Daily Archives: ஒக்ரோபர் 16th, 2009

இணையப் பக்க அச்சில் உங்கள் பெயர்

இன்டர்நெட் எக்ஸ்புளோரர் பதிப்பு 8ல் இணைய தளங்களில் பிரவுஸ் செய்திடும் பக்கங்களை அப்படியே அச்சுக்கு அனுப்புகிறீர்களா! அப்படியானால் அதில் உங்கள் பெயர், நீங்கள் விரும்பும் தலைப்பு ஆகியவற்றையும் அச்சிடலாம். இன்டர்நெட் எக்ஸ்புளோரர் பதிப்பு 8, தானாகவே சில விஷயங்களைத் தலைப்பில் அச்சிடும் வகையில் அமைக்கப்பட்டுள்ளது. ஹெடரில் பக்கத்தின் தலைப்பு மற்றும் பக்க எண் / மொத்த பக்க எண் ஆகியவை அச்சிடப்படும். புட்டரில் இணைய தள முகவரி மற்றும் சுருக்கமாக தேதியும் அச்சிடப்படும். இது போல மாறா நிலையில் உள்ளதை மாற்றி நாம் நம் விருப்பத்திற்கேற்ப பயன்படுத்தலாம். ஏனென்றால் நாம் அதிக பக்கங்களை அச்சிடுவதாக இருந்தால் கூடுதலான சில தகவல்களை அவற்றில் சேர்க்க விரும்பலாம். எடுத்துக் காட்டாக நெட்வொர்க் பிரிண்டர் என்றால் உங்களுக்கான பக்கங்களில் உங்கள் பெயர் இணைக்க விரும்பலாம். அப்போதுதான் மற்றவர்களும் அச்சுக் கொடுக்கும் வேளையில் உங்கள் பக்கங்களைத் தனியே பிரித்து எடுக்க வசதியாக இருக்கும்.

இதற்குக் கீழ்க்காணும் வழிகளில் செட் செய்திடவும்.
1. பேஜ் செட் அப் டயலாக் பாக்ஸ் செல்லவும். மெனு பாரில் பைல் மற்றும் பேஜ் செட் அப் என இதனைப் பெறலாம். கமாண்ட் பார் கிடைத்தால், பிரிண்டர் பட்டனை அழுத்தி அதில் பேஜ் செட் அப் பிரிவைத் தேர்ந்தெடுக்கவும். இரண்டும் கிடைக்கவில்லை என்றால், Alt+F  அழுத்திப் பின் க் அழுத்தவும்.
2. பேஜ் செட் அப் டயலாக் பாக்ஸ் உங்களுக்கு இப்போது கிடைக்கும். இதில் ஹெடர்ஸ் அன்ட் புட்டர்ஸ் என்ற பிரிவில் இரண்டு பிரிவுகள் இருப்பதைக் காணலாம். அவை ஹெடர் மற்றும் புட்டர். இவை ஒவ்வொன்றிலும் முதலில் விரிக்கையில் இடது பக்கம் என்ன டெக்ஸ்ட் அச்சாகும் என்பது காட்டப்படும். இரண்டாவதாக விரிக்கையில் நடுவில் அச்சாவதும், மூன்றாவதாக விரிக்கையில் வலது பக்கம் அச்சாவதும் காட்டப்படும். இவற்றில் நாம் தேர்ந்தெடுக்க ஆப்ஷன்களாகக் கீழ்க்கண்டவை காட்டப்படும்.

Title

* URL

* Page number

* Page # of total pages

* Total Pages

* Date in short format

* Date in long format

* Time

* Time in 24hr format

* Custom

இவற்றில் நீங்கள் “Custom” என்பதைத் தேர்ந்தெடுத்தால், இதில் அச்சாக விரும்பும் எந்த டெக்ஸ்ட்டையும் இதில் தரலாம். இதில் உங்கள் பெயர் அல்லது முகவரியையும் இணைக்கலாம். Customஹெடர் மற்றும் புட்டரில் பக்க தலைப்பு, தேதி, நேரம் போன்றவற்றையும் கீழ்க்காணும் வழிகளில் இணைக்கலாம்.
&w: Title

&u: URL

&p: Page number

Page &p of &P: Page number of total pages

&P: Total Pages

&d: Date in short format

&D: Date in long format

&t: Time

&T: Time in 24hr format

&&: Single ampersand

எடுத்துக் காட்டாக “முருகேசன் -தீ” என டைப் செய்தால் முருகேசன் என அச்சிடப்பட்டு அதன்பின் அந்த பக்கத் தலைப்பு அச்சாகும்.
இந்த டயலாக் பாக்ஸில் தேவைப்பட்டவை எல்லாம் மாற்றிவிட்டு பின் ஓகே கிளிக் செய்து டயலாக் பாக்ஸை மூடிவிடவும்.

தீபத்திருநாளைக் கொண்டாடுவோம்

தர்மம் என்பது எல்லோருக்கும் ஒன்றுதான் என்பதை எடுத்துச் சொல்லும் திருநாள் தீபாவளி நன்னாள். நரகாசுனை வதம் செய்த நாளையே தீபாவளியாகக் கொண்டாடி மகிழ்கிறோம். திருமால் வராக அவதாரம் எடுத்தபோது, அவருக்கும் பூமாதேவிக்கும் பிறந்த பிள்ளை தான் நரகாசுரன். மனிதர்களிலேயே மிக கொடியவன் என்னும் பொருளில் நரகாசுரன் என்று அழைக்கப்பட்டான். இவனுக்கு பூமாதேவி இட்டபெயர் பவுமன். “பவுமன்’ என்றால் “பூமியின் புதல்வன்’ என்று பொருள். பெற்ற தாயைத் தவிர வேறு யாராலும் தன்னைக் கொல்ல முடியாது என்ற வரம் பெற்ற நரகாசுரன் தேவர்களுக்குப் பல கொடுமை செய்துவந்தான். அண்டசராசரங்களையும் நடுங்கச் செய்தான். புராணகாலத்தில் “காமரூபம்’ என்று அழைக்கப்பட்ட (இப்போதைய அசாம்) பகுதியில் ஜோதிஷ்புரத்தை தலைநகராகக் கொண்டு ஆட்சி செய்தான்.தேவர்களின் தலைவன் இந்திரன் பெருமாளிடம் நரகாசுரனிடமிருந்து தங்களை காப்பாற்றும்படி முறையிட, பூமாதேவியான சத்தியபாமா சாரதியாக தேர் செலுத்த போருக்குப் புறப்பட்டார் கிருஷ்ணர். தன் பிள்ளை தான் நரகாசுரன் என்பது அப்போது சத்தியபாமாவுக்குத் தெரியாது. அங்கு சென்றதும் கிருஷ்ணருக்கும் நரகாசுரனுக்கும் கடும் போர் நடந்தது. ஒரு கட்டத்தில் கிருஷ்ணர் நரகாசுரனிடம் அடிபட்டு மயக்கமடைவது போல நடித்தார். தன் கணவரைப் பாதுகாக்க வேண்டும் என்ற எண்ணத்தில் சத்தியபாமா, தன் பிள்ளை மீது அம்பு எய்து கொன்றாள். “அம்மா!’ என்று நரகாசுரன் கதறித் துடித்தபோது அவளுக்கு முற்பிறவிகள் ஞாபகம் வந்தன. இருந்தாலும் அதர்மத்தை அழித்து தர்மத்தை வாழ வைக்க வேண்டும் என்ற உயரிய நோக்கத்திற்காக சத்தியபாமா மூலம் கிருஷ்ணர் இந்த லீலையை நிகழ்த்தினார். இறந்தது தன் மகன் என தெரிந்த பிறகு, தன் பிள்ளையின் நினைவாக மக்கள் இந்நாளினை பண்டிகையாக கொண்டாடி மகிழ வேண்டும் என்ற வரத்தினை பெருமாளிடம் பெற்றாள். மக்களும் அசுரன் அழிந்த நாளை தீபமேற்றிக் கொண்டாடினர். அந்நாளையே நாம் தீபாவளியாக கொண்டாடி மகிழ்கிறோம். தீபாவளிக்குளியல் பற்றி காஞ்சிப்பெரியவர் விளக்கம் தந்துள்ளார். * தீபாவளியன்று நமக்கு இருவிதமான குளியல் செய்யும்படி சாஸ்திரம் குறிப்பிடுகிறது. இந்நன்னாளில் செய்யும் நீராடலில் கங்கையோடு சேர்ந்து காவிரிக்கும் சம்பந்தம் இருக்கிறது. அன்று வெந்நீரில் அதிகாலைப் பொழுதில் ஒன்றரை மணிநேரம் கங்கை நதி இருப்பதாக ஐதீகம். அதனால் அந்த நேரத்தில் எண்ணெய் ஸ்நானமாக வெந்நீரில் குளிக்க வேண்டும். அப்போது நரகாசுரன், சத்தியபாமா, கிருஷ்ணர், பூமாதேவி நினைவு நமக்கு வரவேண்டும்.இதற்கு கங்கா ஸ்நானம் என்று பெயர். * வெந்நீர் குளியலுக்குப்பின், சூரியன் உதித்த பின் இரண்டு மணி நேரம் 24 நிமிடம் வரை காவிரி உட்பட எல்லா புனித நதிகளும் குளிர்ந்த நீரில் இருப்பதாக ஐதீகம். அப்போது குளிர்ந்த நீரில் குளிக்க வேண்டும். இதற்கு துலாஸ்நானம் என்று பெயர். இரண்டாம் ஸ்நானத்தில் பரமேஸ்வரன் நினைவு வரவேண்டும். தீபத்திற்கும் தீபாவளிக்கும் மிகுந்த சம்பந்தம் உண்டு. தீபாவளி என்ற சொல்லுக்கு தீபங்களின் வரிசை என்பது பொருள். அதனால், தீபாவளியன்று காலையிலும் மாலையிலும் பூஜையறையில் அவசியம் விளக்கேற்றி வழிபாடு செய்ய வேண்டும். வீடு முழுவதும் அகல்விளக்குகளை ஏற்றி வைப்பது இன்னும் சிறப்பு. வீட்டில் செய்த பலகாரங்களை கிருஷ்ணருக்கு நிவேதனமாக படைக்க வேண்டும். புத்தாடைகளுக்கு மஞ்சள், குங்குமமிட்டு அணிந்து கொள்ள வேண்டும். பெற்றோரிடம் அல்லது வீட்டு பெரியவர்களிடம் ஆசீர்வாதம் வாங்குவது நல்லது. பூஜித்த பின் புத்தாடை அணிந்து கொண்டு பலகாரங்களை சாப்பிட்டு மகிழ வேண்டும். இந்நாளில் குழந்தை முதல் பெரியவர் வரை அனைவரும் வயது வித்தியாசமின்றி பட்டாசு வெடித்து மகிழ்வர். பட்டாசு, புத்தாடை, இனிப்பு வகைகள் என்று அன்றைய நாள் முழுக்க மகிழ்ச்சியும் குதூகலமும் இல்லங்களிலும் நம் உள்ளங்களிலும் வழிந்தோடும் என்றால் மிகையில்லை. மாலையில் செல்வச் செழிப்பு வேண்டி, குபேர லட்சுமியை வழிபாடு செய்ய வேண்டும். இந்நாளில் செய்யப்படும் திருமகள் வழிபாட்டினால் வீட்டில் ஐஸ்வர்யம் பெருகும் என்பது ஐதீகம்.

கம்ப்யூட்டரை முடக்கிப் போடும் எர்ரர் செய்திகள்

கம்ப்யூட்டரில் நாம் பணியாற்றிக் கொண்டிருக்கையில், குறிப்பாக பழைய விண்டோஸ் பதிப்புகளில், திடீரென ஸ்கிரீன் முழுக்க நீல நிறமாக மாறி வெள்ளை நிற எழுத்துக்களில் ஏதோதோ செய்திகள் வரும். நாம் ஒரு நிமிஷம் என்ன செய்வது என்று தெரியாமல் விழிப்போம். தயாரித்துக் கொண்டிருந்த பைல் சேவ் செய்யப்படாமல் உழைப்பை இழந்து விடுவோமா எனப் பதட்டம் அடைவோம். அவசர பயத்தில் எதை எதையோ செய்து பின் கம்ப்யூட்டரை ரீ ஸ்டார்ட் செய்வோம். இந்த மாதிரி செய்திகள் பலவகைகள் உள்ளன. இப்படிப்பட்ட செய்திகள் வரும்போது பதட்டப்படாமல் அது என்ன எனப் படித்து அறிய வேண்டும். அதற்கான காரணத்தை உணர்ந்து செயல்பட வேண்டும்.

நீங்கள் இயக்கும் கம்ப்யூட்டரின் இயக்கத்தில் வழக்கத்திற்கு மாறான அல்லது கம்ப்யூட்டரின் சிபியு எதிர்பார்க்கும் செயல்பாடு இல்லாத நிலையிலேயே இந்த பிழைச்செய்திகள் வருகின்றன. இங்கு சில முக்கிய பிழைச்செய்திகளையும் அவை கிடைப்பதற்கான காரணத்தையும் அத்தகைய சூழ்நிலைகளை எப்படித் தவிர்க்கலாம் என்பதனையும் காணலாம்.

This program is not responding End Now Cancel நீங்கள் இயக்கிக் கொண்டிருக்கும் புரோகிராம் கம்ப்யூட்டருடன் தொடர்ந்து தகவல்களைப் பரிமாறிக் கொள்ள முடியாத நிலை வருகையில் இந்த செய்தி கிடைக்கிறது. புரோகிராம் ஏதாவது ஒரு செயல்பாட்டில் கிராஷ் ஆகி இருக்கும். End Now / Cancel என இரு வழிகளுடன் உங்களுக்கு செய்தி கிடைக்கும். இது பொதுவாக பழைய கம்ப்யூட்டர்களில் ஏற்படும். புரோகிராமினைச் சிக்கலான செயல்பாட்டிற்கு உட்படுத்தி இருப்போம். அதற்கான செயல்வேகம் இல்லாத போது இந்த செய்தி கிடைக்கலாம். இந்நிலையில் Cancel கிளிக் செய்து புரோகிராம் மீண்டும் இயங்குகிறதா எனப் பார்க்கலாம். அல்லது End Now கிளிக் செய்து புரோகிராமை மூடிப் பின் மீண்டும் இயக்கலாம். இவ்வாறு முடிக்கையில் நாம் கடைசியாக சேவ் செய்தவரையில் பைல் கிடைக்கும். சேவ் செய்யாமல் மேற்கொண்ட பணிகளை இழக்க வேண்டியது தான்.
Non system disk or disk error. Replace and press any key when ready.

ஒரு கம்ப்யூட்டரை ஸ்டார்ட் செய்திட அதற்கான டிஸ்க்கைக் கம்ப்யூட்டர் படிக்க இயலாத போது இந்த செய்தி கிடைக்கும். இது பெரிய தவறு இல்லை. நீங்கள் இதற்கு முன் கம்ப்யூட்டரைப் பயன்படுத்திய பிளாப்பி டிஸ்க்கை அதன் டிரைவில் இருந்து எடுக்காமல் விட்டிருப்பீர்கள். அப்படி இருந்தால் டிஸ்க்கை எடுத்துவிட்டு ஸ்டார்ட் செய்திடவும். இல்லை எனில் இது ஹார்ட் வேர் பிரச்னையாக இருக்கும். மின்சாரத்தை நிறுத்திவிட்டு கேபினைத் திறந்து அனைத்து கேபிள்களும் சரியாக பொருத்தப்பட்டுள்ளதா எனச் சோதித்து சரி செய்திடவும். பின் கம்ப்யூட்டரை இயக்கவும். மீண்டும் இயங்கவில்லை என்றால் கம்ப்யூட்டர் மெக்கானிக்கைக் கூப்பிடவும்.
An exception OE has occured அனைத்து புரோகிராம்களும் இயங்குவதற்கு மெமரி தேவைப்படுகிறது. ஒவ்வொன்றுக்கும் தேவையான மெமரியை கம்ப்யூட்டர் வழங்குகிறது. ஆனால் ஒரு புரோகிராம் தனக்கு அனுமதி வழங்கப்படாத மெமரி இடத்தை ஆக்ரமிக்க முற்படுகையில் இந்த செய்தி கிடைக்கிறது. இந்த செய்தி அடிக்கடி கிடைத்தால் அண்மையில் இன்ஸ்டால் செய்த புரோகிராமை நீக்கிப் பார்க்கவும். அல்லது வேறு ஏதேனும் மாற்றங்கள் செய்திருந்தால் அதனை முன்பிருந்தபடி அமைக்கவும். இதற்கு System Restore என்ற புரோகிராம் உங்களுக்கு உதவும்.

An error has occurred in your program. To keep working anyway, click ignore and save your work to a new file. To quit this program, click Close” இயக்கப்படும் புரோகிராமில் ஏதேனும் புரோகிராமிங் பிழை (bug) இருப்பின் இந்த செய்தி கிடைக்கும். இந்த செய்தி காட்டப்பட்டாலும் அந்த புரோகிராமினை உங்களால் தொடந்து இயக்க முடியும். அப்படி விரும்பினால் Ignore என்பதைக் கிளிக் செய்து தொடருங்கள். உங்கள் பணியை புதிய பெயருள்ள பைலில் சேவ் செய்திடுமாறு செய்தி கிடைத்துள்ளது. ஏற்கனவே நீங்கள் பணியாற்றிக் கொண்டிருக்கிற பைல் கெட்டுப் (corrupt) போயிருக்கலாம். எனவே புதிய பெயர் கொடுத்து சேவ் செய்து பணியைத் தொடரவும்.
Duplicate Name exists இது போன்ற செய்தி நெட்வொர்க்கில் பணியாற்றுகையில் வரும். நெட்வொர்க்கில் இணைந்துள்ள ஒவ்வொரு கம்ப்யூட்டருக்கும் ஒரு பெயர் உண்டு. இல்லை எனில் கம்ப்யூட்டரை நெட்வொர்க்கில் இயக்க முடியாடு. இந்த செய்தி கிடைத்தால் ஏற்கனவே இதே பெயரில் இன்னொரு கம்ப்யூட்டர் அந்த நெட்வொர்க்கில் உள்ளது என்று பொருள். எனவே நீங்கள் இயக்க விரும்பும் கம்ப்யூட்டரில் மை கம்ப்யூட்டர் ஐகானை வலது புறமாகக் கிளிக் செய்து Computer Name என்னும் டேபைத் தேர்ந்தெடுக்கவும். பின்னர் Change என்பதைக் கிளிக் செய்து கம்ப்யூட்டருக்குப் புதிய பெயர் ஒன்றைக் கொடுத்து பின் ஓகே அழுத்தி வெளியில் வந்து கம்ப்யூட்டரைத் தொடர்ந்து இயக்கவும்.

A runtime error has occurred. Do you wish to debug? இன்டர்நெட் எக்ஸ்புளோரர் தொகுப்பினை இயக்குகையில் இந்த செய்தி கிடைக்கும். இது நீங்கள் இணையத்தில் பார்த்துக் கொண்டிருக்கும் வெப் சைட் உருவாக்கத்தில் உள்ள பிழையினால் ஏற்படுவது. இதனால் சிறிதும் கவலைப்பட வேண்டாம். debug செய்வது என்பதெல்லாம் புரோகிராமர்கள் பார்க்க வேண்டிய சமாச்சாரம். இந்த மாதிரி செய்தி எல்லாம் பின் எனக்கு ஏன் வருகிறது என்று நீங்கள் கவலைப் பட்டால் இப்படிப்பட்ட செய்தி வருவதனைத் தடுத்துவிடலாம். Tools பிரிவு சென்று Internet Optionsகிளிக் செய்து பின் Advanced டேபைத் தேர்ந்தெடுக்கவும். பின் Browsing பிரிவில் Disable Script Debugging என்பதில் டிக் செய்துவிட்டு ஓகே கிளிக் செய்து வெளியேறவும். இனி இந்த பிழை செய்தி கிடைக்காது.

The margins of section … are set outside the printable area of the page. Do you want to continue? in Word பல பிரிண்டர்கள் ஒரு தாளின் முழு அளவில் ஒரு பக்கத்தினை அச்சடிக்காது. மார்ஜின் ஸ்பேஸ் என்று சொல்லப்படும் நான்கு பக்க இட வெளி அச்சடிக்கத் தேவை. மேற்காணும் செய்தி மைக்ரோசாப்ட் வேர்ட் தொகுப்பில் கிடைத்தால் No என்பதில் கிளிக் செய்து பின் அந்த டாகுமெண்ட்டின் பேஜ் செட் அப் சென்று பார்த்து மார்ஜின் மற்றும் பேப்பர் அளவை மாற்ற வேண்டும். அச்செடுப்பதற்கு முன் பிரிண்ட் பிரிவியூ பார்த்தால் எந்த அளவில் பிரிண்ட் ஆகும் எனத் தெரியும். அதற்கேற்ற வகையில் அளவைச் சரி செய்து பின் பிரிண்ட் கொடுக்க வேண்டும்.