Advertisements

Monthly Archives: ஏப்ரல், 2010

சொறி, சிரங்கு ஆண் குழந்தைகளுக்கு அதிக பாதிப்பு!

குழந்தைகளுக்கு விளையாட்டு என்றால் கொள்ளைப் பிரியம் இருக்கும். அவர்கள் சுகாதாரமற்ற இடங்களில் விளையாடும்போது அவர்களுக்கு நோய் ஏற்படும் வாய்ப்புகள் அதிகம் உண்டு. சொறி, சிரங்குஆகியவையும் அந்த நோய்களின் பட்டியலில் அடங்கும்.

சின்ன வயதில் ஒரு குழந்தைக்கு சொறி, சிரங்கு வந்திருந்தால், பின்னாளில் அந்த குழந்தை பெரியவன் ஆனதும் ஆஸ்துமா வரும் வாய்ப்புகள் அதிகம் உள்ளன என்று கண்டறிந்து இருக்கிறார்கள் அமெரிக்க ஆராய்ச்சியாளர்கள்.

குழந்தை பருவத்தில் சொறி, சிரங்கு வந்தால் உடல் தோலின் திடத்தன்மை குறைந்து விடுகிறது. மேலும், அவர்கள் வளரும் சுற்றுச்சூழல் காரணமாக நோய் எதிர்ப்பு சக்தியும் கூடவே குறைந்து போகிறது. இதனால்தான் சொறி, சிரங்கு பாதிப்புக்கு ஆளான குழந்தைகளுக்கு ஆஸ்துமா வரும் வாய்ப்புகள் அதிகரிக்கிறது என்கிறார்கள் ஆராய்ச்சியாளர்கள்.

பெண் குழந்தைகளைக் காட்டிலும் ஆண் குழந்தைகள்தான் இந்த வகையில் அதிகம் பாதிக்கப்படுகிறார்களாம்.

Advertisements

குழந்தைகளுக்கு தரம் என்பது என்ன?

செய்யும் வேலையை திருத்தமாகவும் நேர்த்தியாகவும் செய்வது தரம். இதை எப்படி குழந்தைகளுக்குப் புரிய வைப்பது?
நீங்கள் தொழிற்சாலையில் வேலை செய்யும் ஒரு தொழிலாளியாக இருக்கலாம். அல்லது வீட்டில் சமையல் செய்யும் சாதாரண குடும்பப்

பெண்ணாக இருக்கலாம். நீங்கள் செய்யும் வேலை மூலமாகவே குழந்தைகளுக்குத் தரத்தை பற்றி புரிய வைக்க முடியும்.

உதாரணமாக, நீங்கள் சமையல் செய்கிறீர்கள்.
சமையல் செய்ய காய்கறி நறுக்கும்போது, வெங்காயத்திற்கு தோல் உரிக்கும் போது, எப்படி சுத்தமாக தோலை உரிக்கிறீர்கள் என்பதை

குழந்தைகளைப் பார்க்க செய்யலாம். எப்படி காய்களை நேர்த்தியாகவும் ஒரே வடிவத்திலும் நறுக்குகிறீர்கள் என்பதை அவர்கள் பார்த்தால்,

தரத்தை பற்றி தெரிந்து கொள்வார்கள்.
வீட்டைச் சுத்தம் செய்யும்போது, சிறு குப்பையை கூட விட்டுவிடாமல் சுத்தம் செய்வதைப் பார்க்கும் குழந்தைகளுக்கு நேர்த்தி குறித்து கற்றுக்

கொள்ள வாய்ப்பு இருக்கிறது.நேர்த்தியையும் தரத்தையும் கற்றுத்தர நாம் படித்திருக்க வேண்டும் என்பது அவசியம் இல்லை. நாம் செய்யும்வேலை அது எதுவாக இருந்தாலும் எவ்வளவு நேர்த்தியாக செய்கிறோம் என்பதை குழந்தைகளைப் பார்க்க செய்வது நேர்த்தி குறித்து கற்றுக்கொள்ள வைக்கும்.அந்த வேலைகளை குழந்தைகளிடமும் கொடுக்கலாம்.அதை குழந்தைகள் செய்யும் போது சரியாக செய்திருக்கிறாயா? என்றுஅவர்களிடம் கேட்டு, தரத்தை உணர்த்தலாம்.அதற்கு நீங்கள் முதலில் நிதானமாகவும் பொறுமையுடனும் வேலைகளை செய்பவராக இருக்க வேண்டும்.குழந்தைகளை வளர்ப்பதில் உள்ளபல்வேறு நல்ல அம்சங்களில் மிகவும் முக்கியமானது, அவர்களுடன் சேர்ந்து நாமும் வளர்கிறோம் என்பதுதான்.நாம் வளர வேண்டும்.வளரமாட்டோம் என்று அடம் பிடித்தால் குழந்தையும் வளராது.ஒவ்வொரு குழந்தை பிறக்கும்போதும் ஒரு தந்தையும் தாயும் பிறக்கிறார்கள்.பிறந்தகுழந்தை வளர்கிறது,ஆனால் தந்தையும் தாயும்.குழந்தைகளை நன்றாக படிக்க வைப்பதற்கும்,வீடு சுத்தம் செய்வதற்கும் என்னசம்பந்தம்?நேரடியாக பார்த்தால் சம்பந்தம் இல்லைதான்.ஆனால், வீடு கூட்டும்போது அந்த குழந்தை பொறுமையை பயில்கிறது.சுத்தமாக இருக்க வேண்டும் என்ற எண்ணத்தை பயில்கிறது.தவறு நேரக்கூடாது என்ற கவனத்தைப் பயில்கிறது.இந்த கவனம், பொறுமை, சுத்தமாக இருக்க வேண்டும் என்ற எண்ணம் வளர்ந்தால், அவை படிப்பிலும் பிரதிபலிக்கும்.குழந்தைக்குக் கல்வியில் கவனமும் பொறுமையும் வளரும். படிப்பதைஅரைகுறையாக இல்லாமல் முழுமையாக படிக்கும். எனவே, ஒவ்வொன்றிலும் கற்றுக் கொள்வதற்கான அம்சங்கள் இருக்கின்றன.

படுக்கை அறை விஷயத்தில் ஆண்களை கவர்வது எப்படி?

பெண்களில் இருபத்தைந்து சதவிகிதத் தினருக்கும் மேல் தாம்பத்திய உறவில் சிறிதும் நாட்டமில்லாத வர்களாக இருப்பதாக ஒரு மருத்துவ ஆராய்ச்சி முடிவு தெரிவிக்கிறது. நீங்களும் அந்த ரகத்தில் ஒருவரா? உங்களுக்காக இதோ சில தகவல்கள்…

இப்பிரச்சினைக்கான காரணங்கள்!

இயல்பாகவே சில பெண்களுக்கு செக்ஸில் அவ்வளவாக நாட்டமிருக்காது. உடலுறவு என்பது அவர்களைப் பொறுத்தவரையில் கணவன் மட்டுமே சம்பந்தப்பட்ட விஷயம் என்று நினைப்பார்கள். இந்நிலையில் அந்தப் பெண் உறவை வெறுக்கவும் மாட்டாள். அதே சமயம் அவளால் அதை முழு இன்பத்துடன் அனுபவிக்கவும் முடியாது. செக்ஸில் நாட்டமில்லாப் பிரச்சினையால் பாதிக்கப்பட்ட பெண்களில் சிலருக்கு உச்சக்கட்டம் என்பதே சாத்தியமாகாது. விருப்பமிருந்தாலும்கூட இப் பிரச்சினையால் பாதிக்கப்பட்ட பெண்கள் சிலருக்கு உறவுக்கு உடல் இடம் கொடுக்காது. இணங்காது. அதனாலேயே உறவின் மீது அனாவசிய வெறுப்பு ஏற்படும்.

உறவைப் பற்றிய தவறான மனப்பான்மை, தேவையற்ற பயங்கள், மூட நம்பிக்கைகள் போன்றவையும் பெண்களது இப்பிரச்சினைக்குக் காரணங்கள். முதல் உறவின் போது இரத்தம் வெளிப்படும் என்பதில், குழந்தை பிறப்பதில், பிரசவ வலியில் உள்ள தேவையற்ற பயங்களும் இதற்குக் காரணங்களாக அமையலாம். உறவின் போது கணவன் ஒரே மாதிரியான நிலைகளைக் கையாள்வது, வெறித்தனமான நடவடிக்கைகளைக் கையாள்வது என்றெல்லாம் நடந்து கொள்கிற போதும் மனைவிக்கு செக்ஸின் மீது வெறுப்பு ஏற்படலாம்.கூட்டுக் குடும்பங்களில் இருக்கிற பெண்கள் பலர் இப்பிரச்சினையால் பாதிக்கப்பட வாய்ப்புகள் உண்டு. நிறைய பேர் சூழ இருப்பதால் யாராவது தம்மைக் கவனித்து விடுவார்களோ என்ற பயத்தில் அந்தரங்க உறவைத் தவிர்க்கவும், வெறுக்கவும் செய்வார்கள்.குழந்தை பெற்றுக் கொண்டால் இளமையும், அழகும் போய் விடும் என்று பயப்படும் பெண்கள், அதன் விளைவாக உறவு கொள்வதையே தவிர்ப்பார்கள். தனக்கு அதில் ஆர்வமே இல்லாதது போல நடிப்பார்கள்.

தலைவலி, மார்பகங்களில் வலி, மார்பகங்களின் அளவுகளைப் பற்றிய கவலை, உடல்வலி, மயக்கம், உறவின் போது ஏற்படும் ஒருவிதப் படபடப்பு, அளவுக்கதிக வியர்வை போன்றவற்றால் பாதிக்கப்படும் பெண்களுக்கு செக்ஸில் வெறுப்பு வருவது சகஜமான ஒரு விஷயம்.சில குடும்பங்களில் ஆண் குழந்தை பெறும் பெண்களுக்குத் தான் மதிப்பு. ஒரு வேளை தனக்கு ஆண் குழந்தை பிறக்காமல் போய் விடுமோ என்ற பயத்தில் உறவிலிருந்து தப்பிக்க ஏதேதோ காரணங்களைச் சொல்லித் தப்பிக்கும் பெண் களும் உண்டு. நாளடைவில் அதுவே நிரந்தரமாகி விடும்.கணவனது தோற்றத்தில் திருப்தியில்லாத பெண்களும், தன் கணவனுக்கு தன்னையல்லாத வேறொரு பெண்ணுடன் உறவு உள்ளது என்று தெரிய வரும் பெண்களும்கூட தாம்பத்திய உற வைத் தவிர்ப்பார்கள். கணவனின் மீதான வெறுப்பைக் காட்ட அவர்கள் நாடும் ஒரே வழி அதுவாகத்தான் இருக்கும்.தாம்பத்திய உறவில் நாட்டமின்மை என்பது எல்லாப் பெண்களுக்கும் ஒரே மாதிரி இருப்பதில்லை.

சிலருக்கு குறிப்பிட்ட நபர்களுடன் உறவு கொள்ள வேண்டி வரும் போது நாட்டமின்றிப் போவதும், தனக்கு விருப்பமுள்ளவர்களுடன் உறவு கொள்ளும் போது பிடித்துப் போய் இணங்குவதும் உண்டு. தாம்பத்திய உறவில் நாட்டமின்மை என்பது தீர்க்க முடியாத குறையில்லை என்கிறது மருத்துவம். கணவனது பக்குவமான அணுகுமுறை, மனைவியிடமான அவனது நடத்தை, உடல் மற்றும் மன சுகாதாரம் போன்றவையும் இப்பிரச்சினை யைக் குணமாக்கும் சிகிச்சைகளில் முக்கியமாம். மருத்துவரிடம் கேட்கத் தயங்கிக் கொண்டு இதை அப்படியே விட்டு விடுவது தவறு.

எக்ஸெல்,வேர்ட் டிப்ஸ்

வரிசைத் தலைப்புகள் பிரிண்ட்:
பல பக்கங்களில் அமைந்திருக்கும் எக்ஸெல் ஒர்க் ஷீட்டினை பிரிண்ட் செய்கையில், ஒவ்வொரு பக்கத்திலும் வரிசைகளுக்கான தலைப்புகள் அச்சடிக்கப்பட்டால் தான், அவற்றின் முழுத் தகவல்களையும் அறிய முடியும். எடுத்துக் காட்டாக, உங்கள் ஒர்க்ஷீட்டில் 8 நெட்டு வரிசைகளும், 500 படுக்கை வரிசைகளும் இருந்தால், நெட்டு வரிசைக்கான தலைப்புகள், முதல் படுக்கை வரிசையில் மட்டுமே இருக்கும். இதனைப் பிரிண்ட் செய்கையில் முதல் பக்கத்தில் மட்டுமே இந்த தலைப்புகள் அச்சாகும். தொடர்ந்து வரும் பக்கங்களில் அச்சாகாது. மற்ற பக்கங்களிலும் இவை தேவை என்றால், கீழ்க்கண்டபடி செட் செய்திடவும்.
1.எந்த ஒர்க் ஷீட்டில் இந்த தேவைகள் உங்களுக்கு வேண்டுமோ, அந்த ஒர்க்ஷீட்டில் எங்காவது கிளிக் செய்து, பின் பைல் (File) மெனுவில் பேஜ் செட் அப் (Page setup)பிரிவினைத் தேர்ந்தெடுக்கவும்.
2. பின் ஷீட் (Sheet) என்பதில் கிளிக் செய்திடவும். அதன் பின் பிரிண்ட் டைட்டில்ஸ் (Print Titles) என்பதன் கீழாக, Rows to repeat at top, Columns to repeat at left என்று இரண்டு பிரிவுகள் இருக்கும். இதில் கிளிக் செய்தால் நீளமான ஒரு சிறிய விண் டோ கிடைக்கும். இதில் எந்த வரிசை என்பதனை என்டர் செய்து ஓகே கிளிக் செய்து வெளியேறலாம்.
3 அதன் பின் பிரிண்ட் தேர்ந்தெடுத்து ஒர்க்ஷீட்டைனை பிரிண்ட்செய்தால் மேலாகவும் இடது புறமாகவும் தலைப்புகள் ஒவ்வொரு பக்கத்தின் மேலாகவும் அச்சிடப்படும்.

எக்ஸெல் பங்ஷன் கீகள்
F1 விண்டோ பேனல் எதுவானாலும் அதற்கான உதவிக் குறிப்புகள் பெற
F2 எந்த செல்லையும் எடிட் செய்திட கீ அழுத்த
F3 பார்முலாவில் பெயரை செருக
F4 முந்தைய கட்டளையை திரும்ப செயல்படுத்த
F5 Go to டயலாக் பாக்ஸ் செயல்படுத்த
F6 ஒர்க்ஷீட்டில் பேனல்களுக்கு இடையே செல்ல
F7 ஒர்க் ஷீட்டில் ஸ்பெல்லிங் செக் செய்திட
F8 ஸ்டேட்டஸ் லைனில் எக்ஸ்டென்டட் மோட் பெற
F9 ஒர்க் ஷீட்டில் கால்குலேஷன் மேற்கொள்ள
F10 மெயின் மெனு பார் தேர்ந்தெடுக்க
F11 அப்போது உள்ள ஒர்க்ஷீட்டில் சார்ட் ஒன்றை செருக
F12 save அண் டயலாக் பாக்ஸ் செயல்படுத்த

வேர்டில் பாரா மார்க்கர் உண்டா?
வேர்டில் உருவாக்கப்படும் டாகுமெண்ட்டில் நாம் பல பாராக்களை அமைக்கிறோம். பாரா என்பது என்ன? ஒரு சொல்லையும் இன்னொரு சொல்லையும் இடைவெளி விட்டு அமைத்தால், இந்த இரண்டு சொல்லும் இரண்டு பாராக்களாக இருக்குமா? அல்லது ஒரு பாராவில் இத்தனை சொற்கள் கட்டாயம் இருக்க வேண்டும் என விதி உள்ளதா? முதலில் கூறியபடி இரண்டு பாராக்களின் இடைவெளியை வைத்துத்தான் நாம் பாரா என்கிறோம். பொதுவாக ஒரு பொருள் அல்லது அது குறித்த விளக்கம்,விவாதம், கருத்து போன்றவற்றை வைத்துத்தான் நாம் பாரா பிரிக்கிறோம். ஆனால் கம்ப்யூட்டருக்கு நாம் தரும் கருத்து, விவாதம் எல்லாம் தெரியாது. நாம் பாராவை அமைக்கும் போது ஒரு மார்க்கரைத் தானாக அமைத்துக் கொள்ளும். எனவே இரு பாரா மார்க்கர்களுக்கு இடையே உள்ளவை தான் பாரா என்று எடுத்துக் கொள்கிறது. இந்த மார்க்கர்கள் எங்கு உள்ளன. இவற்றை நாம் பார்க்க முடியாதா? என்ற கேள்வி எழுகிறதா? பாரா மார்க்கர்கள் டாகுமெண்ட்டில் காட்டப்படுவதில்லை. இதனை அவசியம் பார்க்க வேண்டும் என்று நீங்கள் விரும்பினால் ஸ்டாண்டர்ட் டூல் பாரில் பார்த்தால் பாரா மார்க்கர் அடையாளம் காணப்படும். சில வேளைகளில் இந்த பாரா மார்க்கர் அடையாளம் மற்ற அடையாளங்களுடன் இணைத்து மறைத்துவைக்கப்பட்டிருக்கும். சம்பந்தப்பட்ட இணைந்த இடத்தில் கர்சரைக் கொண்டு சென்று கிளிக் செய்தால் விரியும் கட்டத்தில் அனைத்து அடையாளங்களையும் காணலாம். இந்த பாரா அடையாளத்தில் கிளிக் செய்தால் உங்கள் டெக்ஸ்ட் முழுவதும் பாரா மார்க்கர் எங்கெல்லாம் உள்ளதோ அங்கெல்லாம் இது காட்டப்படும். அது மட்டுமின்றி நீங்கள் இரு சொற்களுக்கிடையே ஸ்பேஸ் ஏற்படுத்தி இருந்தால் அங்கெல்லாம் அந்த சொற்களுக் கிடையில் புள்ளி ஒன்று காட்டப்படும். இவை பிரிண்ட்டில் கிடைக்காது. இவை மீண்டும் மறைக்கப்பட வேண்டும் என்றால் அதே மார்க்கரில் மீண்டும் கிளிக் செய்திடுங்கள். மறைந்துவிடும்.

எடை குறைக்க ஆசையா? காலையில் முட்டை சாப்பிடுங்க!

அதிக புரோட்டீன் கொண்ட முட்டையை காலை உணவில் சேர்த்துக் கொள்வதால் நாள் முழுவதும் பசி குறைந்து கலோரி சேர்வது தவிர்க்கப்படும். அதனால், உடல் எடையைக் குறைக்க முடியும் என்று அமெரிக்க ஆய்வில் தெரிய வந்துள்ளது.
உடல் எடை அதிகம் கொண்டவர்களின் உணவில் முட்டையின் பங்கு குறித்து அமெரிக்காவின் கனெக்டிகட் பல்கலைக்கழக உணவுத் துறை விரிவான ஆய்வு நடந்தது. காலை உணவில் முட்டை சேர்த்துக் கொள்வதால் உடலுக்கு அதிக புரோட்டீன் கிடைக்கிறது. அது உடலில் தெம்பை நீடிக்கச் செய்து நீண்ட நேரத்துக்கு வயிறு நிறைந்திருக்கும் உணர்வைத் தரும்.
அதன்மூலம், மதிய உணவு, மாலை சிற்றுண்டி ஆகியவற்றில் கலோரிகள் நிறைந்த அதிக உணவுகளை சாப்பிட வேண்டியிருக்காது. அதனால், உடலில் கலோரிகள் குறையும். மதியம், மாலை உணவுகளின் அளவு, கலோரி குறைவதால் எடை உயர்வது தடுக்கப்படுகிறது என்று ஆய்வில் கூறப்பட்டுள்ளது.
“உணவில் உயர்தர புரோட்டீன் சேர்ந்தால் ஒட்டுமொத்த உடல் நலனுக்கு நல்லது. குறிப்பாக, புரோட்டீன் அதிகமுள்ள முட்டையை காலை உணவில் சேர்க்கலாம். இரண்டு விதமான அமெரிக்க உணவுமுறையை ஆய்வு செய்ததில் இது தெரிய வந்தது. காலை உணவில் முட்டையை சேர்த்தவர்களுக்கு மதிய உணவு மட்டுமின்றி நாள் முழுவதும் பசியின் அளவு குறைந்திருந்தது. இதனால் உட்கொள்ளும் கலோரிகள் குறைந்து எடையை கட்டுப்பாட்டில் வைக்க முடிகிறது” .

கூகுள் மேப்பை நம் இஷ்டப்படி அமைக்க

எப்போதாவது உங்கள் நண்பருக்கு, உங்கள் வீட்டுக்கு எப்படி வந்து சேர்வது என்று காட்டியிருக்கிறீர்களா? அல்லது புகழ் பெற்ற ஸ்தலமாகிய உங்கள் ஊரில் பார்க்க வேண்டிய முக்கியமான இடங்களைக் குறித்து தகவல் தந்திருக்கிறீர்களா?
கம்ப்யூட்டரில் காலம் தள்ளும் நமக்கு இதற்கெல்லாம் கூகுள் மேப்ஸ் தான் சரியான சாதனம். ஆனாலும் இதில் நாம் நினைத்தபடி குறிப்புகளை எழுத முடியாது. இதற்கெனவே ஸ்கிரிப்பிள் மேப்ஸ் (scribblemaps) என்று ஒரு புரோகிராம் தயாரிக்கப்பட்டு கூகுள் மேப்புடன் வழங்கப்படுகிறது. இதன் உதவியுடன் கூகுள் மேப்பில் ஓரிடத்திற்குச் செல்வதற்கு நீங்கள் விரும்பும் வகையில் அம்புக்குறிகள் மற்றும் பிற வடிவங்களைப் போட்டு, குறிப்புகள் எழுதி தகவல்களை அமைக்கலாம். முழுமையான தகவல்களை அமைத்த பின்னர், அதனை அப்படியே பைலாக சேவ் செய்து, பின்னொரு நாளில் மற்றவருக்குப் பயன்படுத்தத் தரலாம். இதனைப் பயன்படுத்த www.scribblemaps.com என்ற முகவரியில் உள்ள தளம் செல்லவும். சென்றவுடன் இந்த சாதனம் பற்றிய குறிப்பு தோன்றி மறையும். பின் கூகுள் மேப் கிடைக்கும். அதன் மேலாக இந்த சாதனம் தரும் சில டூல்கள் கிடைக்கும். நீங்கள் எந்த மேப்பில் எந்த இடத்தில் குறிப்புகளை இணைக்க வேண்டுமோ, அந்த இடம் சென்று தேவைப்படும் இடத்தில், வேண்டிய அம்புக்குறிகள் மற்றும் வழிமுறைகளை அமைக்கலாம். கோடு வரையலாம், குறிப்பிட்ட ஷேப்களை ஒட்டலாம், பின் ஷேப் கொண்டு இடங்களைக் குறித்து வைக்கலாம், எண்களை அமைக்கலாம். குறிப்பு எழுதலாம். பின் இந்த குறிப்புகளுடன் அந்த மேப்பினை சேவ் செய்திடலாம். தவறான குறிப்பினை எழுதிவிட்டால் அல்லது கோடு போட்டுவிட்டால், அதனை இதில் தரப்பட்டுள்ள எரேசர் கொண்டு அழிக்கலாம். பின் இந்த மேப்பினை சேவ் செய்திடுகையில் அதற்கான அடையாள எண் தரப்படும். இந்த எண்ணைப் பின் நாளில் பயன்படுத்தி, மேப் குறிப்புகளை எடிட் செய்திடலாம். நம் வசதிக்கேற்ப குகூள் மேப்பினை வளைக்கும் இந்த வசதி மிகவும் விரும்பத்தக்கதும் பயனுள்ளதும் ஆகும்.

திட்டமிட்டு படிப்பது எப்படி?

இந்த கேள்விக்கு விடை காண்பதற்கு முன்பு, வேறு சில கேள்விகளை உங்களது குழந்தைதனக்கு தானே கேட்டுக்கொண்டு தெளிவு பெற வேண்டும்.

பள்ளியில் கொடுத்துள்ள ஒரு வேலை சிறப்பாகவும் நேர்த்தியாகவும் முடிக்கப்பட்டால், அதுஎப்படி பார்க்கப்படும்? அதற்கு எவ்வளவு பாராட்டு கிடைக்கும்? எவ்வளவு மனநிறைவைதரும்?

இந்த வேலையை தரமாகவும் நேர்த்தியாகவும் செய்து முடிக்க எவ்வளவு நாள் அல்லது நேரம்ஆகும்?இந்த வேலையை எப்படி ஒவ்வொரு மணி நேரத்திற்கும் அல்லது ஒவ்வொரு நாளுக்கும்பிரித்துக் கொள்வது?
இந்த கேள்விகளுக்கு விடைகண்டு விட்டால், போதும். திட்டம் தயார்.
உதாரணமாக, தேர்வுக்கு இன்னும் 10 நாட்கள் இருக்கிறது என வைத்துக் கொள்வோம்.

படிக்க வேண்டியது 10 பாடங்கள் என்றால், ஒரு நாளைக்கு ஒரு பாடம் என்று பிரித்துக்கொண்டு படிக்கலாம். இது தான் திட்டம்.

இப்படி படிக்கும்போது படிப்பு சுமையாக இருக்காது. எளிதாகவும் தெளிவாகவும் படிக்க முடியும்.படிப்பதில் தானாக படிப்பது. படித்ததை ஒப்பிப்பது. படித்ததை எழுதிப்பார்ப்பது என்று பல்வேறுவகைகள் உள்ளன.

ஆனால், படித்த பாடத்தை ஒரு ஆசிரியரை போல பிறருக்கு சொல்லித்தருவது மிகச்சிறந்தபடிப்பு.

அப்படி சொல்லித்தரும்போது, பாடம் மேலும் தெளிவாக புரியும். மனதில் ஆழமாகப் பதியும்.மேலும் பாடத்தை யாராவது ஒருவருக்கு சொல்லித்தரும் போது, அவர் பாடம் சம்பந்தமாகஎழுப்பும் சந்தேகங்களை எதிர்கொள்ள நேரிடும். அந்த சந்தேகம் நமக்கு அதுவரையில்தோன்றாமல் இருந்திருக்கும்.

அவர் கேட்டவுடன், அந்த சந்தேகத்தை நிவர்த்தி செய்வதற்காக மேலும் ஆழமாக பாடத்தைபடிப்போம். அது இன்னும் நம்மை தெளிவு படுத்தும்.

சரி, யாருக்கு சொல்லி தருவது?ஒரு மாணவன் அல்லது மாணவி தனது வகுப்பில் படிக்கும் சக மாணவன் அல்லதுமாணவிக்கு சொல்லி தரலாம்.

பெற்றோருக்கு நேரம் இருந்தால், பெற்றோரே மாணவர்களாக இருக்கலாம். உங்களது குழந்தைஉங்களுக்கு பாடம் நடத்துவது, உங்களுக்கும் புது அனுபவமாக இருக்கும்.

ஒரு பாடத்தை குழந்தை எப்படி சொல்லித் தருகிறாள் அல்லது தருகிறான் என்பதை கவனிக்கவேண்டும்.சம்பந்தப்பட்ட பாடத்தில் குழந்தை எந்த அளவிற்குத் தயாராகி இருக்கிறார்?பாடத்தை எவ்வளவு நேரத்தில் நடத்துகிறார்?
பாடம் நடத்தும்போது எளிமையான உதாரணங்களுடன் விளக்குகிறாரா?

பாடம் நடத்தும்போது நம்மிடம் இடையிடையே கேள்விகள் கேட்டு, அதற்கு பதிலைகூறுகிறாரா? அதாவது அவர் மட்டுமே பேசிக் கொண்டிருக்க நாம் வெறுமனேகேட்டுக்கொண்டிருக்க என்று இல்லாமல், நம்மையும் அந்த உரையாடலில் பங்கெடுக்கவைக்கிறாரா?

பாடத்தை ஒரு நல்ல அறிமுகத்துடன் ஆரம்பித்து முடிக்கும்போது ஒரு நல்ல முடிவுடன்முடிக்கிறாரா?
பாடம் நடத்தும் போது உற்சாகமாக நடத்துகிறாரா?
இப்படி அனைத்து விஷயங்களையும் நாம் கவனிக்க வேண்டும்.

டெஸ்க்டாப் ஐகானில் டெக்ஸ்ட்

நம் வாழ்நாளில் ஒருவரை வெகுநேரம் பார்த்துக் கொண்டிருப்பது யார் என்றால், இன்றைய உலகில் அது நம் டெஸ்க்டாப் கம்ப்யூட்டரின் மானிட்டர் தான். எனவே தான் இதனை நம் மனதிற்குப் பிடித்த வகையில் அமைக்க பல வசதிகள் உள்ளன. ஐகான் வரிசை, பின்புலத் தோற்றம், ஸ்கிரீன் சேவர் என இதனை மாற்றிக் கொண்டே இருக்கிறோம். இதில் உள்ள டெஸ்க்டாப் ஐகான்களின் தோற்றத்தையும் மாற்ற சிலர் முயற்சிக்கின்றனர். அவர்களில் பலர், ஐகான் படம் மட்டும் போதுமே; அதில் ஏன் டெக்ஸ்ட் உள்ளது. படத்தைப் பார்த்து நாம் புரிந்து கொள்ள முடியாதா? என்றெல்லாம் வினா எழுப்புகின்றனர். இவர்களுக்காகவே, ஐகானில் உள்ள டெக்ஸ்ட்டை எப்படி நீக்குவது என்று பார்க்கலாம்.
இது மிக எளிதானதுதானே, ஐகானில் ரைட் கிளிக் செய்து கிடைக்கும் மெனு பட்டியலில் Rename தேர்ந்தெடுத்து, அதில் உள்ள டெக்ஸ்ட்டை அழித்துவிட்டால் போதுமே என்று எண்ணலாம். டெக்ஸ்ட்டை நீக்கிவிட்டால், பின் அதனை டெக்ஸ்ட் எதுவும் இல்லாமல், அதாவது பெயர் எதுவும் இல்லாமல் சேவ் செய்திட விண்டோஸ் இடம் கொடுக்காது. ஆனால் இதில் ஒரு ஆச்சரியத்தக்க விஷயம் என்னவென்றால், விண்டோஸ் இதில் ஸ்பேஸ் ஒன்றை அமைத்தால் இடம் கொடுக்கிறது. அதனையும் ஆஸ்க்கி முறையில் கொடுக்க வேண்டும்.
முதலில் ஐகான் கீழாக இருக்கும் டெக்ஸ்ட் அனைத்தையும் நீக்கிவிடுங்கள். பின் ஸ்பேஸ் அமைப்பதற்கான ஆஸ்கி எண்ணை அமைத்திடுங்கள். இதற்கு ஆல்ட் கீ அழுத்திக் கொண்டு, நம்பர் பேடில் நம் லாக் ஆன் செய்து, அதிலிருந்து 0160 என்ற எண்ணை அழுத்துங்கள். அடுத்து என்டர் செய்து இதனை சேவ் செய்திடுங்கள். இனி ஐகான் வெறும் படமாகக் காட்சி அளிக்கும்.
சரி, அடுத்த ஐகானுக்குச் செல்கையில் இதே வழியைக் கையாண்டால், விண்டோஸ் ஏற்கனவே இந்த பெயர் வேறு ஒரு பைலுக்கு உள்ளது என்று காட்டுமே? என்ற கேள்வி உங்கள் மனதில் எழுகிறதா? இந்த சிக்கலைத் தீர்க்க, ஆஸ்க்கி எண்ணை இருமுறை அழுத்தவும். அடுத்த ஐகானுக்கு மூன்று முறை அழுத்தவும். இப்படியே டெஸ்க்டாப்பில் உள்ள ஐகான்கள் முழுவதற்கும், அவற்றில் உள்ள டெக்ஸ்ட்டை நீக்கி அமைக்கலாம்.

கற்கும் மாணவர்களுக்கும், கற்றுக் கொடுக்க எண்ணும் பேராசிரியர்களுக்கும், ஆய்வு செய்து வரும் ஆராய்ச்சி மாணவர்களுக்கும் ஓர் அருமையான இணையதளம்

கற்றுத் தேர்ந்தவர்களோடு நாம் பழகினால், நாமும் பல விஷயங்களைக் கற்றுக் கொள்ளலாம். மேலும் நாம் கற்றதையும் மற்றவரோடு பகிர்ந்து கொள்ளலாம். இதற்கு இன்டர்நெட்டில் எங்கு செல்வது? நமக்கென ஒரு வலைமனை (Blog) அமைத்து வைத்தாலும், அனைவரும் வந்து படிப்பார்கள், சரியான கருத்துரைகளைப் (Comments) பதிவார்கள் என்பது என்ன உறுதி? இந்த குறையைப் போக்கும் வகையில், கற்றவர்கள் கலந்து உரையாடி, தங்களுக்குத் தெரிந்ததைப் பகிர்ந்து கொள்ள இணையத்தில் ஒரு தளம் உள்ளது. அதன் முகவரி www.wepapers.com இது ஒரு கல்வியாளர்களின் சோஷியல் நெட்வொர்க் என்று சொல்லலாம். இதில் பெரும்பாலும் பல்கலை மற்றும் கல்லூரி மாணவர்கள், பேராசிரியர்கள், ஆய்வு மாணவர்கள் இடம் பெறுகின்றனர். இதில் கலந்து கொள்வதன் மூலம் இதில் உள்ள அறிவு சார்ந்த கட்டுரைகளைப் படிக்கலாம்; நமக்குத் தெரிந்ததை இதில் பதிப்பிக்கலாம். ஆய்வுச் சுருக்கங்கள் (abstracts) கட்டுரைகள், உரைக் குறிப்புகள், ஆய்வு கட்டுரைகள் ஆகியவை இங்கு பெருமளவில் இடம் பெற்றுள்ளன. இவற்றை வகைப்படுத்தி பட்டியலிட்டுள்ளனர். 40 வகைகளில் இவை கிடைக்கின்றன. உலகின் அனைத்து பொருட்களும் இவற்றில் அடங்கும். இந்த கட்டுரைகள் பிளாஷ் தொழில் நுட்பத்தில் காட்டப்படுகின்றன. (யு–ட்யூப் மற்றும் பிற வீடியோ கிளிப்களைக் காட்டுவது போல) கட்டுரைகளின் சுருக்கம் அல்லது ஒரு சிறிய முன்னோட்டத்தினைப் பார்த்து, பின் அவற்றை டவுண்லோட் செய்திட வேண்டுமா என்பதனை முடிவு செய்து டவுண்லோட் செய்திடலாம்.
இந்த தளத்தின் இடது பக்கம் உள்ள பிரிவில், நாங்கள் விரும்பும் கட்டுரைகள் (Papers We Like) என்று ஒரு பட்டியலில், அப்போது பதியப்பட்ட சிறந்த ஏழு கட்டுரைகள் காட்டப்படுகின்றன. நீங்களாக ஒரு பொருள் குறித்து கட்டுரை ஒன்றைத் தேட வேண்டும் எனில், நடுப்பக்கத்திற்குச் செல்லலாம். இங்கு உள்ள Search கட்டத்தில் பொருள் குறித்த சொல்லை டைப் செய்து எணி என்பதில் கிளிக் செய்தால், உடன் கட்டுரைகளின் பட்டியல் கிடைக்கும். நிச்சயமாக நீங்கள் அதிசயப்படத்தக்க வகையில், தேடுவதற்குக் கொடுத்த பொருள் குறித்து பல்வேறு கோணத்தில் கட்டுரைகளின் தலைப்பைக் காணலாம்.
நீங்கள் உங்கள் கட்டுரையை இதில் பதிய வேண்டுமா? இதில் பதிவது என்பது மிக மிக எளிமையானது. பெயர், கல்லூரி அல்லது பல்கலை முகவரி, மின்னஞ்சல் முகவரி ஆகியவற்றைக் கொடுத்து Capcha சோதனையை முடித்தால் போதும். பின்னர் Sign Up செய்து உள்ளே நுழையலாம்.
நீங்கள் ஒரு பொருள் குறித்து கற்றுக் கொடுக்க எண்ணினால், கோர்ஸ் லீடர் என்ற பிரிவில் மூலம் செல்லலாம். அல்லது உங்கள் கட்டுரையை உங்கள் மாணவர்கள் அல்லது மற்ற ஆய்வாளர்களுடன் இணைந்து குழுவாக அமைத்திடலாம். கட்டுரைகளை அப்லோட் செய்வதும் மிக எளிதாக உள்ளது. அப்லோட் செய்த பின்னர், அந்த கட்டுரை குறித்த சுருக்க தகவல்களை நீங்கள் அதற்கான படிவத்தில் தர வேண்டும்.
கற்கும் மாணவர்களுக்கும், கற்றுக் கொடுக்க எண்ணும் பேராசிரியர்களுக்கும், ஆய்வு செய்து வரும் ஆராய்ச்சி மாணவர்களுக்கும் ஓர் அருமையான இணையதளம் இது.
இஸ்ரேல் நாட்டின் ஜெருசலேம் நகரைச் சேர்ந்த Hanan Weiskopf மற்றும் Ehud Zamir என்ற இரு மாணவர்களால் இந்த தளம் தொடங்கப்பட்டு நடத்தப்படுகிறது. பல நாடுகளில் இருந்து இதற்கான நிதி, உதவியாக வழங்கப்படுகிறது.
இந்த தளத்தின் முகவரி: www.wepapers.com

முதல் உதவி-தலை கிறுகிறுத்தல்

இதயத்தின் மத்தியில் வலி, அழுத்தம், பிசைவதைப் போன்ற உணர்வு.மேற்புற வயிற்றில் நீடித்த வலி. நெஞ்சிலிருந்து பரவி, தோள்பட்டை, கழுத்து, தாடை, பற்கள், கைகள் என்று பரவும் வலி. குறைந்த சுவாசம். மயக்கம், தலை கிறுகிறுத்தல்.
கொட்டும் வியர்வை என்ன செய்யலாம்? அவசர சிகிச்சை பிரிவை நாடவும்

மயக்கமடைந்தால் சிகிச்சை-ஐத் தொடங்கவும். அதை மருத்துவரிடம் தெளிவுப்படுத்திவிட வேண்டும்.

மிருகங்களால் ஏற்படும் உபாதைகள்
வீட்டுப் பிராணிகளால் அதிகம் ஏற்படும் உபாதை இது. பூனையை விட நாய் அதிகம் கடிக்கும். ஆனால், பூனைக் கடியும் உடனடியாக கவனிக்கப்பட வேண்டியதே. தடுப்பூசி போடப்படாத வீட்டுப் பிராணிகளாளும், பழக்கப்படாத பிராணிகள் கடிப்பதாலும் வெறிநாய்க்கடி மிருகங்களால் இந்நோய் அதிகம் பரவும். முயல், அணில் போன்றவை ஆபத்தற்றவை.

என்ன செய்யலாம்?
சிறிய காயம்: தோலை அதிகம் துளைக்காத மெலிதான கடி என்றால் பயப்பட வேண்டாம். காயத்தை சுத்தமாக சோப், தண்ணீர் கொண்டு கழுவலாம். கிருமிநாசினி போடலாம். கட்டு கட்டலாம்.
பெரிய காயம்- தோலைத் துளைத்த கடியாக இருந்தால், ரத்தப் பெருகினால், சுத்தமான துணி கொண்டு ரத்தத்தை கட்டுப்படுத்தி, உடனடி மருத்துவ சிகிச்சை பெற வேண்டும்.
பரவும் நோய்: வீக்கம், சிவப்பாதல், அதிக வலி இருந்தால் உடனடி மருத்துவ உதவி பெற வேண்டும்.
வெறிநாய்க்கடி இருக்குமா என்ற சந்தேகம் இருந்தால், அல்லது கடித்த பிராணியைப் பற்றி தெரியாமல் இருந்தால், மருத்துவ உதவி பெற வேண்டும்.

மனிதக்கடி
சில சமயங்களில், விலங்குகளை விட மனிதர்கள் கடிப்பதால் ஏற்படும் பாதிப்பு தீவிரமடைந்து விடுகிறது. காரணம், மனிதர்களின் வாயில் உள்ள பாக்டீரியாக்கள், சண்டை போடும்போது கடித்து விட்டால், அது மனிதக்கடி
என்ன செய்யலாம்?
ரத்தக் கசிவு இருந்தால் அழுத்தி, கட்டுப்படுத்தவும் கிருமி நாசினி உபயோகிக்கவும்.
கட்டு கட்டலாம். அவசர மருத்துவ உதவி.

பூச்சிக்கடி, கொட்டு
பூச்சிக்கடி, கொட்டு மூலம் தோலில்  விஷத் தன்மை பரவும். எரிச்சல், அலர்ஜி ஏற்படும். பல சமயங்களில் இவை பெரிய பாதிப்பை ஏற்படுத்துவதில்லை. சில சமயம், காய்ச்சல், மூட்டு வலி ஏற்படலாம். சிலருக்கு மட்டுமே தீவிர பாதிப்புகள் (Anaphylaxi) ஏற்படலாம்.
அறிகுறிகள்: வீக்கம், அதிர்ச்சி, சுவாதிப்பதில் தடை.
தொல்லை தருபவை என்று பார்த்தால் தேனீ, குளவி, நெருப்பு எறும்பு போன்றவை. சிலந்தி, மூட்டைப் பூச்சி, கொசு போன்றகைகளால் பாதிப்பு அதிகமில்லை.
மெல்லிய பாதிப்புகளுக்கு
கொட்டு வாங்காமல் இருக்க, பாதுகாப்பான பகுதிக்குச் செல்லவும். கிரெடிட் கார்டு போன்ற தட்டையான பொருளால், கொடுக்கை சீவி விடவும். பிறகு, கடி வாயை சோப், தண்ணீர் போட்டு கழுவிவிடவும்.
கொடுக்கை பிடுங்கி எடுக்க முயற்சிக்க வேண்டாம் விஷம் பரவும். வீக்கமும் வலியும் அதிகரிக்காமல் இருக்க ஐஸ் துண்டால் ஒத்தடம் கொடுக்கலாம்.
தகுந்த மருத்துவ ஆலோசனை பெறலாம்
கடுமையான விளைவுகளுக்கு –
கீழ்க்கண்ட விளைவுகள் இருந்தால், உடனடியாக அவசர சிகிச்சைப் பிரிவை தொடர்பு கொள்ளவும்.
சுவாசிப்பதில் சிரமம் உதடு, தொண்டை வீக்கம், மயக்கம், கிறுகிறுப்பு, குழப்பம், அதிகப்படியான இதயத் துடிப்பு, எரிச்சல், குமட்டல், வாந்தி பாதிக்கப்பட்டவருடன் இருக்கும்பட்சத்தில் கீழ்க்கண்டவற்றைச் செய்யலாம் –

அலர்ஜிக்கா ஏதாவது மருந்தை கையில் வைத்திருக்கிறாரா என்று பார்க்கவும். படுக்க வைக்கவும், கால்களை தலையை விட உயர்த்தி வைக்கவும். இறுக்கமான உடைகளைத் தளர்த்தவும், போர்வையால் அவரைப் போர்த்தவும், குடிக்க எதுவும் தர வேண்டாம். வாயில் ரத்தக்கசிவு இருந்தால் அல்லது அவர் வாந்தி எடுத்தால், பக்கவட்டாக அவரைப் படுக்க வைக்கவும். மூச்சுத் திணறாமல் இருக்கும்.சுவாசம், இருமல் சீராக இல்லை என்றால்,சிகிச்சை-ஐத் தொடங்கவும்.