார்டர்களில் கர்சரை வைத்து இழுக்கலாம்.

சார்ட்களின் வகைகள்

சார்ட்களை உருவாக்கி அமைப்பது எப்படி என்று பார்த்தோம். எக்ஸெல் தொகுப்பில் எத்தனை வகை சார்ட்களை அமைக்கலாம் என்று பார்க்கலாம்.

மொத்தம் 14 ஸ்டாண்டர்ட் சார்ட்கள் உள்ளன. இவை ஒவ்வொன்றிலும் இரண்டு அல்லது ஏழு துணை வகைகளும் உள்ளன. இவற்றுடன் 20 கஸ்டம் சார்ட் வகைகளும் தரப்பட்டுள்ளன. ஆனால் இந்த வகை சார்ட்கள் பெரும்பாலும் கலர் மற்றும் கிராபிக்ஸ் தோற்றத்தில் மட்டுமே மாறுபாட்டினைக் கொண்டிருக்கும். கீழே 14 ஸ்டாண்டர்ட் சார்ட்கள் குறித்து விளக்கம் தரப்பட்டுள்ளது.

1. ஏரியா சார்ட் (Area Chart): ஒரு குறிப்பிட்ட காலம் அல்லது வேறு வகைக்கான மதிப்பின் அடிப்படையில் அமையும் சார்ட். ஒரு வேல்யூ எந்த அளவிற்கு கூடுதலாக உள்ளதோ அதற்கேற்ற வகையில் அந்த அளவில் சார்ட்டில் அது இடம் பெறும்.

2. பார் சார்ட் (Bar Chart): இவை தான் பெரும்பான்மையோரால் பயன்படுத்தப்படும் சார்ட் ஆகும் .இதில் வேல்யூ படுக்கை வச பார்கள் மூலம் காட்டப்படும்.

3. பப்பிள் சார்ட் (Bubble Chart): மூன்று செட் வேல்யூவினை ஒப்பிட்டுக் காட்டுகிறது. இவை ஏறத்தாழ எக்ஸ்–ஒய் சார்ட் போல செயல்படும். எக்ஸ் மற்றும் ஒய் இதில் இரண்டு வேறு வேறு வேல்யூவினைக் குறிக்கின்றன.

4. காலம் சார்ட் (Column Chart): பார் சார்ட்டின் இன்னொரு வகை. இதில் வேல்யூக்கள் நெட்டு வரிசையில் அமைந்த பார்களினால் காட்டப்படும். எக்ஸெல் தொகுப்பில் இவை தான் டிபால்ட் சார்ட்டாக அமைக்கப்பட்டுள்ளன.

5. கோன் சார்ட் (Cone Chart): பார் அல்லது காலம் சார்ட் டைப்பின் இன்னொரு வகை. இதில் பார் அல்லது காலம் களுக்குப் பதிலாக கோன்கள் பயன்படுத்தப்படுகின்றன.

6. சிலிண்டர் சார்ட் (Cylinder Chart): மேலே உள்ளது போன்றவை. இங்கு வேல்யூக்களை சிலிண்டர்கள் காட்டும் வகையில் சார்ட் அமைக்கப்படும்.

7. டப்நட் சார்ட் (Doughnut Chart): பை சார்ட் போன்றவையே இவை. ஆனால் பை சார்ட் போல ஒரு டேட்டா சிரீஸ் மட்டும் என்ற வரையறை இதற்குக் கிடையாது. ஒவ்வொரு சிரீஸ் வகையும் டப்நட் ஒன்றின் வளையத்தால் காட்டப்படும்.

8. லைன் சார்ட் (Line Charat): இந்த சார்ட்டில் ஒவ்வொரு ஒய் வேல்யுவிற்கும் ஒரு எக்ஸ் வேல்யு இருக்கும். ஒரு மதிப்பில் காலத்தினால் ஏற்படும் மாறுதலைக்காட்ட இது அதிகம் பயன் படுத்தப்படுகிறது.

9. பை சார்ட் (Pie Chart): ஒரே ஒரு டேட்டா சிரீஸ் மட்டும் இதனால் காட்டப்படும். அதாவது ஒர்க் ஷீட்டில் ஒரு நெட்டு வரிசை அல்லது படுக்கை வரிசையில் உள்ள டேட்டா மட்டும் இதில் படமாகக் கிடைக்கும். இதில் அதிகமாக குறுக்காக தொடர்புள்ள வேல்யூக்களைக் காட்ட இயலாது. ஒரு டேட்டா சீரிஸில் உள்ள ஒவ்வொரு வேல்யூவும் ஒரு ஸ்லைஸால் காட்டப்படும். இப்படியே அடுக்கிக் காட்டப்படும். இந்த சார்ட் பார்ப்பதற்கு கவரும் வகையிலும் எளிதாகப் புரிந்து கொள்ளும் வகையிலும் இருக்கும்.

10. பிரமிட் சார்ட் (Pyramid Chart): பார் அல்லது காலம் சார்ட்டின் இன்னொரு வகை. இந்த சார்ட்டில் பார் அல்லது காலம் களுக்குப் பதிலாக பிரமிட்கள் பயன்படுத்தப்படுகின்றன.

11. ரேடார் சார்ட் (Radar Chart): இந்த ரேடார் கண்காணிக்கும் ரேடாரைக் குறிக்கவில்லை. ஒரு புள்ளியிலிருந்து ஒளி வெளியே ஒளிறுவதைக் குறிக்கிறது. இதில் மையம் என்பது சைபரைக் குறிக்கிறது. இதிலிருந்து ஒவ்வொரு சீரிஸ் டேட்டாவும் பயணிக்கிறது. ஒவ்வொரு வகைக்கும் ஒரு டேட்டா பாய்ண்ட் காட்டப்படும். இந்த டேட்டா பாய்ண்ட்கள் அனைத்தும் ஒரு வரியால் இணைக்கப்படும். இந்த சீரிஸ்களை வரிகள் குறுக்கே செல்வதால் ஏற்படும் ஏரியாவினை வைத்து மதிப்பை அறியலாம்.

12. ஸ்டாக் சார்ட் (Stock Chart): ஒரு டேட்டாவின் மூன்று முதல் ஐந்து வேல்யூக்களை இதன் மூலம் காட்டலாம்.

13. சர்பேஸ் சார்ட் (Surface Chart): வேல்யூக்களில் ஏற்படும் கால மதிப்பினை இது காட்டுகிறது. எனவே இது இரண்டு பரிமாணங்களின் தொடர்ச்சியாக உள்ள ஒரு வளைவாக இருக்கும்.

14. எக்ஸ்–ஒய் ஸ்கேட்டர் சார்ட் (XY Scatter chart): வேல்யூக்களை ஜோடி ஜோடியாக ஒப்பிட்டுக் காட்டும். எக்ஸ் மற்றும் ஒய் கோஆர்டினேட் செட்களாகக் காட்டும். ஒரு சோதனையில் ஏற்படும் பல்வேறு விளைவுகளின் மதிப்பைக் காட்ட இந்த சார்ட் பயன்படும்.

சார்ட்களில் டேட்டா லேபிள்

எக்ஸெல் ஒர்க் ஷீட்டில் சார்ட்களுக்கு டேட்டா லேபிள் அமைப்பது அந்த சார்ட் தெரிவிக்கும் முக்கிய தகவல்களை எடுத்துக்காட்டும். நீங்கள் அமைக்கும் சார்ட் பார்மட்டைப் பொறுத்து இந்த லேபிள்கள் தகவல்களைக் காட்டுவதில் சிறப்பிடங்களைப் பெறுகின்றன. இது எப்படி என்று பார்க்கலாம்.

எடுத்துக்காட்டாக நீங்கள் ஒரு பை – சார்ட் அமைத்தால் அதில் டேட்டாவிற்கான லேபிள் இல்லை என்றால் நிச்சயம் தகவல்கள் என்ன சொல்ல வருகின்றன, ஒன்றுக்கொன்று எப்படித் தொடர்புடையன என்று தெரியாது. இந்த டேட்டா லேபிள்களை எப்படி அமைப்பது என்று காணலாம். எக்ஸெல் 2007 பயன்படுத்துபவர்களுக்கு:

1. முதலில் எந்த சார்ட்டுக்கு டேட்டா லேபிள் அமைக்க வேண்டுமோ அதன் மீது கிளிக் செய்து இயக்கவும்.

2. லேஅவுட் டேப் ரிப்பன் காட்டப்படுவதனை உறுதி செய்திடவும்.

3. இதில் உள்ள Data Labels என்ற டூலைக் கிளிக் செய்திடவும். இந்த வகையில் எந்த இடத்தில் டேட்டா லேபிள்களை அமைக்க வேண்டும் என்பதற்கு பல ஆப்ஷன்களை எக்ஸெல் தருகிறது.

4. எங்கிருந்தால் சிறப்பாக அந்த லேபிள் தன் பணியைச் செய்திடுமோ அங்கு வைக்கவும். அடுத்து எக்ஸெல் 2003 பயன்படுத்துபவர்களுக்கு:

1. முதலில் எந்த சார்ட்டுக்கு டேட்டா லேபிள் அமைக்க வேண்டுமோ அதன் மீது கிளிக் செய்து இயக்கவும்.

2. பின் Chart மெனுவிலிருந்து Chart Options என்னும் பிரிவினைத் தேர்ந்தெடுக்கவும். இங்கே Chart Options டயலாக் பாக்ஸ் கிடைக்கும்.

3. இந்த பாக்ஸில் உள்ள Data Labels என்னும் டேபினைத் தேர்ந்தெடுக்கவும். இந்த டயலாக் பாக்ஸில் இடது பக்கம் பல்வேறு வகையான டேட்டா லேபிள்களைக் காட்டும். உங்களுடைய சார்ட்டின் தன்மைக்கேற்ப காட்டப்படும் டேட்டா லேபிள்களின் எண்ணிக்கை மற்றும் தன்மை மாறும்.

4. இந்த டேட்டா லேபிள்களைப் பார்த்தால் அடிப்படையில் ஐந்து வகைகள் இருப்பதை உணரலாம். ஒவ்வொன்றும் டேட் டாவின் தன்மை மற்றும் லேபிளின் வகை ஆகியவற்றை இணைப்பதில் வேறுபட்டிருக்கும். இவற்றிலிருந்து உங்கள் நோக்கத்தை வெளிக்காட்டும் சிறந்த லேபிள்களைத் தேர்ந்தெடுக்கலாம்.

5. OK கிளிக் செய்திடவும். சார்ட் லேபிள் களுடன் வடிவமைக்கப்பட்டு காட்டப்படுவதற்கு தயாராக இருக்கும்.

புதுக்கம்ப்யூட்டர் வீட்டுக்கு குடி போறீங்களா!


வீட்டில் பயன்பாட்டில் உள்ள கம்ப்யூட்டர் வாங்கி மூன்று முதல் ஐந்து ஆண்டுகள் ஆகிவிட்டால் அது பழைய மாடலாகி விடுகிறது. கூடுதல் திறன் கொண்ட புதிய கம்ப்யூட்டருக்கு மாற விரும்புகிறோம். யாருக்குத்தான் ஆசை இருக்காது. சரி, புதிய கம்ப்யூட்டர் வாங்கிவிடுகிறோம். அதற்காக பழைய கம்ப்யூட்டரை அப்படியே விட்டுவிட முடியுமா? நாம் கம்ப்யூட்டரில் மேற்கொள்ளும் பணிகள் தொடர வேண்டுமானால் பழைய வீட்டிலிருந்து பொருட்களைப் புதிய வீட்டிற்குக் கொண்டு வருவது போல புரோகிராம்களையும் பைல்களையும் புதிய கம்ப்யூட்டருக்கு மாற்ற வேண்டுமே. எதை எல்லாம் கட்டாயம் மாற்ற வேண்டும்? எதை எல்லாம் விருப்பமிருந்தால் மாற்றலாம்? அப்படி மாற்றுகையில் என்ன என்ன பாதுகாப்பு வழிகளை மேற்கொள்ள வேண்டும் என்று பார்ப்போமா!

புதுக் கம்ப்யூட்டரை இன்ஸ்டால் செய்தவுடன் நம்மில் பலர் அதில் மாற்றப்பட்ட அல்லது இன்ஸ்டால் செய்யப்பட்ட புரோகிராம்களை இயக்கிப் பார்க்க மாட்டோம். உடனடியாக இன்டர்நெட் இயங்குகிறதா என்று பார்ப்போம். இங்குதான் பிரச்சினக்கு பிள்ளையார் சுழி போடப்படுகிறது. இன்டர்நெட்டில் தான் நம் கம்ப்யூட்டரைக் கைப்பற்றும் பல அரக்கர்கள் இருக்கிறார்களே! அப்படியானால் சரியான முறையில் நம் கம்ப்யூட்டரின் பாதுகாப்பினை அமைக்காமல் உடனே இன்டர்நெட் செல்வது தவறு அல்லவா!

சோபோஸ் (Sophos)  என்னும் ஸ்வீடன் நாட்டு நிறுவனம் மேற்கொண்ட ஆய்வில் புதியதாக இயக்கப்படும் கம்ப்யூட்டர்களில் 50% கம்ப்யூட்டர்கள் பத்து நிமிடங்களில் இன்டர்நெட் சென்று அடுத்த ஐந்து நிமிடங்களில் ஏதேனும் ஒரு மால்வேர் தொகுப்பினால் பாதிக்கப்படுகின்றன என்று கண்டறிந்துள்ளது. என்ன, பயமாக இருக்கிறதா! கவலைப்பட வேண்டாம். இது போன்ற சூழ்நிலைகளைத் தவிர்க்கும் வழியாகக் கீழ்க்காணும் வழிமுறைகள் தரப்பட்டுள்ளன.

பழைய கம்ப்யூட்டரிலிருந்து என்ன வேண்டும்? பழைய கம்ப்யூட்டரில் அது வாங்கப்பட்ட நாளிலிருந்து இன்ஸ்டால் செய்தவை அனைத்தும் இருக்கும். பல வெகு மாதங்களாகப் தேவைப்படாததால் பயன்படுத்தப்படாமல் இருக்கும். எனவே அனைத்து புரோகிராம்களையும் மற்றும் டேட்டா பைல்களையும் முழுமையாகப் பார்வையிட்டு எவை எல்லாம் அவசியமாகத் தேவைப்படும் என முடிவு செய்திடவும். இதில் டேட்டா பைல்களை நாம் சிடியில் காப்பி செய்து மாற்றி விடலாம். ஆனால் புரோகிராம்களை மாற்ற நமக்கு அவற்றின் ஒரிஜினல் சிடிக்கள் அல்லது புரோகிராம்கள் தேவைப்படும். இனி எப்படி மாற்றுவது என்று பார்ப்போமா!

1. பைல்கள் மாற்றம்: பழைய கம்ப்யூட்டரில் உள்ள பல டேட்டா பைல்களை புதிய கம்ப்யூட்டருக்கு மாற்ற விரும்புவீர்கள். அல்லது அவற்றை சிடியில் பதிந்து வைத்திட திட்டமிடுவீர்கள். இவற்றை முதலில் சரியாக வகை செய்திட வேண்டும். அவை உருவான நாள் அடிப்படையில், டேட்டா எதனைப் பற்றியது என்பதன் அடிப்படையில், பயன்படுத்துபவரின் அடிப்படையில் என வகைப் படுத்த வேண்டும். இவற்றுக்கு சரியான லேபிள் கொடுப்பது நல்லது. உங்களுக்குப் பிடித்தமான மற்றும் தேவைப்படும் படங்கள், டாகுமெண்ட்கள், மியூசிக் பைல்கள், வீடியோ கிளிப்கள், சினிமா பைல்கள், வெப்சைட் பேவரைட் சைட்கள் என இவை பலவகைப்படும். குறிப்பாக உங்கள் பழைய கம்ப்யூட்டரை விற்கப் போகிறீர்கள் என்றால் இதுதான் உங்கள் பைல்களைப் பெற கடைசி சான்ஸ் இல்லையா! எனவே கவனமாக அனைத்தையும் வகைப்படுத்தி சிடியில் காப்பி செய்திடுங்கள். பின் பழைய ஹார்ட் டிஸ்க்கை முற்றிலுமாக பார்மட் செய்திடுங்கள். அனைத்து பைல்களையும் கவனமாக வகைப்படுத்தி சிடிக்களில் பதிந்து கொண்டீர்களா. அனைத்திற்கும் டைரக்டரி, போல்டர் மற்றும் பைல்கள் லிஸ்ட் வைத்துக் கொள்வது நல்லது. இதன் துணை கொண்டு பழைய கம்ப்யூட்டரிலிருந்து தேவைப்படும் பைல்கள் எல்லாம் சிடியில் காப்பி ஆகிவிட்டதா என்று சோதனை செய்து கொள்ளலாம்.

உங்கள் கம்ப்யூட்டரில் உள்ள புரோகிராம்களில் சில இன்டர்நெட்டிலிருந்து டவுண்லோட் செய்யப்பட்டு இன்ஸ்டால் செய்யப்பட்டிருக்கலாம். அவற்றின் டவுண்லோட் செய்யப்பட்ட ஒரிஜினல் பைல்கள் இருந்தால் அவற்றை மொத்தமாக ஒரு தனி சிடியில் காப்பி செய்து எடுக்கவும். இவற்றைக் கொண்டு உங்களுக்குத் தேவைப்பட்ட புரோகிராம்களை தேவைப்படும் பொழுதில் இன்ஸ்டால் செய்திடலாம்.

2. டெமோ விளம்பரப் புரோகிராம்களை நீக்குக: இன்டர்நெட்டில் பிரவுஸ் செய்திடுகையில் சில புரோகிராம்கள் நமக்கு பல பயன்பாடுகளைத் தருவதாக விளம்பரப்படுத்தி நம்மை இன்ஸ்டால் செய்திட தூண்டும் வகையில் இருக்கும். நாமும் இலவசம் தானே என்று இன்ஸ்டால் செய்திடுவோம். இயக்கிப் பார்க்கையில் இவை ஒரு வாரம் அல்லது 15 நாட்கள் மட்டுமே இலவசமாக இயங்கும் என அறிவிப்பு வரும். அதற்குப் பின் வேண்டும் என்றால் கட்டணம் செலுத்தச் சொல்லி கேட்கும். பின்னர் இதனை அன் இன்ஸ்டால் செய்திடாமல் வைத்திருப்போம். இந்த மாதிரி புரோகிராம்களை த்தொடர்ந்து வைத்திருப்பதால் எந்தப் புண்ணியமும் இல்லை. இத்தகைய புரோகிராம்களைக் கண்டறிந்து அவற்றை அழித்திட வேண்டும். புதிய கம்ப்யூட்டருக்குக் கொண்டு செல்லக் கூடாது.

3. புதிய கம்ப்யூட் டரைப் பாதுகாக்கும் வழிகள்: புதிய கம்ப்யூட்டரை இயக்கும் முன் அதனைப் பாதுகாக்கும் படைகளைச் சரியாக அமைக்க வேண்டும். சில வேளைகளில் கம்ப்யூட்டர் தரும் நிறுவனங்கள் ஆப்பரேட்டிங் சிஸ்டத்துடன் ஒரு சில இத்தகைய பாதுகாப்பிற்கான சாப்ட்வேர் தொகுப்புகளைப் பதிந்திருக்கலாம். ஆனால் நீங்கள் ஏற்கனவே சில தொகுப்புகளுக்குப் பழகிவிட்டதால் அவற்றையே இன்ஸ்டால் செய்வது நல்லது. முதலில் எத்தகைய பாதுகாப்பு வளையங்கள் வேண்டும் எனப் பார்க்கலாம்.

அ) ஆண்ட்டி வைரஸ் தொகுப்பு: வைரஸ்களுக்கு எதிரான ஆண்ட்டி வைரஸ் தொகுப்பு இன்ஸ்டால் செய்யப்பட வேண்டும். கட்டணம் செலுத்தி வாங்கியிருந்தால் அவற்றின் சிடி கொண்டு பதிந்துவிட்டு பின் அதனை உடனே அப்டேட் செய்திட வேண்டும். இலவசமாக டவுண்லோட் செய்திருந்தால் அந்த புரோகிராமினை காப்பி செய்து அல்லது சிடியில் இருந்தவாறே இன்ஸ்டால் செய்திட வேண்டும்.

ஆ) பயர்வால்: உங்கள் கம்ப்யூட்டருக்குள் நுழைய முயற்சிக்கும் கெடுதல் விளைவிக்கும் பைல்களைத் தடுத்து நிறுத்தும் சாப்ட்வேர் அல்லது ஹார்ட்வேர் சாதனமே பயர்வால். தொடர்ந்து பிராட்பேண்ட் இணைப்பில் உங்கள் கம்ப்யூட்டர் இருக்கப் போகிறது என்றால் இந்த பயர்வால் கட்டாயம் தேவை. விண்டோஸ் சர்வீஸ் பேக் 2 தரும் பயர்வால் இந்தத் தேவையை நிறைவேற்றும் என் றாலும் பல இலவச பயர்வால் தொகுப் புகள் இணையத்தில் கிடைக்கின்றன. அவற்றை நிறுவலாம்.

இ) ஸ்பைவேர் பாதுகாப்பு: உங்கள் கம்ப்யூட்டரில் உள்ள பெர்சனல் தகவல்களைத் திருடி அதன் மூலம் உங்கள் பணத் தைக் கறக்கும் புரோகிராம்கள் அடிக்கடி இன்டர்நெட் இணைப்பில் இருக்கும்போது வரலாம். இதனைத் தடுத்து நிறுத்த ஸ்பைவேர் பாதுகாப்பு புரோகிராம்கள் தேவை. இவையும் இலவசமாகக் கிடைக்கின்றன. மேலும் எக்ஸ்பி அல்லது விஸ்டா ஆப்பரேட்டிங் சிஸ்டம் வைத்திருப்பவர்கள் அவற்றிற்கான அப்டேட் பேட்ச் பைல்களை உடனடியாகப் பெற்று இணைக்க வேண்டும். ஏனென்றால் ஆப்பரேட்டிங் சிஸ்டத்தில் உள்ள குறைபாடுகளைச் சரி செய்திடும் பணியை இந்த பேட்ச் பைல்கள் மேற்கொள்கின்றன. இவற்றை இணைக்காவிட்டால் நம் கம்ப்யூட்டர் யாரும் நுழையும் திறந்தவீடாக மாறிவிடும்.

4. யூசர் அக்கவுண்ட் ஏற்படுத்தி அட்மினிஸ்ட்ரேட்டரைப் பாதுகாக்கவும்: நீங்கள் வாங்கிய புதிய கம்ப்யூட்டரில் ஏற்கனவே ஆப்பரேட்டிங் சிஸ்டம் பதியப்பட்டிருக்கலாம். அநேகமாக அது அட்மினிஸ்ட்ரேட்டர் அக்கவுண்ட்டாக இருக்கும். மற்றவர்கள் அதனைப் பயன்படுத்தக் கூடாது. எனவே அதனைப் பாஸ்வேர்ட் கொடுத்து பாதுகாத்துவிட்டு மற்றவர்கள் மற்றும் உங்கள் வீட்டில் உள்ள குழந்தைகள் பயன்படுத்த சில யூசர் அக்கவுண்ட்களை ஏற்படுத்தி வைக்கவும். இதன் மூலம் உங்கள் கம்ப்யூட்டரைப் பயன்படுத்தும் மற்றவர்கள் உங்கள் சிஸ்டத்தில் தேவையற்ற மாறுதல்களை ஏற்படுத்துவதைத் தடுக்கலாம்.

5. கூடுதல் பயர்வால் பாதுகாப்பு: விண்டோஸ் அல்லது சாப்ட்வேர் பயர்வால் பாதுகாப்புடன் ரௌட்டர் அல்லது ஹார்ட்வேர் பயர்வால் ஒன்றையும் கூடுதலாக ஏற்படுத்தலாம். இவை ஆப்பரேட்டிங் சிஸ்டத்துடன் வரும் ஹார்ட்வேர் பாதுகாப்பினைக் காட்டிலும் கூடுதலான பாதுகாப்பினை ஏற்படுத்தித் தரும். இரண்டு வகைப் பாதுகாப்பும் இணைந்தே செயல்படும்.

என்ன! புதிய கம்ப்யூட்டர் வாங்கி உடனே பயன்படுத்தலாம் என்று முனைந்தால் இவ்வளவு வேலை பார்க்க வேண்டுமா என்று சலித்துக் கொள்கிறீர்களா! ஆம், பார்த்துத்தான் ஆக வேண்டும். இல்லை என்றால் என்றும் தொல்லை தரும் அனுபவமாக உங்கள் கம்ப்யூட்டர் பயன்பாடு இருக்கும், பரவாயில்லையா?