Daily Archives: ஒக்ரோபர் 25th, 2009

எவ்ளோ தண்ணீர் குடித்தாலும்…

பொதுவாகவே டாக்டர்கள் சொல்வது; அதிகமாக தண்ணீர் குடிங்க; அதிக நார்ச்சத்துள்ள காய்கறிகள், தானிய வகை உணவுகளை சாப்பிடுங்க; எதிலும் இனிப்பை தவிருங்க. இதெல்லாம் கலோரி அதிகமில்லாத சத்தானவை என்பதால், உடல் ஆரோக்கியத்துக்கு மிக நல்லது. இதய நோய் உட்பட எதுவும் நம்மை அண்டாமல் வைக்கும். குளிர்பானங்கள் பருகுவதை விட, சாதா தண்ணீர் குடித்தால் பல நோய்களை தவிர்க்க முடிகிறதாம். அதிலும், இளம் வயதில் இருந்தே இந்த பழக்கம் வந்துவிட்டால்… அப்புறம் எதற்கும் கவலையே பட வேண்டாம் என்பது தான் டாக்டர்கள் கூற்று.

பகலில் தூங்கினால் ஷுகர் வரும்
“அப்ஸ்ட்ரக்டிவ் ஸ்லீப் அப்னியா’ (ஓ.எஸ்.ஏ.,) – தொண்டை பின் பக்கத்தில் உள்ள தசைநார் பாதிப்பால், இரவில் தூங்க விடாமல் அவ்வப்போது எழுப்பி விடும் கோளாறு. இதனால், பகலில் தூங்க வேண்டிய கட்டாயம் ஏற்படும். பகலில் தூங்கினால் மட்டும் நல்லதா? இது தான் சர்க்கரை நோய்க்கு காரணமாகி விடுகிறது. சமீபத்திய ஆய்வுகளில் இந்த விஷயம் கண்டுபிடிக்கப்பட்டுள்ளது. இரவில் தூக் கம் வராமல் தவிப்பவர்கள், உடனே அதை தவிர்க்க சிகிச்சை பெறுவது தான் நல்லது.

இடுப்பு பெருத்தால்… பெண்ணே உஷார்
பெண்கள் அதிகம் வெயிட் போட்டால் பல கோளாறுகளுக்கு காரணமாகி விடுகிறது என்பது தெரிந்தது தான்; ஆனால், சிலருக்கு ஆஸ்துமாவும் வரும் என்று தெரியவந்துள்ளது. 18 வயதுக்கு மேல் உள்ள பெண்களுக்கு “பாடி மாஸ் இன்டெக்ஸ்’ எனப்படும் உயரம் – எடையை பகுத்து நிர்ணயிக்கப்படும் அளவை 30ஐ தாண்டி விட்டால் உஷாராக இருக்க வேண்டும்.
முப்பதுக்கு மேல் ஒன்று கூடினாலும், டாக்டரை பார்ப்பது நல்லது. அப்படியே விட்டுவிட்டால், சிலருக்கு ஆஸ்துமா கோளாறு கூட வரும் வாய்ப்பு அதிகம். இடுப்பு பெருத்தாலும் தொல்லை தான். 88 சென்டி மீட்டர் அல்லது 34 அங்குலம் சுற்றளவுக்கு மேல் போனால் கவனித்துக்கொள்ளத்தான் வேண்டும்.

நம்ம டயட் சூப்பர் தான்
சர்வதேச அளவிலேயே இப்போது பல நாட்டு நிபுணர்களும் சொல்லும் ஒருமித்த கருத்து என்ன தெரியுமா? இதய நோய், சர்க்கரை நோய் போன்றவற்றை தவிர்த்து ஆரோக்கியமாக இருக்க, தானிய வகை உணவும், பல்வேறு கடலை வகை உணவும் தான் நல்லது என்கின்றனர். பாலிஷ் செய்து சாப்பிடும் அரிசி சாதத்தை விட, புழுங்கல் அரிசி சாதம் நல்லது. அதுபோல, பழங்கள், பச்சைக் காய்கறிகள் கலந்த சாலட் எப்படியாவது ஒரு வேளை வைத்துக்கொள்வது மிக நல்லது. அமெரிக்காவில் இப்போதெல்லாம் இது தான் முக்கிய டயட்டே.

உடைந்த இதயம் மரணத்தின் இருப்பிடம்

தனது ரத்த உறவினருக்கு சோக நிகழ்வு ஏற்பட்டால், எனது இதயம் வெடித்து விட்டதே என்பர். உதாரணம்: கணவன் மரணச் செய்தி கேட்டவுடன் அல்லது சில மணி நேரங்களில், சில தினங்களில் மனைவியும் திடீர் மரணமடைவது நாம் பார்க்கும் நிகழ்ச்சிகள் தான். இதற்கு காரணம் உடைந்த உள்ளம், துக்கச் செய்தி கேட்டவுடன் துயரம் அடையும் போது, மனதில் அழுத்தம் ஏற்பட்டு, நமது உடலிலுள்ள சிம்பத்தடிக் சிஸ்டம், ஊர்திகளிலுள்ள வேகத்தைத் தூண்டுவது போல, அதில் உள்ள “கேட்டகால் அமைன்’ வேதியியல் பொருள் சுரந்து, உடலின் செயல்பாட்டை மாற்றும். உலக இதய மையம் இதுபோன்று துக்கத்தில் இருப்பவர்களை ஆய்வு செய்தது. இதன் ஆய்வு முடிவு இதோ

துக்கத்தில் இருப்பவர்களுக்கு அதிகமாக இதயக் கோளாறு ஏற்பட்டு திடீர் மரணத்தை ஏற்படுத்தும். இந்த நிகழ்வு இளம் வயதிலிருந்து முதியோர் வரை ஏற்படலாம். நன்றாக எந்தவித கோளாறுமில்லாதவர் ரத்தக் கொதிப்பு, சர்க்கரை வியாதி, அதிக கெட்ட கொழுப்புள்ளவர்கள், பை – பாஸ், ஆஞ்சியோ பிளாஸ்டி ஸ்டென் சிகிச்சைப் பெற்றவர்கள், மிகவும் கவனமாக துக்க நிகழ்வுகளை அனுசரிக்க வேண்டும். முதியோர்கள் குறிப்பாக 60 வயதுக்கு மேற்பட்டவர்கள் ஆணும், பெண்ணும் சரி துக்கத்தை கேட்டவுடனே கவனமாக இருக்க வேண்டும்.

உண்மை சம்பவம்
எனது 30 ஆண்டு நண்பர் சம்பத்; அவரது மனைவி லீலா. இருவரும் ஐகோர்ட் வக்கீல்கள்; இதய நோயாளிகள். மனைவி இறந்தவுடன் சம்பத் என்னிடம் “என் மனைவி காலை எழுந்து காலை கடன் கழிக்கச் சென்றவர் மரணமடைந்துவிட்டார்; எனது இதயம் போய்விட்டது’ என்று கூறினார். “இதுபோலவே, ஈ.வெ.ரா., தனது முதல் மனைவி நாகம்மை இறந்தவுடன்,”எனது இதயம், எனது உயிர், என் சொத்து சுகம் எல்லாம் போய்விட்டது. நான் இதயமில்லாதவன்’ என்று, துக்கத்தை வெளிப்படுத்தி கதறி அழுததாக வரலாறு.
சில ஆண்டுகளுக்கு முன், எனது டாக்டர் நண்பர் சேலத்தில் உள்ளவர், இறந்த செய்தி கேட்டு துக்கம் விசாரிக்கச் சென்றபோது, அவர் மனைவி திடீர் மரணமடைந்தார். டாக்டரது மனைவி மரணத்தின் துக்கத்தை விசாரித்து வந்தேன். இப்படி பல சம்பவங்கள் உண்டு.

என்ன நடக்கிறது?
நெருங்கிய உறவினர் மரணம் அடைந்தவுடன் இவர்கள் அளவில்லாத துயரத்தோடு அழுது கொண்டு இருப்பர். இந்த நேரத்தில், உடலில் ரத்த அழுத்தம் அதிகமாகிறது. இதயத் துடிப்பு அதிகமாகிறது. ரத்தத்தில் உறையும் தன்மை அதிகமாகிறது. நோய் எதிர்ப்பு சக்தி அதிகமாகிறது.. இதனால் மாரடைப்பு அதிகமாக வருகிறது.
இது இளம் வயதினருக்கும் வரும், வயதானவர்களுக்கும் வரும். இது எப்படி? துக்கப்படும் போது ரத்தக் கொதிப்பு அதிகமாகிறது. அதே நேரம், ரத்தத்தின் அடர்த்தி தன்மை அதிகமாகிறது. இதனால், ரத்தம் உறைந்து, கரோனரி ரத்தக் குழாய் அடைப்பு ஏற்பட்டு மரணம் வரும். இது, சர்க்கரை ரத்தக் கொதிப்பு, முன்பே பை – பாஸ், ஸ்டென்ட் சிகிச்சை செய்தவர்களுக்கு மிகவும் எளிதாக வரும்.

துக்கம் ஆட்கொள்ளும் போது
ரத்தக் கொதிப்பு அதிகமாகி ரத்தத்தின் திரவத் தன்மை குறைந்து. சீக்கிரம் உறைந்து கரோனரி ரத்தக் குழாய் அடைத்து மாரடைப்பை உண்டாக்குகிறது. 20 ஆண்டுகளுக்கு முன், நான் கோவை மருத்துவக் கல்லூரியில் இதய நோய் பேராசிரியராக பணிபுரிந்த போது, 22 வயதுள்ள இளம் பெண் கூலித் தொழிலாளிக்கு மாரடைப்பு வந்து; ஐ.சி.யூ.,வில் அனுமதித்து வைத்தியம் செய்தேன். இதுபற்றி டாக்டர்களுக்கும், மக்களுக்கும் ஆச்சரியமாக இருந்தது.
இதன் காரணம், அந்த இளம் பெண்ணுக்கு கல்யாணமாகி ஒரு குழந்தை உள்ளது. கணவன் ஓடிப்போய்விட்டான். பெற்றோர் இல்லை. கூலி வேலை செய்து குழந்தையைக் காப்பாற்றி வர வேண்டிய நிலை. எவ்வளவு மனக்கவலை, மன அழுத்தம், சோகமே அவளது வாழ்க்கை. எப்படி அவளது இதயம் சீராக இயங்க முடியும்?

சில வருடங்களுக்கு முன், 28 வயது இளைஞர் மாரடைப்பு ஏற்பட்டு என்னிடம் வந்தார். அவரை சென்னை மையப்பகுதியிலுள்ள மருத்துவமனையில் அனுமதித்து, ஆஞ்சியோகிராம் செய்ததில் கரோனரி ரத்தக்குழாயில் முழு அடைப்புள்ளது தெரிந்தது. இரண்டு நாட்கள் கழித்து ஆஞ்சியோ பிளாஸ்டி செய்யப்போன போது, இந்த கரோனரி ரத்தக்குழாய் அடைப்பு இல்லை. எப்படி காணாமல் போனது; இதற்கு காரணம் என்ன?
இந்த இளைஞர் கல்யாணமாகி ஓராண்டில் விவாகரத்து வழக்கு, ஒரு குழந்தையின் தந்தை, நிரந்தரமற்ற ஐ.டி., பணி. இவர் இதயம் எப்படி துயரத்தையும் வேதனையும் தாங்கும்; இவருக்கு ஏற்பட்டது மாரடைப்பு. இது கரோனரி ரத்தக்குழாயில் ரத்தம் உறைந்து கட்டியாகி அடைப்பு ஏற்பட்டு மாரடைப்பு வந்தது. குறிப்பிட்ட சில மருந்துகளை ஊசி மூலம் செலுத்தியதால் ரத்த உறைவு குறைந்து. அடைப்பு சீராக்கப்பட்டுள்ளது. இதை முன்கூட்டியே அறிந்து ஆலோசனை செய்பவர் தான், நவீன இதய நோய் நிபுணர்.
பை-பாஸ் கிராப்ட், ஆஞ்சியோ பிளாஸ்டி ஸ்டென்ட் செய்தவர்கள், மற்றும் ரத்தக் கொதிப்பு, சர்க்கரை நோயுள்ளவர்கள், அதிக கொழுப்புள்ளவர்கள் இதயத்தில், சில பகுதிகள் இஸ்கிமியா என்ற ரத்தக் குறைபாடுள்ள இடங்கள் இருக்கும், இந்த இடங்கள், மிகவும் ஆபத்தான இடங்கள். இந்த இடத்திலிருந்து தான், அரித்மியா என்ற, தத்தளித்து தடுமாறும் துடிப்புகளின் உறைவிடம். அதாவது மரணத்தின் இருப்பிடம்.
நீங்கள் உங்கள் இதய நோயின் அறிகுறிகளை தகுந்த நேரத்தில் அறிந்து கொண்டு, தகுந்த மருத்துவரிடம் சிகிச்சை செய்து கொண்டால் நலமுடன் வாழலாம் நோயாளிகளே!
1.டாக்டர் சொல்வதை கேட்டு நடங்கள்.
2.வியாதியைப் பற்றிய பயத்தைப் போக்கி அமைதி காக்கவும்.
3. வியாதியால் நம்பிக்கை சோர்ந்து வாழாதீர்.
4. எதையும் ஏற்காமல் எதிர்பதமாக பேசி வாழாதீர்.

டாக்டர் சு.அர்த்தநாரி, எம்.டி.டி.எம்.,

மென்மையான சருமம் வேணுமா?


நம்மில் பெரும்பாலானோர், தங்கள் சருமம் எந்த வகையை சேர்ந்தது என்பது பற்றி தெரியாமலே உள்ளனர்.
வறண்ட சருமம், எண்ணெய் பசை சருமம் மற்றும் மிக மென்மையான சருமம் என, சருமம் மூன்று வகைப்படும். இதில், மிக மென்மையான சரும வகையை சேர்ந்தவர்கள், அழகு சாதனப் பொருட்கள் மற்றும் சருமத்திற்கான பிற பொருட்களை பயன்படுத்தும் போது மிக கவனமாக இருக்க வேண்டும்.
மென்மையான சருமத்தை கண்டறிவது:
* சருமம் எளிதில் சிகப்பாக மாறுதல்.
* மாய்ச்சரைசர்கள் <உட்பட அனைத்து பொருட்களுக்கும் சருமத்தில் எதிர் விளைவுகள் உண்டாதல்.
* சூரிய வெப்பத்தால், எளிதில் பாதிப்பிற்கு ஆளாதல்.
* வெப்பம் மற்றும் குளிர் ஆகிய இரண்டினாலும் விரைவாக பாதிக்கப்படுதல்.
மேற்கூறிய இந்த அறிகுறிகள் தென்பட்டால், அவை மிக மென்மையான சருமத்தினரை குறிக்கிறது.

மென்மையான சருமத்திற்கான பிரத்யேக கவனிப்புகள்:
மிக மென்மையான சருமத்தினர் அழகு சாதனப் பொருட்களை பயன்படுத்துவதை முடிந்த வரை குறைக்க வேண்டும். வாசனையற்ற, கிளென்சிங் மூலம் சருமத்தை சுத்தப்படுத்திய பின், மாய்ச்சரைசர் மற்றும் சன்ஸ்கிரீன் ஆகியவற்றை பயன்படுத்தலாம்.
முகத்திற்கு செய்யப்படும் ஆவி பிடித்தல், கரும்புள்ளிகளை நீக்குதல் போன்றவை மென்மையான சருமத்திற்கு எரிச்சல் ஊட்டுபவை. எனவே, இவ்வாறான அழகு சிகிச்சைகள் செய்யப்படுவதற்கு முன், சரும நிபுணரை கலந்தாலோசிப்பது நல்லது. பதப்படுத்தப்பட்ட சர்க்கரை நிறைந்த உணவுப் பொருட்களை தவிர்க்க வேண்டும். வைட்டமின் ஏ, பீட்டா கரோட்டின் ஆகியவை மென்மையான சருமத்தினருக்கு சிறந்தது.

உகந்த அழகு சாதனப் பொருட்கள்:
* எப்போதும் பவுடர் மேக்-அப் பயன்படுத்துவதே நல்லது. திரவ பவுண்டேஷன் பயன்படுத்தினால், சிலிக்கானை அடிப்படையாக கொண்ட பவுண்டேஷனை பயன்படுத்தலாம். அவை சருமத்திற்கு நல்லது.
* பழைய அழகு சாதனப் பொருட்கள் குறிப்பாக, கண்களுக்கான அழகு பொருட்களில், வாங்கி சிறிது நாட்கள் ஆனதை பயன்படுத்தக் கூடாது. பவுண்டேஷன் மற்றும் லிப்ஸ்டிக் ஆகியவற்றை ஒரு ஆண்டு வரை பயன்படுத்தலாம். மஸ்காரா மூன்று முதல் நான்கு மாதங்கள் வரையே பயன்படுத்த வேண்டும். பவுடர்கள் இரண்டு ஆண்டுகள் வரை பயன்படுத்தலாம். மேலும், மேக்-அப் பிரஷ் மற்றும் ஸ்பான்ஜ்களை அடிக்கடி முறையாக சுத்தம் செய்ய வேண்டும்.
* கறுப்பு ஐ லைனர் மற்றும் மஸ்காராவை பயன்படுத்தவது நல்லது. ஏனென்றால் அவை அதிகளவில் அலர்ஜியை தோற்றுவிக்காது.
* பென்சில் ஐ லைனர் மெழுகை அடிப்படையாக கொண்டு தயாரிக்கப்படுவதோடு, அவற்றில் பதப்படுத்தும் பொருள் குறைவாகவே சேர்க்கப் படுகிறது. இதனால், பென்சில் ஐ லைனர் பயன் படுத்துவது நல்லது. திரவ ஐ லைனரில், சேர்க்கப் படும் லேட்டக்ஸ் மென்மையான சருமத்தினர் சிலருக்கு ஒவ்வாமையை தோற்றுவிக்கலாம்.
* அதிகபட்சமாக, 10 பொருட்கள் மட்டுமே சேர்த்து தயாரிக்கப்பட்ட அழகு சாதனப் பொருட்களை பயன்படுத்துவதே நல்லது.
*எந்த ஒரு புதிய அழகு சாதனப் பொருட்களை பயன்படுத்துவதற்கு முன்னும், சோதனை செய்து கொள்ள வேண்டும்.
* மென்மையான சருமத்தினர் ஒரு நாளைக்கு மூன்று முறைக்கு மேல் அடிக்கடி முகம் கழுவுவதை தவிர்க்க வேண்டும். அடிக்கடி முகம் கழுவினால், தோலில் இயற்கையாக காணப்படும் எண்ணெய் தன்மை போய்விடும்.

அதிக ஆசைக்கு முற்றுப்புள்ள! (ஆன்மிகம்)-அக்.27., – ராகு, கேது பெயர்ச்சி!

ஆசையில்லாமல் வாழ்க்கையில்லை; அதே நேரம், அதிக ஆசை வாழ்க்கையை அழித்து விடும். ராகு, கேது என்னும் கிரகங்களின் வாழ்க்கை வரலாறு இதை நமக்கு எடுத்துக் காட்டுகிறது.
தேவர்கள் பாற்கடலைக் கடைந்து, அதில் இருந்து இறப்பை அறவே நீக்கும் அமுதத்தைப் பருக திட்டமிட்டனர். இந்த முயற்சியில் அசுரர்களும் சேர்ந்து கொள்ள விரும்பினர். மிகப்பெரிய பாற்கடலைக் கடைய, ஒரு மலையே மத்தாக தேவைப்பட்டது. மேருமலையை மத்தாக்கி, வாசுகி என்னும் பாம்பை கயிறாக்கி இருதரப்பினரும் கடைந்தனர். தேவர்களுக்கு அமுதம் கிடைக்கும் வேளையில், அதைப் பிடுங்கிச் சென்று தாங்கள் அருந்திவிட வேண்டும் என்பது அசுரர்களின் திட்டம்.
இதை அறிந்த திருமால், இரு தரப்புக்கும் சமமாக அமுதத்தைப் பங்கிட முடிவு செய்து, தேவர்களுக்கு முதலில் அமுதம் பரிமாறப்படும் என்றும், இடையில் தெரியாமல் வந்து அமுதத்தை ஒரு அசுரன் பருக முயற்சித்தால் கூட, முழுமையாக தேவர்களுக்கே கொடுத்து விடுவதாகவும் கூறி எச்சரித்தார். அமுத கலசம் வெளிப்பட்டதும் மோகினி அவதாரம் எடுத்தார் அவர். அவளது அழகில் அசுரர்கள் லயித்திருந்த நேரத்தில், தேவர்களுக்கு அமுதத்தை வேகமாக பரிமாறினார். இதை கவனித்து விட்டான் சுவர்பானு என்ற அசுரன்.
தங்கள் இனத்துக்கே அமுதம் கிடைக்காமல் திருமால் சதி செய்கிறார் என்பதைப் புரிந்து கொண்ட அவன், தன் இனத்தாரை எச்சரிக்க முயன்றான்; ஆனால், மோகினியின் அழகில் மூழ்கியிருந்த அசுரர்கள், அவனது பேச்சைக் கண்டுகொள்ளவே இல்லை. எனவே, அவன் மட்டும் தேவர் போல் வேடம் தரித்து அமுதம் பரிமாறும் வரிசையில் அமர்ந்து விட்டான். திருமால், அவனுக்கும், அமுதம் கொடுக்கவே வேகமாக சாப்பிட்டு விட்டான். எனவே, அவனுக்கு சாகாவரம் கிடைத்துவிட்டது.
சுவர்பானு உருமாறி அமுதம் பருகியதை சூரியனும், சந்திரனும் கவனித்து திருமாலிடம் காட்டிக் கொடுத்து விட்டனர். அவனை வெட்டித் தள்ளினார் திருமால். இரு துண்டானாலும், அமுதம் பருகியதால் அவனுக்கு உயிர் போகவில்லை; அவன் சிவபெருமானைச் சரணடைந்தான். அவனுடைய மனித முகம் இருந்த பாதி உடலில், பாம்பு உடலைப் பொருத்தி ராகு என்று பெயர் வைத்தார். தலையற்ற உடலுக்கு பாம்புத் தலையைப் பொருத்தி கேது என பெயர் வைத்தார் சிவன்; அவர்களை வானமண்டலத்தில் நிழல் கிரகங்களாக்கி வைத்தார்.
சூரிய, சந்திரரால் அவர்கள் காட்டிக்கொடுக்கப்பட்டதால், தினமும் ஒரு முகூர்த்த காலம் (ஒன்றரை மணி நேரம்) வீதம் சூரியனின் பணியையும், சந்திரனின் பணியையும் செய்ய அனுமதித்தார். இந்த காலமே ராகு மற்றும் எமகண்டம் எனப்படுகிறது.
ஆனாலும், அவர்களின் ஆதிக்க காலத்தில் சுபநிகழ்ச்சிகளை தேவர்கள் தவிர்த்து விட்டனர். பதவியிருந்தும் அதிகாரமில்லாமலே இன்று வரை அவர்கள் இருக்கின்றனர். அவர்களது அதீத ஆசையால் அசுரர்களுக்கு கிடைக்க இருந்த பாதிப் பங்கு அமுதமும் கிடைக்காமல் போய்விட்டது.
ராகு, கேதுவின் வாழ்க்கையை அடிப்படையாகக் கொண்டு, எதற்கும் அவசரப்படாமல், நம் உழைப்புக்குரிய பலன் கிடைக்கும் வரை காத்திருந்து பெற்றால் தான் அது நிலைத்து நிற்கும் என்பதை உணர்ந்து செயல்படுவோம்.

நற்கதி பெற… (ஆன்மிகம்)

நம் முன்னோரும், மகான்களும், ரிஷிகளும் மிகுந்த தீர்க்கதரிசிகள். பிற்காலத்தில், அதாவது, இந்தக் கலியுகத்தில் மனிதர்கள் எப்படிப்பட்டவர்களாக இருப்பர், அவர்களது வாழ்க்கை எப்படியிருக்கும் என்பதையெல்லாம் தெரிந்து கொண்டனர். இந்த கலியில், தர்மம் குறைந்து விடும்; பாவச் செயல்களில் மனிதர்கள் ஈடுபடுவர்; தெய்வ நம்பிக்கையும் குறைந்துவிடும்; ஆயுளும் குறையும்; நல்ல விஷயங்களில் ஈடுபடவே நேரமிராது என்பதையும் தெரிந்து கொண்டனர்.
“அடடா! கலியுகத்தில் மக்கள் இப்படி ஜென்மாவை வீணடிக்க வேண்டியிருக்குமே…’ என வருந்தியவர்கள், நற்கதி பெற என்ன வழி என்று ஆராய்ந்தனர்.
யுதிஷ்டிரருக்கு பல தர்மங்களை எடுத்துச் சொல்கிறார் பீஷ்மாசாரியார். பிராமண தர்மம், வைசிய தர்மம், இதர தர்மம், பிரம்மச்சாரி, க்ருஹஸ்தன், வானப்ரஸ்தன், யதி, ஸ்த்ரீ இவர்களுக்கான தர்மம், மோட்ச தர்மம் என்று பல தர்மங்களைச் சொல்கிறார். இதில் ஏதாவது குறை ஏற்பட்டால், அதற்கான பிராயச்சித்தங்களையும் கூறுகிறார். இவைகளையெல்லாம் கேட்டுக் கொண்டார் தர்மபுத்திரர்.

“தாங்கள் சொன்னதெல்லாம் சரி! ஆனால், மனிதர்களுக்கு உபவாசம், பஜனை, பூஜை, ஜெபம் போன்றவைகளைசெய்து கொண்டிருக்க நேரமிருக்காதே! இப்படிப்பட்டவர்கள் அனுஷ்டிக்க வேண்டிய சுலபமான, சுருக்கமானதும், அதே பலன்களைக் கொடுக்கக் கூடியதுமான தர்மத்தைச் சொல்ல வேண்டும்…’ என்று கேட்டார்.
இதற்கு பதிலாக —
“ஏசமே சர்வ தர்மாணாம் தர்மோதி கதமோ மத!
யத் பக்த்யா புண்டரீகாசம் ஸ்தவனரர்ச்சேன் நர: சதா!’ என்றார் பீஷ்மாசாரியார். எல்லா தர்மங்களையும் விட சிறந்த தர்மம், தாமரை கண்ணனான ஹரியை பக்தி செய்வதுடன், அனவரதமும் ஸ்தோத்ரம் செய்வது தான் என்பது பொருள்.
இதில் நாராயணனை சதா ஸ்தோத்ரம் செய்தாலே, இந்த சம்சார பந்தங்களிலிருந்து விடுபடுகிறான் என்றால், இது கூட சிலருக்கு சிரமமாக இருக்கும். பகவானை எப்படி ஸ்தோத்ரம் செய்வது… அதற்கு ஆசார அனுஷ்டானம் உண்டா? அப்படியெல்லாம் நம்மால் செய்ய முடியுமா?
இப்படி பீஷ்மாசாரியார் சொன்ன தர்மங்களை பார்வதி, பரமேஸ்வரன், நாராயணன், மகாலட்சுமி உட்பட சகல தேவர்களும், ரிஷிகளும் கேட்டுக் கொண்டிருந்தனர். அப்போது மனிதர்கள் மீது இன்னும் கொஞ்சம் கருணை பார்வதி தேவிக்கு ஏற்பட்டது. “மனிதர்கள் இன்னும் சுருக்கமாகவும், சுலபமாகவும், சம்சார பந்தத்திலிருந்து விடுபட வழி என்ன?’ என்று கேட்டாள்.
“மூன்று முறை ராம நாமத்தை எவன் ஒருவன் சொல்கிறானோ, அவன், விஷ்ணு சகஸ்ரநாமத்தைச் சொன்ன பலனைப் பெறுவான்!’ என்கிறார். இவ்வளவு சுலபமாக நமக்கு தர்மங்களை அனுஷ்டிக்கும் வழியையும், ஜென்மா கடைத்தேறும் மார்க்கத்தையும் சொல்லி வைத்திருக்கின்றனர்.

அழகு உள்ளப் பயிற்சி & உடற்பயிற்சி & அழகு ஒப்பனை முறைகள்


ஃ இறைவனது சிருஸ்டியில் அழகற்றதென எதுவுமே இல்லை. சிறப்பான இறைவனது சிருஸ்டியான உயிர்கள் ஒவ்வொன்றும் அழகானவை . குறிப்பாக பெண்கள் ஒன்றுதிரண்ட அழகின் உருவங்கள். ஒவ்வொரு பெண்ணிடமும் ஒவ்வொரு விதமான எழில் தோற்றத்தை அமைத்திருக்கும் இறைவனுக்கு நன்றி செலுத்தி, ‘ நானும் அழகே ‘ நிமிர்ந்து நில்லுங்கள்!

ஃ தன்னம்பிக்கைதான் மனிதர்களின் முதல் அழகு. ‘ நான் நிச்சயம் அழகாக இருக்கிறேன் ‘ உங்களிடம் உறுதியாக இருக்க வேண்டும். இந்த தன்னம்பிக்கை உங்களை விட்டு அகலாதவரை, உங்கள் அழகுக்கு குறைவேதும் ஏற்பாடாது.

ஃ உங்களுடைய அழகைப் பற்றி மறந்துகூட பிறருடைய அபிப்பிராயத்தை & குறிப்பாக பெண்களின் கருத்தை வாய்விட்டு கேட்காதீர்கள். அந்த வினாவுக்குக் கிடைக்கக் கூடிய பதில் சில சமயம் உங்கள் மனத்தைப் பலவீனப்படுத்தி விடக்கூடும். பலவீனமான மனம் அழகு இயல்பை நிலைகுலைய செய்துவிடும்.

ஃ பெண்களின் உடல் உறுப்புகளை , அவரவர்கள் உடல் வாகுக்கு ஏற்றாவாறு கடவுள் அமைத்திருக்கிறார். அகன்ற கண்கள் சில பெண்களுக்குதான் அழகாக இருக்கும், குறுகிய உள்ளடங்கிய குறுகிய கண்கள்தான் சிலருக்கு அழகு சேர்க்கும், சிலருக்கு எடுப்பான நாசியும் சிலருக்கு அடங்கிய மூக்கும் அழகின் சின்னங்களாக அமையக்கூடும். உயரமான சில பெண்கள் அழகாக இருக்கிறார்கள் என்பது உண்மை. ஆனால் குள்ளமான பெண்களில் கட்டழகிகள் கிடையாதா! உங்களுக்கு அமைந்திருக்கும் உடல்வாகு உண்மையில் உங்களுக்கு அழகினைத்தான் உண்டாக்குகிறது என்ற உண்மையை உணருங்கள்.

ஃ கவர்ச்சியான உடல் தோற்றம் அழகின் ஓர் அம்சம் என்பது சரி. அப்படிபட்ட உடல் கவர்ச்சி உங்களிடம் இல்லையே என்பதனாலேயே நீங்கள் அழகியல்ல என்ற முடிவுக்கு வரவேண்டாம். இனிய குரல் அழகின் ஓர் அம்சம் . உங்கள் குரல் அழகே பிறரை கவர்ந்திருக்கும் ஆற்றல் பெற்றிருக்கும்.உங்களிடம் குரல் வளம் அமைந்திருந்தால் அதைச் செம்மைபடுத்த முயலுங்கள். முறையான இசைப்பயிற்சியால் உங்கள் குரலில் பல்லாயிரக்கணக்கான மக்களை மயக்கச் செய்துவிடும்.

ஃ பகட்டான மேனியழகு இல்லாத பல பெண்கள் கட்டான உடல் அமைந்திருக்கும் . இந்த உடற்கட்டும் ஓர் அழகு என்பது உங்களுக்கு தெரிந்திருக்க வேண்டும். உங்கள் உடற்கட்டைக் காப்பாற்றி வைத்திருப்பதே ஒரு சிறப்புதான்.

ஃ உங்கள் உடலின் நிறம் சிவப்பாக இருப்பதே மட்டுமே அழகு என்றென்ன வேண்டாம் . கறுப்பான உடல் நிறத்திற்கும் ஒருவித கவர்ச்சி உண்டு. கறுப்பு நிறம் என்பதற்காக எந்த பெண்ணும் கலக்கமடைய தேவையில்லை.

ஃ புற அழகு ஏதுமில்லாத சில பெண்களின் அக அழகு அந்த குறைபாட்டை போக்கிவிடும். நல்ல குணம், அனிய உரையாடல், உயர்ந்த பண்பு, பிறருக்கு உதவும் சுபாவம், விருந்தோம்பல் ஆகிய இந்த அக அழகிற்கு புற
அழகு சமானமே ஆகாது. புற அழகை விட அக அழகே உயர்ந்து நிற்கும்.

ஃ வேறு எந்த அழகையும் விட கல்வி அழகே பேரழகு என்று அழகு 1.காலையில் நீராகாரம் நிறைய சேர்த்துக் கொள்ள வேண்டும். தினமும் எட்டு தம்ளர் நீர் பருக வேண்டும். இளநீர், பசுமோர், பழரசங்கள், மூலிகைப் பானங்கள் போன்றவைகளை அருந்தவும்.

2.செம்பருத்திப்பூ, இலை, கறி வேப்பிலை, வெந்தயக்கீரை, கரிசலாங்கண்ணி இவை எல்லாம் குளிர்ச்சி தரும் பொருட்கள். இவைகளைக் கொண்டு மூலிகை எண்ணெய் தயாரித்து தலையில் பூசி வந்தால் உடம்பு சூடு குறையும். கண்ணுக்கும் குளிர்ச்சி தரும்.

3.வெந்தயக்கீரை, கொத்தமல்லி இரண்டையும் மையாக அரைத்துத் தலையில் பூசி குளித்தால் கோடையில் தலைமுடி பட்டுப்போல் மின்னும். வெள்ளரிக்காயை சிறு சிறு துண்டுகளாக வெட்டி மிக்சியிலிட்டு கூழாக்கவும்..இந்தக் கூழை ஃப்ரிஜ்ஜில் வைத்து குளிர்வித்து அதன்பின் கண் இமை, முகம், கழுத்து, தோள் பகுதிகளில் பூசிக் கொள்ளுங்கள். இயற்கையான பொலிவு கிடைக்கும்.

4.கோடையில் வெயிலில் அலைவதால் உஷணக் கட்டி ஏற்படும். அதைப் போக்க ஒரு கிண்ணத்தில் மோர் ஊற்றி அதில் வேக வைத்த உருளைக் கிழங்கை மசித்துப் போட்டு கலக்கி கட்டி மீது பூசினால் கட்டி தானாகவே மறையும்.

5.நன்றாக கடைந்தெடுத்த மோரில், அரை மூடி எலுமிச்சை சாறும், வெங்காயச் சாறும் கலந்து பெருங் காயம் சேர்த்து குடித்தால் கோடை வெப்பத்தில் உடல் சோர்ந்து போகாது களைப்பும் தெரியாது.

6.குளித்து முடித்ததும் போக நன்றாக துடைத்துக் கொண்டு, ஏதாவது பாடி டால்கம் பவுடர் அல்லது டியோடரண்ட் ஸ்பிரே உபயோகிக்கவும். இது கோடைக் காலத்தில் நாள் முழுக்க உங்களை நறுமணத்தோடும், புத்துணர்சியுடனும் வைக்கும்.

7.சாத்துக்குடி, எலுமிச்சை, தர் பூசணி, நன்னாரி போன்ற சாறுகளில் ஒரு டேபிள் ஸ்பூன் தேன் கலந்து குடித்து வந்தால் கோடையில் சருமம் வறண்டு போகாமல் இருக்கும்.

8.அதிகமாக வேர்க்கும் கோடைக் காலத்தில் படை, வேர்க்குரு போன்றவை ஏற்பட்டு அரிப்பும், எரிச்சலுமாக அவதிப்படுவீர்கள். கான்டிட்டஸ்டிஸ் பவுடரை பூசிக் கொண்டால் இந்தத் தொல்லை இருக்காது.
9.எண்ணெய், மசாலா, காரம் சேர்த்த உணவு வகைகளை கோடையில் தவிர்ப்பது நல்லது.

10.இரவில் மோரில் வெந்தயத்தை ஊற வைத்து காலையில் வெந்தயத்தை மென்று திங்க உடம்பு உஷணம் குறையும்.

11.நுங்கு சாற்றையும், வெள்ளரிச் சாற்றையும் உடல் முழுவதும் பூசி குளித்தால் கோடையில் வறண்ட சருமம் மிருதுவாகும்.!

முகப்பரு அழகைப் பாதிக்குமா?


ஆம், உண்மைதான். அழகு பாதிப்பதோடு மட்டுமில்லாமல் ஒரு விதமான தாழ்வுமனப்பான்மையும், எரிச்சல் போனறவையும் ஏற்பட காரணமாக இருக்கிறது. அதுவும் முகப்பரு ‘ அடலசண்ட் ‘ பருவத்தில் ஏற்படுவதால் தோழிகளிடம் பழகுவதற்கே தயக்கம் ஏற்படும். தோலில் உள்ள வியர்வைச் சுரப்பிகள் அதிகப்படியான கொழப்புகள், எண்ணெய் பசையாக வெளியேற்றுகிறது. முகத்தில் உள்ள சிறு சிறு துவாரங்கள் இந்த எண்ணெய் பசையால் அடைக்கப்படுகின்றன. சருமம் சுவாசிக்க முடியாமல் தவிக்கிறது.இந்த எண்ணெய் பசையில் படும் தூசு, காற்று இவற்றினால் பரு உருவாகிறது.அடலசண்ட் பருவத்தில் ஏற்படும் மாற்றங்களினாலும், உடல் உஷ்ணம் அதிகரிப்பதினாலும், மலச்சிக்கலாலும் முகப்பரு ஏற்படுகிறது. முகப்பரு ஒரு வித தோல் வியாதியின் வகை என்றும் கூறலாம்.இந்த பருக்களை சொறிவதோ, கிள்ளுவதோ கூடாது. இதனால் பருக்கள் அதிகமாகவும், பருக்களின் வடுக்கள் நிரந்திரமாகத் தங்கி விடவும் வாய்ப்பு உண்டு.
ஓய்வில்லாமை, தவறான உணவுப்பழக்கம், போதைப் பொருள், மனக்கவலை போன்ற காரணங்களாலும் பருக்கள் தோன்றலாம். காலையில் போட்ட மேக்கப் கலைக்கப்படாமல் இருப்பதாலும் பருக்கள் உருவாகிறது. இரவு எந்நேரம் ஆனாலும் ‘ மேக்கப் ‘ ஐ கலைத்து விட்டு உறங்குவது என்ற நல்ல பழக்கத்தை கடைபிடிக்கலாம். தடுப்பு நடவடிக்கைகள்

வெள்ளரிக்காய்களை பச்சையாகவோ, சமைத்தோ அடிக்கடி சாப்பிடலாம். கீரைவகைகளை அன்றாடம் உணவில் சேர்த்துக் கொள்ளலாம். இதனால் உஷ்ணம் குறைந்து உடல் குளிர்ச்சி அடைகிறது. இளநீர் அதிகம் பருகலாம்.

ஆரஞ்சு, எலுமிச்சை, நெல்லிக்காய் போன்றவைகளை உணவில் சேர்த்து கொள்ள தயங்கக்கூடாது. அடிக்கடி மருந்து மாத்திரைகளை உண்பதால் மலச்சிக்கல் ஏற்படும்.
இதைத் தவிர்க்க எலுமிச்சை சாறுடன், சிறிது உப்பு, நீர் சேர்த்து பருகிவிட்டு, சிறிது காலாற நடக்கலாம்.

காலையில் சூரிய ஒளி படும்படி நிற்க , சூரிய ஒளி சக்தி பரு, கரும்புள்ளிகளை போக்குகிறது. பொடுகு இருந்தாலும் முகத்தில் பரு வரலாம்.

எனவே தலையை அழுக்கு, எண்ணெய் பிசுபிசுப்பு இல்லாமல் வாரம் இருமுறை தலையை அலசி சுத்தமாக வைத்துக் கொள்ளவும்.
* 1 கிராம் புனுகு,1 அவுன்ஸ் நல்லெண்ணெய், சில துளி சந்தன தைலம் கலந்த கலவையைப் பஞ்சில் நனைத்து தடவலாம். விரல் நகம் படாமல் தடவ வேண்டும்.

* ஓரிஃபிளேம், ஆன்ட்டி பிளமிஷ் க்ரீமும் தடவலாம்.

* வேப்பிலை அரைத்து தடவி ஊறியவுடன் பயத்த மாவு தேய்த்துக் குளிக்கலாம்.

* வெள்ளரியை விழுதாக்கி குளிரவைத்து முகத்தில் தடவி அரை மணி நேரம் ஊறவிடவும்.
1 டேபிள் ஸ்பூன் கடலைமாவு, மஞ்சள்தூள் இவற்றுடன் நீர் சேர்த்துக் குழைத்து முகத்தில் தடவி கழுவவும்.

* முகத்தில் பரு உள்ளவர்கள் மென்மையான ‘ சோப் ‘ பையே உபயோகிக்க வேண்டும்.
தினமும் இரண்டு முறை இளஞ்சூடான நீரில் முகம் கழுவலாம். எளிதான, அளவான உடற்பயிற்சி கூட அவசியம்.

* முகத்தில் பருக்கள் போன்ற ‘மரு’வும் தோன்றுகிறது. அதாவது கரும்புள்ளி, இவை மூக்கு, நெற்றி தாடைகளை உறைவிடமாக கொண்டுவரும் . இதுவம் பெரும்பாலும்
முகத்தில் ஏற்படும் எண்ணெய் பசையினால் தான் வரும்.

* இதில் தூசு படிந்து ஆரம்பத்தில் வெள்ளைப் புள்ளிகளாகவும், நாளடைவில் கரும்புள்ளிகளாகவும் மாறிவிடும். நாள்பட நாள்பட ஆழமான புண்ணாகவும் மாறிவிட வாய்ப்புள்ளது.
இதற்கு ‘சிட்டி சோடியம் கார்பனேட்’ ஐ இளஞ்சூடான நீரில் கலந்து, அதில் துண்டை நனைத்து பிழிந்து ஆவியை மட்டும் கரும்புள்ளி உள்ள இடங்களில் ஒற்றி எடுக்கவும். இதனால் துவாரம் இறுக்கம் தளர்ந்து விரிவடையும்.

இப்போது தோலில் உள்ள தூவாரங்கள் அடைக்கப்பட வேண்டும் எப்படி-?

* முட்டையின் வெள்ளைக்கரு, மாய்ச்சரைஸ் க்ரீம் இரண்டையும் ஒன்றாக கலந்து தடவி லேசாக மசாஜ் செய்யவும். பின்பு இளஞ்சூடான நீரில் முகம் கழுவி, பின் குளிர்ந்த நீரில் கழுவ வேண்டும்.

* ஓட்ஸ் மாவுடன் தயிர் அல்லது எலுமிச்சைச் சாறு சில துளிகள் கலந்து தடவி மசாஜ் செய்யவும். பின்பு இளஞ்சூடான நீரில் முகம் கழுவியவுடன்    குளிர்ந்த நீரில் கழுவ வேண்டும்.

* முல்தானி மட்டியுடன் நீர், வெள்ளரிச்சாறு கிடைக்காவிட்டால் எலுமிச்சை சாறு சிலதுளி கலந்து நன்கு குழைத்து முகத்தில் தடவவும். பின்பு இளஞ்சூடான நீரில் முகம் கழுவியவுடன் குளிர்ந்த நீரில் கழுவ வேண்டும். நீங்களும் அழகிதான்

கட்டுடல் ரகசியம்-பெமினா மிஸ் இந்தியா அழகி ஏக்தா சவுத்ரி


பெமினா மிஸ் இந்தியா அழகி ஏக்தா சவுத்ரி தனது உடல் ரகசியங்களை இங்கே கூறுகிறார்: என்னுடைய பிட்னஸ்க்கு காரணம் பரதநாட்டியம், நடைபயிற்சி, தியானம் ஆகியவை. எக்காரணம் கொண்டும் இவற்றிற்கு நான் விடுமுறை அளிப்ப தில்லை.

எந்தவொரு விஷயத்தைம் எனக்குள் நான் திணிப்பதில்லை. எனக்கு விருப்ப மான, ஆர்வமான விஷயங்களில் மட்டுமே என்னை நான் ஈடுபடுத்திக் கொள்வேன். அப்படித் தான் உடற்பயிற்சி என்பதும்… தினமும் கண்டிப்பாக செய்யும் ஆர்வமான விஷயங்களில் இதுவும் ஒன்று.

உடற்பயிற்சி செய்யும் நேரத்தில் என்னுடைய செல்போனை `ஆப்’ செய்து விடுவேன். யாருடனும் பேசவும் மாட்டேன். அந்த அளவுக்கு உடற்பயிற்சியில் என்னை அர்பணித்து விடுவேன்!

எனக்கு பிடித்த உடற்பயிற்சிகள் என்றால்… நடைபயிற்சி, நடனம் மற்றும் ஸ்பின்னிங்(சுழலும் பயிற்சி)

அழகுக்காக தினமும் நிறைய தண்ணீர் குடிப்பேன். பிரஷ்ஷான காய்கறிகளை சாப்பிடுவேன். கிரீன் டீ குடிப்பேன்.

ஜிம்முக்கு செல்லும்போது என்னுடைய கைபையில்… கேட்டோரேட், மிதமான சூட்டில்  முகம் துடைக்கும் துண்டு, பாடி வாஷ், பாடி ஸ்க்ரப், பாடி லோஷன் மற்றும் டியோடரன்ட் ஆகியவை இருக்கும்.

ஆரோக்கியமான, சத்து வாய்ந்த உணவை தினமும் ஆறு முறை சாப்பிடுவேன். முறையற்ற டயட்டிங் என்பது உடலை சீர்குலைத்து விடும். அதே போல் முறையான உணவு இல்லாமல் கடுமையான உடற்பயிற்சியும் கூடாது. காய்கறிகள் இவை எல்லா வற்றுக்கும் உதவும்.

ஜிம்முக்கு செல்லும்போது மேக்கப் வேண்டாம். உடற்பயிற்சி செய்யும்போது மேக்கப் இல்லாமல் இருந்தால், வியர்வைகள் நன்றாக வெளியேறும். கழிவுகள் வெளியேறி சருமம் சுத்தமாகி விடும். இதன் முலம் முகம் மிக அழகாக மாறிவிடும்.

உடற்பயிற்சி முடிந்தவுடன், உடலில் ஏற்பட்ட சக்தி இழப்பை ஈடுகட்ட, போதிய உணவை சாப்பிட்டு விடுவேன். எனக்கு சின்ன வயதிலிருந்தே பிட்னஸ் குறித்த டிப்ஸ்களை வழங்கியது அம்மாதான். அவர் அடிக்கடி என்னிடம் சத்தான உணவுகளை சாப்பிடுமாறு ஆலோசனை வழங்குவார். தினமும் ஒரு டம்ளர் பால் சாப்பிடுமாறு அப்பா அறிவுறுத்துவார்.

எனக்கு பிடித்த உணவு பாலாடை மற்றும் ஒயின்!

பேராசைப் பட்டாலும் மாரடைப்பு வருமாம்!

உடல் பருமன் அதிகம் கொண்டவர் களுக்குத்தான் மாரடைப்பு ஏற்படும் என்ற பொதுவான கருத்து இப்போதெல்லாம் தலைகீழாக மாறிவிட்டது. சராசரி உடல் எடை கொண்டவர்களுக்கு கூட மாரடைப்பு ஏற்படுகிறது.

அதேநேரம், கடுமையான உடல் உழைப்பை வெளிப்படுத்துபவர்கள், கவலை இல்லாதவர்கள், மகிழ்ச்சியான குடும்ப வாழ்க்கை நடத்துபவர்களுக்கு மிக மிக குறைந்த அளவே மாரடைப்பு ஏற்படுவதற்கான வாய்ப்புகள் உள்ளன என்று கூறுகின்றனர் டாக்டர்கள்.

இவர்களது கணிப்பின்படி, கடுமையாக கோபத்தை வெளிப்படுத்துபவர்கள், அடுத்தவர்களுக்கு தீமை செய்ய வேண்டும் என்ற குறிக்கோளோடு செயல்படுபவர்கள், பேராசை கொண்டவர்கள், தேவையில்லாமல் மன உளைச்சலை வரவழைத்துக் கொள்பவர்கள் ஆகியோருக்குத்தான் மாரடைப்பு ஏற்படுவதற்கான வாய்ப்புகள் அதிகம் உள்ளன.

பொதுவாக, பெண்களைக் காட்டிலும் ஆண்களே அதிக அளவில் மாரடைப்பு பாதிப்புக்கு ஆளாகிறார்கள். மெனோபாஸ் என்கிற மாதவிலக்கு சுழற்சி காலம் நின்றபிறகு ஆண்களுக்கு இணையாக பெண்களும் இந்த பாதிப்பிற்கு ஆளாகுகிறார்கள்.

இந்த பாதிப்பிற்கு எவை எல்லாம் காரணமாக அமைகின்றன?

* மரபணுவின் மூலம் பரம்பரை பரம்பரையாக இந்த நோய் பாதிப்புக்கான காரணிகள் கடத்தப்படுகின்றன.

* வயது ஏற ஏற முதுமையில் இயற்கையாகவே மாரடைப்பு ஏற்படும் வாய்ப்புகள் அதிகரிக்கின்றன.

* உரிய தடுப்பு முறைகளையும், சிகிச்சையையும், பராமரிப்பையும் மேற்கொள்ளாத பட்சத்தில் நீண்ட நாளைய ரத்தக்கொதிப்பு உள்ளவர்களுக்கும், உயர் ரத்த அழுத்தம் கொண்டவர்களுக்கும் மாரடைப்பு எளிதில் ஏற்படுகிறது. நீண்ட நாளைய நீரிழிவு பாதிப்பு, ரத்தத்தில் கொழுப்பு அதிகமாக காணப்படுதல் போன்ற காரணிகளும் மாரடைப்புக்கான வாய்ப்பை அதிகரிக்கின்றன.

* அதிக உடல் பருமன் கொண்டவர்கள், குறிப்பாக பெரிய அளவில் தொப்பை கொண்டவர்கள், அளவுக்கு அதிகமாக உணவுகளை எடுத்துக்கொள்ளும் உடல் உழைப்பு இல்லாதவர்கள், அளவுக்கு அதிகமாக புகை பிடிப்பவர்கள், தொடர் மனஉளைச்சலுக்கு ஆளாகுபவர்கள், எதற்கெடுத்தாலும் பதட்டப்படுபவர்கள் ஆகியோரும் மாரடைப்பு ஏற்படுவோர் பட்டியலில் முன்னணியில் இருக்கின்றனர்.

நீங்களும் இந்த பட்டியலில் இருந்தால் இப்போதே உஷாராகிவிடுங்கள்.

ஜீன்ஸிற்கு ஏற்ற டாப்ஸ்

புடவையும், தாவணியும் தான் பெண்களின் உடை என்று இருந்த காலத்தில், வாகனம் ஓட்டுபவர்களுக்கும், வேலைக்குச் செல்பவர்களுக்கும் வரப்பிரசாதமாக வந்ததுதான் சுடிதார்.சுடிதாருக்கு இன்றல்ல நேற்றல்ல எப்போதுமே மவுசு அதிகம்தான்.
தாவணியை முற்றிலுமாக மறந்து சுடிதாருக்கு வந்த பெண்கள் படிப்படியாக ஜீன்ஸ் டிசர்ட்டிற்கு மாறினர். எங்கு பார்த்தாலும் சுடிதார் கடைகளும், ஜீன்ஸ் கடைகளும் என காட்சி அளித்தன. அங்குதான் பெண்களின் கூட்டமும் இருந்தது.தாவணி என்பது ஏதோ முக்கிய நிகழ்ச்சிகளில் மட்டும் ஒரு சிலரால் விரும்பி அனியப்படும் ஆடையாக மாறியது. பள்ளிச் சீருடை வடிவத்திலாவது தாவணிகளுக்கு உயிர் கொடுத்து வந்த பல பள்ளிகளும் தாவணியின் கழுத்துக்களை சுடிதார் கயிற்றால் இறுக்கிக் கொன்றன.
தற்போது தாவணி என்ற ஒரு ஆடையே வெகுவாக மறைந்து முற்றிலுமாக கிழிந்து விட்டது..

சரி தற்போது ஜீன்ஸ் கொடி கட்டிப் பறக்கும் பல இடங்களில் அதற்கு எடுப்பாக போடப்படும் மேல் ஆடை அதாவது டாப்ஸ்கள் தான் இன்று நாம் பேசப்போகும் விஷயம்.

பல்வேறு வகைகளில் தற்போது டாப்ஸ்கள் கிடைக்கின்றன. முழுவதும் வேலைப்பாடு செய்யப்பட்டது, கை மற்றும் கழுத்துப் பகுதியில் மட்டும் வேலைப்பாடு செய்யப்பட்டது, சமிக்கி, மணிகள் வைத்து தைக்கப்பட்ட டாப்ஸ் என இது நீண்டு கொண்டே செல்லும்.

பொதுவாக ஒல்லியாக இருக்கும் பெண்கள் தங்களது உடல் அளவிற்கு ஏற்ற சிறிய டாப்ஸ்கள் அல்லது சர்ட்டுகளை தேர்ந்தெடுக்கின்றனர். பெண்களுக்கு என தற்போது பல சட்டைகள் வருகின்றன. முழுக் கை மற்றும் பாக்கெட்டுகளுடன் அவை வெகு அசத்தல். மென்மையான நிறங்களில் அதுபோன்ற சட்டைகளை எடுத்து கருப்பு, அடர்ந்த நீலம் போன்ற ஜீன்ஸ் பேன்ட்டுகளுக்கு அணியலாம்.

அல்லது சட்டையை விடக் கொஞ்சம் நீளம் கூடுதலாக வரும் டாப்ஸ்களும் உள்ளன. அவற்றில் பல்வேறு விதங்களில் பல விலைகளிலும் கிடைக்கின்றன.

எடுப்பான தோற்றம் கொண்டவர்கள் இதுபோன்ற டாப்ஸ்களை வாங்கும்போது அதற்கேற்ற வலைப்பின்னல் ஷால்களையும் வாங்கி அணிந்து கொள்வதும் ஒரு பேஷன் ஆகி விட்டது.

கை நீளம், கைக் குட்டையானது அல்லது கையே இல்லாத டாப்ஸ்களில் உங்கள் தோற்றத்திற்கு ஏற்றவாறு தேர்ந்தெடுத்துக் கொள்ளுங்கள்.

எதுவாக இருந்தாலும் ஒன்றுக்கு இரண்டு முறை பார்த்து வாங்கி உங்களுக்கேற்ற உடையை தேர்ந்தெடுங்கள்.

ஆடை உங்களது உடல் அளவுக்கும், உடல் நிறத்திற்கும் ஏற்றதாகவும், பார்ப்பவர்களை முகம் சுளிக்க வைக்காமலும் இருப்பது நலம்.

உடல் அதிக பருமன் கொண்டவர்கள் நீண்ட டாப்ஸ்களையும், அதற்கு மேல் ஒரு ஷாலையும் அணிவது உங்களை அழகாகக் காட்டும்.

ஒல்லியான உடல் அமைப்பைக் கொண்டவர்கள் அதிக வேலைப்பாடு கொண்ட டாப்ஸ்களை அதிகம் அணியலாம்.