Daily Archives: பிப்ரவரி 19th, 2010

`தேநீர்’… சில உண்மை!

`டீ’ எனப்படும் `தேநீர்’ நமது அன்றாட வாழ்வில் கலந்துவிட்ட ஒன்று. நாம் பொதுவாக `சுறுசுறுப்பு பானமாக’ அறிந்த டீ, பல விசேஷமான அம்சங்களைக் கொண்டிருக்கிறது என்பது தேநீர் பிரியர்களுக்கு மகிழ்ச்சிகரமான செய்தி.

நாம் அன்றாடம் பருகும் `தேயிலை டீ’ தவிர பல்வேறு வகையான டீக்கள் உண்டு. அவற்றின் மகத்துவங்கள் இங்கே… சூடான லவங்கபட்டை டீ, பெண்களுக்கு அற்புதம் நிகழ்த்தும். இது மனஅழுத் தத்துக்கு நல்லது. தளர்விலிருந்து உடம்பு விடுபட்டுச் சுதந்திரமாக உணர உதவும். மேலும், சுவாசம், செரிமானம் மற்றும் ரத்த சுத்திகரிப்பு ஆகியவற்றுக்கும் உதவுகிறது. ஜலதோஷத்தால் பாதிக்கபட்டவர்களுக்கு `மசாலா டீ’யும், `சிலோன் டீ’யும் இதமளிக்கும்.

`கிரீன் டீ’யில் உள்ள `பாலிபினால்கள்’ அல்லது `பிளேவனாய்டுகள்’ ஒட்டுமொத்த உடல்நலத் துக்கு நல்லது. குறிப்பாக புற்றுநோய் வராமல் தடுப்பதில். புற்றுநோய் போன்ற ஆபத்து களுக்குக் காரணம், செல்களின் சிதைவாகும். அதைத் தடுக்கும் பணியில் டீயில் உள்ள `ஆன்டிஆக்சிடன்ட்கள்’ உதவுகின்றன. ` முலிகை டீ’யில் `டேனின்’ இல்லை. எனவே நெருக்கடியான வாரம் அல்லது அதிகமான அழுத்தங்களின்போது முலிகை டீ அருந்த லாம். முலிகை டீயில் தேர்ந்தெடுப்பதற்கு அதிக வகைகள் உள்ளன என்பதும் மகிழ்ச் சிக்குரிய செய்தி. `இஞ்சி டீ’ கொஞ்சம் காரசாரமாக இருந்தாலும், இதமான உணர்வைக் கொடுக்கும். பசியைத் தூண்டும். வாந்தி உணர்வைத் தடுக்கும். அதிகமாக புத்துணர்வு அளிக்கும்- குறிப்பாக பெண்களுக்கு. `அஸ்வகந்தா டீ’ மனநிலையை உயர்த்தும், மனதுக்கும் உடம்புக்கும் ஓர் துடிப்பை ஏற்படுத்தும். தவிர நல்ல பலத்தைக் கொடுப்பதுடன், நோய்கள், கட்டிகள், ஞாபக இழப்பு ஆகியவற்றைத் தடுக்கும். மனநிலைக்கு ஊக்க சக்தி அளிக்கும். நல்ல தூக்கத்தை ஏற்படுத்தும். டீயுடன் `ஸ்வீட் ருட்’ அல்லது `லீகோரைஸை’ சேர்த்தால் வழுக்கை, பொடுகு, பற்சிதைவு, தொண்டை புண், காசநோய், உடம்பு துர்நாற்றம், மனஅழுத்தம், சோர்வு, தூக்கமில்லாமை, ஜலதோஷம் ஆகிய பாதிப்புகளைக் குறைக்கும். ஏலக்காய் டீயை எவர் விரும்ப மாட்டார்? அது இதமளிக்கும், வாநதி உணர்வைத் தடுக்கும், ஜலதோஷம், இருமலுக்கு மிகவும் ஏற்றது. மனஅழுத்தத்தைக் குறைத்து உடலுக்கு புத்துயிர் அளிக்கும். எல்லாவற்றுக்கும் மேலாக ஏலக்காய் டீ நல்ல சுவையாகவும் இருக்கும்.

எக்ஸெல் டிப்ஸ் -ஒரு கிளிக்கில் பல செல்கள்

எக்ஸெல் ஒர்க் ஷீட்டில் வேலை பார்த்துக் கொண்டிருக்கும்போது, ஏதேனும் ஒரு செல்லைத் தேர்ந்தெடுக்க, அந்த செல்லில் கிளிக் செய்தால், அந்த ஒரு செல் மட்டும் தேர்ந்தெடுக் கப்படாமல், பல செல்கள் தேர்ந்தெடுக்கப்படும் நிலை ஏற்படுவதுண்டு. இது ஏன் ஏற்படுகிறது என்று ஆய்வு செய்வது எரிச்சலைத் தோற்றுவிக்கும். இதனைப் போக்க வேண்டுமானால், ஒர்க் ஷீட்டில் வேறு தொடர்பில்லாத இடத்தில் உள்ள செல்களைக் கிளிக் செய்திட வேண்டிய திருக்கும்.
இது போல ஏற்படுவதற்கு பல காரணங்கள் இருக்கலாம். காரணங்களை ஆய்வு செய்திடும் முன், இதிலிருந்து விடுபடுவது எப்படி என்று பார்க்கலாம். உடனே மவுஸிலிருந்து கீ போர்டுக்கு மாறுங்கள். பல செல்கள் தேர்ந்தெடுக்கப்பட்ட நிலையில், மேல் அம்புக் குறி கீயினை ஒரு முறை அழுத்தவும். பின் கீழ் அம்புக் குறியினை அழுத்தவும். இன்னும் பல செல்கள் தேர்ந்தெடுக்கப்பட்ட நிலையில் காணப்பட்டால், அவை எல்லாம் மெர்ஜ் செய்யப்பட்டிருக்கின்றன என்று பொருள். இவற்றை மெர்ஜ் நிலையில் இருந்து நீக்க வேண்டும். அல்லது இவற்றைத் தனியே தேர்ந்தெடுக்க இயலவில்லை என்பதனை ஒப்புக்கொள்ள வேண்டும்.
செல்கள் மெர்ஜ் செய்யப்படவில்லை என்றால், எக்ஸ்டெண்டட் மோட் இயக்கப்பட்ட நிலையில் இருக்கலாம்.ஒர்க் ஷீட்டின் கீழாக,EXT என்ற எழுத்துக்கள் போல்டாகக் காணப்பட்டால், எக்ஸ்டெண்ட் மோட் இயக்கப்பட்டுள்ளது என்று பொருள். இதனை நீக்க அந்த எழுத்துக்கள் மீது டபுள் கிளிக் செய்திடுங்கள். அல்லது எப்8 அழுத்துங்கள். எக்ஸ்டெண்டட் மோட் இயக்கப்பட்டிருந்தால், செல் செலக்ஷனில் ஒரு மூலை நிலையாக்கப்பட்டு, உங்கள் கர்சர் செல்லும் செல்கள் எல்லாம் தேர்ந்தெடுக்கப்படும் நிலைக்கு உள்ளாக்கப்படும்.
இதற்குப் பின்னும் செல்கள் மொத்தமாகத் தேர்ந்தெடுக்கப்பட்ட நிலையில் காணப் பட்டால், உங்கள் ஹார்ட்வேரைச் சற்றுக் கவனிக்க வேண்டும். மவுஸை மாற்றி, வேறு ஒரு மவுஸை இயக்கவும். இதற்கும் சரியாகவில்லை என்றால், உங்கள் கீ போர்டிலும் பிரச்னை இருக்கலாம். ஷிப்ட் கீ அழுந்திய நிலையிலேயே இருந்தால், இது போல செல்கள் தொடர்ந்து தேர்ந்தெடுக்கப்பட்ட நிலையில் இருக்கும். கீ போர்டை சுத்தப்படுத்த வேண்டும். அல்லது வேறு கீ போர்டு பயன்படுத்த வேண்டும்.

உணர்வுகள் கொந்தளிக்கும்போது…

நமக்குள் ஏற்படும் உணர்ச்சிக் கொந்தளிப்புகள் உடலை பாதிக்கின்றன என்பது மருத்துவரீதியாக நிருபிக்கபட்ட உண்மை.

மனிதர்களுக்கு அதிகமாக மனநெருக்கடி, அழுத்தத்தை ஏற்படுத்தும் எட்டு விஷயங்களை ஆராய்ச்சியாளர்கள் டாக்டர் தாமஸ் ஹோம்ஸும், டாக்டர் ரிச்சர்ட் ரகேம் பட்டியலிட்டுள்ளனர்:

அவை, நெருங்கிய குடும்ப உறுப்பினரின் மரணம், வாழ்க்கைத் துணையின் மரணம், உடல்நலக் குறைவு, காயம், திருமணம், விவாகரத்து, பிரிவு, வேலையிழப்பு மற்றும் சிறைத் தண்டனை.

மனம், உணர்ச்சிக் கடலில் தக்கையாய் தந்தளிக்கும்போது ரத்தத்தில் `ஹார்மோன்களும்’, `நிரோ டிரான்ஸ்மீட்டர்களும்’ விடுவிக்கபடுகின்றன. ரத்தத்தில் விடுவிக்கபடும் முன்று முக்கியமான விஷயங்கள் கார்ட்டிஸோல், அட்ரி னலின், நார்அட்ரினலின் ஆகியவை ஆகும்.

கார்ட்டிஸோல், ரத்தத்தில் கொழுப்பு மற்றும் சர்க்கரையை விடுவித்து, நோய் எதிர்ப்பு அமைப்பு முறையாக செயல்படுவதைத் தடுக்கிறது.

அட்ரினலின், நார்அட்ரினலின் ஆகியவை, வியர்வை, ரத்த அழுத்தம், இதயத் துடிப்பு ஆகிய வற்றை அதிகரித்து, உடம்பை அதிக உஷார்த் தன்மையில் வைக்கின்றன.

நியூ இங்கிலாந்து மருத்துவ இதழில் கடந்த 2005 -ம் ஆண்டு ஜான்ஸ் ஹாகின்ஸ் மருத்துவ பல்கலைக்கழக ஆய்வாளர்கள் வெளியிட்ட ஆய்வுக் கட்டுரையின்படி, தீவிர மான உணர்வு ரீதியான நெருக்கடியானது, மாரடைப்பு ஏற்படுத்தும் வேதி பொருளை வெளியிடலாம்.

கேட்கொலமைன்ஸ், எபிநெரீன், நார்ரிபைன்ரீன் ஆகிய வேதிபொருட்கள் இதயத் தசைகளைத் திடீரென ஸ்தம்பிக்க வைக்கலாம் என்கிறார்கள், மேற்கண்ட ஆய்வாளர்கள்.

உணர்வு பிரச்சினையால் ஏற்படும் உடல் பிரச்சினைகள்:

தலைவலி
தூக்கமின்மை
குமட்டல் உணர்வு
வேகமான சுவாசம்
கிறுகிறுபு
அதிர்வு
மார்பு வலி
சீரற்ற இதயத் துடிபு
வயிற்றுபோக்கு
தன்னை அறியாமல் சிறுர் கழித்தல்
மனநலம் நன்றாயிருக்க…

மனநல ஆலோசகர் நமீதா கூறும் அறிவுரை:

உங்களின் மனம் வாடிக் கிடக்கும்போது, வழக்கமாகக் கூடாது என்று தடுக்கப்படும் ஏதாவது ஒன்றைச் சாப்பிடுங்கள். உங்களுக்கு மகிழ்ச்சி அளிக்கும் என்றால் சாக்லேட் கூடச் சாப்பிடலாம். ஆனால் நிதர்சனத்திலிருந்து தப்பிக்கும் வழியாக உணவை பயன்படுத்தத் தொடங்காதீர்கள். கார ணம் உணவு மட்டுமே முழுக்க முழுக்கக் கை
கொடுக்காது.

மனம் சோகமாக இருக்கும்போது உணவைத் துறப்பவர்களும் இருக்கிறார்கள். அதுவும் மோசமானதே. நீங்கள் ஒரு நெருக்கடி நிலையில் இருக்கிறீர்கள். அதை முடிந்தவரை சிறப்பாகக் கையாள வேண்டும். உங்கள் உடம்புக்கு அவ்வபோது போதுமான எரிபொருள் கிடைப்பது அவசியம்.

ஒவ்வொரு முன்று மணி நேரத்துக்கு ஒருமுறை சாப்பிடுங்கள், சரியான அளவு சாப்பிடுங்கள். சுவையான உணவுகள் எல்லாம் ஆரோக்கியமற்றதாக இருக்கும் என்று கூற முடியாது. ஒரு நல்ல `சூப்’ உங்களுக்கு இதமளிக்கும். உங்களுக்கு பிடித்தமான காய்கறிச் சமையல் உங்களை நல்லவிதமாக உணர வைக்கும்.

சோகமான நினைவுகளில் இருந்து உங்களைத் திசை திருப்பும் சிறந்த ஒரு விஷயம், தினசரி மேற்கொள்ளும் உடற்பயிற்சி. இதில் சிக்கலான விஷயம், உடற்பயிற்சி செய்ய ஆரம்பிப்பதுதான். நீங்கள் ஒரு வழக்கத்துக்கு வந்துவிட்டால் அது பெருமளவு நன்மை புரியும். இந்த விஷயத்தில் உங்களை நீங்களே வலுக்கட்டாயமாக பிடித்துத் தள்ளாதீர்கள். நீங்களே ரசித்து உடற்பயிற்சி செய்ங்கள். உடம்புக்கும் மனதுக்கும் நல்ல தொடர்பு உண்டு.

வேர்க்கடலையில் இவ்ளோ இருக்கா?

எங்கும் எப்போதும் எளிதில் கிடைக்கும் வேர்க்கடலையில் நிறைய சத்துகள் நிறைந்து காணப்படுகின்றன. இதில் உள்ள புரதம் சரிவிகிதமாக அமைந்துள்ளது. எனவே, குழந்தைகள் வளர்ச்சிக்கு இது மிகவும் உதவுகிறது.

சேயாபீன்சிற்கு அடுத்து தரமான உயர்ந்த புரதமும், முட்டையில் உள்ளதைவிட இரண்டரை மடங்கு அதிகமான புரதமும் வேர்க்கடலையில் உள்ளது. முளைச் சுறுசுறுப்பிற்கு உதவும் பாஸ்பரஸ், உப்பு மற்றும் பற்கள், எலும்புகளின் பலத்திற்கு தேவையான கால்சியம், இரும்புச்சத்து, வைட்டமின் ஈ, நியாஸின் போன்ற வைட்டமின்களும் வேர்க்கடலையில் உள்ளன.

எல்லாவிதமான ரத்தப்போக்கை தடுக்கும் சக்தியும் இதற்கு உண்டு. அதனால், பெண்கள் மாதவிடாய்க் காலத்தில் வேர்கடலை சாப்பிடுவது நல்லது.

ஒபிசிட்டி பிரச்சினை உள்ளவர்கள், உணவைக் குறைத்து உடல் மெலிய விரும்புபவர்கள், சாப்பாட்டு நேரத்திற்கு ஒரு மணி நேரம் முன்பாக ஒரு கைப்பிடி அளவு வறுத்த வேர்கடலையைச் சாப்பிடவும். இத்துடன் சர்க்கரை சேர்க்காத காபி அல்லது டீ அருந்தவும். பிறகு ஒரு மணி நேரம் கழித்துச் சாப்பிட அமர்ந்தால், உணவை அதிக அளவில் சாப்பிட முடியாது. குறைந்த அளவே உணவை சாப்பிட முடியும். இவ்வாறாக உடல் எடையையும் குறைக்கலாம்.

வேர்க்கடலையில் உள்ள நியாஸின், தோலில் உள்ள புண்கள், கொப்புளங்கள் ஆற உதவுவதோடு, இவை வராமல் முன்கூட்டியே தடுக்கவும் செய்கிறது. தோலை பளபளப்பாக்குவதிலும் வேர்க்கடலைக்கு முக்கிய பங்கு இருக்கிறது.

பின்குறிப்பு : வேர்க்கடலையை அளவோடு சாப்பிடுவதுதான் நல்லது. அதிகமாகச் சாப்பிட்டால் வயிற்றுக் கேளாறுகள் ஏற்படும். நீரிழிவுநோய், மேக நோய் உள்ளவர்கள், கொலஸ்ட்ரால் அதிகம் உள்ளவர்கள் வேர்க்கடலை சாப்பிடுவதை தவிர்ப்பது நல்லது.

மாறாதையா மாறாது!

‘ கோடை காலம் அது. ஊரை ஒட்டி இருந்த குளம் நிறைந்திருந்தது. இரவு நேரத்தில் தவளைகள் கூச்சலிட்டன.

அப்போது ஒரு ஆண் தவளை தன்னுடைய ஜோடியிடம் சொன்னது.

`நம்முடைய இரவு நேர பாடல்கள் கரையில் இருக்கும் வீட்டில் வசிப்பவர்களுக்கு தொந்தரவா இருக்குமோன்னு நான் பயப்படுகிறேன்’

அதற்கு பெண் தவளையோ, `அவர்களின் பேச்சுகூட நம்முடைய பகல் நேரத்து அமைதியைக் கெடுக்கிறதே’ என்றது.

`நாம் இரவில் நீண்ட நேரம் பாடுகிறோம் என்பதை மறக்கலாமா?’ ஆண்தவளை மீண்டும் கேட்டது.

`அவர்களும் பகல் நேரத்துல நம்ம நிம்மதியைக் கெடுக்கும்படியாக உரத்த குரல்ல பேசுறாங்க. அதையும் நாம மறந்துடக்கூடாது. உரக்கப் பேசும் தன்மை கொண்ட சிலர் வானமே அதிர்கிற அளவுக்கு முழங்குகிறார்களே, அதுவும் கொஞ்சம் கூட இனிமையே இல்லாத கரடு முரடான குரல்கள்ல…’ பெண் தவளை விட்டுக் கொடுக்காமல் பேசியது.

`நாம இந்த மனிதர்களைவிட நல்லவர்களா இருக்கணும். இரவு நேரங்களில் அமைதியா இருப்போம். நாம யாருக்கும் இடைஞ்சல் பண்ணக்கூடாது. நமது காதல் கீதங்களை இதயங்களுக்குள்ளேயே வச்சிக்குவோம்’ என்றது ஆண் தவளை.

`சரிங்க… உங்க ஈரமான இதயத்தின் பரந்த தன்மையை என்னால புரிஞ்சிக்க முடியுது. ரொம்ப நல்ல விஷயம். நானும் அதற்கு சம்மதிக்கிறேன்’ பெண் தவளை சமாதானத்துக்கு வந்தது.

அன்று முதல் இரவில் தவளைகள் சத்தமிடுவதை நிறுத்திக் கொண்டன. 3 நாட்கள் கடந்தது. நான்காவது நாள் பகலில் ஒரு பெண், மற்றொருத்தியிடம் இப்படிக் கூறினாள்.

“கடந்த 3 நாள் இரவுகளிலும் நான் உறங்கவேயில்லை. தவளைச் சத்தம் காதுல விழுந்து கொண்டிருந்தபோது நான் சுகமா தூங்கினேன். இப்போ என்னவோ நடந்திருக்கு. இரவு தவளைகள் சத்தமே போடுறதில்ல. நானும் உறங்க முடியாம பைத்தியக்காரி மாதிரி ஆயிட்டேன்”

இதைக் கேட்டுக் கொண்டிருந்த ஆண் தவளை, பெண் தவளையிடம் சொன்னது. “உண்மைதான். நாம அமைதியா இருந்தது நமக்கும் பைத்தியம் பிடித்த மாதிரித்தான் இருக்குதுல்ல”

`ஆமா இரவு நேர அமைதி எவ்வளவு பயங்கரமானதா இருக்கு. நாம பாட்டை நிறுத்த வேண்டிய அவசியமே இல்லை. சுகத்தை விரும்புகிறவர்கள் தங்களை அமைதியின் சத்தத்தால் நிறைத்துக் கொள்ள வேண்டியதுதான்’ என்று பெண் தவளையும் ஆமோதித்துக் கூறியது.