Advertisements

Daily Archives: பிப்ரவரி 15th, 2010

2009ஆம் ஆண்டின் இன்டர்நெட் புள்ளி விபரங்கள்

நடந்து முடிந்த 2009ஆம் ஆண்டின் இன்டர்நெட் புள்ளி விபரங்கள் கிடைத்துள்ளன. மொத்தம் அனுப்பப்பட்ட இமெயில்கள் – 90 ட்ரில்லியன். நாளொன்றுக்கு சராசரியாக 24.7 கோடி இமெயில்கள் அனுப்பப்பட்டன. உலக அளவில் 140 கோடி பேர் இமெயில்களைப் பயன்படுத்தினர். இந்த ஆண்டில் புதிதாய் இமெயில் அனுப்பி யவர்கள் 10 கோடி. மொத்த இமெயில்களில் குப்பையாக மொத்தமாக அனுப்பப்பட்டவை 81சதவீதம். ஆண்டின் இறுதியில் இந்த ஸ்பேம் மெயில்கள் 92 சதவீதம் வரை உயர்ந்தன. சென்ற ஆண்டு மட்டும் ஸ்பேம் மெயில்களின் எண்ணிக்கை 24 சதவீதம் உயர்ந்திருந்தது. நாளொன்றுக்கு ஏறத்தாழ 20,000 கோடி ஸ்பேம் மெயில்கள் அனுப்பப்பட்டன. டிசம்பர் இறுதியில் மொத்தம் 23.40 கோடி இணையதளங்கள் இருந்தன. இவற்றில் 4.7 கோடி இணையதளங்கள், 2009ல் உருவாக்கப்பட்டவை. மொத்த தளங்களில் .COM என்ற வகை தளங்கள் 8.18 கோடி, .NET என்ற பெயரில் 1.23 கோடி, .ORG என்ற வகையில் 78 லட்சம், .IN போன்ற நாட்டின் துணைப் பெயர்களில் 7,63 கோடி இருந்தன. முந்தைய ஆண்டைக் காட்டிலும் இன்டர்நெட் பயன்படுத்து வோர் எண்ணிக்கை 18% உயர்ந்திருந்தது. ஆசியா – 73,82,57,230, ஐரோப்பா – 41,80,29,796, அமெரிக்கா 25,29,08,000, கரிபியா, லத்தீன் அமெரிக்க நாடுகள் – 17,90,31,479, ஆப்பிரிக்கா – 6,73,71,700, மத்திய கிழக்கு நாடுகள் – 5,74,25,046, ஆஸ்திரேலியா, ஓசியானியா நாடுகள் – 2,09,70,490. பிளாக்குகள் எனப்படும் சிறிய வலை மனைகளின் எண்ணிக்கை 2009 ஆம் ஆண்டில் 12.6 கோடி. ஆண்களைக் காட்டிலும் பெண்களின் வலைமனை 84 சதவீதம் கூடுதலாகும். பேஸ்புக் தளத்தில் உள்ள மக்களின் எண்ணிக்கை 35 கோடி. இவர்களில் 50சதவீதம் பேர் நாள்தோறும் இதனைப் பயன்படுத்தினர். 5 லட்சம் பேர் தொடர்ந்து பயன்படுத்து பவர்களாக இருந்தனர். 2009 டிசம்பரில் பிரவுசர் பயன்பாடு கீழ்க்குறித் தபடி இருந்தது. இன்டர்நெட் எக்ஸ் புளோரர் – 62.7சதவீதம், பயர் பாக்ஸ் 24.6 சதவீதம், குரோம் 4.6 சதவீதம், சபாரி 4.5சதவீதம், ஆப்பரா 2.4 சதவீதம், மற்றவை 1.2 சதவீதம்.

Advertisements

கண்டறிந்து மாற்று (Find and Replace)

வேர்ட் டாகுமெண்ட்டில் ஏதேனும் ஒரு சொல் அல்லது சொல் தொடருக்குப் பதிலாக நாம் வேறு சொற்களை அல்லது சொல் தொடர்களை அமைக்கலாம். இதற்காக ஒவ்வொன்றாகத் தேடித் தேடி அமைக்க வேண்டிய தில்லை. இந்த தொகுப்பில் உள்ள Find and Replace டூல் இந்த செயலை மேற்கொள்ளும். ஆனால் இதிலும் ஒரு சிக்கல் உள்ளது. நாம் மாற்றி அமைக்க விரும்பும் டெக்ஸ்ட் 255 கேரக்டர்களுக்குள் இருக்க வேண்டும். இல்லையே சிக்கல் ஏற்படும். அல்லது ஏதேனும் கிராபிக் ஆப்ஜெக்டாக இருந்தாலும், இதன் மூலம் மேற்கொள்ள முடியாது. ஆனால் இந்த விதியை நாம் மாற்ற முடியும். அதற்கான வழியை இங்கு பார்க்கலாம்.
1. முதலில் எந்த டெக்ஸ்ட் அல்லது கிராபிக்ஸ் படத்தை மாற்ற வேண்டுமோ, அதனை காப்பி செய்து கிளிப் போர்டுக்குக் கொண்டு செல்லுங்கள். காப்பி செய்தாலே அது கிளிப் போர்டில் அமர்ந்து கொள்ளுங்கள்.
2. அடுத்து எடிட் (Edit) மெனு செல்லுங்கள். வேர்ட் 97 மற்றும் பின்னர் வந்தவேர்ட் தொகுப்புகளில் Find and Replace பாக்ஸ் கிடைக்கும். அதற்கு முந்தைய தொகுப்புகளில் (இன்னும் நீங்கள் பயன்படுத்திக் கொண்டிருந்தால்) ரீபிளேஸ் டயலாக் பாக்ஸ் தனியே கிடைக்கும்.
3. Find What பாக்ஸில், எந்த டெக்ஸ்ட்டின் இடத்தில் நீங்கள் விரும்பும் டெக்ஸ்ட் அல்லது படத்தை ரீபிளேஸ் செய்திட வேண்டும் என்பதனை அமைத்திடுங்கள்.
4. அடுத்து Replace With பாக்ஸில் ^c அழுத்துங்கள். இந்த கட்டளை வேர்டுக்கு கிளிப் போர்டில் உள்ளதை இங்கு கொண்டு வா என்று சொல் கிறது.
5. அடுத்து Find Next என்பதில் கிளிக் செய்தி டவும்.
இப்படி யே நீங்கள் விரும்பிய வகையில் ரீபிளேஸ் செய்திடலம.

பி.டி.எப். பைல் தரும் புரோகிராம்கள்

பி.டி.எப். பைல் தரும் புரோகிராம்கள்

டாகுமெண்ட் பார்மட்களில், பயன்பாட்டில் நமக்கு அதிகம் உதவுவது பி.டி.எப். (PDFPortable Document Format) பார்மட் ஆகும். இதனை உருவாக்க அடோப் சாப்ட்வேர் ஒன்று விற்பனை செய்யப்படுகிறது. பி.டி.எப். டாகுமெண்ட்களைப் படிக்க அடோப் ரீடர் இலவசமாய் இணையத்தில் கிடைக்கிறது. பைல்களை (எக்ஸெல், வேர்ட், பி.பி.டி., போன்றவற்றை) பி.டி.எப். பைலாக மாற்ற வேண்டிய அப்ளிகேஷன் புரோகிராம் கட்டணம் செலுத்தித்தான் பெற வேண்டும். ஆனால் அதே நேரத்தில் பி.டி.எப். பைல்களை உருவாக்கவும், உருவாக்கிய பைல்களைப் பிரித்து வைக்கவும், பகுதி பகுதியாக அவற்றை அமைக்கவும், ஒன்றுக்கு மேற்பட்ட பி.டி.எப். பைல்களை இணைக்கவும் இணையத்தில் பல புரோகிராம்கள் கிடைக்கின்றன. அவற்றை இங்கு பார்க்கலாம்.

1. பி.டி.எப். மேக்கர் (PDF Maker from http://www.pdfmaker.biz/): ஒரே கீ கிளிக்கில் பி.டி.எப். பைலாக மாற்றும் திறன் கொண்டது இந்த சாப்ட்வேர். எந்த டெக்ஸ்ட் எடிட்டரிலும் டாகுமெண்ட் ஒன்றை தயாரித்துவிட்டு, இந்த தளம் சென்று டவுண்லோட் பட்டனில் கிளிக் செய்தால் உங்கள் கம்ப்யூட்டர் லோக்கல் டிரைவில், பைலுக்கான பி.டி.எப். டாகுமெண்ட் கிடைக்கும். எந்த பைல் வகையாக இருந்தாலும் பி.டி.எப். டாகுமெண்ட்டை இந்த தளம் தரும். அத்துடன் இதற்கு பாஸ்வேர்ட் கொடுத்து பாதுகாக்கலாம். புதிய டெக்ஸ்ட்டை இணைக்கலாம். பி.டி.எப். ஆன பின்னும் டெக்ஸ்ட்டில் அடிக்கோடிடலாம்; போல்ட் செய்திடலாம்; புதிய படங்களைச் சேர்க்கலாம்; ஏற்கனவே இருக்கிற கிராபிக்ஸ் ஆப்ஜெக்டை நீக்கலாம். பி.டி.எப். ஆன பக்கங்களை சுருக்கலாம், நகர்த்தலாம், ஒன்றுடன் ஒன்றை இணைக்கலாம். என்கிரிப்ட் மற்றும் டி கிரிப்ட் செய்திடலாம்.

2. பி.டி.எப் – டு – வேர்ட் (PDF2Word from http://www.pdfonline.com/pdf2word /index.asp): எந்தவிதமான சிக்கலும் இன்றி பி.டி.எப். பார்மட்டில் உள்ள பைலை மீண்டும் வேர்ட் டாகுமெண்ட்டாக மாற்றலாம். எந்த புரோகிராமினையும் டவுண்லோட் செய்து இன்ஸ்டால் செய்திட வேண்டியதில்லை. இந்த தளம் சென்று, உங்கள் கம்ப்யூட்டரில் பிரவுஸ் செய்து,பி.டி.எப். பைலைத் தேர்ந்தெடுத்து அப்லோட் செய்தால், அது வேர்ட் பைலாக மாற்றம் செய்யப்பட்டு உங்களுக்குக் கிடைக்கும். இது போல மேலும் ஆறு புரோகிராம் களைப் பயன்படுத்திப் பார்த்ததில், இதுதான் மிகச் சிறந்ததாகவும், வேகமாகவும் செயல்படும் புரோகிராமாகத் தெரிகிறது. பி.டி.எப்.பைல்களை வேர்டுக்கு மாற்றம் செய்து, பின் அவற்றை எடிட் செய்து, பின் மீண்டும் பி.டி.எப். ஆக மாற்றம் செய்திட விரும்புவோருக்கு இது மிகவும் பயன்படும்.

3. பி.டி.எப். கிராக் (PDFCrack): நீங்கள் ஒரு பி.டி.எப். பைலை பாஸ்வேர்டுடன் உருவாக்கிய பின் பாஸ்வேர்டை மறந்துவிட்டீர்கள். கவலையே வேண்டாம். http://www.ensode.net/pdfcrack.jsf என்ற முகவரியில் உள்ள தளம் செல்லுங்கள். அங்கு Browse என்ற பீல்டில் கிளிக் செய்து உங்கள் பைல் எங்கு உள்ளது என்று காட்டவும். உடன் அந்த திறக்கப்படும். அது மட்டுமின்றி, பி.டி.எப். பைலை உருவாக்கியவர் இதில் காட்டிய வரையறைகள் எதுவும் இல்லாமல், அந்த பைல் புதிய பிரவுசர் விண்டோவில் காட்டப்படும்.

4. பி.டி.எப். டு எக்ஸெல் ஆன்லைன் (pdftoexcelonline): எக்ஸெல் ஒர்க்ஷீட்கள் பி.டி.எப். பார்மட்டில் கிடைத்தால், அதனை மீண்டும் எக்ஸெல் ஒர்க் ஷீட்டாக மாற்ற http://www.pdftoexcelonline.com என்ற முகவரியை அணுகவும். எக்ஸெல் பைல் உங்களுக்கு இமெயில் வழியே அனுப்பப்படும்.

5. பி.டி. பைண்ட் (PD Find): கூகுள் மற்றும் பிங் போன்ற தளங்கள் வழியே நீங்கள் பைல்களைத் தேடிப் பெறலாம். ஆனால் சில வேளைகளில்நீங்கள் தேடும் சொற்களை பி.டி.எப். பைல்களில் மட்டும் தேடிப் பெற வேண்டியதிருக்கும். இந்த (http://pdfind.com)தளத்தில் தேடும் சொற்களைக் கொடுத்தால், அவை உள்ள பி.டி.எப். பைல்கள் இருக்கும் இடம், அந்த பைல் எந்த மொழியில் எழுதப்பட்டது என்ற விபரங்களுடன் காட்டப்படும்.

6. பி.டி.எப். வியூ (PDFVue): அடோப் அக்ரோபட் ரீடர் செய்திடும் உதவியை இந்த தளம் ஆன்லைனில் நமக்குத் தருகிறது. http://www.pdfvue.com என்ற தளத்தில் இது கிடைக்கிறது. உங்கள் டாகுமெண்ட்டை இதில் அப்லோட் செய்து பி.டி.எப். பைலாகவும் மாற்றி எடிட் செய்திடலாம்.

7.எச்.டி.எம்.எல். டு பிடிஎப் கன்வெர்டர் (Html to PDF Coverter): எந்த ஒரு இணைய தளத்தினையும் அல்லது எச்.டி.எம்.எல். பைலையும் பி.டி.எப். பைலாக மாற்றித் தரும். செல்ல வேண்டிய தளம் http://htmlpdfconverter.com

8. மெர்ஜ் பிடிஎப் (Merge PDF): எந்த சாப்ட்வேர் தொகுப்பையும் டவுண்லோட் செய்து இன்ஸ்டால் செய்திடாமல், அதிக பட்சம் பத்து பி.டி.எப். பைல்களை இணைக்கலாம். இதனை மேற்கொள்ள நீங்கள் செல்ல வேண்டிய தள முகவரி http://www.mergepdf.net. ஒவ்வொரு பைலும் 5 எம்பி க்கு மிகாமல் இருக்க வேண்டும். ஒரு நேரத்தில் 10 பைல்களை இணைக்கலாம். பி.டி.எப். பைல்களை உங்கள் கம்ப்யூட்டரில் தேர்ந்தெடுத்து அப்லோட் செய்தால் போதும்.

9.கவுண்ட் ஆன் இட் (Count On It): பி.டி.எப். டாகுமெண்ட் ஒன்றில் உள்ள கேரக்டர்களையும் சொற்களையும் எண்ணி அறிய வேண்டுமா? 1 எம்பி வரை உள்ள பி.டி.எப். பைல்களை இதன் மூலம் பயன்படுத்தி எண்ணிக்கையைப் பெறலாம். http://felixcat.com/tools/wordcount/ என்ற முகவரியில் உள்ள தளத்தில் இந்த வசதி கிடைக்கிறது. PDF, HTML, XML, CSV,, பார்மட் பைல்களை மட்டுமே சப்போர்ட் செய்திடும். எம்.எஸ். ஆபீஸ் பைல்களை பயன்படுத்தாது.

10. ஸ்பீடி பி.டி.எப். (SpeedyPDF): இது ஒரு சிறிய அப்ளிகேஷன். இந்த புரோகிராமினை டவுண்லோட் செய்து இன்ஸ்டால் செய்துவிட்டால், இது ஒரு பிரிண்டராக உங்கள் கம்ப்யூட்டரில் அமர்ந்துவிடும். நீங்கள் பி.டி.எப்.பார்மட்டில் ஒரு பைலை மாற்ற வேண்டும் என்றால், அதனை பிரிண்ட் கட்டளை கொடுத்து, கிடைக்கும் டயலாக் பாக்ஸில் பிரிண்டராக ஸ்பீடி பிடிஎப் தேர்ந்தெடுக்க வேண்டும். பைல் பி.டி.எப். பைலாக மாற்றித் தரப்படும். செல்ல வேண்டிய தள முகவரி http://www.brothersoft.com/ speedypdf30012.html

சூடாக டீ குடிப்பவரா?

சூடாக தேநீர் குடிப்பவரா நீங்கள்? அப்படி என்றால், இனி கொஞ்சம் சூட்டை குறைத்துக்கொண்டு விடுங்கள்!
“மிகவும் சூடாக டீ குடிப்பதால் உணவுக்குழாய் கேன்சர் வரும் ஆபத்து அதிகமாக இருக்கிறது’ என்று இந்திய மருத்துவ நிபுணர்கள் மேற்கொண்ட ஆய்வில் கண்டுபிடிக்கப்பட்டுள்ளது. இந்த ஆய்வு முடிவை, சர்வதேச நிபுணர்களும் ஒப்புக் கொண்டுள்ளனர்.
காபி, டீ மற்றும் சில வகை பானங்களை சூடாக சாப்பிடுவதை பலரும் விரும்புகின்றனர். சிலர் தான், நன்றாக சூடு ஆறிய பின் குடிக்கும் பழக்கம் கொண்டுள்ளனர். இது ஒரு வகையில் உடலுக்கு மிகவும் நல்லது என்று தெரிகிறது.
தென் மாநிலங்களில், குறிப்பாக தமிழ் நாட்டில் தான் காபி குடிக்கும் பழக்கம் பரவலாக உள்ளது. காஷ்மீர் முதல் கன்னியாகுமரி வரை எடுத்துக்கொண்டால், எவருமே டீ குடிப்பதை தான் விரும்புகின்றனர்.
காலையிலும் டீ குடித்தால் தான் பத்திரிகை யையே படிக்க தோன்றும் சிலருக்கு; இன்னும் சிலருக்கு படுக்கையிலேயே டீ வந்தாக வேண்டும். “பெட் டீ’ குடித்தபின் தான் திருப்பள்ளியெழுச்சி நடக்கும். அந்த அளவுக்கு டீ மோகம் உள்ளது.
“காலையில் எழுந்தாலும் சரி, மற்ற நேரங்களிலும், சூடா ஒரு டீ குடித்தால் போதும்… உடல் இன்ஜினுக்கு பெட்ரோல் போட்ட மாதிரி; அப்புறம் தான் வேலையே ஓடும்’ என்று பலர் குறிப்பிடுவதை கேட்டிருப்பீர்கள்.
ஆபீசில் வேலை செய்வோரும், தொழிற் சாலைகளில் பணியாற்றும் தொழிலாளர்களும் மணிக்கொரு தரம் டீ குடித்தால் தான் சோர்வு நீங்கியது போல உணர்வர்; தம்மாத்தூண்டு டம்ளரில் கொடுத்தாலும், அதை குடித்தால் தான் சுறுசுறுப்பே வரும்.
அதிக சூடாக டீ குடிப்பதால் ஏற்படும் உடல் கோளாறு பற்றி கடந்த சில ஆண்டாக மேற்கொண்டு வந்த ஆய்வில் இந்திய நிபுணர்கள் ஆபத்தான சில உண்மைகளை கண்டுபிடித்துள்ளனர்.
ஆய்வு முடிவுகளில் அவர்கள் கூறியிருக்கும் சில தகவல்கள்:
* வாய் முதல் இரைப்பை வரை உள்ள உணவுக்குழாய் மிகவும் மிருதுவானது; குறிப்பிட்ட அளவில் தான் சூட்டை அது தாங்கும். அதிகமானால், அதன் சுவர் அரிக்கத் துவங்கி விடும்.
* அதிகமான சூட்டுடன் டீ குடித்தால் , உணவுக்குழாய் சுவர்கள் வெகுவாக பாதிக்கப்படுகின்றன; அதன் சுவர்கள் அரிக்கப்பட்டு, திசுக்கள் பலவீனம் அடைகின்றன.
* இதனால், சுவர்ப்பகுதியில் உணவுக்குழாய் கேன்சர் கட்டி ஏற்படும் ஆபத்து உள்ளது.
மற்றவர்களை விட, சில பழக்க வழக்கங்களை கடைபிடிப்பவர்களுக்கு கேன்சர் ஆபத்து அதிகம்.
* பான் பராக், புகையிலை போன்றவற்றை சுவைப்பவர்களுக்கு 1.1 மடங்கு கேன்சர் வாய்ப்பு அதிகம்.
* பீடி குடிப்போருக்கு 1.8 மடங்கு கேன்சர் ஆபத்து உள்ளது.
* சிகரெட் பிடிப்போருக்கு இரண்டு மடங்கு கேன்சர் அபாயம் உள்ளது.
* மது குடிப்போருக்கு கேன்சர் அபாயம் 1.8 மடங்கு.
* அதிக சூட்டுடன் டீ குடிப்போருக்கு, கேன்சர் வரும் வாய்ப்பு இவர்களை விட, நான்கு மடங்கு அதிகமாக உள்ளது.
* வெயில் பருவத்தை விட குளிர்காலத்தில், குளிர் பிரதேசத்தில் உள்ளவர்கள் சூடாக டீ குடித்தால் அவர்களுக்கு இந்த வாய்ப்பு அதிகம்.
* சூடான பிரதேசங்களில் உள்ளவர்களுக்கு ஓரளவு பாதிப்பு வாய்ப்பு குறைவு தான்.
இவ்வாறு ஆய்வு முடிவுகளில் தெரிய வந்துள்ளது.
அதிக சூடாக டீ குடித்தால் தான் கேன்சர் வரும்; அதிக சூடாக காபி குடித்தால்…? இப்படி காபி குடிப்பவர் களுக்கு கேன்சர் வாய்ப்பு அதிகரித்ததே இல்லை என்று ஆய்வில் தெரிய வந்துள்ளது.
மும்பையில் உள்ள டாடா நினைவு மருத்துவமனை நிபுணர்கள் இந்த ஆய்வை மேற்கொண்டனர். இவர்களின் ஆய்வு முடிவுகளை சர்வதேச நிபுணர்கள் ஏற்றுக் கொண்டுள்ளனர்.
டாடா நிபுணர்கள்,தங்கள் ஆய்வுக்கு காஷ்மீரில் 1,500 பேரிடம் சர்வே எடுத்துள்ளனர். அவர்களில் அதிக சூடாக டீ குடிப்போருக்கு கேன்சர் ஆபத்து உள்ளதை உறுதி செய்தனர். ஆண்டுக்கு, இப்படிப்பட்டவர்களில் சராசரியாக 800 பேருக்கு கேன்சர் வருவதும் தெரிய வந்துள்ளது.
அமெரிக்காவிலிருந்து வெளிவரும் சர்வதேச கேன்சர் ஆராய்ச்சி இதழ், “இன்டர்நேஷனல் கேன்சர் எபிடமாலஜி’யில் இந்த ஆய்வு முடிவுகள் வெளிவந்துள்ளன. அது சரி, நீங்கள் அதிக சூடாக டீ குடிப்பவரா? அப்படீன்னா, இனி குடிக்க மாட்டீங் கல்ல…?

இன்டர்நெட்டில் அதிக நேரம் செலவழிப்பவரா?உஷார் மனஅழுத்தமும் அதிகமாகலாம்

இன்டர்நெட்டில் அதிகநேரம் செலவழிப்பவர்களுக்கு மன அழுத்தமும் அதிகமாகும் என்று சமீபத்திய ஆய்வு முடிவு ஒன்று தெரிவிக்கிறது.

பிரிட்டனில் உள்ள லீஸ் பல்கலைக்கழகத்தைச் சேர்ந்த பிரபல ஆராய்ச்சியாளர் காத்ரியோனா மோரிசன் என்பவர் இதுகுறித்து “டெய்லி மெயில்’ பத்திரிகையில் கூறியதாவது:இந்த ஆய்வு இணையதளத்தில் கேள்விகள் கேட்கப்பட்டு, அதன் மூலம் நடத்தப்பட்டது. இதில், 1,319 பேர் பதிலளித்துள்ளனர். 16 வயதிலிருந்து 51 வயது வரை அவர்களுக்கு ஏற்ப கேள்விகள் கேட்கப்பட்டிருந்தன. அவர்கள் அளித்த பதிலிலிருந்து மன அழுத்தப் பாதிப்பு கணக்கிடப்பட்டது.இன்றைய நவீன உலகில் இன்டர்நெட் பல பயன்களை அளித்த போதும், அவை மற்றொரு இருளான பக்கத்தையும் கொண்டிருக்கின்றன. தினசரி, தாங்கள் வாங்கிய பொருட்களுக்குக் கட்டணம் கட்டுவதிலிருந்து பொழுதுபோக்கிற்காக விளையாடுவது வரை இன்டர்நெட்டில் எவ்வளவு நேரம் செலவழிக்கின்றோம் என்பதே தெரியாமல் இருப்பவர்களும் இருக்கத்தான் செய்கின்றனர்.மன அழுத்தத்துக்கும் இன்டர்நெட்டில் அதிக நேரம் செலவழிப்பதற்கும் நெருங்கிய பிணைப்பு இருக்கிறது.

செலவழிக்கும் நேரம் அதிகம் ஆக ஆக மன அழுத்தமும் அதிகமாகிறது. இவர்களில், 18 பேர் ஒரு நாளைக்கு மிக அதிக நேரம் இன்டர்நெட்டில் செலவழிக்கின்றனர். இவர்களை “இன்டர்நெட்டுக்கு அடிமையானவர்கள்’ என்று வகைப்படுத்தலாம்.சாதாரண மக்களை விட இன்டர்நெட்டில் நேரம் அதிகமாக செலவழிப்பவர்களின் மன அழுத்தம் ஐந்து மடங்கு அதிகமாக இருக்கிறது. சராசரியாக 21 வயதுடையவர்கள், ஆபாச தளங்கள், விளையாட்டுத் தளங்கள், ஆன்-லைன் விவாதக் குழுத் தளங்கள் இவற்றில் தான் அதிக நேரத்தை செலவழிக்கின்றனர்.இவ்வாறு மோரிசன் தெரிவித்தார்.

அதிசய கிளிப் பூ!

இந்த உலகில் ஒவ்வொன்றும் அதிசயம். இயற்கையை ரசிக்கும் யாரும் கவிஞராகலாம். கவிஞர் ஆனாலும் வார்த்தைகளுக்கு பஞ்சம் ஏற்படலாம், அதிசயங்களுக்குப் பஞ்சமே வராது.

ஒவ்வொரு பூவுமே புன்னகையோடு சொல்கிறது, இயற்கையின் பேரதிசயங்களை. அப்படியொரு அதிசயப் பூதான் இந்த பறக்கும் கிளி வடிவத்திலான பூ. வடிவத்தில் மட்டும் பூப்போல இல்லாமல் சிறகு, அலகு, உடல் என ஒவ்வொரு பாகமும் வேறுவேறு வர்ணங்களில் இருப்பது பஞ்சவர்ணக் கிளியை நினைவுபடுத்துகிறது.

தாய்லாந்தில் காணப்படும் `பேரட் பிளவர்’ என்னும் இந்த அதிசயப் பூச்செடி அழியும் நிலையில் பாதுகாக்கப்படும் ஒரு செடியாக இருந்து வருகிறது. சமீபத்தில் இந்தச் செடி பூத்துக் குலுங்கியது. கிளையில் இருக்கும் கிளிகள் இறங்கி காம்பில் தொங்குகிறதோ என்று அதிசயப்பட வைக்கும் காட்சியைத்தான் நீங்கள் ரசித்துக் கொண்டிருக்கிறீர்கள்.

சூரிய குளியலும் பாலியல் உணர்வை தூண்டும் : புதிய ஆய்வு

வயாகரா மாத்திரை ஆண்களின் பாலியல் உணர்வை தூண்டும் என்ற கருத்து நிலவி வருகிறது.  இனி வயாகரா தேவையில்லை.  சூரிய குளியலே போதும் என்று விஞ்ஞானிகள் கண்டு பிடித்துள்ளனர்.ஆஸ்திரியாவில் உள்ள கிரேஷ் மருத்துவ பல் கலைக்கழகத்தில் ஒரு ஆய்வு நடத்தப்பட்டது. பொதுவாக ஆண்களின் ரத்தத்தில் உள்ள டெஸ்டோ டெரோன் என்ற ஹார்மோன் “பாலியல்” ஆர்வத்தை தூண்டுகிறது. இதற்கு வைட்டமின் “டி” அதிக அளவில் தேவைப்படுகிறது.

வைட்டமின் டி சூரிய ஒளி மூலமும், இறைச்சி, மீன் போன்றவற்றை அதிகம் சாப்பிடுவதாலும் உற்பத்தி ஆகிறது. எனவே சூரிய குளியலே போதும் என்று ஆராய்ச்சியாளர்கள் கருதுகின்றனர்.

இந்த புதிய ஆய்வின் மூலம் ஒரு மணி நேரம் சூரிய வெளிச்சத்தில் படுத்தபடி சூரிய குளியல் செய்தாலே போதும் ரத்தத்தில் பாலியல் உணர்வை தூண்டும் டெஸ்ட் டோடெரோன் அளவு 69 சதவீதம் உயர்கிறது என்று தெரிய வந்துள்ளது.

காகித `மேப்’பை பெரிதாக்கி பார்க்கலாம்!

வரைபடம் (மேப்) மாணவர்கள், வழிப்பயணம் மேற்கொள்பவர்கள், ஆய்வாளர்கள் என பலருக்கும் பயன்படும். இவை கையடக்கமாக இருந்தால் வசதியாக இருக்கும். ஆனால் அவ்வளவு சிறிதாக இருக்கும்போது நமக்கு தேவையான பகுதியை பெரிதாக்கிப் பார்க்க முடியாது. கணினிகளில் மட்டுமே பெரிதாக்கிப் (ஜூம்) பார்க்கும் வசதி இருக்கிறது.

தற்போது சாதாரண காகிதத்தில் இருக்கும் வரைபடத்தையும் பெரிதாக்கிப் பார்க்கும் வகையில் இங்கிலாந்தில் புதுமையான மேப் வடிவமைத்திருக்கிறார்கள்.

அதாவது இந்த காகிதமானது ஏற்கனவே மடித்து வைக்கப் பட்டிருக்கும். அதில் பகுதிபகுதியாக விவரங்கள் அச்சிடப்படும். நாம், மடிப்பை விரிக்கும்வோது அந்தப் பகுதியை மட்டும் பெரிதாகப் பார்க்க முடியும்.

சாதாரண காகிதக் கலைப்பொருள் தயாரிப்பு முறைதாங்க. கொஞ்சம் வித்தியாசமா யோசிச்சு புதுமையா வடிவமைச்சிருக்காங்க!.

மூலிகை கட்டுரை -பதட்டம் தணிக்கும் கல்லால்

பயம், பதட்டம், அதிர்ச்சி, காதல், மோகம் போன்வற்றால் நாம் தூண்டப்படும்பொழுது அட்ரினல்லின் என்னும் ஹார்மோன் அளவுக்கு அதிகமாக சுரந்து, ரத்த அழுத்தத்தையும் இதயத் துடிப்பையும் தூண்டுகிறது. அது மட்டுமின்றி மூளை நரம்பான வேகஸ் என்னும் நரம்பையும் தூண்டுவதால், இதயத்துடிப்பு அதிகப்படுவதுடன் வேகஸ் நரம்புப்பாதையில் ஒருவித இறுக்கம் ஏற்பட்டு, இரைப்பையில் அமிலச்சுரப்பும் அதிகரிக்க ஆரம்பிக்கிறது. அதிகரித்த அமிலச்சுரப்பை கட்டுப்படுத்த இரைப்பை மற்றும் இரைப்பை வால்வுகள் சுருங்கி விரிவதால் மார்புப்பகுதியில் இறுக்கம் மேலும் அதிகரிக்கிறது. இவ்வாறு தோன்றும் இறுக்கமே நெஞ்சு அடைத்தது போன்றும், வாயு பிடித்தது போன்றும் ஒருவித உணர்ச்சியை ஏற்படுத்துகிறது. மேற்கண்ட பதட்டம் குறைந்ததும் தானாகவே இதயம், இரைப்பை மற்றும் மார்பு சதைப்பகுதிகள் நன்னிலைக்கு வந்து, சீராக முன்புபோல் செயல்பட ஆரம்பிக்கின்றன. ஆனால் இந்த இடைப்பட்ட காலத்தில் ஏற்படும் மார்பு துடிப்பு மாற்றத்தால் தோன்றும் உணர்ச்சிகள் பெரும்பாலும் இதய தாக்குதலை போன்றே இருப்பதால், பெரும்பாலானோர் மேலும் பதட்டம் மற்றும் பயம் கொள்கின்றனர். அடிக்கடி இதுபோன்ற பதட்டத்திற்கு ஆளாகுபவர்கள் இதய மருத்துவரிடம் சென்று சோதித்துக்கொள்ள வேண்டியது அவசியமாகும். இதயத்தில் எந்த கோளாறும் இல்லாமல் மன உறுதியின்மை மற்றும் பலவீனம் காரணமாக தோன்றும் இந்த படபடப்பை பெரும்
செலவின்றி நாமே சரிசெய்து கொள்ளலாம்.
மன உறுதியை அதிகப்படுத்தும் ஆசனப் பயிற்சிகள், தியானம், மூச்சுப்பயிற்சி ஆகியவற்றை முறையாக செய்துவருவதுடன் மனம் அமைதியளிக்கும் வழிபாடு மற்றும் கருத்தரங்குகளில் கலந்துகொள்வது அவசியமாகும். அனாவசியமான பதட்டம், பயம் போன்றவற்றால் தோன்றும் மார்பு படபடப்பை நீக்கி, இதயத்திற்கு வலுவையும், மனதிற்கு அமைதியையும் உண்டாக்கும் அற்புத மூலிகை கல் ஆல் என்ற கல்லால்.
பைகஸ் டல்கௌசியே என்ற தாவரவியல் பெயர் கொண்ட மோரேசியே குடும்பத்தைச் சார்ந்த பெருமரங்களின் உலர்ந்த பழங்களே சித்த மருத்துவத்தில் பெரிதும் பயன்படுகின்றன. இந்த பழத்திலுள்ள எண்ணெய் மற்றும் புரதச் சத்துக்கள் சிறுநீரை நன்கு பெருக்கி, இதய இறுக்கத்தை குறைத்து, அதிகரித்த உடல் உஷ்ணத்தை தணித்த,மன அமைதியை ஏற்படுத்தும் தன்மை உடையன.
உலர்ந்த கல்லால் பழங்களை நீரில் போட்டு கொதிக்கவைத்து, வடிகட்டி, வெல்லம் சேர்த்து மீண்டும் கொதிக்கவைத்து பாகுபதத்தில் எடுத்துக்கொள்ள வேண்டும். 5 முதல் 10 மில்லியளவு தினமும் இரண்டு வேளை வாரம் இரண்டுமுறை குடித்துவர படபடப்பு நீங்கும். கொத்தமல்லி விதைகளையும், கல்லால் பழங்களையும் இரவு முழுவதும் நீரில் ஊறவைத்து, அந்த நீரை வடிகட்டி 60 மில்லியளவு அதிகாலையில் வெறும் வயிற்றில் குடித்துவர பதட்டம் நீங்கும்.

பாஸ் செய்தால் மட்டும் போதுமா? (ஆன்மிகம்)

புராணங்களில், மகாபாரதம் ஐந்தாவது வேதம் என்று சொல்லப்பட்டுள்ளது. வாழ்க்கையின் நெறிமுறைகளை வேதங்களில் சொல்லியிருக்கின்றனர். மகாபாரதத்திலும் பல தர்மங்கள் சொல்லப்பட்டுள்ளன.
மகாபாரதத்தில் சொல்லப்பட்டுள்ள தர்மங்களில், “யஷப்ரச்னம்’ என்பதும் ஒன்று. இந்த, “யஷப்ரச்னம்’ என்பது தர்மராஜன், ஒரு கொக்கு உருவமாக ஒரு குளத்தில் இருந்து கொண்டு, தருமபுத்திரரை சில கேள்விகள் கேட்கிறார். எல்லாமே தர்ம சாஸ்திர சம்பந்தமான கேள்விகள். கேள்விகளுக்குத் தகுந்த பதில்களை தருமரும் அளிக்கிறார்.
“யார் பண்டிதன்?’ என்பது கேள்வி… “தராசு முனையால் எதிலும் சமநிலை பெற்று, எது அறம், எது மறம் என்று நன்கு அறிந்து அதன்படி தான் நடந்து, அண்டியவர்களுக்கும் வழி காட்டி, நல்லவைகளை உபதேசம் செய்து, எவன் தன் பிறவியைப் பயனுள்ளதாக செய்கிறானோ, அவனே பண்டிதன், அவனே ஆஸ்திகன்!’ என்றார்.
அடுத்து, “எவன் நாஸ்திகன்?’ என்பது கேள்வி! “புறக்கண்ணிற்குப் புலப்படும் பொருட்களை மட்டும் ஒப்புக் கொண்டு, மற்றவைகளை, “இல்லை’ என்றே சாதித்து, அதற்கு ஏற்ப நடந்து, பாவமாவது, புண்ணியமாவது, இதெல்லாம் பாமரர்களை ஏமாற்றும் வழி என்றெல்லாம் சொல்லி, தன் கண்ணையும் மூடிக் கொண்டு, மற்றவர்களின் கண்களையும் மூடிக் கொள்ளச் செய்து, கண்டதே காட்சி, கொண்டதே கோலம் என்றிருப்பவன் நாத்திகன்; அவனே மூர்க்கன்;எதையும் நம்பாதவன்.
“மற்றொரு நாத்திகனும் உள்ளான். தெய்வம் உண்டு என்று சொல்வான்; ஆனால், தெய்வாம்சமாய் விளங்கி அருள் புரியும் மகான்களை மதியான்; அவர்களது நீதிப் போதனைகளையும் மதியான். அவர்களிடம் போகான். அடியார்களைக் கண்டாலே நிந்திப்பான். அவர்களிடம் உள்ள நற்குணங்களைப் பாரான். இவர்களிடம் என்ன குற்றம் குறை காணலாம் என்றே சிந்திப்பான். கற்பனையாகவாவது எதையாவது சொல்வான். அதில், அவனுக்கு ஒரு திருப்தி!’ என்றார்.
“ஒரு உவமானம் சொல்கிறார் திருமூலர். உயர்ந்த பனை மரத்தின் உச்சியில் போய் உட்கார்ந்து கொண்டு தன் கூரிய கண்களால் கீழே உற்றுப் பார்க்கிறது ஒரு பருந்து! மரத்தின் உச்சியில் இருப்பதால் இதுவும் உயர்ந்துள்ளது. ஆனால், அது கீழே எதைத் தேடுகிறது? ஏதாவது குப்பையில் அழுகிக் கிடக்கும் எலி இருக்குமா என்று தேடுகிறது.
“தனக்கு அருகில் உள்ள பனம் பழத்தை நினைப்பதில்லை; ருசிப்பதில்லை. அதுபோல் உயர்ந்த மனிதப் பிறவி கிடைத்தாலும் எண்ணமும், குணமும் கீழ்த்தரமானதாகவே இருக்கும். இப்படி சிலரும் உண்டு…’ என்று மேலும் சொல்கிறார் தருமர்.
தருமபுத்திரரை யஷஸ் பல கேள்விகள் கேட்டு ஒரு பரீட்சையே வைத்து விட்டது. அவரும் எல்லா கேள்விகளுக்குமே சரியான பதில் சொல்லி நூற்றுக்கு நூறு மார்க் வாங்கி பரீட்சையில் பாஸ் செய்துவிட்டார். நூற்றுக்கு 35 மார்க் வாங்கினாலே பாஸ்தான் என்று யஷஸ் சொல்லவில்லை; தருமபுத்திரரும் அப்படி சலுகை கேட்கவில்லை!