Daily Archives: ஜனவரி 27th, 2010

வாடிக்கையாளரின் வசதிக்கேற்ப அடுக்குமாடிக் குடியிருப்புகள்!

வீடு, அடுக்குமாடிக் குடியிருப்பு நிறுவனங்கள் தற்போது ஒரு விஷயத்தில் கவனம் செலுத்த ஆரம்பித்திருக்கின்றன- ஒவ்வொரு வாடிக்கையாளரின் தனிப்பட்ட விருப்பங்கள், தேவைகளுக்கு முக்கியத்துவம் கொடுப்பது. குறிப்பாக ஆடம்பர அடுக்குமாடிக் குடியிருப்புகளை உருவாக்கிவரும் நிறுவனங்கள் தனிப்பட்ட வாடிக்கையாளரின் விருப்பங்களுக்கு அதிக மதிப்பளிக்க அளிக்க ஆரம்பித்திருக்கின்றன.

`சானிட்டரிவேர்’, சமையலறை உபகரணங்கள், அலங்கார விளக்குகள், மரப் பொருட்கள் போன்றவற்றை வாடிக்கையாளர்கள் தற்போது தங்கள் விருப்பம்போல் தேர்வு செய்ய அனுமதிக்கின்றன சில நிறுவனங்கள். இதனால், அடுக்குமாடிக் குடியிருப்பு அல்லது ஒரே நிறுவனத்தால் கட்டி விற்கப்படும் வரிசையான வீடுகள் ஒரே மாதிரிதான் இருக்கும் என்ற நிலை மாறி வருகிறது.

குடியிருப்புகளின் வெளித்தோற்றம் ஒரே மாதிரி இருந்தாலும் உள்ளே நிறைய மாறியிருக்கும்.

ஒரு முன்னணி குடியிருப்பு நிறுவனமானது, வாடிக்கையாளர்கள் தத்தமது வீட்டு உள்ளமைப்பு எப்படி இருக்க வேண்டும் என்பதற்குக் கட்டிட வடிவமைப்பாளர்களின் சேவையைப் பயன்படுத்திக்கொள்ளலாம் என்று அறிவித்துள்ளது. குளியலறை அமைப்புகள், தளம், அமைப்பில் சிறு சிறு மாற்றங்களைச் செய்துகொள்ளலாம்.

“ஒரு தனித்தன்மையான வசிப்பிட அனுபவத்தைக் கொடுப்பதுதான் எங்கள் எண்ணம். எனவே ஒவ்வொருவரின் தனிப்பட்ட ரசனை, விருப்பங்களுக்கு நாங்கள் முக்கியத்துவம் கொடுக்கிறோம்” என்று ஓர் ஆடம்பர அடுக்குமாடிக் குடியிருப்பு நிறுவனத்தின் முதுநிலை அலுவலர் தெரிவிக்கிறார்.

இதே போன்ற வசதியை மற்றொரு முன்னணி வீட்டு வசதி நிறுவனம் அளிக்கிறது. “வாடிக்கையாளர்கள் தேர்ந்தெடுத்துக்கொள்ளும் வகையில் நாங்கள் நான்கு விதமான உள்ளமைப்பு வடிவங்களை வழங்குகிறோம்” என்று அந்த நிறுவனத்தின் தலைவர் ஹேமந்த் ஷா தெரிவிக்கிறார்.

அவர் மேலும் கூறுகையில், “நாங்கள் இந்த யோசனைக்கு வரக் காரணம், எங்கள் நிறுவனத்தின் குடியிருப்புத் திட்டங்களில் வீடு வாங்கும் ஒவ்வொருவருக்கும் ஒரு தனிப்பட்ட, மகிழ்ச்சிகரமான அனுபவமாக அது இருக்க வேண்டும் என்பதுதான்” என்கிறார்.

அதேநேரம் இத்துறை நிபுணர்கள், “வாடிக்கையாளர்களின் தனிப்பட்ட விருப்பங்களுக்கு நிறுவனங்கள் முக்கியத்துவம் கொடுக்கும் அதேவேளையில், தரத்தில் வீழ்ச்சி ஏற்பட்டுவிடாமல் பார்த்துக்கொள்ள வேண்டும். தாங்கள் கோரும் மாற்றங்களை ஏற்படுத்துகிறார்களா என்று மட்டும் பார்க்காமல் வாடிக்கையாளர்களும் தரத்தில் கவனமாக இருக்க வேண்டும்” என்று எச்சரிக்கைக் குறிப்பை அளிக்கின்றனர்.

பெருநகரங்களில் பெருமளவில் குடியிருப்புகளை உருவாக்கிவரும் மற்றொரு நிறுவனத்தின் செய்தித் தொடர்பாளர் கூறுகையில், “வாடிக்கையாளர்களின் தனிப்பட்ட விருப்பங்களுக்கு முக்கியத்துவம் கொடுக்கும்போது வீட்டின் உள்ளமைப்பை மாற்றியமைக்க வேண்டியிருக்கிறது. அதனால் செலவு அதிகரிக்கிறது. ஆடம்பர அடுக்குமாடிக் குடியிருப்பில் `பிளாட்’ வாங்குவோருக்கு சிறிது தொகை உயர்ந்தால் கவலை ஏற்படாது இருக்கலாம். ஆனால் நடுத்தர வர்க்கத்தினரை அப்படிக் கூற முடியாது. அவர்களைப் பொறுத்தவரை முதலாவதும், முக்கியமானதுமான விஷயம் விலைதான்” என்கிறார்.

சிங்கப்பூரை இருப்பிடமாகக் கொண்ட மற்றொரு நிறுவனம் இந்தியாவில் நடுத்தர வர்க்கத்தினருக்கான குடியிருப்புகளை உருவாக்கும் முயற்சியில் ஈடுபட்டிருக்கிறது. அந்நிறுவனம் நடுத்தட்டு மக்களுக்கும் தனிப்பட்ட விருப்பத்தின்படி மாற்றங்களைச் செய்துகொடுக்க முடிவெடுத்திருக்கிறது.”நாங்கள், முன்னதாக வடிவமைக்கப்பட்ட திட்டமிடப்பட்ட `பிளாட்’களை கட்டிக் கொடுப்பதற்குப் பதிலாக, குறிப்பிட்ட தளமாகப் பிரித்து விற்பனை செய்வோம். அங்கே எத்தனை அறைகள், எங்கே, எந்த அளவில் வர வேண்டும் என்று வாடிக்கையாளரே முடிவெடுத்துத் தெரிவிக்கலாம்” என்று அந்நிறுவனத்தின் நிர்வாக இயக்குநர் அஷீஸ் பல்லா தெரிவிக்கிறார்.

தற்போது புதுடெல்லி அருகே குர்கானில் 5 ஆயிரம் வீடுகளைத் தயார் செய்திருக்கும் இந்நிறுவனம், இவற்றுக்கு நல்ல கிராக்கி இருப்பதாகக் கூறுகிறது. இவற்றின் விலை சதுர அடிக்கு 2 ஆயிரத்து 500 முதல் 3 ஆயிரம் வரையாக உள்ளது. “வடிவமைப்பை வாடிக்கையாளர்கள் தங்கள் இஷ்டப்படி மாற்றிக்கொள்ளலாம் என்பதுதான் எங்களின் தனிப்பட்ட சிறப்பம்சம்” என்று கூறுகிறார் பல்லா.

`பிளாட்’களின் சராசரி அளவு சமீபத்திய வருடங்களில் குறைந்து கொண்டே வருகிறது. `பிளாட்’ அளவிலும் வாடிக்கையாளர்களுக்கு `சாய்ஸ்’ வழங்கப்படும் என்று இந்நிறுவனம் கூறுகிறது. வாடிக்கையாளர் தேவைக்கேற்ப மாற்றம் செய்யும் `டிரெண்ட்’ ஏறக்குறைய எல்லா குடியிருப்பு நிறுவனங்களையும் தொற்றிக் கொண்டுள்ளது என்று ரியல் எஸ்டேட் நிபுணர்கள் கூறுகின்றனர்.

அதேநேரம் வேறு சில நிறுவனங்கள், வாடிக்கையாளர்களின் தனிப்பட்ட விருப்பங்களுக்குத் தாங்கள் முக்கியத்துவம் அளிக்கவில்லை என்று தெரிவிக்கின்றன. அது மாதிரியான எந்தத் திட்டமும் தங்களுக்கு இல்லை என்று நடுத்தர மக்களுக்கான குடியிருப்பு வசதிகளில் கவனம் செலுத்திவரும் ஒரு நிறுவனத்தின் திட்டமிடல் மேலாளர் ஆர். நாகராஜு தெரிவிக்கிறார். அவ்வாறு மாற்றம் செய்வதன் லம் விலை ஏறிவிடக் கூடாது என்பதில் குறிப்பிட்ட நிறுவனங்கள் கவனமாக இருக்கின்றன என்பது தெரிகிறது

தொடை சதையை குறைக்க எளிய 7 வழிகள்

ஸ்லிம் ஆக இருக்க வேண்டும் என்பது பல பெண்களது ஆசை – கனவு. ஆனால், ஸ்லிம் ஆசை எல்லோருக்கும் கிடைத்து விடுவதில்லை. பெண்களில் பலர், திருமணம் ஆகி ஒரு குழந்தை பெற்றவுடன் ஆளே அடையாளம் தெரியாத அளவுக்கு மாறிப்போய் விடுகிறார்கள்.

சில பெண்களுக்கு தொடைப் பகுதியில் மட்டும் அதிக சதை போட்டுவிடும். அப்படிப்பட்ட பெண்கள் சில எளிய உடற்பயிற்சிகளை வீட்டில் இருந்தபடி செய்து வந்தாலே, அந்த தேவையற்ற சதையை கரைத்துவிடலாம்.

அந்த உடற்பயிற்சிகள் :

சேரில் அமர்ந்து கொண்டு கால்களை மடக்கியபடி மேல் நோக்கி தூக்கி இறக்கவும். கால்களை மாற்றி மாற்றி இந்த உடற்பயிற்சியை செய்ய வேண்டும். சுமார் 20 முறை இப்படிச் செய்தால் போதும்.

சேரில் அமர்ந்துகொண்டு கால்களை அப்படியே நேராக மேலே தூக்கி இறக்கவும். முடிந்தவரை இப்படிச் செய்தாலே போதும். கீழே படுத்துக்கொண்டு தலைக்கு பின்னால் கைகளை வைத்துக்கொண்டு கால்களை மேலே தூக்கி இறக்கவும்.

ஒருக்களித்துப் படுத்துக்கொண்டு கால்களை 20 முறை மேலே தூக்கி இறக்கவும். இடது பக்கமும், வலது பக்கமும் மாறி மாறி படுத்துக்கொண்டு இதைச் செய்ய வேண்டும்.

நேராக நின்றபடி உங்கள் இரண்டு கால்களையும் விரித்துக் கொள்ளவும். கைகளை தலைக்கு மேல் தூக்கி கை தட்டவும். 30 முறை இப்படி செய்யவும். நின்றபடியே கால்களை மாறிமாறி இடுப்பு வரை தூக்கி இறக்கவும்.

– இந்த எளிய உடற்பயிற்சிகளை தொடைப் பகுதியில் அதிக சதை கொண்டவர்கள் தொடர்ந்து செய்து வந்தால், அந்த பகுதி சதை குறைந்து தொடைப் பகுதியானது ஸ்லிம் ஆகி அழகாகும்.

சுகம் தரும் சோம்பு

அறிவிலும் ஆக்கத்திலும் மேன்மை கொண்ட நம் முன்னோர்கள் தங்களுடைய வாழ்வில் ஆரோக்கியத்திற்கே முதலிடம் கொடுத்தனர்.“நோயற்ற வாழ்வே குறைவற்ற செல்வம்” என்ற பழமொழியை உலகிற்கு உணரச் செய்தவர்கள் தான் சித்தர்களும் ஞானிகளும்.நம் வீட்டு சமையல் அறைகளுக்குள்ளேயே மாபெரும் மருத்துவக் களஞ்சியத்தை வைத்துள்ளனர். ஒரு மனிதனின் உணவு மூலமே அவனுடைய நோய்க்கு மருந்தை கண்டறிந்து சொன்னவர்கள் சித்தர்கள்.வீட்டுச் சமையலில் ஏதோ வாசனைக்காக சீரகம், சோம்பு, இலவங்கம், வெந்தயம், கடுகு இவற்றை பயன்படுத்துகிறார்கள் என்று எண்ண வேண்டாம்.ஒவ்வொரு பொருளும் தலைசிறந்த மருத்துவக் குணங்களைக் கொண்டது.கடந்த இதழில் சீரகத்தின் மருத்துவப் பயன்களை அறிந்தோம். இந்த இதழில் சோம்பின் குணங்களைப் பற்றி தெரிந்துகொள்வோம்.சோம்புபொதுவாக உணவு விடுதிகளில் சாப்பிட்டு முடித்தவுடன் ஒரு சிறு தட்டில் சோம்பை வைப்பார்கள். சிலர் அதை எடுத்து வாயில் போட்டு சாப்பிடுவதை பார்த்திருப்பீர்கள். அதன் அர்த்தம் என்ன என்பது இப்போது புரிந்திருக்கும். ஆம் உண்ணும் உணவை சீரணிக்க வைக்கும் சக்தி இதற்குண்டு. எனவே எளிதில் சீரணமாகாத உணவுகள், அசைவ உணவுகள் போன்றவற்றில் சோம்பை அதிகம் சேர்த்து சமைப்பார்கள்.இதை பெருஞ்சீரகம், வெண்சீரகம் என்று அழைப்பார்கள். இது பூண்டு வகையைச் சார்ந்தது. வெண்மை நிறத்துடன் சிறிது பச்சை கலந்த நிறமுடையது. இந்தியா முழுவதும் இது பயிரிடப்படுகிறது. குறிப்பாக கேரளா பகுதிகளில் அதிகம் விளைகிறது.இதன் பூ, விதை, வேர் அனைத்தும் மருத்துவக் குணம் கொண்டது.

யோனிநோய் குன்மம் உரூட்சைமந் தம்பொருமல்போனமுறு காசம் பீலிகமிரைப்-பீன உரைசேர்க்கின்ற வாதமு போஞ் சீர்பெரிய சீரகத்தால்மூக்குநோ யில்லை மொழி- அகத்தியர் குணபாடம்செரிமான சக்தியைத் தூண்டஎளிதில் செரிமானம் ஆகாத உணவுகளைக் கூட செரிக்கச் செய்யும் தன்மை சோம்பிற்கு உண்டு. உணவுக்குப்பின் சிறிதளவு சோம்பை வாயில் போட்டு மென்று சாறை கொஞ்சம் கொஞ்சமாக இறக்கி வந்தால் உண்ட உணவு எளிதில் சீரணமாகும்.குடல்புண் ஆறசாப்பிட்ட உணவினால் குடலில் அலர்ஜி ஏற்பட்டு வாய்வுக்கள் சீற்றமடைகின்றன. இதனால் குடல் சுவர்கள் பாதிக்கப்பட்டு குடலில் புண்கள் ஏற்படுகின்றன. இந்தப் புண்கள் ஆற சோம்பை தினமும் உணவில் சேர்த்து வந்தால் குடல்புண் நாளடைவில் குணமடையும்.வயிற்றுவலி, வயிற்று பொருமல்அஜீரணக் கோளாறுகளால் வயிற்றில் வாய்வுக்களின் சீற்றம் அதிகமாகி வயிற்றுவலி, வயிற்று பொருமல் ஆகியவை ஏற்படுகின்றன. இவர்கள் உடனே சிறிதளவு சோம்பை எடுத்து வாயில் போட்டு மென்று தின்றால் சிறிது நேரத்தில் குணம் தெரியும்.கருப்பை பலம்பெறகருப்பை பாதிக்கப்பட்டால் கருத்தரிப்பு நடக்காது. இதனால் சிலர் குழந்தை பேறு இல்லாமல் கூட அவஸ்தைப் படுவார்கள். பெருஞ்சீரகத்தை இளம் வறுவலாக வறுத்து பொடித்து, வேளையொன்றுக்கு 2 கிராம் வீதம் தனியாகவோ அல்லது பனங்கற்கண்டு கலந்தோ சாப்பிட்டு வந்தால் கருப்பை சம்பந்தப்பட்ட அனைத்து நோய்களும் விலகும்.ஈரல் பாதிப்பு நீங்கஉடலின் செயல்பாடுகள் அனைத்திற்கும் முக்கிய காரணியாக இருக்கும் உறுப்பு ஈரல்தான். ஈரல் பாதிக்கப்பட்டால் பித்தம் அதிகமாகி பல நோய்களுக்கு ஆளாக நேரிடும். ஈரல் நோயைக் குணப்படுத்த சோம்பும் ஒரு மருந்தாகப் பயன்படுகிறது.சோம்பை இளம் வறுவலாக வறுத்து பொடிசெய்து அதனுடன் தேன் கலந்து காலை மாலை 1 டீஸ்பூன் அளவு சாப்பிட்டு வந்தால் ஈரல் நோய் குணமாகும்.இருமல் இரைப்பு மாறநாள்பட்ட வறண்ட இருமல், இரைப்பு இவைகளால் அவதிப்படுபவர்கள் சோம்பை நீரில் கொதிக்க வைத்து வடிகட்டி அந்த நீரைப் பருகி வந்தால் நாள்பட்ட இரைப்பு, மூக்கில் நீர் வடிதல் குணமாகும்.சுரக் காய்ச்சல்அதிக குளிர் சுரம் இருந்தால் சோம்பை நீரில் கொதிக்க வைத்து கொடுத்தால் குளிர் சுரம் கொஞ்சம் கொஞ்சமாக குறையும்.பசியைத் தூண்டபசியில்லாமல் அவதிப்படுபவர்கள் சோம்பை தனியாக மென்று சாப்பிட்டு வந்தால் நன்கு பசியெடுக்கும்.இப்போது தெரிகிறதா சோம்பின் மகத்துவம்.

சின்ன சின்ன செய்திகள் -உடல் நலம்

2 மணி நேர “டிவி’
நீங்க “டிவி’ பார்ப்பீங்களா? இதென்ன கேள்வி “டிவி’ பார்க்காதவங்க இருக் காங்களா என்று கேட்கலாம். ஆனால், “டிவி’ பார்த்து “ஒபிசிட்டி’ வந்து, இப் போது அந்த பக்கமே தலைவைத்து படுக்க மாட்டேன் என்பவர்கள் இருக்கத் தானே செய்கின்றனர். நீங்கள் தொடர்ந்து 2 மணி நேரம் “டிவி’ பார்ப்பவர் என்றால், “ப்ளீஸ்’ மாறுங்க; இல்லே, அடுத்த ஐந்தாண்டில் நீங்களும் “ஒபிஸ்’ பட்டியலில் சேர்ந்து , மருத்துவ செலவுக்கு மாத பட்ஜெட் போட வேண்டி வரும்.
“டென்ஷன் பார்ட்டியா?’
சென்னை உட்பட நகரங்களில் நடைபாதை குறைவு; அதனால் வாக்கிங் போக முடியாது; அப்படியே பூங்காவுக்கு செல்லலாம் என்றால், ஆபீஸ் ஓட வேண்டிய நிலை. “டென்ஷன்’ என்று பறக்கும் சிலர் யோசிப்பது நல்லது.
இதுபோல, வார இறுதி ஓட்டல், இப்போது நாள்தோறும் ஓட்டல் சாப்பாடு என்று ஆக்கி விட்டனர். சத்தாக சாப்பிட, வீடு ஏற்றது. ருசியாக சாப்பிட ஆரம்பத்தால், கொழுப்பு ஏறி, குண்டாக வாய்ப்பு அதிகம். இவர்கள் எல்லாம் இதை மாற்றிக்கொள்வது எப்போது?
கவர்ச்சியா – காய்கறியா?
கவர்ச்சிகரமான விளம்பரங்கள் பார்த்து, கவர்ச்சியான பளபள பாக்கெட்களில் வரும் எதையும் வாங்கி சாப்பிடுவதில் தான் இளைய தலைமுறையினர் ஆர்வம் காட்டுகின்றனர். காய்கறி, பழங்களில் உள்ள சத்துக்கள் பற்றி அவர்களுக்கு ஏனோ தெரிவதில்லை. கலோரி விழிப்புணர்வு வந்தால் தான் இது புரியும். காய்கறி, பழங்களை சாப்பிட்டு வந்தால், உடல் அழகு கூடும்; “சிக்’கென்று எப்போதும் இளமை குன்றாமல் இருக்கும்.
“ஹைபோ தைராய்டிசம்’
தைராய்டு சுரப்பி இயங்குவதில் பாதிப்பு ஏற்பட்டால், இப்படி அழைப்பதுண்டு. தைராய்டு சுரப்பி போதுமான அளவில் வேலை செய்தால், உடல் சுறுசுறுப்பாக இருக்கும். குண்டாக இருப்பவர்களுக்கு இது வேலை செய்வது குறையும். விளைவு, பலவீனம், சோர்வு .
குண்டாக இருப்பவர்களுக்கு ரத்த அழுத்தம், சர்க்கரை நோய் மட்டுமல்ல, சுரப்பி பிரச்னைகளும் ஏற்படும். ஆண்களை விட, பெண்களுக்கு இந்த பிரச்னை வந்தால் பாதிப்பு அதிகமாக இருக்கும்.
ஓடியாடி விளையாடு
ஓடி விளையாடு பாப்பா என்பது வெறும் புத்தகத்தில் தான் இருக்கிறது; எந்த பள்ளியிலும் உடற்பயிற்சி வகுப்பு இருப்பதாக தெரியவில்லை. குழந்தைப்பருவத்திலேயே “ஒபிஸ்’ ஆக இதுவும் ஒரு காரணம்.
ஒரு பக்கம் கம்ப்யூட்டர், வீடியோ கேம், இன்னொரு பக்கம் மொறுமொறு பாக்கெட் உணவுகள்… போதுமே, பிளஸ் 2 வரும் போதே குட்டீஸ் குண்டாகிவிடும். அதனால், ஓடியாட விளையாட விடுங்கள் பெற்றோரே.
“கஷ்ஷிங் சிண்ட்ரோம்’
உடலில் உள்ள அட்ரினலின் சுரப்பி அளவுக்கு அதிகமாக வேலை செய்யும் போது ஏற்படும் பாதிப்பு இது. தேவையில்லாமல் அதிக அளவில் டானிக், மாத்திரைகள் எடுப்பவர்கள் குண்டாகி விடுவர்; அவர்களுக்கு இந்த பிரச்னை வரும். இதனால், உடலின் மேல் பகுதி, அதிக பருமனாக இருக்கும். குறிப்பாக, வட்ட முகம் உப்பியது போல இருக்கும். அதுபோல, கழுத்து, கை, கால்களில் சதை தொங்கி விழும். எல்லாம் கொழுப்பு தான்.
கண்டபடி சாப்பிடுவதால்
கோபம் வந்தால் அடுத்தவர் மீது எரிந்து விழுவர் என்று தான் சொல்லக் கேள்விப்பட்டிருப்பீர்கள். ஆனால், கோபம் வந்தால் அதிகம் சாப்பிடுவதும் உண்டு. ஆம், கோபம், சோர்வு, கவலை, மன அழுத்தம் போன்றவை ஏற்படுவது பலருக்கும் இப்போது சகஜம். இந்த “டென்ஷன்’ பேர்வழிகள், கோபத்தை அடுத்தவர் மீது காட்ட மாட்டார்கள்; அதற்கு பதில், கண்டபடி “உள்ளே’ தள்ளுவர். கடைசியில் குண்டாகும் போது தான் காரணம் புரியும்.
5 மணி நேர தூக்கமா?
சராசரியாக எந்த வயதினராக இருந்தாலும், தினமும் 7 முதல் 8 மணி நேரம் வரை இரவு தூங்க வேண்டும். ஆனால், இப்போதுள்ள கம்ப்யூட்டர் உலகில், படுக்கைக்கு நள்ளிரவு 12 மணிக்கு போவதை பலரும் பழக்கப்படுத்தி உள்ளனர். டாக்டர்கள் செய்யும் எச்சரிக்கை; 5 மணி நேரம் தூங்கியவர்கள் தான் குண்டாகி உள்ளனர் என்பதே. நீங்கள் இப்படியா, மாறுங்க.
பசியால் தவிப்பீர்கள்
என்ன தான் பட்டினி கிடந்தாலும், குறிப்பிட்ட நேரம் வரை தான் தாங்க முடியும். அதற்கு நமக்கு உதவுவது சுரப்பிகள் தான். “பசிக்குதடா’ என்று நமக்கு நினைவுபடுத்துவது, “க்ரெலின்’ என்ற சுரப்பி. அதுபோல, பட்டினி ஏற்பட விடாமல், சமாளிக்க கைகொடுப்பது “லெப்டின்’ சுரப்பி. தூக்கத்தை தியாகம் செய்வோருக்கு, முதல் சுரப்பி அதிகமாக சுரக்கும்; இரண் டாவது, மிகக்குறைவாக சுரக்கும். அதனால் தான் தூக்கத்தில் இருந்து எழுந்தால் அதிகமாக அள்ளிப் போட்டுக்கொள்கின்றனர். புரிகிறதா?

ஆன்லைன் கீபோர்டு

இங்கு   சொல்லப்பட இருக்கிற கீ போர்டு இசை அமைக்கப் பயன்படும் கீ போர்டு. பெரிய, சிறிய நகரங்களில் வாழும் குடும்பங்களில், பெற்றோர்கள் தங்கள் பிள்ளைகளுக்கு கீ போர்டு வாசிப்பதைக் கற்றுக் கொடுக்க வேண்டும் என்கிற ஆர்வத்தைக் கொண்டுள்ளனர். ஒரு சிலர் சிறிய அல்லது பெரிய எலக்ட்ரானிக் கீ போர்டுகளை வாங்கித் தருகின்றனர். சிலர் அருகில் கற்றுக் கொடுக்கும் மையங்களுக்குத் தங்கள் குழந்தைகளை அனுப்பி கீ போர்டை இசைக்கக் கற்றுக் கொடுக்கின்றனர். இவர்களில் குறிப்பிட்ட சிலரே தொடர்ந்து இசை உருவாக்குவதன் முழு பரிமாணங்களையும் கற்றுக் கொள்கின்றனர்.

இது போன்ற ஆசையைத் தீர்க்கும் வகையில் ஆன்லைனில் பல விஷயங்களைக் கற்றுத் தரும் தளம் ஒன்று, கீ போர்டினையும் கற்றுத் தருகிறது. இதன் தளத்திலேயே ஒரு கீ போர்டு தரப்படுகிறது. இதில் Piano, Organ, Saxophone, Flute, Pan Pipes, Strings, Guitar, Steel Drums மற்றும் Double Bass ஆகிய அனைத்து வாத்தியங்களிலும் கிடைக்கும் இசையைக் கற்றுக் கொள்ளலாம்; உருவாக்கலாம். இசைக்கையில் துணை புரிய ஆறு வகையான ட்ரம் பீட்ஸ் தரப்பட்டுள்ளது. இந்த கீ போர்டின் இடது பக்கம் மூன்று பட்டன்கள் தரப்பட்டுள்ளன. அவை Chord Mode, Play Chord மற்றும் Instructions. இந்த வழிகளில் சில கீகளைத் தேர்ந்தெடுத்து, அவை தொடர்ந்து வாசிக்கப்பட்டால் எப்படி இருக்கும் என அறிந்து கொள்ளலாம். Instructions என்ற பிரிவில் இதனை எப்படிப் பயன்படுத்துவது என்று குறிப்புகள் காணப்படுகின்றன.
இந்த கீ போர்டில் நாம் விரும்பும் வாத்தியத்தைத் தேர்வு செய்து கீகளை அழுத்திப் பழகலாம். ஏற்கனவே கீ போர்டு இயக்கத் தெரிந்தவர்கள் இதில் இசை அமைக்கலாம். முதலில் உங்கள் சிஸ்டத்தின் ஸ்பீக்கர்களை இயக்கி வைத்துக் கொள்ள வேண்டும். ஒலி மிகத் தெளிவாகக் கிடைக்கிறது.
இசையில் ஆர்வம் இல்லை என்றாலும், ஆன்லைனில் உள்ள கீ போர்டு எப்படி இசை ஒலியைத் தருகிறது என்று விளையாட்டுக்காகக் கூட இதனை ஒலித்துப் பார்க்கலாம். நீங்கள் செல்ல வேண்டிய இணைய தள முகவரி: http://www.bgfl.org/index.cfm?s= 1&m=239&p=167,view_resource&id=50