Advertisements

Daily Archives: பிப்ரவரி 12th, 2010

திருடனின் `திருட்டு விளையாட்டு’!

அமெரிக்காவின் மத்திய புளோரிடாவில் உள்ள `போக் கவுன்டி’ பகுதியில் ஒரு 1998 மாடல் `டாட்ஜ் டுராங்கோ’ காரை காணவில்லை என்று போலீசாருக்கு புகார் வந்தது. அது தொடர்பாக தீவிர விசாரணை மேற்கொண்ட போலீசார், காரை அலசித் தேடினர். அப்போது, அருகே உள்ள ஹெய்ன்ஸ் நகர வீடு ஒன்றின் முன் அந்தக் கார் நிற்பதை போலீசார் கண்டனர். வீட்டுக்குள் சென்று பார்த்தபோது, அந்த வீட்டின் உரிமையாளரான ஏக்ஸ், `கிராண்ட் தெப்ட் ஆட்டோ’ என்ற பிரபலமான வாகனத் திருட்டு விளையாட்டை வீடியோவில் வெகு சுவாரசியமாக விளையாடிக் கொண்டிருந்தார். ஆசாமியை போலீசார் அப்படியே அமுக்கி விசாரித்தபோது, அவர் குறிப்பிட்ட காரைத் திருடியவர் மட்டுமல்ல, ஏற்கனவே ஒரு கார் திருட்டில் சிறைத் தண்டனை பெற்று, விடுப்பில் வீடு வந்தவர் என்பதும் தெரிய வந்தது.

எப்படி திருடுவது என்று இவர், `திருட்டு’ வீடியோ முலம்தான் தெரிந்துகொண்டார் போல் தெரிகிறது.

Advertisements

தண்ணீர் பருகுவது ஏன்?

உலகிலேயே மனிதன் மட்டுமே பூமியைக் குடைந்து தண்ணீரை எடுத்து தன் தேவைகளை பூர்த்தி செய்து கொள்கிறான். ஆனால் மற்ற உயிரினங்கள் தண்ணீரை குடிக்க மட்டுமே பயன்படுத்துகின்றன. இதில் முக்கியமான விஷயம்… சூரிய ஔ படும் தண்ணீரை மட்டுமே விலங்குகளும், மற்ற உயிரினங்களும் குடித்து தனது எலும்பு வளர்ச்சியை மேம்படுத்துகின்றன என்கிறார்கள், இயற்கை வைத்தியர்கள்.

தண்ணீரானது நமது உடலில் நான்கு விதமான முக்கிய பணிகளைச் செய்கிறது.

உடலில் இருந்து ஜீவசத்துக்களைக் கரைத்து திரவ ருபமாக உடலிலுள்ள செல்களுக்கு எடுத்துச் செல்கிறது. மேலும் நமது உடலிலுள்ள ரசாயன பொருள்க ளுடன் சேர்ந்து கரைந்து உடல் முழுவதும் பரவுவதற்கு அவசியமாகிறது.

நம்முடைய உடலுக்கு வெப்பம் மற்றும் குளிர்ச்சியில் சமநிலையை உண்டாக்குவ தில் தண்ணீர் முக்கிய பங்கு வகிக் கிறது. நுரையீரல் வழியாகவும், சருமங்கள் வழியாகவும் அழுக்குகளை வியர்வை முலமாகவும், சளி முலமாகவும் வெளி யேற்றுகிறது.

நமது உடம்பிலுள்ள திசுக்கள் விஷமா காமல் தடுத்து, ஆக்ஸிஜனை உடல் முழுவதும் உள்ள திசுக்களுக்கு கொடுத்து உதவுகிறது.

முக்கியமாக நாம் சாப்பிட்ட உணவுகள் நல்லபடியாக செரிமானம் ஆவதற்கு தண்ணீர் அவசியம் தேவைபடுகிறது. மனிதன் வாழ்வதற்கு தினமும் தண்ணீர் குடித்துத்தான் ஆக வேண்டும். தண்ணீர் இல்லாமல் பிரபஞ்சத்தில் உயிரினம் வாழ முடியாது. தண்ணீர்தான் மனித இனத்துக்குத் தேவையான உணவு பொருள்கள், தானியங்கள், காய்கனிகள் போன்றவற்றை உற்பத்தி செய்ய அடிப்படைக் காரணியாக விளங்குகிறது.

`மனித இனத்தை ஆரோக்கியமாக வைத்திருப்பது சூரிய ஔ பட்ட தண்ணீர்தான்’ என்று கூறிள்ளார் ஹிப்போக்ரேடிஸ். இவர் மருத்துவ உலகின் தந்தையாக போற்றபடுபவர்.

இங்கிலாந்தில் சில மருத்துவமனைகளில் தண்ணீர் சிகிச்சைகள் செய்யபடுவது தற்போது பிரபலமாகி வருகிறது.

`சூரிய ஔ பட்ட நீரைக் குடிக்கும்போது அதன் ஒவ்வொரு சொட்டிலும் சூரியசக்தி பரவி 30 சதவீதம் கூடுதலான ஆக்ஸிஜனும், நைட்ரஜன் சக்திகளும் கிடைக்கின்றன. இவை சரீரத்திலுள்ள திசுக்களை குணபடுத்தி சக்தியைக் கொடுத்து நன்கு செயல்பட வைக்கின்றன. சூரிய ஒளிக்கதிரானது கெடுதலான பாக்டீரியா கிருமிகளை ஒழித்து நீரை சுத்தபடுத்துகின்றன’ என்கிறார் பிரபல தண்ணீர் சிகிச்சை நிபுணர்.

சீனாவில் முலிகை பொடிகளைக் கலந்து முலிகை குளியல் முறையினால் பல நோய்களை குணபடுத்துகிறார்கள். அதேபோல் பவுத்த மதம், யூத மதம், இஸ்லாமிய மதங்களிலும் குளிப்பதும் ஒரு சமயச் சடங்காகவே செய்யபடுகிறது.

உடலைச் சுத்தபடுத்துவது குளிபதன் முலம் நடைபெறுகிறது. உடலின் உள் உறுப்புகளை சுத்தபடுத்துவது தண்ணீர் குடிப்பதன் முலம் நடைபெறுகிறது.

குழந்தை பிறந்தது முதல் குளிபாட்டுதல், பந்யா வாசனம் செய்தல், பெண் குழந்தைகள் ருதுவானால் ருதுமங்கள் ஸ்நானம் செய்தல் போன்ற சடங்குகளிலும், திருமண காலத்தில் மணமக்களை நீராட்டும் சடங்குகளிலும் தண்ணீரால் உடலை தூய்மைபடுத்துவது வலிறுத்தபடுகிறது.

குளிப்பது என்பது வாழ்க்கையின் முக்கிய அங்கமாகிவிட்டது. மேலும் வெளியில் போய்விட்டு வீட்டுக்கு வந்ததும் கை, கால்களை கழுவும் வழக்கமும் நம்மிடையே உள்ளது.

ரோமாபுரியில் குளிப்பதை மிகவும் முக்கியமான ஒரு சடங்காகவே வைத்திருந்தார்கள். அவர்கள் அதிகமாக சூரிய ஔ பட்ட தண்ணீரில்தான் குளித்ததாக வரலாறு கூறுகிறது.

இயற்கையானது மனித சமுதாயம் நோயின்றி வாழ்வதற்காகவே தண்ணீரைம், சூரிய வெளிச்சத்தைம், காற்றையும் படைத்திருக்கிறது.

இதயம் சில உண்மைகள்!

1. பெண்களின் இதய துடிப்பு ஆண்களை விட அதிகம். பொதுவாக எல்லா பெரிய
உயிரினங்களின் இதய துடிப்பு மெதுவாகவும் (யானை – நிமிடத்திற்கு 20-30)
சிறிய உயிரினங்களில் இதய துடிப்பு வேகமாகவும் இருக்கும் (எலி –
நிமிடத்திற்கு 500-600). மனித இனத்தில் பெண்கள் உருவத்தில் ஆண்களைவிட
சிறியவர்களாக இருப்பதால் அவர்களின் இதயத்துடிப்பு வேகமாக இருக்கும்.

2. மனித இதயத்தின் எடை அரை கிலோகிராமிற்கு குறைவாகவே இருக்கும்.

3. நீளமான மோதிர விரல் உள்ளவர்களுக்கு மாரடைப்பு வருவதற்கு வாய்ப்பு குறைவு என்பதினை விஞ்ஞானிகள் கண்டுபிடித்துள்ளார்கள்.

4. மனிதனின் இதய துடிப்பு ஒரு நாளைக்கு 100,000 தடவைகளும் ஒரு வருடத்திற்கு 30 மில்லியன் தடவைகளும் வாழ் நாளில் 2.5 பில்லியன் தடவைகளும் துடிக்கின்றன .
5. ஒரு மனிதனின் வாழ்நாளில் சராசரியாக 1 மில்லியன் பேரல் இரத்தத்தை பம்பு (pump) பண்ணுகிறது. (ஒரு பேரல் என்பது 117.34 லிட்டேர்கள் …நீங்களே கணக்கிட்டு கொள்ளுங்கள்)

6. பல் ஈறுகளில் நோய்தொற்று உள்ளவர்களுக்கு மாரடைப்பு வரைவதற்கு வாய்ப்புகள் அதிகம்.

7. நம் இதயத்தின் அளவு நமது கையின் ஒரு பிடி அளவே (clenched fist).

8. கருவில் உருவாகும் முதல் உறுப்பு இதயமே.

9. நாம் இதயத்தின் மேல் கை வைஎன்றால் உடனடியாக நாம் நமது கையை நெஞ்சின் இடதுபக்கம் வைப்போம் ஆனால் இதயம் நெஞ்சின் நடுவில்தான் இரண்டு நுரைஈரல்லுக்கும் மத்தியில் இருக்கிறது. இதயத்தின் அடிபகுதி மட்டுமே சற்று இடப்பக்கம் சாய்ந்து இருக்கும் எனவேதான் நாம் அவ்வாறு உணருகிறோம்.

10. லப்..டப் ..லப்..டப் ..என்னும் சத்தம் நமது இதயம் ஏற்படுத்துகிறது என்பது
நமக்கு தெரியும். நமது இதயத்தின் வால்வுகள் திறந்து மூடும் போதே இந்த
சத்தம் உருவாகிறது

`கட்டுப்படியாகும் விலை’: இதுவே மந்திரம்!-சொந்த வீடு

சொந்த வீடு தேடுவோர் முதல், குடியிருப்பு அமைப்பு நிறுவனங்கள், வீட்டு வசதி நிதி நிறுவனங்கள், வங்கிகள் வரை 2010-ல் எல்லோரது `தாரக மந்திரம்’- கட்டுப்படியாகக்கூடிய விலை.

இந்த ஓர் அம்சம்தான் இத்துறையின் வருங்காலத்தைத் தீர்மானிக்கப் போகிறது, இதன் உண்மையான வளர்ச்சி சாத்தியத்தையும் எட்டுவதற்கு உதவப் போகிறது.

`கட்டுப்படியாகும் விலை’ என்பது, எப்போதையும் விட வீட்டு வசதித் துறையில் பெரும் பணப் பரிமாற்றத்தை ஏற்படுத்தப் போகிறது, நாடு முழுவதும் வீடு தேடும் கோடிக்கணக்கானோரின் கனவுகளைப் பூர்த்தி செய்யப் போகிறது.

நாட்டு மக்களின் குடியிருப்புத் தேவையைப் பூர்த்தி செய்வதில் அரசு கவனம் செலுத்தத் தொடங்கியிருக்கும் காலகட்டம் இது. இந்நிலையில், `இந்திய ரியல் எஸ்டேட் டெவலப்பர் சங்கங்களின் கூட்டமைப்பு’, `நாட்கான் 2010′ என்ற மாநாட்டைச் சமீபத்தில் துபாயில் நடத்தியது. `ரியல் எஸ்டேட்’ துறையில் உள்ள அனைவரையும் ஒருங்கிணைத்து, இத்துறையின் பல்வேறு விஷயங்கள் குறித்து அவர்களது கருத்துகளைப் பகிர்ந்து கொள்வதே இம்மாநாட்டின் நோக்கம்.

இந்த முன்று நாள் மாநாட்டின்போது பல்வேறு விவாதங்கள், கலந்துரையாடல்கள் நடைபெற்றன. முக்கியமான விஷயங்களான செலவு, தொழில்ட்ப உயர்வு, வாடிக்கையாளர்களுக்குக் கடனுதவி அளிப்பது, சந்தைகள், வீட்டை விற்ற பிறகும் அதைச் சிறந்த முறையில் பராமரிப்பதற்கான முறை, தரத்தில் சமரசம் செய்துகொள்ளாமல் அதிகமான கட்டுமானத்தை மேற்கொள்வது போன்றவை விவாதிக்கப்பட்டன. இவையெல்லாம் சேர்ந்து, நம் நாட்டில் கட்டுப்படியாகக் கூடிய குடியிருப்பு என்ற விஷயத்தை நனவாக்கும் என்பது நோக்கம். காரணம், `நாட்கான்’ மாநாட்டில், `கட்டுப்படியாகக்கூடிய விலை’ என்பதே அடிப்படைக் கருத்தாக எடுத்துக்கொள்ளப்பட்டது. வீட்டு வசதித் துறையின் முக்கியமான விஷயங்கள் குறித்த கருத்துகள், பார்வைகள் வெளியிடப்படும் இடமாகவும் இம்மாநாடு அமைந்திருந்தது.

விவாதங்கள், ஆய்வுக் கண்டுபிடிப்புகள், தீர்வு சார்ந்த விவாதங்கள் முலமாக, `ரியல் எஸ்டேட்’ துறையில் அண்மைக்கால மாற்றங்கள், எதிர்காலத்துக்கான வழியைத் தீர்மானித்தல் என்பவை குறித்துக் கருத்தில் கொள்ளப்பட்டது.

`கட்டுப்படியாகக்கூடிய வீட்டு வசதி’ என்பதன் பல்வேறு பரிமாணங்கள் அலசப்பட்டன. அது தொடர்பான விஷயங்கள், தீர்வுகள் குறித்து விவாதிக்கப்பட்டது.

இதில் முக்கியமாகக் கவனத்தில் கொள்ளவேண்டிய விஷயங்கள் குறித்து நீளமாகப் பேசப்பட்டது. அதன் முலம் வளர்ந்து வரும் வீட்டுத் தேவையைப் பூர்த்தி செய்வது, நாட்டின் பொருளாதார வளர்ச்சிக்கு உதவுவது என்று முடிவு செய்யப்பட்டது.

இந்தியாவின் முன்னணி வீடு, அடுக்குமாடி குடியிருப்பு அமைப்பு நிறுவனங்கள், நிதி நிறுவனங்கள், நிதி மேலாண்மை நிறுவனங்கள், வங்கியாளர்கள், ஆராய்ச்சியாளர்கள், ரியல் எஸ்டேட் தொழில் நிபுணர்கள், மதிப்புமிக்க சர்வதேச வல்லுநர்கள் பங்கேற்று, `கட்டுப்படியாகக்கூடிய விலை’ என்ற கருத்தின் அடிப்படையில் தகவல்களை அளித்தனர், விவாதித்தனர்.

இந்த மாநாட்டின் தலைமை விருந்தினராகப் பங்கேற்றவர், தீபக் பரேக். இவர், `ஹவுசிங் டெவலெப்மெண்ட் பைனான்ஸ் கார்ப்பரேஷன் லிமிடெட்டின்’ (எச்டிஎப்சி) தலைவர் ஆவார். இந்திய அரசால் உருவாக்கப்பட்ட, `அனைவருக்கும் கட்டுப்படியாகக் கூடிய வீடு’ திட்டத்துக்கான உயர்மட்டச் செயற்குழுத் தலைவராகவும் தீபக் பரேக் உள்ளார்.

`கட்டுப்படியாகக் கூடிய விலை’ என்பதன் தற்போதைய நிலை, இத்துறையில் எதிர்கால நிலை குறித்த முக்கியமான விஷயங்களை இவர் பகிர்ந்துகொண்டார்.

`கட்டுப்படியாகும் விலை’ என்பது சார்ந்த, அம்மாதிரியான வீடுகள் அமைப்பதற்கு தொழில்நுட்பத் தீர்வுகள், நிதி வசதி, இவ்விஷயத்தில் அறிந்துகொள்ளப்பட்ட முக்கியமான விஷயங்கள், வங்கி, நிதித் துறையில் முன்னணியில் உள்ளவர்களின் ஆய்வுகள் `நாட்கான்’ மாநாட்டில் முக்கிய இடம் பெற்றன.

இவை எல்லாம் சேர்ந்து, `கட்டுப்படியாகும் விலையில் வீடு’ என்ற சாதாரண மக்களின் கனவை நனவாக்கும் பயணத்தைத் தொடங்கிவைக்கும் என்று எதிர்பார்க்கப்படுகிறது.

நீங்களும் பெறலாம் பட்டு போன்ற மேனி

தினமும் நமக்கு கிடைக்க வேண்டிய சத்துக்கள் உணவுகள் முலம் கிடைத்தால்தான் ஆரோக்கியம் சீராக இருக்கும். அதற்கு சரிவிகித உணவு அவசியம்.

அந்தவகையில், என்னென்ன சருமம் கொண்டவர்கள் என்னென்ன உணவு வகைகளை சாப்பிடலாம்? அதனால் அவர்களுக்கு ஏற்படும் நன்மைகள் என்ன? என்பது பற்றி பார்ப்போம்.

எண்ணெய் பசை சருமம் :

எண்ணெய்ப் பசை சருமம் ஒருவரது அழகையே பாழா க்கிவிடும். எப்போது பார்த்தாலும் முகத்தில் எண்ணெய்ப் பசை வழிந்து கொண்டே இருக்கும். இதை துடைத்து அப்புறப்படுத்துவதற்கு என்றே ஒரு கர்ச்சிப் வைத்திருக்க வேண்டும். இந்த எண்ணெய்ப் பசை சருமத்தால் பொடுகு, பருக்கள் வர அதிக வாய்ப்புகள் உண்டு. அதனால், இந்த சருமம் உள்ளவர்கள் தலையினை சுத்தமாக வைக்க வேண்டும். இவர்கள் வாரம் ஒருமுறை முகத்துக்கு ஆவி பிடிப்பதும் நன்மை தரும். இதனால் முகத்தில் உள்ள அழுக்குகள் வெளியாகும்.

இவர்கள் உணவில் பச்சைக் காய்கறிகளை அதிகம் எடுத்துக்கொள்ள வேண்டும். இவை தவிர, சாலட், பழங்கள் அதிகம் சேர்க்கலாம். கொழுப்பு நீக்கிய பால், தயிர், மோர் ஆகியவையும் நன்மை தரும். உணவில் அடிக்கடி முளைக் கட்டிய பயிறு வகைகளை சேர்த்துக்கொள்வது இன்னும் நன்மையளிக்கும்.

உலர்ந்த சருமம் :

இவர்களின் சருமம் எப்போதும் `டல்’ ஆகவே இருக்கும். இவர்களுக்கு சீக்கிரமே முகச்சுருக்கம் வர வாய்ப்புகள் உண்டு. இவர்கள் வைட்டமின்கள் நிறைந்த உணவுகளையும், தாது உப்புசத்துகள் நிறைந்த உணவுகளையும் அதிகம் எடுத்துக்கொள்வது நல்லது. மலச்சிக்கல் ஏற்படாமல் பார்த்துக்கொள்ளவதும் அவசியம்.

சாதாரண சருமம் :

இவர்களுக்கு சருமம் சம்பந்தப்பட்ட பிரச்சினைகள் மற்றவர்களுடன் ஒப்பிடும்போது மிகவும் குறைவே. இவர்கள் எந்த வகை உணவையும் எடுத்துக்கொள்ளலாம். இருந்தாலும், அளவுக்கு மிஞ்ச வேண்டாம்.

அதிகமாக மோர், தண்ணீர் குடிப்பதும், எண்ணெய் உணவுகள் மற்றும் அசைவ உணவுகளை குறைந்த அளவில் எடுத்துக்கொள்வதும் இவர்களது சருமத்தை பட்டுப்போன்ற அழகுடன் வைத்திருக்கும்.