Daily Archives: ஒக்ரோபர் 21st, 2009

பொருத்தமான மேக்கப்

கூந்தல்:

* பெண்ணோ, ஆணோ யாராக இருந்தாலும் தோற்றத்தை மேம்படுத்தும் சிறப்பு கூந்தலுக்கு உண்டு. ஆனால் பராமரிப்பது சிரமமான வேலை. போதிய நேரம் ஒதுக்க முடியாது பலருக்கு. இதனால், நீண்ட அடர்ந்த கூந்தலைக் கூட குட்டையாக வெட்டிக் கொள்ளும் பெண்கள் அதிகம்.

* முடி சின்னதாக இருக்கே என்று கவலைப்படாமல் நம் முடி எப்படியோ அதற்கேற்ப விதவிதமாக கூந்தலை அலங்காரம் செய்துகு கொள்ளலாம். முடி நீண்டு அடர்த்தியாக இருந்தால் எந்த மாதிரியான சிகை அலங்காரமும் அழகாகத்தான் இருக்கும். இருந்தாலும் கண் அமைப்பு, முக வடிவத்தை பொருத்து உங்களுக்கு பொருந்துவிதமாக கொண்டை, பின்னல்களை போட்டுக்கொள்ளுங்கள்.

குட்டை முடி:

* உருண்டை முகம்: கோணல் வகிடு எடுக்காமல் தூக்கிவாரி கொள்ளலாம்.நடு வகிடு எடுத்து பின்னல் போட்டுக் கொள்ளலாம்.

* நீளமுகம்: ஒரு பக்கம் கோணல் வகிடு எடுத்து, இரு பக்கம் வாரிவிட்டால் முகம் சற்று அகலமாக காட்டும். * அகலமான முகம்: முடியை பின்புறம் எடுத்து காதை மறைக்கும் அளவுக்கு வாரலாம். முகம் உருண்டையாக தெரியும்.

* அகலமான நெற்றி: முன்பக்க முடியை சற்று எடுத்து ஃப்ரிஞ்ச் எனப்படும் ஹேர்கட் பண்ணலாம். நெற்றி முடி முன்னால் வருமாறு கட் பண்ணலாம்.

* குட்டை கழுத்து: குதிரைவால் கொண்டை பொருத்தும்.

* தாடை நீண்ட ஓவல் வடிவ முகம்: முடியை நோக்கி “சி” வடிவமான வகிட்டிலிருந்து தாடை வரை வந்து விழுவதுபோல் அமையுங்கள் அழகாக, வித்தியாசமாக இருக்கும்.

நீளமான முடி:

* பின்னல், கொண்டை இரண்டும் கச்சிதமாக அமையும்.

* ஃப்ரென்ச் ப்ளெய்ட் போடலாம். ஆனால் முடி திக்காக, முகம் ரவுண்டாக இருக்கவேண்டும்.

* முடியை தூக்கிவாரி கொண்டையின் மேல் ஃப்ரென்ச் நாட் போடலாம். கழுத்து குட்டையாக இருப்பவர்கள் போட்டாலும் அழகுதான்.

* நீளக்கழுத்து: காது லெவலுக்கு மேல் கொண்டை போடக்கூடாது.

* மீடியம் கழுத்து: பின் கொண்டை போட்டால் ஆபரணங்கள் எடுப்பாக தெரியும். கழத்தை ஒட்டி வகிடெடுத்து சற்று இறக்கி கொண்டை போடலாம். ரொம்ப இறக்கி விடாதீர்கள்.

* மிக நீண்ட கழுத்து: கழுத்தை ஒட்டினர்போல் சற்று முதுகையும் மறைக்கும் அளவுக்கு ரோல்ஸ் போண்ட கொண்டைகள் போடலாம். கழுத்தை மூடும்படியாக பூ வைத்துக் கொள்ளலாம்.

* உருண்டைமுகம்: உயரமான கொண்டை மிகவும் அழகாக இருக்கும்.

* ஓவல் முகம்: காதை மூடினமாதிரியான கொண்டை கழுத்தின் ஆரம்பம் வரை இருக்கட்டும். முன்னால் பார்த்தால் தெரியுமாறு பூ சூடிக்கொண்டால் முகம் உருண்டையாக தெரியும்.

* சதுர முகம்: தளர ( காதை மூடிய பின்னல் ) , கொண்டை போடலாம். காதோர முடியை சுருட்டி தொங்கவிட மேலும் அழகாக இருக்கும். * குண்டானவர்கள்: கொண்டை வேண்டாம். பின்னல் நல்லது.

* உயரமானவர்கள்: கொண்டை வேண்டாம், ஆசையாக இருந்தால் சற்று தழைத்து போட்டுக் கொள்ளவும்.

* குள்ளமானவர்கள்: சற்று உயர தூக்கி கொண்டை போடுங்கள்.

* எல்லோருமே கொண்டைவலையில் ஜம்கி, சலங்கை, மணிகளை( ஓவராக அல்ல ) ஒட்டி வைத்துக்கொண்டால் விஷேங்களுக்கு செல்லும் போது உங்களை ரிச்சாக காட்டும். பாராட்டு கிடைக்கும்.

பொட்டு:

* உடைக்கேற்ற டிசைன் பொட்டு தே நிறத்திவ் தேர்ந்தெடுங்கள். பொதுவாக மெரூன் பொட்டு எல்லா உடைகளுக்கும் பொருந்தும்.

* உருண்டை முகம்: வட்டம், உயரம் என எல்லா பொட்டும் பொருந்தும். சிறிய நீட்டப் பொட்டு சூப்பராக இருக்கும்.

* குறுகிய நெற்றி: சிறிய டிசைன் பொட்டுகள் பொருந்தும்.

* நீளமுகம்: கலர் சாந்தினால் அகல டிசைன் வரைந்து கொள்ளலாம்.

* சதுர முகம், பரந்த நெற்றி: நீள டிசைன் பொட்டுகள் வைக்கலாம்.

* ஜீன்ஸ் அணிந்தால் கூட பாம்பு போன்ற வளைந்த, நீள டிசைன் பொட்டுகள் எடுப்பாக இருக்கும்.

பெண்கள் தங்கள் முகத்தில் இருக்கும் தேவையற்ற சிறிய ரோமங்களை நீக்க பெண்கள் தங்கள் முகத்தில் இருக்கும் தேவையற்ற சிறிய ரோமங்களை நீக்கினால் முக அழகு கூடும். அதற்கான அசத்தல் ஐடியா,

இதோ! முட்டையின் வெள்ளைக் கரு, சர்க்கரை, சோளமாவு மூன்றையும் எடுத்துக் கொள்ளுங்கள். மூன்றையும் நன்றாக பிசைந்து கொள்ள வேண்டும். கிடைக்கும் கலவையை முகத்தில் ரோமங்கள் இருக்கும் இடத்தில் பூசிக்கொள்ள வேண்டும். கலவை காய்ந்தபின் அதனை பதமாக நீக்க வேண்டும். அப்போது கலவையுடன் சேர்ந்து ரோமங்களும் உதிர்ந்துவிடும். தொடர்ந்து வாரத்திற்கு இரண்டு முறை இப்படியே செய்துவந்தால் ரோமங்கள் இல்லாமல் சவழவழ முக அமைப்பை பெறலாம். நகத்துக்குச் சாயம்

நகங்களை நீளமாக வளர்ப்பதுதான் இன்றைய நாகரிகம் என்ற கருத்து பலரிடையே நிலவுகிறது. விரலின் விளிம்புக்கும் அதிகமாக நகங்களை வளரவிடுவது அவ்வளவு நல்லதல்ல. சாதாரணமாண எந்தவித வேலைக்கும் நீளமான நகங்கள் இடைஞ்சலாகவே இருக்கும். மேலும் அது பிய்ந்தும் உடைந்தும் தொல்லை தரும். நடுவில் பிரிந்து அல்லது அரைகுரையாக உடைந்து மூளியாகக் காட்சியளிக்கும் நகம் விரலின் அழகையே கெடுத்துவிடும்.

எனவே அதிகமாக நகம் வளர்க்காதீர்கள். நகம் வெட்டியை பயன்படுத்தி குறிப்பிட்ட தினங்களுக்கு ஒருமுறை வெட்டிவிடுங்கள். நகத்தை நீக்குவதற்கு பல்லால் கடிப்பதை தவிர்க்கவும். அது அசிங்கமான பழக்கம் என்பதை விட தேக நலத்திற்கும் தீங்கு விளைவிக்கும்.

நகங்களுக்கு சாயம் பூசி அழகுபடுத்துவது தொன்று தொட்டு வரும் பழக்கமாகும். சாதாரணமாக நாம் இதற்கு மருதாணி இலைகளையே பயன்படுத்துகிறோம்.

மருதாணி அரைக்கும் போது நன்கு வெண்ணெய் போல் அரைப்பது சிறந்ததாகும்.
அப்போது அது நகங்களில் நன்றாக பற்றும். மருதாணி இலையை அரைக்கும் போது சிறிதளவு களிப்பாக்கை சேர்த்து அரைப்பது சாயம் நன்கு ஏற உதவும்.

விரல்களை நன்கு சுத்தம் செய்த பின்னரே அவற்றிற்கு அழகு செய்ய ஆரம்பிக்க வேண்டும்.

இது நகத்தில் சிவப்பு நன்கு ஏற உதவுவதோடு மருதாணி கலையாமல் இருக்க பயன்படும்.

நகங்களுக்குப் பூசிய பின்னர், உள்ளங்கைகளில் அழகிய வேலைபாடுகள் அடங்கிய, கவர்ச்சி பொருந்திய “டிசைன்களை” மருதாணியைக் கொண்டு இடலாம்.

உள்ளங்கை அளவே உள்ள அட்டைகளை எடுத்துக் கொள்ளவும். அதில் அழகான டிசைன்களை வரைந்து, நடுவில் வெட்டி எடுக்கவும்.

பின், டிசைன்கள் வெட்டப்பட்ட அட்டையை உள்ளங்கையில் வைத்து, அதன்மீது மருதாணி விழுதை நன்கு பரப்பி அதன் இலையை வைத்து கட்டிடவும்.

மறுநாள் மருதாணியை எடுத்துவிடும் போது கைகளில் அழகான டிசைன்கள் அமைந்து விடும். உள்ளங்கைகளைச் சுற்றிப் பொட்டுகள் வைப்பதும் உண்டு.

மருதாணியைத் தவிர, பலரகச் செயற்கைப் பூச்சுகளைப் பலர் உபயோகிப்பதுண்டு. சிவப்பில் பல ரகங்களில் இது கிடைக்கும் இயற்கை நிறத்திலும் உண்டு. இயற்கை நிற பூச்சு நகத்திற்கு தனி நிறம் கெடாது. ஒருவித பளபளப்பை மட்டும் உண்டு பண்ணி மெருகேற்றி விடுகிறது.

பொதுவாக இவ்வகை இயற்கை நிறப்பூச்சைப் பயன்படுத்தி நகங்களுக்கு பொலிவுபண்ணுவது ஆடம்பரமற்ற அமைதியான அழகை தரும்.

ஒவ்வொரு தடவையும் நகப்பூச்சை பயன்படுத்தும் போதும் பழைய பூச்சை அகற்றிவிடுவது மிகமிக அவசியம். காய்ந்த பழைய பூச்சை எடுத்துவிட கத்தியைக் கொண்டோ அல்லது வேறு ஏதும் கூர்மையான ஆயுதங்களைப் பயன்படுத்தியோ நகத்தை சுரண்டுவது நல்லதல்ல.

அதற்குறிய “பாலிஸ் ரிமூவரையே” பயன்படுத்த வேண்டும். பழைய பூச்சைக் களைந்து விரல்களை நன்கு சுத்தப்படுத்திப் பின்னர் திரும்பவும் பூசவும்.

கைகளுக்கு பயன்படும் இந்த பூச்சுகளே பாதங்களுக்கும் பயன்படக்கூடியவை.

அழகுக்கு அழகு சேர்க்கும் ஆடை அலங்காரம்

வீட்டுல் அணியும் உடைகள் பெண்கள் வீட்டில் இருக்கும் போது உடை அணியும் விஷயத்தில் அக்கறை செலுத்த வேண்டியது இல்லை என சில பெண்கள் நினைக்கிறார்கள். இது தவறான மனோபாவமாகும். வீட்டில் இருப்பவர்கள் நம்மை சார்ந்தவர்களாகவே இருப்பினும் வீட்டுச் சுழ்நிலைக்கு ஏற்ப உடை அணிவது வீட்டில் உள்ள ஆண்களுக்கு நிறைவாக இருக்கும். வீட்டில் இருக்கும் போது பகட்டாக உடை அணிவது தேவையில்லை என்றாலும் வீட்டிற்கு ஏற்ற மாதிரி பாந்தமாக உடை அணிவது அவசியமே.

அதிக உடையும் குறைந்த உடையும்

பெண்கள் பொதி சுமப்பது போல உடல் முழுவதும் சுற்றிய நிலையில் அதிகமான அளவில் உடை அணிவது அழகைக் கெடுக்கும். அதற்காக அங்கங்கள் தெரியும் அளவுக்கு மிகவும் குறைவான ஆடைகளை அணியக் கூடாது.

கடைத் தெருவுக்குப் போகும்போது

கடைத்தெரு மார்க்கெட் போன்ற இடங்களுக்குச் செல்லும் போது இலேசான நிறம் அமைந்த புடவைகள் அல்லது மெல்லிய பூக்கள் போட்ட புடவை அணிந்து செல்வது சுழ்நிலைக்கு ஏற்ப பாந்தமாக இருக்க வேண்டும்.

புடவைக்குப் பொருத்தமான சோளிகள்

பெண்கள் அணியக்கூடிய சோளிகளின் கைகளிலும், கழுத்திலும் லேஸ்களை வைத்துத் தைத்துக் கொண்டால் அவை என்ன வண்ணத்தில் புடவை அணிந்தாலும் அதற்கு பொருத்தமாக இருக்கும்.

அலுவலகம் செல்லும் பெண்கள் அணியும் ஆடை

அலுவலங்களுக்கோ, பள்ளி, கல்லூரிகளுக்கோ செல்லும் பெண்கள் மிகவும் பகட்டாகவும் கண்களைப் பறிக்கும் விதத்தில் ஆடை அணிவதை தவிர்க்க வேண்டும். ஆனால் ஒரேடியாக மோசமான ஆடைகளைத்தான் அணிய வேண்டும் என கருதிவிடக்கூடாது. கண்ணியமான தோற்றத்தை அளிக்கக்கூடிய சுழ்நிலைக்கு ஏற்ற உடையை அணிந்து செல்வது மிகவும் அவசியம்.

ஒல்லியான பெண்களுக்கு உடைகள்

மிகவும் ஒல்லியாக தோற்றமளிக்கும் பெண்கள் இறுக்கமாக உடை அணியக் கூடாது. சோளியின் கைகள்கூட மிகவும் பிடிப்பாக இல்லாமல் சற்று தளர்த்தியாக இருப்பது நல்லது.

புடவையின் அமைப்பும் உருவத்தோற்றமும்

பெண்கள் அணியும், அணியக்கூடிய புடவையின் அமைப்பே அவர்களின் தோற்றத்தையே மாற்றியமைக்கூடிய தன்மையுடன் திகழ்கின்றது. புடவையில் உள்ள டிசைன் வெறும் அழகிற்காக மட்டுமே அமைந்திருப்பதாகக் கருதிவிடக்கூடாது. திட்டமிட்டு புடவையைத் தேர்ந்தெடுத்து உடுத்தினால் பெண்களின உருவ அமைப்பே புரட்சிகரமாக மாற்றிவிடக்கூடும்.
உதாரணமாக பெண்கள் அணியக்கூடிய புடவையில் அமைந்த கோடுகள் குறுக்குவாட்டில் அமைந்தால் உயரமான பெண்கள் குள்ளமாக இருப்பது போன்ற பிரமைபார்பவர்களுக்கு தோன்றும். புடவையில் அமைந்த கோடுகள் நேர்வாக்கில் அமைந்தால் குள்ளமானவர்கள் சற்று உயராமாக இருப்பது போல காட்சி தருவார்கள்.

கடற்கரை போன்ற இடங்களுக்கு சென்றால்

கடற்கரை போன்ற பொது இடங்களுக்கு குடும்பத்துடன் செல்லும் போது மிகவும் நெருக்கமாக கட்டம் போடப்பட்ட மிகவும் அழுத்தமான சாயம் கொண்ட கைத்தறி சேலைகளை உடுத்திச் சென்றால் பாந்தமாக இருக்கும்.

அழகை கெடுக்கும் டென்ஷன்!

சிலரைப் பார்த்தால் ப்ரிஜ்ஜில் வைத்த ஆப்பிள் பழம் மாதிரி எப்போதும் `ப்ரெஷ்’ ஆக இருப்பார்கள். இன்னும் சிலர் இருக்கிறார்கள்… எப்போதும் தூங்கி வழியும் மூஞ்சாக இருப்பார்கள். சுறுசுறுப்பும் அவர்களிடம் `மிஸ்’ ஆகி இருக்கும். அதனால், அவர்களது அழகும் காணாமல் போய் இருக்கும்.

இதையொட்டி அமெரிக்க ஆராய்ச்சியாளர்கள் ஒரு ஆய்வை மேற்கொண்டார்கள். அதாவது, இயற்கையான அழகு யாருக்கு கிடைக்கும்? என்கிற கோணத்தில் அந்த ஆய்வு அமைந்திருந்தது.

500க்கும் மேற்பட்ட இளைஞர்கள் மற்றும் இளைஞிகள் இந்த ஆய்வுக்கு உட்படுத்தப்பட்டனர். அவர்களிடம், அவர்கள் தினமும் மேற்கொள்ளும் செயல்களில் இருந்து கேள்விகள் கேட்கப்பட்டன.

ஆய்வின் முடிவில் அடிக்கடி டென்ஷன் ஆகுபவர்களைக் காட்டிலும் டென்ஷன் ஆகாமல் எதையும் டேக் இட் ஈஸியாக எடுத்துக்கொள்பவர்கள் `ப்ரெஷ்’ ஆகவும், அழகாகவும் இருப்பது கண்டுபிடிக்கப்பட்டது.

இதுபற்றி ஆய்வாளர்கள் கூறும்போது, `அழகுக்கும் மனதிற்கும் நிறையவே தொடர்பு இருக்கிறது. அந்த மனதை இயற்கையாக அதாவது, டென்ஷன் இன்றி வைத்துக்கொண்டால் முகமும் அழகாக இருக்கும்; உடலும் ஆரோக்கியமாக இருக்கும்’ என்று தெரிவித்தனர்.

என்ன… நீங்களும் டென்ஷன் பார்ட்டி என்றால் இப்போதே அதை தூக்கி எறிந்துவிடுங்கள். இல்லையென்றால், அழகு உங்களிடம் இருந்து `எஸ்கேப்’ ஆகிவிடும்.

டீன்ஏஜ்: அழகுக் கவலை!

டீன் ஏஜ் பெண்கள் பல நேரங்களில் மன ரீதியாகவும், உடல் ரீதியாகவும், சமுக ரீதியாகவும் குழப்பங்களுக்கு ஆளாகிறார்கள்.

இந்த மாதிரியான நேரங்களில் இவர்களுக்கும் நல்ல ஆலோசகர்கள் இல்லாத நிலையில்தான் தீய நபர்களின் சகவாசத்தால் போதை, பாலியல் உறவு என தவறான பழக்க வழக்கங்களை நோக்கி அவர்களின் பயணம் தொடங்குகிறது. இதனால் அவர்களுடைய எதிர்கால வாழ்க்கை சிக்கல் மிகுந்ததாக மாறுகிறது.

பெரும்பாலும் `அழகாக இல்லை, குட்டையாக இருக்கிறேன், தலைமுடி நீளமாக இல்லை, பற்கள் வரிசையாக இல்லாமல் துருத்திக் கொண்டு இருக்கின்றன, குண்டாக இருக்கிறேன், முகபருக்கள் அதிகமாக உள்ளன’ போன்ற பிரச்சினைகளே அவர்களை கவலையடையச் செய்கின்றன. நாளாக நாளாக கவலைகளின் எணிக்கை அதிகரிக்கிறது. இதனால் தங்களை பற்றிய தாழ்ந்த சுயமதிபீட்டிற்கு ஆளாகிறார்கள். விளைவு? படிப்பில் நாட்டம் குறைந்து, தனிமையை விரும்பி மற்றவர்களிடம் இருந்து விலகத் தொடங்குகிறார்கள். இவ்வாறு பெண்கள் தனிமையை நாடத் தொடங்கினாலே, அவர்கள் மிகபெரிய பிரச்சினையில் சிக்கித் தவிக்கிறார்கள் என்பதை நீங்கள் உணர வேண்டும் என்கிறார்கள் மனநல மருத்துவர்கள்.

இந்த பருவத்தில் தங்களுக்கு ஏற்படும் மாற்றங்களை தெளிவாகத் தெரிந்து கொண்டு, தங்களுடைய உடல்நல பராமரிப்புக்குத் தேவையான பொறுப்பையும், வழிமுறைகளைம் சுயமாக வளர்த்துக் கொண்டாலே போதும். பிரச்சினைகளில் இருந்து சுலபமாகத் தப்பி விடலாம்.

பெரும்பாலான பெண்கள் அதிகம் சாப்பிடுவதில்லை. அதிலும் குறிபாக டீன்ஏஜ் வயதுகளில் உள்ளவர்கள் `ஸ்லிம்`மாக இருந்தால்தான் அழகு என நினைத்து பட்டினி கிடக்கிறார்கள். இதனால் உடலுக்குத் தேவையான சத்துகள் கிடைக்காமல் ரத்த சோகை போன்ற நோய்க்கு ஆளாகின்றனர்.

எனவே சத்தான காய்கறிகள், பழங்கள் சாப்பிட அவர்களை பழக்கபடுத்த வேண்டும். உயரமாக இல்லாமல் குட்டையாக இருக்கிறோம் என்ற கவலை சிலருக்கு வரும். இது இவர்களே தானாக வரவழைத்துக் கொண்ட கவலைதான். உயரம் குறைவாக இருபதற்கு ஹார்மோன் கோளாறு, உணவுபற்றாக்குறை… இப்படி பல காரணங்கள் இருக்கின்றன. சிலருக்கு வளர்ச்சி தள்ளி போவதும் உண்டு. இவர்கள் சில வருடங்கள் சென்றபின் வேகமாக வளர்ந்து, தங்களின் சராசரி உயரத்தை அடைவர்.

பருவ வயதுகளில் உடலில் ஏற்படும் மாற்றங்கள் பற்றி அவர்களுக்குத் தெளிவு ஏற்படும் வண்ணம் பெற்றோர்கள் பேச வேண்டும். பேச கூச்சமுள்ள பெற்றோர் அது தொடர்பான புத்தகங்களை அவர்களுக்கு படிக்கத் தரலாம்.

உடல் மாற்றங்கள், பழக்க வழக்கங்கள், சமு க, கலாச்சார மாறுதல்கள் போன்ற விஷயங்கள் பற்றி பெற்றோர்கள் குழந்தைகளிடம் சுதந்திரமாக பேச வேண்டும். இவ்வாறு பேசுவதற்கு பெரும்பாலான பெற்றோர் தயங்குகிறார்கள். அப்படித் தயங்கிக் கொண்டிராமல் பிள்ளைகளிடம் சகஜமாக பேசி, அவர்களின் உடல் ரீதியான, மன ரீதியான

உடம்பு சூடா இருக்கா? தணிக்க வழி பாருங்க

நீங்கள் கல்லூரி மாணவரா… உங்களுக்கு முகத்தில் பரு இருக்கிறதா? பருவக்கோளாறு என்று சொல்லலாம். அதையும் தாண்டி ஒரு காரணம் இருக்கிறது; உங்கள் உடல் சூடானதாக இருக்கலாம். இது தான் பருவுக்கு காரணமாக இருக்கலாம். இதுபோல, நடுத்தர வயதினர் வரை சிலருக்கு , சுற்றுலா சென்று திரும்பிய பின்போ, வேறு சில சூழ்நிலைகளிலோ அஜீரணம் ஏற்படும். வேறு என்ன காரணமோ என்று பயப்பட வேண்டாம். இதற்கும் உடல் சூடுதான் காரணம். ஏன், தீபாவளிக்காக அலைச்சல் இருக்கலாம்; மூக்கை பிடிக்க ஒரு பிடி பிடித்திருக்கலாம் இல்லையா? அதுவும் ஒரு காரணம் தான்.
காய்ச்சல் வருவது வேறு; அதற்கு சில காரணங்கள் உண்டு. ஆனால், பொதுவாகவே, வழக்கமான சில சூழ்நிலைகளால், சிலருக்கு உடல் சூடு தணியாது; அடிக்கடி சூடு இருக்கும். அதுபோல, வெளியில் சுற்றும் பணியில் இருப்பவர்கள் போன்றவர்களுக்கும் உடல் சூடு இருக்கும். சுற்றுலா சென்றுவிட்டு திரும்பினால் சூடாக இருக்கும். ஏன், வெளியில் மணிக்கணக்கில் சுற்றிவிட்டு வந்தாலும் சூடு தணிய வெகுநேரம் ஆகும். சிலருக்கு இந்த சூடு தானாக, அவர்கள் உடல் தன்மைக்கு ஏற்ப தணிந்து விடும். சிலருக்கோ, வேறு கோளாறில் விட்டுவிடும். அந்த கோளாறு தான், அஜீரணம், பரு வளர்வது போன்றவை.

அதென்ன பி.எச்.ஐ.,
ஒருவரின் உடல் எடை, உயரத்தை வைத்து கணக்கிட்டால், அவருக்கு சரியானதாக தான் இருக்கிறதா, இல்லையா என்று தெரியும் கணக்கீடு தான் “பாடி மாஸ் இன்டெக்ஸ்’ என்று சொல்லப்படும் பி.எம்.ஐ., அளவீடு. இது தாறுமாறாக இருந்தால் ரத்த அழுத்தம், சர்க்கரை நோய் அறிகுறி.
இதுபோல தான் பி.எச்.ஐ., அதாவது, “பாடி ஹீட் இன்டெக்ஸ்’ என்பது. உடலில் வெப்ப அளவை கணக்கிடும் அளவீடு. சராசரியாக ஒருவருக்கு 98.3 டிகிரி செல்சியஸ் இருக்க வேண்டும். அப்படி தான் தொடர்ந்து பராமரித்து வர வேண்டும். இந்த அளவில் இருந்தால், எந்த பிரச்னையும் வராது. ஆனால், குறைவாகவோ, அதிகமாகவோ இருந்தால் உஷாராகி விட வேண்டும். சிலருக்கு, அவர்களின் பணி, நடமாட்டம், உணவு முறைகளை பொறுத்து உடல் சூடு அதிகமாக இருக்கும். தானாகவே தணியவும் செய்யும்.
சிலருக்கோ, சில சூழ்நிலைகளில் சூடு அதிகமாகி குறையவே குறையாது; அவர்களுக்கு உடனே ஏற்படும் விளைவு தான் அஜீரணம். அதுபோல, இந்த வகை பெண்களுக்கு வருவது தான் முகப்பரு.

எதனால் சூடு வரும்
* தடுப்பூசி போட்டால் உடலில் சூடு அதிகரிக்கும். அதுபோல, ஸ்டிராய்டு ஊசி போட்டாலும் சூடு அதிகரிக்கும். அதைத்தான் காய்ச்சல் என்று சொல்லி மருந்து தரப்படுகிறது.
* மது குடிப்பவர்களுக்கு, அடிக்கடி சிகரெட் பிடிப்பவர் களுக்கு உடலில் சூடு அதிகமாக இருக்கும்.
* மாதவிடாய் மற்றும் மகப்பேறு சமயங்களில் சில பெண்களுக்கு இந்த பிரச்னை இருக்கும்.
* தூக்கம் வராமல் தவிப்பவர்களுக்கும் சூடு, உடலில் அதிகமாக இருக்கும்.
* நீண்ட தூர பயணங்களுக்கு பின், உடல் சூடு காணும்.

எப்படி சமாளிப்பது?
உடலில் உள்ள சீரற்ற தன்மையை சரி செய்ய ஒரே வழி உணவும், பழக்க வழக்கங்களும் தான்.
நம் வாழ்க்கை முறையில் மாற்றம் இருந்தால் பிரச்னை ஏற் படும். அதுபோல, உணவுகளில் மாற்றம் இருந்தாலும் இதே தொல்லை தான். அதனால், இந்த இரண்டிலும் கவனம் தேவை.
உடலில் சூடு தணிய வேண்டுமானால், உணவில் மாற்றம் ஏற்பட வேண்டும். இப்போது “ஜங்க் புட்’ என்று சொல்லப்படும் கொழுப்பு உணவுகளால் கூட உடலில் மாற்றம் ஏற்படுகிறது. அதனால் தான் இதை சாப்பிடுவோருக்கு ஏதாவது ஒரு கட்டத் தில் பிரச்னை ஏற்படுகிறது.
என்ன உணவு சாப்பிட்டாலும், சத்தான, உடல் ஆரோக்கியத் துக்கு தேவையான பச்சைக் காய்கறி, சத்து உணவுகளையும் சாப்பிட்டு வந்தால் உடல் சூடு எட்டிப்பார்க்கக்கூட செய்யாது. இதை வளர் இளம் பெண்கள் மனதில் கொள்ள வேண்டும்.

என்ன சாப்பிடலாம்?
வழக்கமான உணவுகளில் பச்சைக் காய்கறிகள், பழங்கள் என்று சேர்த்துக் கொள்வதுடன், இந்த உணவுகள் சேர்ப்பது மிக முக்கியம்.
* தர்பூசணி: தர்பூசணி மட்டுமல்ல, கிர்னி உட்பட பல வகை நீர்ச்சத்து உள்ள பழங்களில் பொட்டாசியம் சத்து உள்ளது. துண்டாக்கியோ, ஜூசாகவோ சாப்பிடலாம்.
* பசலைக்கீரை: பொதுவாகவே கீரை வகைகள் உடலுக்கு நல்லது. மக்னீசியம் சத்துள்ள பசலைக் கீரையை சமைத்து சாப்பிட்டால், உடல் சூடு தணிவதுடன், கண்களுக்கும், தோலுக்கும் நல்லது.
* வெள்ளரி: கோடையில் மட்டுமல்ல, பொதுவான சமயங்களில் வெள்ளரியை துண்டாக்கி சாப்பிடலாம். சமைத்தும் சாப்பிடலாம். நார்ச் சத்து உள்ளது.
* தயிர்: சிலருக்கு தயிர், மோர் சாப்பிடும் பழக்கமே இல்லை. இப்போது தான் பழக்கத்தை ஆரம்பித்துள்ளனர்.
தயிர் சாப்பிடுவது மிக நல்லது. சூடு தணிந்து, இதத்தை தரும் தயிர், கண்டிப்பாக சாப்பாட்டில் சேருங்கள்.
இப்படி எத்தனையோ சத்தான உணவுகள் உள்ளன. என்ன தான் ஜாலிக்காக வெளியில் வாய்க்கு ருசி என்று நினைத்து சாப்பிட்டாலும், இந்த சத்தான உணவுகளை மறக்கவே கூடாது தானே.

நன்றாகத் தூங்கினீர்களா!

இந்தக் கேள்விக்கு ஆமாம் என்று எத்தனை பேரால் பதில் சொல்ல முடியும். வயது அதிகரிக்கும் போது நமக்கு முதலில் அதனைச் சுட்டிக் காட்டும் செயல் நம் தூக்கம் தான். குறைந்த நேரம் தூங்குவது, இடை இடையே எழுவது, தூக்கமே இல்லாமல் புரண்டு படுத்து பின் விடிவதற்குச் சற்றுமுன் உறங்கிப் போவது என்று பல வகைகளில் இந்த தூக்கமின்மை நம்மைப் பாடாய்ப்படுத்தும். ஏன்? உடல்நிலை சரியில்லாமல் போவதனாலா? இல்லை, நம் ஆசைகள், கோபங்கள், உணர்வுகளே முதலில் நம் தூக்கத்தினைக் கெடுக்கின்றன. அதன் பின்னரே உடல் ஆரோக்கியம் நம் தூக்கத்தை விலையாக் குகிறது. அதனால் தான் நம் நோய்க்கு மருந்து கொடுக்கும் மருத்துவர்கள், கூடவே தூக்கத் திற்கும் சிறிய அளவில் மாத்திரை கொடுக்கின்றனர். ஒரு சிலர் தூக்க மாத்திரைகளுக்கு அடிமையாகி அது இல்லாமல் தூங்குவதில்லை. இதுவே அதிக எண்ணிக்கையில் உயருகையில் தூக்கம் ஒரு கேள்விக் குறியாகிறது.

நம் பிரச்சினைகளுக்கெல்லாம் ஒரு அருமருந்தாய் இருப்பது இந்த தூக்கம் தான். கவலைகளை மறக்கச் செய்து, சிறிது நேரமாவது நிம்மதியாய் இருக்கச் செய்வதும் தூக்கம் தான். அப்படியானால் இந்த தூக்கம் பற்றி நாம் நிறைய அறிந்து கொள்வது அவசியம் அல்லவா! ஆம், உறங்குவது என்பது நம் உடல்நிலையை, அதன் இயக்க தன்மையினை எடுத்துக் காட்டும் ஒரு கண்ணாடி. எனவே தான் ஒருவருக்கான உறக்கம் எவ்வளவு மற்றும் எப்படி இருக்க வேண்டும் என்பதனை நாம் அறிந்து கொள்வது அவசியம். இந்த கேள்விகளுக்கெல்லாம் பதில் தரும் வகையில் ஓர் இணைய தளம் உள்ளது. அதன் முகவரி http://sleepfoundation.org/

இந்த தளத்தின் முகப்பிலேயே “தூக்கத்தின் முக்கியத்துவத்திற்கு அமெரிக்காவை எழுப்பு வதற்காக இந்த தளம்” என்று எழுதப்பட்டுள்ளது. அமெரிக்கர்களை மட்டுமல்ல, அனைத்து மனிதர்களையும் இது எழுப்புகிறது. தூக்கம் குறித்த தலைப்புகள், தூக்கம் குறித்த பிரச்சினைகள், குழந்தை களும் தூக்கமும், தூங்குவதில் ஐந்து வகை முறைகள், பெண் களும் தூக்கமும் என இந்த தளம் தரும் தகவல்களின் தலைப்புகள் நிறைய உள்ளன.
தூக்கம் குறித்த தலைப்புகள் என்ற பிரிவில் வயதும் தூக்கமும், ஆஸ்த்மாவும் தூக்கமும், குழந்தைகளும் தூக்கமும், உணவு கட்டுப்பாடு, தேகப்பயிற்சியும் தூக்கமும், உடல் பெருக்கமும் தூக்கமும் என பல்வேறு தலைப்புகள் உள்ளன. ஒவ்வொருவரும் இந்த தலைப்புகளில் ஏதாவது ஒன்றில் மாட்டுவார்கள். பிரச்சினைகள் பிரிவு என்று எடுத்துக் கொண்டால் அதில் தூக்கத்தில் நடப்பது, தூக்கத்தில் படுக்கையில் சிறுநீர் கழிப்பது, தூக்கத்தில் பயப்படுவது, தூக்கத்தில் பேசுவது என அனைத்து பிரச்சினைகளும் அலசப்படுகின்றன.
ஒரு சிலர் ஊர் மாறி வந்தேனா! அதான் தூக்கமே இல்லை என்பார்கள். அல்லது விடுதியில் பெட் சரியில்லை, அதனால் தூக்கம் இல்லை என்பார்கள். ஒருவர் தூங்குவதற்கு எத்தகைய படுக்கை வேண்டும் என ஆய்வு செய்து உங்களுக்கான அறிவுரையும் இந்த தளத்தில் வழங்கப்படுகிறது.
உங்களுக்கு நல்ல தூக்கம் கிடைப்பதில் ஏதேனும் பிரச்சினையா? அப்படியானால் எங்கள் வல்லுநரைக் கேளுங்கள் என்று ஒரு பிரிவு உள்ளது. இதில் சென்று உங்கள் பிரச்சினையை விளக்கி அனுப்பினால் பதில் கிடைக்கிறது. தூக்கம் குறித்த தகவல்கள், சரியான விளக்கங்கள் என ஒரு பிரிவு இந்த தளத்தில் உள்ளது. தூங்குவதற்கு என்ன என்ன பொருட்கள் உங்கள் வீட்டில் இருக்க வேண்டும் என்று கோடு காட்டி, அவற்றை விற்பனை செய்திடும் கடைகளும் காட்டப்படுகின்றன.
இந்த தளம் மற்றும் இவை தரும் கட்டுரைகள், தகவல்கள் ஆகிய அனைத்தையும் நேஷனல் ஸ்லீப் பவுண்டேஷன் என்னும் அமெரிக்காவில் உள்ள அமைப்பு பார்த்துக் கொள்கிறது. அவர்கள் மக்களுக்கு இந்த தகவல்கள் போய்ச் சேர வேண்டும் என்ற இலக்குடன் இந்த அமைப்பை ஏற்படுத்தி பணியாற்றி வருகிறார்கள் என்பதுவும், மிகவும் சிறப்பாகப் பணியாற்றுகிறார்கள் என்பதுவும் நன்றாகத் தெரிகிறது. உங்களுக்கு உறக்கம் வருகிறதோ இல்லையோ, இந்த தளத்தில் உள்ள அனைத்தையும் அவ்வப்போது பார்த்து வைத்துக் கொள்ளுங்கள். எப்போதாவது உங்களுக்கும் உதவும். அல்லது அடுத்தவருக்கு எடுத்துச் சொல்ல உதவும்.