Daily Archives: ஒக்ரோபர் 10th, 2009

பைல்களை வாங்கிப் பாதுகாக்கும் “மீடியா பயர்’

போட்டோக்கள், ஆடியோ மற்றும் வீடியோ பைல்களைத் தொடர்ந்து சேகரித்து வருபவரா நீங்கள்! அப்படியானால் உங்கள் பெர்சனல் கம்ப்யூட்டரின் ஹார்ட் டிஸ்க் விரைவிலேயே என்னிடம் இடம் இல்லையப்பா என்று எச்சரிக்கை விடுக்கும். அவ்வளவும் கண்டு கேட்டு மகிழும் பைல்களே; என்ன செய்யலாம். சிடி / டிவிடிக்களை நம்பி காப்பி செய்து பயன்படுத்துவது வேலை கெட்ட வேலை ஆயிற்றே என்று புலம்புவரா நீங்கள். கூடுதலாக இன்னொரு ஹார்ட் டிஸ்க் வாங்கினால் என்ன என்று திட்டமிடலாம். ஆனால் உங்கள் கம்ப்யூட்டரில் அதனை ஏற்றுக் கொள்ளக் கூடிய இடம் வேண்டும். மேலும் பணச் செலவு ஆகுமே? இப்படிக் கவலைப் படுபவரா நீங்கள்? அப்படியானால் நீங்கள் நிச்சயம் மீடியா பயர் குறித்துத் தெரிந்து கொள்ள வேண்டும்.

மீடியா பயர் ஆன் லைனில் எவ்வளவு பைல்களை வேண்டுமானாலும் பதிந்து வைத்துப் பயன்படுத்தும் வசதியினை அளிக்கிறது. அதுவும் இலவசமாக! இதனை தனிப்பட்ட உபயோகத்திற்கு மட்டுமின்றி உங்கள் நிறுவனங்களின் தேவைகளுக்கும் பயன்படுத்தலாம்.

www.mediafire.com என்ற முகவரியில் உள்ள தளத்திற்கு முதலில் செல்லுங்கள். இந்த தளத்தில் நுழைந்தவுடன் அதன் முகப்பு பக்கத்தின் நடுவில் ஒரு பட்டன் இருப்பதைக் காணலாம். அதில் “Upload files to MediaFire” என்று இருக்கும். அதில் கிளிக் செய்திடுங்கள். அப்போது திறக்கப்படும் பக்கத்தில் அடுத்தடுத்து மூன்று பட்டன்கள் தரப்படும். நீங்கள் காத்திட விரும்பும் பைல்களை இரண்டு வகைகளில் அப்லோட் செய்திடலாம். உங்களுக்கென ஓர் அக்கவுண்ட் திறந்து அப்லோட் செய்திடலாம். அல்லது எந்த அக்கவுண்ட்டும் இன்றி நேரடியாக பைல்களை அப்லோட் செய்திடலாம். அக்கவுண்ட் இல்லாமல் பைல்களை அப்லோட் செய்தால் அந்த பைல்களை நீங்கள் படிக்கலாம்; பார்க்கலாம். ஆனால் எடிட் செய்திட முடியாது. அவற்றை மீடியா பயர் தளத்திலிருந்தும் நீக்க முடியாது. இருப்பினும் இவ்வாறு மீடியா பயரில் சேவ் செய்திடும் பைலுக்கு உங்களுக்கென ஒரு லிங்க் தரப்படும். இதனைக் கிளிக் செய்து உங்கள் பைலை நீங்கள் பார்க்கலாம். உங்கள் நண்பர்களுக்கு அந்த லிங்க்கைக் கொடுத்து அவர்களையும் பார்க்குமாறு செய்திடலாம். பைல்களை மீடியா பயர் தளத்தில் ஏற்றிய பின்னர் எந்த நேரத்திலும் அந்த தளம் சென்று “MyFiles”பிரிவு சென்று நீங்கள் வைத்துள்ள பைல்களைப் பார்த்து படிக்கலாம்.

உங்களுக்கென தனி அக்கவுண்ட் திறப்பதுவும் மிகவும் எளிதுதான். மீடியா பயர் கேட்கும் உங்கள் மின்னஞ்சல் முகவரியினைத் தந்துவிட்டு ஏதேனும் ஒரு பாஸ்வேர்டைத் தர வேண்டும். உங்களுக்கென ஓர் அக்கவுண்ட் திறக்கப்படும். இனி உங்கள் பெர்சனல் அக்கவுண்ட் பயன்படுத்தி நீங்கள் பைல்களை மீடியா பயர் தளத்தில் பதிந்து, பதுக்கி வைக்கலாம்.

பைல்களை அப்லோட் செய்திட “Upload files to MediaFire” என்ற இடத்தில் கிளிக் செய்திடவும். உடனே விண்டோஸ் எக்ஸ்புளோரர் விண்டோ போல ஒரு விண்டோ கொடுக்கப்படும். உங்கள் கம்ப்யூட்டரில் உள்ள அனைத்து பைல்களையும் இந்த விண்டோ மூலம் பார்க்கலாம். நீங்கள் அப்லோட் செய்திட விரும்பும் அனைத்து பைல்களையும் தேர்ந்தெடுத்து அப்லோட் செய்திடலாம். எத்தனை பைல்களை வேண்டுமானாலும் அப்லோட் செய்திடலாம். ஆனால் பைல் ஒன்றின் அளவு 2 ஜிபி க்கு மேல் இருக்கக் கூடாது.

பைல்களை செலக்ட் செய்தவுடன் “Upload” என்ற பட்டனில் கிளிக் செய்திடவும். மீண்டும் விண்டோ ஒன்று புதியதாகத் திறக்கப்படும். இங்கு நீங்கள் மீடியா பயரில் பதிந்து வைக்கும் பைல்களுக்குப் புதியதாக ஒரு போல்டர் தயாரிக்கலாம். அல்லது அது தரும் மை பைல் என்ற போல்டரையே பயன்படுத்தலாம். எப்போது வேண்டுமானாலும் இந்த போல்டரில் உள்ள பைலை நீங்கள் பார்வையிடலாம். பைல் ஒன்று உங்களுக்கு மட்டுமான பிரைவேட் பைலா அல்லது உங்கள் நண்பர்களும் பார்க்கக் கூடியதான பப்ளிக் பைலா என்பதனையும் நீங்களே முடிவு செய்து அந்த அட்ரிபியூட்டை பைலுக்குக் கொடுக்கலாம்.

நீங்கள் உங்கள் அக்கவுண்ட்டின் பாஸ்வேர்டை மாற்ற வேண்டும் என எண்ணினால் உடனே மை அக்கவுண்ட் தேர்ந்தெடுத்தால் அங்கு அதற்கான வசதி கிடைக்கும். இங்கேயே உங்களுடைய முக்கியமான பைல்களுக்குமான பாஸ்வேர்டையும் உருவாக்கலாம். எங்கள் நிறுவன பைல்கள் எல்லாமே 4 ஜிபிக்கு மேலாகவே இருக்கின்றன. என்ன செய்யலாம்? என்று ஒரு சிலர் எண்ணலாம். மீடியா பயர் அதற்கும் வழி தருகிறது. கட்டணம் செலுத்தி அந்த வசதியைப் பெறலாம்.

உலக வரைபடத்தில் உங்கள் ஊரின் இடம், நேரம்

உலகின் எந்த மூலையிலும் உள்ள ஊர்களின் அப்போதைய நேரம், உலக வரை படத்தில் அதன் இடம், அந்த ஊரின் அட்ச ரேகை, தீர்க்க ரேகை, எந்த நாடு என அனைத்து தகவல்களையும் மிகக் குறைந்த நேரத்தில் காட்டும் இணைய தளம் ஒன்றைப் பார்க்க நேர்ந்தது. உசிலம்பட்டியில் இருந்து ஒரு வாசகர், அவர் ஊரின் அட்சரேகை, தீர்க்க ரேகையினை உடனே அறிவதற்கான இணைய தளம் உள்ளதா என்று கேட்டு கடிதம் எழுதியிருந்தார். அவருக்கான ஆசையினை நிறைவேற்றும் இணைய தளத்திற்காகத் தேடிய போது இந்த தளம் கிடைக்கப் பெற்றது. http://worldtimeengine.com/about என்ற முகவரியில் உள்ள தளம் தரும் தகவல்கள் வியப்பைத் தருகின்றன.
ஒரே நேரத்தில் நீங்கள் மூன்று வெவ்வேறு கண்டங்களில் இருக்கின்ற ஊரின் நேரத்தை அறியலாம்.எடுத்துக் காட்டாக சென்னை,லண்டன்,மாஸ்கோ (Chennai and London and Moscow) எனக் கொடுத்து நேரம் அறிய எணி என்ற பட்டனை அழுத்த வேண்டியதுதான். உடனே இந்த மூன்று ஊர்களின் சாட்டலைட் படம் மேப்பாகக் காட்டப்படுகிறது. நீங்கள் கேட்கும் ஊரின் மேலாக அடையாளம் காட்டப்படுகிறது. படத்திற்கு மேலாக ஊர் பெயர், ஊர் உள்ள நாடு, அது காலையா அல்லது மாலையா, இரவா எனக் காட்டி அப்போதைய நேரம், கிழமை மற்றும் தேதி காட்டப்படுகிறது. கீழாக சாட்டலைட் மேப் தரப்படுகிறது. மேப்பில் அந்த ஊரின் மற்றும் சுற்றி உள்ள ஊர்களின் சீதோஷ்ண நிலை காட்டப்படுகிறது. வழக்கம்போல் கூகுள் மேப்பில் ஸூம் செய்வது போல இதனையும் ஸூம் செய்து காணலாம். மூன்று வகை மேப்பினையும் காணலாம்.

இது பன்னாட்டளவில் பல ஊர்களுக்கு தொலைபேசி அல்லது இன்டர்நெட் மூலம் தொடர்பு கொள்பவர்களுக்கு அந்த ஊர்களின் அப்போதைய நேரத்தைத் தெரிந்து செயல்பட உதவும். சரி, விஷயத்திற்கு வரவும். உசிலம்பட்டி என்ற ஊரின் அட்சரேகை, தீர்க்க ரேகை என்ன என்று சொல்லவில்லையே என்று திட்டாதீர்கள்.
இதோ அவை: Latitude (அட்சரேகை): 9.9689450 degrees, Longitude (தீர்க்க ரேகை) 77.7876820 degrees. நீங்களும் உங்கள் ஊரின் ரேகைகளைப் பற்றித் தெரிந்து வைத்துக் கொள்ளுங்கள்.

ஜஸ்ட் ரிலாக்ஸ்

கம்ப்யூட்டர் இயங்கிக் கொண்டிருக்கிறதா? எக்ஸெல் மற்றும் வேர்ட் என வேலை பார்த்து உற்சாகம் குறைகிறதா?
இதோ ஓர் அதிர்ச்சி டானிக்.
1. கண்ட்ரோல் + ஆல்ட் + மேல் அம்புக் குறி அழுத்தவும்.
என்ன ஒன்றும் ஆகவில்லையா! பொறுங்கள். அடுத்து
2. கண்ட்ரோல் + ஆல்ட் + வலது அம்புக் குறி அழுத்தவும்.
அய்யோ இது என்ன! மானிட்டர் அப்படியேஇருக்க உள்ளே ஸ்கிரீன் மட்டும் திசை மாறித் தொங்குகிறதே எனப் பதற வேண்டாம்.
3. அடுத்து கண்ட்ரோல் + ஆல்ட் + இடது அம்புக் குறி அழுத்துங்கள். இப்போது ஸ்கிரீன் இன்னொரு பக்கத்தில் முறைத்துக் கொண்டு தொங்குகிறதா!
4. மீண்டும் கண்ட்ரோல்+ ஆல்ட்+ கீழ் அம்புக்குறி, அதன் பின் இதே சேர்க்கையில் மேல் அம்புக்குறி என அழுத்துங்கள்.
உங்கள் திரை பழையபடி ஆகிவிட்டதா!
என்ன! மறுபடியும் தைரியமாய் விளையாடப் போகிறீர்களா!
அதான் கம்ப்யூட்டர். என்ன செய்தாலும் ஒன்றும் கெட்டுப் போகாது.

எக்ஸெல் + கண்ட்ரோல் – எக்ஸெல் டிப்ஸ்… டிப்ஸ்…

எக்ஸெல் தொகுப்பில் கண்ட்ரோல் கீகள் மற்ற கீகளுடன் இணைந்து, ஷார்ட் கட் கீ தொகுப்பாக என்ன செயல்பாட்டினைத் தரும் என்பதனைப் பார்க்கலாம்.
Ctrl+A: அனைத்தையும் தேர்ந்தெடுக்கும்
Ctrl+B: எழுத்துக்களை போல்ட் (அழுத்தமானதாக) ஆக மாற்றும்
Ctrl+C: தேர்ந்தெடுத்ததனை காப்பி செய்திடும்
Ctrl+D: செல்லில் நிரப்பும் பில் கட்டளைக்கு
Ctrl+F: ஏதேனும் ஒன்றைத் தேடிக் கண்டுபிடிக்கும் பைண்ட் செயல்பாடு
Ctrl+G: கோ டு (Go To) கட்டம் கிடைக்கும்.
Ctrl+H: ரீபிளேஸ் என்ற கட்டளைக்கான கீகள்
Ctrl+I: தேர்ந்தெடுக்கப்பட்ட சொற்களை இடாலிக் எனப்படும் சாய்வாக மாற்றும்
Ctrl+K: ஹைப்பர்லிங்க் இடைச் செருகும்
Ctrl+N: புதிய ஒர்க் புக்கைக் கொண்டு வரும்
Ctrl+O: புதிய பைலைத் திறப்பதற்கான கீகள்
Ctrl+P: பிரிண்ட் கொடுப்பதற்கான கட்டளை தர
Ctrl+R: பில் ரைட் (Fill right) கட்டளை: இடது பக்கம் இருக்கும் செல்லின் மதிப்பை அப்படியே வலது புறமாக பில் அப் செய்திடும்.
Ctrl+S: பைலை சேவ் செய்திடும்
Ctrl+U: தேர்ந்தெடுத்த டேட்டாவின் கீழே கோடு அமைக்க
Ctrl+W: பைலை மூட
Ctrl+X: கட் கட்டளை; தேர்ந்தெடுத்த சொல்லை நீக்கி கிளிப் போர்டு கொண்டு செல்ல
Ctrl+Y: அப்போது நீக்கியதை மீண்டும் கொண்டு வர
Ctrl+Z: முன் செய்த செயலின் விளைவுகளை நீக்கி, முந்தைய நிலைக்குக் கொண்டு வர
Ctrl+1: பார்மட் செல்ஸ் டயலாக் பாக்ஸ் கொண்டுவர
Ctrl+2: போல்ட் என்ற அழுத்தமாக டேட்டாவினை அமைக்க
Ctrl+3: இடாலிக் எனப்படும் சாய்வாக டேட்டா அமைக்க
Ctrl+4: அடிக்கோடிட
Ctrl+5: குறுக்காக கோடிட
Ctrl+6: ஆப்ஜெக்ட் மறைக்கவும், காட்டவும் மேற்கொள்ளக் கூடிய டாகிள் கீ
Ctrl+7: ஸ்டாண்டர்ட் டூல் பாரினைக் காட்டவும், மறைக்கவும்
Ctrl+8: அவுட்லைன் அடையாளங்களைக் கொண்டுவர, மறைக்க
Ctrl+9: படுக்கை வரிசைகளை (Rows) மறைக்க
Ctrl+10: நெட்டு வரிசைகளை (Columns) மறைக்க
Ctrl+Shft+(: மறைத்த படுக்கை வரிசைகளை (Rows) மீண்டும் காட்ட
Ctrl+Shft+): மறைத்த நெட்டு வரிசைகளை (Columns) மீண்டும் காட்ட

எப்போதும் நினைவில் கொள்ள :
வலமிருந்து இடமாக ஒவ்வொரு செல்லாகச் செல்ல Tab தட்டவும்.
மேலும் கீழுமாகச் செல்களுக்குச் செல்ல Enter அழுத்தவும்.
Backspace அழுத்தினால் அப்போது உள்ள செல்லில் காணப்படும் தகவல்கள் அழிக்கப்படும்.
நீங்கள் இருக்கும் வரிசையில் முதல் இடத்திற்குச் செல்ல Home அழுத்தவும்.
Ctrl + ; (செமிகோலன்) கீகளை அழுத்த சிஸ்டத்தில் உள்ள அன்றைய தேதி பதியப்படும்.
Ctrl + Shift + : (கோலன்) கீகளை அழுத்த அப்போதைய சிஸ்டம் நேரம் பதியப்படும்.
ஒரு பார்முலாவைத் தொடங்க = (equal sign) அழுத்தவும்.
F7– செல்லில் உள்ள தலைப்பு மற்றும் சொற்களில் ஸ்பெல்லிங் பிழைகள் உள்ளதா என அறிய F7அழுத்தவும்.
அச்சில் செல்லை கட்டம் கட்ட எக்ஸெல் தொகுப்பில் ஒர்க் ஷீட்டைப் பிரிண்ட் எடுக்கையில் செல்களில் உள்ள டேட்டாவினைச் சுற்றி உள்ள கட்டமும் அச்சிடப்பட வேண்டும் என எண்ணுகிறீர்களா! கீழே கொடுத்துள்ளபடி செட் செய்தால் கட்டம் அச்சாகும்.
எங்கெல்லாம் செல்களைச் சுற்றிலும் மற்றும் குறுக்காகவும் பார்டர் வர வேண்டும் என திட்டமிடுகிறோமோ, அவற்றை முதலில் தேர்ந்தெடுக்க வேண்டும். பின் அதன்மீது கர்சரை வைத்து ரைட் கிளிக் செய்திடவும். விரியும் மெனுவில் Format Cells என்பதில் கிளிக் செய்தால் கிடைக்கும் விண்டோவில் எப்படி எல்லாம் கோடுகள் வேண்டும் என்பதற்கேற்ப ஆப்ஷன் தேர்ந்தெடுத்து ஓகே கிளிக் செய்து வெளியேற வேண்டும். அச்சில் கோடுகள் அதன்பின் கிடைக்கும்.

எக்ஸெல் இன்ஸெர்ட் பங்சன்:
எக்ஸெல் தொகுப்பில் ஏதேனும் ஒரு செல்லில் Formula ஒன்றை அமைக்க வேண்டும் என்றால் பார்முலாவினை டைப் செய்திடாமல் அதற்கான Insert பங்சனைக் கையாளலாம். மெனு பார் சென்று அதில் Insert அழுத்திக் கிடைக்கும் மெனுவில் Function பிரிவைக் கிளிக் செய்தால் காட்டப்படும் விண்டோவில் தேவையான பார்முலாவினையும் செல்களையும் தேர்ந்தெடுக்கலாம். இதனை கீ போர்டிலிருந்து கையெடுத்து மவுஸை இங்கும் அங்கும் நகர்த்தி இந்த பணியினை மேற்கொள்கிறோம். அதற்குப் பதிலாக கர்சரைச் சம்பந்தப்பட்ட செல்லில் வைத்துவிட்டு Shift+F3 கீகளை அழுத்தினால் போதும். இன்ஸெர்ட் பங்சன் விண்டோ கிடைக்கும்.

வரிசைகளை மொத்தமாகத் தேர்ந்தெடுக்க எக்ஸெல் தொகுப்பில் நெட்டு வரிசை மற்றும் படுக்கை வரிசைகளை (Column, Row) முழுமையாகத் தேர்ந்தெடுக்க அந்த வரிசையில் கர்சரை வைத்து கீழாகவோ அல்லது பக்க வாட்டிலோ கர்சரை இழுத்து ஹைலைட் செய்கிறீர்கள் அல்லவா? இந்த இழுபறி வேலையை இரண்டு கீகள் எளிதாக்குகின்றன. எந்த நெட்டுவரிசையினை (Column) ஹைலைட் செய்திட வேண்டுமோ அல்லது தேர்ந்தெடுக்க வேண்டுமோ அதில் உள்ள செல்கள் ஒன்றில் கர்சரை வைத்துப் பின் கண்ட்ரோல் கீயுடன் ஸ்பேஸ் பாரினை (Ctrl + Spacebar) அழுத்தவும். இப்போது அனைத்து செல்களும் தேர்ந்தெடுக்கப்படும். இதே போல படுக்கை வரிசையில் ஹைலைட் செய்திட Shift + Spacebar அழுத்தவும்.

கீ போர்டைப் பாருங்கள்
நாம் வேகமாக டைப் செய்திடுகையில் சில வேளைகளில் அனைத்து எழுத்துகளும் தவறாக டைப் செய்யப்படும். காரணம்? கீ போர்டில் நம் விரல்கள் வழக்கமாக இல்லாமல் ஒரு கீ இடது பக்கமோ, வலது பக்கமோ தள்ளி இருக்கலாம். இதனைத் தவிர்த்து, எப்போதும் சரியாக இருக்க, உங்கள் கீ போர்டில் ஒரு வழி தரப்பட்டுள்ளது. கீ போர்டில் உள்ள ஜே மற்றும் எப் எழுத்துக்கான கீகளைப் பார்த்து இரண்டு ஆட்காட்டி விரல்களாலும் ஸ்பரிசித்துப் பாருங்கள். சிறிய மேடு ஒன்று இரண்டிலும் தட்டுப்படுகிறதா? வேகமாக டைப் செய்பவர்கள் மற்றும் முறையாக டைப் ரைட்டிங் கற்றுக் கொண்டவர்கள் மானிட்டரைப் பார்த்துத்தான் டைப் செய்திடுவார்கள். இவர்கள் கீ போர்டில் விரல்களைச் சரியான கீகளில் வைத்துத்தான் தாங்கள் டைப் செய்கிறோம் என்பதனைக் கீ போர்டைப் பார்க்காமலேயே உணர்ந்து கொள்ள இந்த இரண்டு கீகளிலும் சிறிய மேடு தரப்பட்டுள்ளது. இதை இரண்டு ஆட்காட்டி விரல்களும் உணர்ந்தால் உங்கள் விரல்கள் சரியான முறையில் கீகளைத் தொட்டுக் கொண்டிருக்கின்றன என்று பொருள்.

காசாக ஒரு பிளாஷ் டிரைவ்


எத்தனையோ உருவங்களில் பிளாஷ் டிரைவ்கள் வந்து நம்மை வியப்பில் ஆழ்த்தி வருகின்றன. அண்மையில் பிரான்ஸைச் சேர்ந்த லா சீ (LaCie) என்ற நிறுவனம், முற்றிலும் புதிய வகையில் பிளாஷ் டிரைவ் ஒன்றை உருவாக்கி விற்பனைக்கு அறிமுகப்படுத்தி யுள்ளது. இது ஒரு நாணய உருவத்தில் உள்ளது. அதனாலேயே இந்த டிரைவிற்கு CurrenKey என்று பெயரிடப்பட்டுள்ளது. வெண்கலத்தில் உருவாக்கப்பட்ட ஒரு சிறிய நாணயம் போல இது உள்ளது. இதன் ஒரு புறத்தில் 4எஆ என அழுத்தமாகப் பொறிக்கப்பட்டுள்ளது. இன்னொரு புறத்தில் யு.எஸ்.பி. இலச்சினை தரப்பட்டுள்ளது.
இது சந்தைக்கு விற்பனைக்கு வந்துள்ள பேக்கிங் அமைப்பும் புதுமையாக உள்ளது. பேக்கிங் என்று இல்லாமல் ஒளி ஊடுறுவும் அட்டையில் வைக்கப்பட்டு தரப்படுகிறது. இதற்கான சிடி எதுவும் தரப்படவில்லை. அதனால் இதற்கான டிரைவர் புரோகிராமினை இதன் இணைய தளத்திலிருந்து டவுண்லோட் செய்து கொள்ள வேண்டியதுதான். இந்த பிளாஷ் டிரைவினை 5.5 Designers என்னும் நிறுவனம் வடிவமைத்துள்ளது. இதனை எளிதாக உங்கள் பாக்கெட்டில் ஒரு நாணயத்தைப் போட்டு எடுத்துக்கொண்டு போவதைப் போல, எடுத்துச் செல்லலாம். இதன் விட்ட அளவு 36 மிமீ. இதன் தடிமன் 9 மிமீ. நாணய வடிவில் இருப்பதால் பக்கத்து யு.எஸ்.பி. போர்ட்டில் வேறு சாதனம் ஏதேனும் செருகப்பட்டிருந்தால், இதனை இணைப்பது கடினமே. இதன் யு.எஸ்.பி. ப்ளக் உள்ளாக அமைக்கப்பட்டிருக்கிறது. இதனைப் பயன்படுத்துகையில் இந்த ப்ளக்கினை இழுத்துச் செருக வேண்டியுள்ளது. இதன் செயல்பாடு குறிப்பிட்டுச் சொல்லும் வகையில் உள்ளது. எழுதும் மற்றும் படிக்கும் வேகம் நன்றாகவே இருக்கிறது. குறைவான எடையில், சிறிய அளவில் இருப்பதால், எடுத்துச் சென்று பயன்படுத்தும் டிரைவ்களில் இது அதிக வசதி கொண்டதாக உள்ளது.

இதனுடைய தனித்தோற்றம் விற்பனைக்கு ஊன்றுகோலாகவும், ஸ்டைலாகப் பயன்படுத்தும் வகையிலும் உள்ளது. ஜிபி கொள்ளளவு திறன் கொண்ட இந்த பிளாஷ் டிரைவ் ரூ. 1,200 ஆகும். ஓராண்டு வாரண்டி தரப்படுகிறது. மற்ற டிரைவ்களுடன் ஒப்பிடுகையில் இதன் விலை சற்று அதிகம் என்றாலும், புதுமையை விரும்புபவர்களுக்கும், வித்தியாசமான சாதனங்களைப் பயன்படுத்த விரும்புபவர்களுக்கும் இது ஓர் அருமையான சாதனமாகும்.

எங்கே நிற்கிறது கூகுள்!

அமெரிக்காவில் இன்டர்நெட் பயன்படுத்துபவர்களில் 9 சதவிகிதம் பேர்,கூகுள் தரும் ஏதாவது ஒரு வசதியைத் தொடர்ந்து பயன்படுத்தி வருகின்றனர். இந்த சேவைகளில் முதன்மையானது அதனுடைய சர்ச் இஞ்சின், அடுத்ததாக யு–ட்யூப் மற்றும் அடுத்து பிற சேவைகள் வருகின்றன. ஆனால் இன்னும் சில நாடுகளில் கூகுள் சேவை மிக அதிகமாகவே பயன்படுத்தப்படுவதாக இது குறித்து தொடர்ந்து ஆய்வு நடத்திவரும் காம் ஸ்கோர் (ComScore) என்னும் நிறுவனம் அறிவித்துள்ளது. அவ்வகையில் முன்னணியில் இருக்கும் நாடுகள் பிரேசில்; அடுத்ததாக, நம்புங்கள், இந்தியா. இந்த இரண்டு நாடுகளிலும் இன்டர்நெட் பயன்படுத்துபவர்கள் சராசரியாக ஒரு மணி நேரத்தில் 18 நிமிடங்கள் கூகுள் நிறுவன சேவையைப் பயன்படுத்துகின்றனர். கூகுள் சேவையில் 30 நிமிடங்கள் பிரேசில் நாட்டில் உள்ளவர்களாலும், 29 நிமிடங்கள் இந்தியாவில் உள்ளவர்களாலும் பயன்படுத்தப்படுகின்றன.

உலக அளவில் இந்த பயன்பாட்டு சதவிகிதம் 9.4 சதவிகிதம் மட்டுமே. கூகுள் நிறுவனத்தின் சோஷியல் இணைய தளமான ஆர்குட் மற்ற நாடுகளில் அவ்வளவாக வரவேற்பினைப் பெறவில்லை. ஆனால் இந்த இரண்டு நாடுகளிலும் சோஷியல் இணைய தளங்களில் முதல் இடத்தைப் பெற்றுள்ளன.
பிரேசில் நாட்டில் சர்ச் இஞ்சின் மூலம் மேற்கொள்ளப்படும் தேடல்களில் 90% கூகுள் மூலமே மேற்கொள்ளப்படுகின்றன. இந்தியாவில் இது 88%. 71% நேரம் குகூள் மேப் சேவையில் செலவழிக்கப்படுகிறது. இந்தியாவில் இது 64%. பிளாக்குகளில் பிரேசிலில் 43% செலவழிக்கப்படுகிறது. இந்தியாவில் இது 48% . இந்திய வெப் இமெயில் மார்க்கட்டில் கூகுள் நிறுவனத்தின் மார்க்கட் 50%. இந்தியாவும் பிரேசில் நாடும் உலகின் எதிர் எதிர் முனைகளில் இருக்கின்றன. ஆனால் எப்படி இணையத்தைப் பொருத்தவரை இணையாக இருக்கின்றன என்ற கேள்வி எழலாம். இன்டர்நெட் பயன்பாட்டினைப் பொருத்தவரை இரண்டு நாடுகளும் ஒரே நேரத்தில் இணையாக வளரத் தொடங்கின. இவை வளரத் தொடங்கிய போதுதான், கூகுள் நுழைந்தது. எனவே அதனையே டிபால்ட் சாதனமாக இரு நாட்டில் உள்ளவர்களும் பயன்படுத்தத் தொடங்கினர்.

சீனாவில் கூகுள் இடம் பெறாமல் போனதற்கு அங்குள்ள தேடல் இஞ்சின் பைடு (Baidu)காரணம் ஆகும். சீன மொழியிலேயே இது தேடல் வசதிகளைத் தொடக்கத்தில் இருந்து தருகிறது. அதே போல ரஷ்யாவில் யான்டெக்ஸ் (Yantex) என்னும் தேடல் இஞ்சின் தான் பிரபலம். ஆனால் இன்டர்நெட் பயன்பாட்டில் இந்தியா உலக அளவில் ஏழாவது இடத்திலும், பிரேசில் ஒன்பதாவது இடத்திலும் உள்ளன. இந்த இரண்டும் தான் தற்போது இன்டர்நெட் பயன்பாட்டைப் பொறுத்தவரை வேகமாக வளர்ந்து வரும் நாடுகள். கூகுள் அமெரிக்காவில் தன் இடத்தை இன்னும் வளர்க்கலாம். வளர்ந்து மைக்ரோசாப்ட் நிறுவனத்திற்குத் தான் சரியான போட்டி என்பதனைக் காட்டலாம்.

கவனிக்கலாமா கீ போர்டை!

தினந்தோறும் தான் கீ போர்டை நாம் கவனித்துப் பயன்படுத்தி வருகிறோம். இதில் என்ன புதுமையாகக் கவனிக்கப் போகிறோம் என்று எண்ணுகிறீர்களா. பல புரோகிராம்களை நம் இஷ்டப்படி செட் செய்கிறோம். எம்.எஸ். ஆபீஸ், இணைய பிரவுசர்கள் என எதனை எடுத்தாலும் ஷார்ட் கட் கீகள் கொடுத்து நம் விருப்பத்திற்கேற்றபடி ட்யூன் செய்கிறோம். ஆனால் கீ போர்டை ஏதாவது செய்து, நமக்கு வசதியாக மாற்ற வழிகள் உள்ளனவா என்ற சிந்தனை நமக்கு ஏற்படுவதில்லை. ஆனாலும் கீ போர்டையும் நமக்கு ஏற்றபடி சற்று மாற்றி அமைத்து செட் செய்திட முடியும். அவற்றை இங்கு காணலாம். விண்டோஸ் ஆப்பரேட்டிங் சிஸ்டத்திலேயே இதற்கான பல வழிகள் தரப்பட்டுள்ளன. ஒவ்வொன்றாக அவற்றைக் காணலாம்.

முதலில் Start கீ அழுத்தி பின் கிடைக்கும் மெனுவில் தேர்ந்தெடுத்து Control Panel செல்லவும். அதன்பின் கிடைக்கும் விண்டோவில் சிஸ்டம் சார்ந்த பல பிரிவுகள் கிடைக்கும். உங்கள் ஆப்பரேட்டிங் சிஸ்டம் விண்டோஸ் எக்ஸ்பிக்கு முந்தையதாக இருந்தால் Printers and Other Hardware என்னும் ஐகானிலும் விண்டோஸ் எக்ஸ்பியாக இருந்தால் Keyboard என்னும் ஐகானிலும் கிளிக் செய்திடவும். உடன் Keyboard Properties என்னும் விண்டோ கிடைக்கும். இதில் Speed என்னும் டேபை அழுத்த கிடைக்கும் பிரிவுகளில் Character Repeat என்ற பிரிவினைக் காணவும். இதில் கொடுத்துள்ள நீள அளவைக் கோட்டில் Slow மற்றும் Fast என இரண்டு அளவுகள் கொடுக்கப்பட்டிருக்கும். இதில் ஒரு கீயைத் தொடர்ந்து அழுத்துகையில் அந்த கீக்கான எழுத்து எவ்வளவு வேகமாக அல்லது மெதுவாக திரையில் அமைக்கப்படவேண்டும் என்பதனைத் தேர்ந்தெடுக்கலாம். குடூணிதீ என்பதனை நோக்கி அதில் உள்ள அளவுக் கோட்டினை இழுத்து அமைத்த பின் கீழே தரப்பட்டிருக்கும் நீள செவ்வகக் கட்டத்தில் எவ்வளவு மெதுவாக என்பதை ஒரு கீயை அழுத்திப் பார்த்து சோதனை செய்து கொள்ளலாம். பின் Slow மற்றும் ஓகே அழுத்தி வெளியேறலாம்.

இதன் பின் ஒரு கீயைத் தொடர்ந்து அழுத்தினால் அதற்கான எழுத்துக்கள் மெதுவாக டெக்ஸ்ட்டில் அமையும். ஆனால் ஒரு கீயை அழுத்துகையில் மட்டுமல்ல, தொடர்ந்து வேகமாக இதுவரை டெக்ஸ்ட் டைப் செய்து பழக்கப்பட்டவர்கள் இப்போது சிறிது மெதுவாக டெக்ஸ்ட் டைப் ஆவதை உணர்வீர்கள். மேலும் ஒரு வரியை வேகமாக அழிக்க வேண்டும் என எண்ணி பேக் ஸ்பேஸை அழுத்த்த்துவீர்கள்; ஆனால் உங்கள் வேகத்திற்கு இடம் கொடுக்காமல் மேலே சொன்னபடி மெதுவாகவே அழிக்கப்படும். அப்போது ஏண்டா இதனை மெதுவாக அமைத்தோம் என வருத்தப்படுவீர்கள்.

இதே அமைப்பில் இன்னொரு விஷயத்தையும் மேற்கொள்ளலாம். கம்ப்யூட்டரில் செயலாற்றுகையில் செயலின் இதயத் துடிப்பைப் போல மின்னி மின்னி நமக்கு போக்கு காட்டுவது கர்சரின் துடிப்பே. இந்த துடிப்பினையும் வேகமாக இருக்கவேண்டுமா அல்லது மெதுவாக இருக்க வேண்டுமா என்பதனையும் இதே விண்டோவில் மேற்கொள்ளலாம். None / Fast என்ற இரு அளவுகளில் ஏதேனும் ஒரு நிலையில் அளவு கோட்டினை அமைக்கலாம். கர்சர் எப்படி துடிக்கும் என்பதனை அருகில் காட்டப்படும் கர்சர் துடிப்பதனைக் கொண்டு உணரலாம். நாம் விரும்பும்படி இதனையும் அமைத்துவிட்டு அப்ளை மற்றும் ஓகே கிளிக் செய்து வெளியே வரலாம்.
கீ போர்டு அது அமரும் இடத்துடன் பதிந்து அமர்ந்து இருப்பது நம் விரல்களின் இயக்கத்தை அதன் போக்கில் விடாமல், கஷ்டப்படுத்துவதாக இருக்கலாம். அதற்குப் பதிலாக அது சற்று உயர்ந்திருந்தால் நமக்கு வசதியாக இருக்கும். இதற்காகவே கீ போர்டின் பின்புறம் மேலாக இரு கிளிப்கள் தரப்பட்டிருக்கும். இதனை எடுத்து நீட்டி, உயர்த்தி வைக்கலாம். சற்று உயர்ந்த நிலையில் டைப் செய்வது எளிதாக இருக்கும்.

சிஸ்டம் இயக்கம் அறிய ரைட் கிளிக் மெனு விரிய

டவுண்லோட் புரோகிராம்களாக இரண்டினைத் தருகிறேன். இவை இரண்டுமே ஒரே தளத்திலிருந்து நீங்கள் பெறலாம். அதன் முகவரி www.moo0.com.

முதல் புரோகிராம் சிஸ்டம் மானிட்டர் (SystemMonitor) என்னும் புரோகிராம். இது உங்கள் சிபியுவின் திறனை, உங்கள் கம்ப்யூட்டர் எப்படிப் பயன்படுத்திக் கொண்டிருக்கிறது என்று தெளிவாகக் காட்டும். தற்போது கிடைக்கும் இந்த புரோகிராம் பதிப்பினை இறக்கிப் பதிந்து இயக்கினால் 32 வகையான தகவல்கள் காட்டப்படுகின்றன. சிபியு, மெமரி, நெட்வொர்க், ஹார்ட் டிஸ்க் குறித்த பலவகையான தகவல்கள் கிடைக்கின்றன.
இந்த புரோகிராமினைப் பயன்படுத்தி, உங்கள் கம்ப்யூட்டர் செயல்பாட்டினை எது அழுத்திக் கொண்டிருக்கிறது என்று கண்டறியலாம். உங்கள் கம்ப்யூட்டர் இயங்காத நிலைக்குச் சென்று ஹேங் ஆனால், அது எதனால் ஏற்பட்டது என்றும் அறியலாம். கம்ப்யூட்டர் செயல்பாட்டினைப் பல வழிகளில் அறிய இது உதவுகிறது.

இது காட்டும் வியூ மிகப் பெரிதாக இருப்பதாக உணர்ந்தால் அதன் மீது இருமுறை கிளிக் செய்தால், அது உடனே சுருக்கப்பட்டுக் காட்ட்டப்படும். மேலும் பல வசதிகள் நம் விருப்பத்திற்கேற்ப தரப்பட்டுள்ளன. மேலே கூறியுள்ள தளம் சென்றால் இந்த தளம் தரும் இன்னும் சில புரோகிராம்களின் பட்டியலை ஸ்கிரீன் ஷாட்களுடன் காணலாம். அதில் சிஸ்டம் மானிட்டருக்கான இடத்தில் கிளிக் செய்தால்,இந்த புரோகிராமின் செயல்பாடு மற்றும் பிற தகவல்கள் கிடைக்கும். கீழாகத் தரப்பட்டிருக்கும் டவுண்லோட் பட்டனில் அழுத்தினால், இந்த புரோகிராமிற்கான பைல் டவுண்லோட் ஆகும். பின்னர் பதிந்து இயக்கலாம்.
அடுத்ததாக இதே தளத்தில் ரைட் கிளிக்கர் புரோ (RightClicker Pro) என்ற புரோகிராம் கிடைக்கிறது. ரைட் கிளிக் செய்து நாம் பல புரோகிராம்கள் குறித்த மெனு பெறுகிறோம். இதனை காண்டெக்ஸ்ட் மெனு (Context Menu) என்றும் கூறுவார்கள். இந்த மெனுவிற்குக் கூடுதலாகப் பல பயன்களை இந்த புரோகிராம் தருகிறது. அப்போது பார்த்துக் கொண்டிருக்கும் எக்ஸ்புளோரர் விண்டோவினை இரண்டாக டூப்ளிகேட் செய்கிறது. பைலைத் திறக்க, நகர்த்த, காப்பி செய்திட மெனுக்களைத் தருகிறது. ஏற்கனவே சிஸ்டம் தரும் காண்டெக்ஸ்ட் மெனுவினை மறைக்க முடிகிறது.

இதனைப் பதிந்து இயக்கிப் பார்த்தால் இன்னும் பல பயனுள்ள வழிகளைத் தருவதனைக் காணலாம். இவற்றின் மூலம் நம் கம்ப்யூட்டர் பயன்பாடு இன்னும் வேகமாகவும் எளிதாகவும் அமையும். இதில் தேவையில்லாத மெனுக்களை நீக்கவும் வழி தரப்பட்டுள்ளது. மேலும் மெனுக்களை உங்கள் வசதிக்கேற்ற வகையில் வரிசைப்படுத்தி அமைத்துக் கொள்ளலாம். இதில் உள்ள அனைத்து மெனுக்களையும் ஒரே நேரத்தில் பார்க்க வேண்டுமானால் ஷிப்ட் கீ அழுத்தி ரைட் கிளிக் செய்தால் போதும்.
மேலே கூறப்பட்ட இரு புரோகிராம்களும் இலவசமே. கட்டணம் செலுத்தினால் கூடுதல் வசதிகளுடனும் கிடைக்கிறது. இந்த புரோகிராம்கள் அவ்வப்போது மேம்படுத்தப்பட்டு கூடுதல் வசதிகள் தரப்படுவது இவற்றின் சிறப்பாகும். அண்மையில் ஆகஸ்ட் மற்றும் செப்டம்பர் மாதங்களில் இவை மேம்படுத்தப்பட்டு இலவசமாகவும் வழங்கப்படுகின்றன.

எந்த வகை இன்ஸ்டலேஷன் வேண்டும்?
சாப்ட்வேர் புரோகிராம் ஒன்றினை, நம் கம்ப்யூட்டரில் இன்ஸ்டால் செய்கையில், ஏதாவது ஒரு நிலையில், இதனை எந்த வகையில் இன்ஸ்டால் செய்திட வேண்டும் எனக் கேட்கும். பொதுவாக நாம் இதற்கு நேரம் எதனையும் ஒதுக்கிச் சிந்திக்காமல், அந்த புரோகிராம் எதனைத் தானாகத் தேர்ந்தெடுத்துள்ளதோ அதனையே தேர்ந்தெடுத்து விடுவோம்.
ஏன் அப்படி? எத்தனை வகை இன்ஸ்டலேஷன் உள்ளன? அவை என்ன கூறுகின்றன? எதனை நாம் தேர்ந்தெடுக்கலாம்? என்று இங்கு பார்க்கலாம். பொதுவாக Typical, Custom மற்றும் Compact என மூன்று வகை இன்ஸ்டலேஷனுக்கு ஆப்ஷன்ஸ் தரப்படும் Compact என்பது சிக்கனமான முறையில், தேவையற்ற, எப்போதாவது பயன்படுத்தும் வசதிகளை நீக்கி, அத்தியாவசிய வசதிகளை மட்டும் பெறுவகையில் இன்ஸ்டலேஷன் செய்வது. இதில் சிக்கனம் என்பது டிஸ்க் இட சிக்கனம் ஆகும். இந்த வகை முன்பு ஹார்ட் டிஸ்க் என்பது நம்மால் குறைந்த செலவில் பெறமுடியாத நிலையில் எண்ணி வகைப்படுத்தப்பட்ட வழியாகும். ஆனால் இப்போது ஹார்ட் டிஸ்க்கின் விலை நாம் எதிர்பார்க்காத அளவில் குறைந்துள்ளது மட்டுமின்றி, கொள்ளளவும் நாம் எண்ணிப்பாராத அளவிற்கு உயர்ந்துள்ளது. எனவே இடப்பற்றாக்குறை டிஸ்க்கில் ஏற்படும் நிலையில் மட்டுமே நான் இந்த வகை இன்ஸ்டலேஷனை மேற்கொள்ள வேண்டும் எனக் கூறுவேன்.

இதில் இன்னொரு தொல்லையும் உள்ளது. இந்த வகை இன்ஸ்டலேஷனை மேற்கொண்டால், பின் புரோகிராமினைப் பயன்படுத்துகையில் சில கூடுதல் பைல்கள் தேவை எனில், புரோகிராம் உங்களிடம், சோர்ஸ் சிடியை டிரைவில் செருகுங்கள். நீங்கள் பயன்படுத்த விரும்பும் வசதிக்கான பைல்களெல்லாம் இதில் நிறுவப்படவில்லை என்று ஒரு செய்தியைக் காட்டும். அப்போது நாம் அந்த புரோகிராமின் ஒரிஜினல், சோர்ஸ் சிடியைத் தேடிக் கண்டுபிடித்து பயன்படுத்துவதில் நேரத்தினைச் செலவழிக்க முடியாது. எனவே அடுத்த இரண்டு வகை இன்ஸ்டலேஷனைக் காணலாம். எதனைத் தேர்ந்தெடுக்கலாம்? Typical அல்லது Custom? Typical என்பதைத் தேர்ந்தெடுத்தால் அது மிக வேகமாக புரோகிராமினை இன்ஸ்டால் செய்திடும். இந்த வகை இன்ஸ்டலேஷனுக்கு நாம் கஷ்டப்பட்டு எதனையும் தேர்ந்தெடுக்க வேண்டியதில்லை. இருப்பினும் இதிலும் சில வசதிகள் விடுபட்டுப்போக வாய்ப்புகள் உள்ளன. வழக்கமாக இந்த ஆப்ஷனையே பல புரோகிராம்கள், டிபால்ட்டாக தேர்ந்தெடுத்து வைத்திருக்கும்.

பாதுகாப்பாகவும் விரைவாகவும், பல வசதிகளைக் கொடுக்கும் வகையிலும் புரோகிராமினை இன்ஸ்டால் செய்திடும். இருப்பினும் அடுத்த மூன்றாவது வகையினையும் பார்க்கலாம். வழக்கமாக நான் இதனைத்தான் தேர்ந்தெடுப்பேன். இதன் மூலம் நாம் விரும்பும் வசதிகளைத் தேர்ந்தெடுத்து அமைக்கலாம். தேவையற்ற மொழிகளின் (ஐரோப்பிய மொழிகளான பிரெஞ்ச், ஜெர்மன் போன்றவை) வழி புரோகிராம் இயங்குவதைத் தடுக்கலாம். எனவே இதனைப் பொறுமையாகப் படித்து நமக்குத் தேவையானதைத் தேர்ந்தெடுத்து இன்ஸ்டால் செய்திடலாம். என்னால் இதனை எல்லாம் புரிந்து இன்ஸ்டால் செய்திட முடியாது என்று எண்ணினால் இரண்டாவதாக உள்ள Typical வகையை மேற்கொள்ளலாம்.

பைல்களை மறைக்கலாம்

ஒரே கம்ப்யூட்டரை அலுவலகத்திலும், வீட்டிலும் பலர் பயன்படுத்தும் சூழ்நிலை இன்று எங்கும் காணப்படுகிறது. இதனால் ஒருவரின் உழைப்பில் உருவான பைலை மற்றவர்கள் திருத்தாமல் இருக்கவும், மேலும் மற்றவர்கள் அறியாமல் இருக்கவும் இது போல பாதுகாக்க வேண்டியதுள்ளது. இத்தகைய தேவைகளை நிறைவேற்று வதற்கென பல தேர்ட் பார்ட்டி புரோகிராம்கள் அதிக எண்ணிக்கையில் இன்டர்நெட்டில் உள்ளன. இங்கு தேர்ட் பார்ட்டி என்பது மைக்ரோசாப்ட் இல்லாமல் மற்ற சாப்ட்வேர் தயாரிப்பவர்கள் தயாரித்து வழங்கும் புரோகிராம்களாகும். ஆனால் இவற்றை எந்த அளவிற்கு நம்ப முடியும் என்பது ஒரு கேள்விக் குறியே. எனவே நாம் விண்டோஸ் தயாரித்து வழங்கிய மைக்ரோசாப்ட் நிறுவனம் வழங்கும் வசதிகளையே காணலாம்.

ஒரு போல்டரை பாஸ்வேர்ட் கொடுத்து பாதுகாப்பது என்று ஏற்கனவே பல முறை எழுதி உள்ளோம். பாதுகாக்க வேண்டிய போல்டரைத் தேர்ந்தெடுத்து, ரைட் கிளிக் செய்து கிடைக்கும் மெனுவில் ஷேரிங் அண்ட் செக்யூரிட்டி என்ற பிரிவில் கிளிக் செய்தால் அங்கு போல்டருக்கு பாஸ்வேர்ட் கொடுத்து பாதுகாப்பதற்கான வழிகள் தரப்பட்டிருக்கும். மேலும் ஒரு வழியினை இங்கு பார்க்கலாம். இந்த செயலை மேற்கொள்ள நமக்கு கிடைக்கும் கட்டளை Attrib என்பதாகும். இந்த சொல் ஒரு பொருளுக்கு நாம் அமைக்கும் பண்பினைக் குறிக்கிறது. இங்கு ஒரு பைலுக்கு நாம் அளிக்கும் பண்பே அது. படிக்க மட்டும், மறைத்து வைக்க மற்றும் சிஸ்டம் பயன்படுத்த (Read only, Hidden and System attributes) என மூன்று வகைகளில் பொதுவாக பண்புகளை கொடுக்கலாம். கீழ்க்காணும் வழிகளில் செயல்பட்டு உங்கள் போல்டருக்கு இந்த பண்புகளை அளிக்கலாம். இதற்கு உங்கள் கம்ப்யூட்டரில் நீங்கள் அட்மினிஸ்ட் ரேட்டராக லாக் இன் செய்திருக்க வேண்டும். இனி மறைக்க வேண்டிய தகவல் உள்ள பைல்களை அடைத்து வைக்க ஒரு புதிய போல்டர் ஒன்றை உருவாக்கவும். எடுத்துக் காட்டாக உட்ரைவில் Personal என ஒரு போல்டரை உருவாக்கலாம். இதில் அனைத்து பைல்களையும் கொண்டு வரவும். மறைக்கப்பட வேண்டிய இந்த பைல்களுக்கு காப்பி பைல்கள் வேறு எங்கும் இருக்கக்கூடாது. பின் Start பட்டன் அழுத்தி ரன் பாக்ஸில் CMD என டைப் செய்திடவும். பின் Ok அழுத்த உங்களுக்கு டாஸ் இயக்க கட்டளைப் புள்ளி (command prompt) கிடைக்கும். இங்கு நீங்கள் குறிப்பிட்ட பைல்கள் அடங்கிய மறைத்து வைத்திட வேண்டும் என்று திட்டமிடுகின்ற போல்டரின் பெயரை அதற்கான பாத் உடன் பின்வருமாறு டைப் செய்திட வேண்டும். இங்குள்ள எடுத்துக்காட்டின்படி அந்த கட்டளைச் சொற்கள் “attrib +s +h E:\Personal” என இருக்க வேண்டும். (மேற்கோள் குறிகள் டைப் செய்யப்படக்கூடாது) இந்த கட்டளை உங்கள் ஈச்tச் போல்டரை E டிரைவில் மறைத்து வைத்திடும். உடனே நீங்கள் விண்டோஸ் எக்ஸ்புளோரரைத் திறந்து சோதித்துக் கொள்ளலாம். இவ்வாறு மறைத்து வைத்திருப்பதை “Show hidden files and folders” என்ற கட்டளை கொடுத்தெல்லாம் பார்க்க முடியாது. சரி, மறைத்து வைத்துவிட்டீர்கள். என்றாவது ஒரு நாள் அல்லது ஒரு நேரம் இதனை வெளியே தெரியும் படி வைக்க எண்ணலாம். அல்லது மேலும் சில பைல்களை, இதன் பின் மறைத்து வைக்க எண்ணி, இந்த போல்டரில் போட்டு வைக்க திட்டமிடலாம். அப்போது “attrib s h E:\Personal”என டைப் செய்திட வேண்டும். இதற்கு இந்த போல்டரின் பெயர் மற்றும் டைரக்டரியின் பெயர் உங்களுக்கு நினைவில் இருக்க வேண்டும்.
ஒரு பைலை மட்டும் தனியாக மறைக்க, அதற்கு மட்டும் ஒரு பாஸ்வேர்ட் கொடுப்பது பற்றி இங்கு ஏற்கனவே தகவல்கள் தரப்பட்டுள்ளன. ஒரு பைலை யாரும் எதற்கும் அனுமதிக்காத வகையில் பாஸ்வேர்ட் தரலாம். அல்லது பார்ப்பதற்கு மட்டும் அனுமதிக்கலாம். எடிட் செய்வதனைத் தடை செய்திடலாம். இந்த வசதிகள் எம்.எஸ். ஆபீஸ் தொகுப்பில் உள்ள புரோகிராம்கள் அனைத்திற்கும் உள்ளன.

எடுத்துக்காட்டாக வேர்டில் உருவாக்கப்படும் ஒரு பைலுக்கு எப்படி பாஸ்வேர்ட் கொடுப்பது என்று பார்க்கலாம்.
பைலைத் திறந்து பின் File > save as எனச் செல்லவும். இப்போது Save அண் விண்டோ கிடைக்கும். இந்த விண்டோவின் வலது மூலையில் டூல்ஸ் என்று ஒரு பிரிவு இருக்கும். இதில் கிளிக் செய்திடவும். கீழாக விரியும் மெனுவில் Security Options என்று ஒரு பிரிவு இருக்கும். இதில் Password to Open, Password to Modify என்று இரு பிரிவுகள் இருக்கும். இதில் எந்த வகையில் நீங்கள் பைலை பாஸ்வேர்ட் கொடுத்து பாதுகாக்க வேண்டுமோ அந்த வகையில் பாஸ்வேர்ட் கொடுக்கலாம். ஆனால் கொடுத்த பாஸ்வேர்டினை நினைவில் வைத்திருக்க வேண்டும்.

எக்ஸ்பி: சின்ன விஷயங்கள்

விண்டோஸ் 7 ஆப்பரேட்டிங் சிஸ்டத்தினை மைக்ரோசாப்ட் வரும் அக்டோபரில் வெளியிட உள்ள செய்தி பரபரப்பாகப் பேசப்படும் இந்நேரத்தில், விண்டோஸ் எக்ஸ்பி தொகுப்புதான் இன்னும் பலரின் டார்லிங் சிஸ்டமாக உள்ளது. ஏனென்றால் விஸ்டா குறிப்பிட்டுச் சொல்லக் கூடிய புதுமையான, எளிதான நிலைத்த வசதி எதனையும் தராத நிலையில், பல தனி நபர்கள் மட்டுமின்றி, நிறுவனங்களும் எக்ஸ்பி தொகுப்பையே பயன்படுத்தி வருகின்றனர். புதிதாகக் கம்ப்யூட்டர் பயன்படுத்தத் தொடங்குபவர்களும், தாங்கள் வாங்கும் கம்ப்யூட்டரில் விஸ்டா இருந்தாலும், தங்களுக்குப் பழகிய எக்ஸ்பியே போதும் என எண்ணி மாற்றிக் கொள்கின்றனர். இத்தகைய எக்ஸ்பி தொகுப்பிற்கான சில சின்ன சின்ன விஷயங்களை, பயன்பாடுகளை இங்கு காணலாம்.

1.ஸ்டார்ட் மெனுவில் அதிக புரோகிராம்:
அடிக்கடி பயன்படுத்தும் ஆறு புரோகிராம்களை ஸ்டார்ட் மெனுவில் பார்க்கலாம். இதில் இன்னும் அதிகமான எண்ணிக்கையில் புரோகிராமினை நீங்கள் வைத்திட விரும்புகிறீர்களா? Start பட்டனில் ரைட் கிளிக் செய்து Properties தேர்ந்தெடுக்கவும். பின் அதில் Customize என்னும் பட்டனில் கிளிக் செய்திடவும். இதில் கிடைக்கும் விண்டோவில் நடுவே உள்ள புரோகிராம்ஸ் பிரிவில் மேல் நோக்கி இருக்கும் அம்புக்குறியை அழுத்தி புரோகிராம்களின் எண்ணிக்கையை அதிகரிக்கவும். அதன் பின் ஓகே அழுத்தி வெளியேறவும். எந்த எண்ணிக்கையில் அமைத்தீர்களோ அந்த எண்ணிக்கை வரை நீங்கள் புரோகிராம்களை ஸ்டார்ட் மெனுவில் வைக்கலாம்.

2. நோ பாஸ்வேர்ட் ப்ளீஸ்:
நீங்கள் ஒருவர் மட்டுமே பயன்படுத்தும் எக்ஸ்பி கம்ப்யூட்டராயிருந்தால் பிறகு எதற்கு ஒவ்வொரு முறை கம்ப்யூட்டரைப் பயன்படுத்தத் தொடங்குகையில் பாஸ்வேர்ட் மற்றும் யூசர் நேம் டைப் செய்திட வேண்டும். எனவே இதனை மாற்றும் வழியை ஏற்படுத்தலாம். ஸ்டார்ட் கிளிக் செய்து பின் ரன் விண்டோவை இயக்கவும். அதில் control user passwords2 என டைப் செய்திடவும். அதில் உங்கள் அக்கவுண்ட்டை செலக்ட் செய்து அதில் ‘Users must enter a user name and password to use this computer’ என்பதில் உள்ள டிக் அடையாளத்தை எடுத்துவிடவும். ஓகே கிளிக் செய்திடவும். இப்போது பாஸ்வேர்ட் கேட்கும். பாஸ்வேர்டைக் கொடுத்துவிட்டு மீண்டும் ஓகே கிளிக் செய்து வெளியேறவும்.

3. விரைவாக வெப்சைட்:
இன்டர்நெட்டில் ஒரு வெப்சைட்டைப் பார்ப்பது என்பது பல நிலை வேலை ஆகும். வெப் பிரவுசரைத் திறக்க வேண்டும். அதில் அந்த தளத்திற்கான முகவரியைத் தவறின்றி டைப் செய்திட வேண்டும். அதன் பின் அந்த தளம் கிடைக்கும். இந்த செயல்பாட்டைச் சுருக்கி எளிதாக்குவோமா? விண்டோஸ் டாஸ்க் பாரிலேயே ஒரு அட்ரஸ் பாரை உருவாக்குவோம். டாஸ்க்பாரில் காலியாக இருக்கும் இடத்தில் ரைட் கிளிக் செய்திடுங்கள். கிடைக்கும் மெனுவில்‘Lock the Taskba’ என்பதன் முன்னே டிக் அடையாளம் இருந்தால் எடுத்துவிடவும். பின் Toolbars என்பதில் மவுஸை நகர்த்தி அதில் Address என்பதில் கிளிக் செய்திடவும். ஒரு சிறிய அட்ரஸ் பார் கிடைக்கும். இதில் எந்த வெப் சைட் அட்ரஸை வேண்டுமானாலும் டைப் செய்து அந்த இணைய தளத்தைப் பெறலாம்.

4. �ஷா டெஸ்க்டாப்:
விண்டோஸ் குயிக் லாஞ்ச் டூல் பாரில் Show Desktop என்னும் ஐகான் நமக்குப் பல வகைகளில் உதவியாய் இருக்கும். ஆனால் சில வேளைகளில் அதைத் தெரியாமல் அழித்துவிடுவோம். அதனைத் திரும்பப் பெற சில சுற்று வழிகள் இருக்கும். அதற்குப் பதிலாக இரண்டு கீ இணைப்புகளில் இவற்றைப் பெறலாம். கண்ட்ரோல்+எம் மற்றும் கண்ட்ரோல் + i Ctrl+M/Ctrl+D ஆகிய கீகள் டெஸ்க் டாப்பைத் தரும் மற்றும் பழைய நிலைக்குக் கொண்டு வரும்.

5. ரீசண்ட் டாகுமெண்ட்ஸ் எதற்கு?
Start மெனு வழக்கமாக அண்மைக் காலத்தில் பயன்படுத்திய பைல்களைக் காட்டும். இது நமக்கு நல்லதுதான். ஆனால் இந்த பைல்களைக் காட்டாமலும் வைக்கலாம். Start பட்டனில் ரைட் கிளிக் செய்திடுங்கள். Properties தேர்ந்தெடுங்கள். Advanced என்னும் டேபிற்குச் செல்லுங்கள். கிடைக்கும் டயலாக் பாக்ஸின் அடிப்பாகத்தில் ‘List my most recently opened documents’ என்று இருப்பதன் எதிரே டிக் அடையாளத்தை எடுத்துவிட்டு ஓகே கிளிக் செய்திடவும்.

6. ஷார்ட் கட் கீ தொகுப்புகள்
விண்டோஸ் எக்ஸ்பி ஆப்பரேட்டிங் சிஸ்டத்தில் எக்கச்சக்கமாய் ஷார்ட் கட் கீகள் உள்ளன. இவை அனைத்தையும் ஒருவர் அறிந்து நினைவில் வைத்துக் கொள்வது என்பது கடினமே. இருப்பினும் தொடர்ந்து அவற்றைப் பயன்படுத்தி வந்தால் அல்லது கம்ப்யூட்டரை வேறு செயல்களுக்குப் பயன்படுத்தாதபோது இந்த ஷார்ட் கட் கீகள் எங்கெங்கு இருக்கின்றன என்று கீ போர்டில் உள்ள கீகளை அழுத்திப் பார்த்தால் இந்க கீகள் நம் நினைவிற்கு வரலாம். எடுத்துக் காட்டாக விண்டோஸ் கீயுடன் சில கீகளை அழுத்துகையில் சில செயல்பாடுகள் மேற்கொள்ளப் படுகின்றன. அதனால் விண்டோஸ் கீயை அழுத்திக் கொண்டு F, R, E, L, என சில கீகளை அழுத்தி என்ன நடைபெறுகிறது என்று பார்க்கலாம்.

7. நோட்ஸ் தயாரிக்கலாம்:
நாம் நம் டேபிளில் சிறிய சிறிய பிட் பேப்பர்களில் ஏதாவது எழுதி வைப்போம். குறிப்பாக டெலிபோன் எண்கள், டெலிபோனில் நண்பர்கள் கூறும் செய்திகள் என ஏதாவது இருக்கும். இதே போல் கம்ப்யூட்டரிலும் தகவல்களை பிட் பிட்டாக அமைத்து வைக்கலாம். இவற்றை நோட்ஸ் என்னும் தலைப்பில் அமைத்து விட்டால் தேவைப்படும்போது விரித்துப்பார்க்க எளிதாக இருக்குமே. டெஸ்க் டாப்பில் ரைட் கிளிக் செய்திடுங்கள். பின் கிடைக்கும் மெனுவில் New என்பதனைத் தேர்ந்தெடுங்கள். அதன்பின் Text Document என்பதனைத் தேர்வு செய்திடவும். அதற்கு ‘notes’ எனப் பெயரிடவும். இனி எப்போது இதில் குறிப்புகளை எழுத வேண்டும் என எண்ணினாலும் டபுள் கிளிக் செய்து இதனைத் திறக்கவும். அதன்பின் எப்5 அழுத்தினால் அன்றைய தேதியும் நேரமும் அதில் பதியப்படும். அதன்பின் நீங்கள் எழுத விரும்பும் குறிப்புகளை எழுதவும். எழுதி முடித்தவுடன் கண்ட்ரோல் +எஸ் கீகளை அழுத்தி சேவ் செய்து வெளியேறவும். பின் இதில் என்ன எழுதினோம் என்பதனை நினைவு படுத்திப் பார்க்க மீண்டும் டபுள் கிளிக் செய்து திறக்கலாம்.

8. விண்டோஸ் அப்டேட்:
விண்டோஸ் எக்ஸ்பி ஆப்பரேட்டிங் சிஸ்டத்திற்கு ஒவ்வொரு மாதமும் இரண்டாவது செவ்வாய்க்கிழமை அப்டேட் பைல்களை மைக்ரோசாப்ட் வெளியிடுகிறது. நம் சிஸ்டம் இதனைத் தானாகத் தேடி தன்னைத்தானே அப்டேட் செய்திடும் வகையில் தான் கான்பிகர் செய்யப்படும். ஆனால் ஒரு சில கம்ப்யூட்டர்களில் இது சரியாக அமைக்கப் படுவதில்லை. ஆனால் நாமாக இந்த அப்டேட் பைல்களை கம்ப்யூட்டருக்கு இறக்கிப் பதிந்து கொள்ள ஒரு சிறிய வழியினை உண்டாக்கலாம். இந்த அப்டேட் பைல்கள் பெரும் பாலும் கம்ப்யூட்டருக்குப் பாதுகாப்பினைத் தருவதாக இருப்பதால் இது மிகவும் அவசியமும் ஆகும். இதற்கென ஐகான் ஒன்றை உருவாக்குவது குறித்து பார்க்கலாம். டெஸ்க்டாப்பில் காலி இடத்தில் ரைட் கிளிக் செய்திடவும். பின் நியூ தேர்ந்தெடுத்து அதன் பின் ஷார்ட்கட் என்பதில் கிளிக் செய்திடவும். கிடைக்கும் பாக்ஸில் http://www.windowsupdate.com என டைப் செய்திடவும். அதன் பின் நெக்ஸ்ட் என்பதில் கிளிக் செய்திடவும். பின் இதில் ஏதாவது பெயர் ஒன்றை டைப் செய்திடவும். ‘Check for updates’ என்று கூட இருக்கலாம். பின் Finish அழுத்தி வெளியேறவும். இனி எப்போதெல்லாம் அப்டேட் பைல்களைக் கொண்டு வரவேண்டும் என எண்ணுகிறீர்களோ அப்போது இந்த ஐகானை டபுள் கிளிக் செய்தால் போதும்.

9. உடனே கால்குலேட்டர்:
கம்ப்யூட்டரில் செயல்பட்டுக் கொண்டிருக் கையில் சில கணக்குகளைப் போட கால்குலேட்டர் தேவையாய் உள்ளது. என்ன செய்கிறீர்கள்? Start அழுத்தி All Programs தேர்ந்தெடுத்து பின் Accessories கிளிக் செய்து கிடைக்கும் மெனுவில் கால்குலேட்டரைப் பெறுகிறீர்கள். அப்பா! படிக்கும்போதே மூச்சு வாங்குதா? சுருக்கு வழி ஒன்று இருக்குதண்ணே! விண்டோஸ் கீயுடன் கீ கீயை அழுத்துங்கள். ரன் விண்டோ கிடைக்கும். அதில் calc என டைப் செய்து என்டர் தட்டுங்கள். உடனே கால்குலேட்டர் கிடைக்கும். இதே போல ரன்விண்டோவில் notepad என டைப் செய்தால் நோட்பேட் புரோகிராம் கிடைக்கும்.

10. நோட்டிபிகேஷன் ஏரியா:
உங்கள் கம்ப்யூட்டரில் நிறைய புரோகிராம்களை இன்ஸ்டால் செய்து இயக்கிவிட்டால் டாஸ்க் பாரின் வலது கோடியில் உள்ள நோட்டிபிகேஷன் ஏரியாவில் நிறைய ஐகான்கள் இடத்தை அடைத்துக் கொள்ளும். இதனை சரி செய்திட டாஸ்க் பாரின் காலி இடத்தில் ரைட் கிளிக் செய்து புராபர்ட்டீஸ் தேர்ந்தெடுக்கவும். இதில் ‘Hide inactive icons’ என்று உள்ள இடத்தில் எதிரே உள்ள கட்டத்தில் டிக் அடையாளம் ஏற்படுத்தவும். பொதுவாக இது சரியாகவே தன் வேலையை மேற்கொள்ளும். சில வேளைகளில் நமக்கு வேண்டிய ஐகான்களைக் கூட மறைத்து வைக்கும். அப்போது மீண்டும் இதே போல் சென்று புராபர்ட்டீஸ் மெனுவில் Customize பட்டனில் கிளிக் செய்திடவும். பின் உங்களுக்குத்தேவையான ஐகானைக் கிளிக் செய்து தேர்ந்தெடுக்கவும். பின் ‘Always Show’ என்பதைத் தேர்ந்தெடுத்து ஓகே கிளிக் செய்து வெளியேறினால் அந்த ஐகான் காட்டப்படும்.

11.என்ன ஸ்பெசிபிகேஷன்:
சில வேளைகளில் உங்கள் கம்ப்யூட்டர் வடிவமைப்பில் என்ன ஸ்பெசிபிகேஷன் என்று நீங்கள் தெரிந்து கொள்ள வேண்டியதிருக்கும். புராசசர் என்ன வகை? ராம் மெமரி எவ்வளவு? என்ற தகவல்களெல்லாம் தேவையாய் இருக்கும். இதனைப் பெற My Computer ஐகானில் ரைட் கிளிக் செய்திடவும். கிடைக்கும் மெனுவில் Properties செலக்ட் செய்திடுங்கள். கிடைக்கும் பாக்ஸின் கீழாக ‘Computer’ என்று ஒரு இடம் இருக்கும். அதில் புராசசர் என்ன, அதன் ஸ்பீட் என்ன,மெமரியின் இடம் என்ன என்ற விபரமெல்லாம் தரப்படும்.

12. கிராஷ் ஆன பின் போல்டர்களைக் காப்பாற்ற:
விண்டோஸ் எக்ஸ்பியில் நிறைய போல்டர்களைத் திறந்து வைத்து செயல்படும்போது ஒன்று கிராஷ் ஆனாலும் அனைத்தும் மூடப்படும். இதனை நாம் தவிர்க்கலாம். அதற்கான வழியை எக்ஸ்பி வைத்துள்ளது. கண்ட்ரோல் பேனலைத் திறந்து Folder Options என்னும் பிரிவினைத் தேர்ந்தெடுக்கவும். அதில் வியூ டேபிற்குச் செல்லவும். அதில் பல ஆப்ஷன்கள் தரப்பட்டிருக்கும். அவற்றில் ‘Launch folder windows in a separate process’ என்று ஒன்று இருக்கும். அதன் அருகே டிக் மார்க் அடையாளம் ஏற்படுத்தி பின் ஓகே கிளிக் செய்து வெளியேறவும்.