Advertisements

Daily Archives: ஏப்ரல் 18th, 2010

‘கிரக வேட்டை!’

அமெரிக்காவின், ‘நாசா’ விண்வெளி ஆராய்ச்சி விஞ்ஞானிகளின் லேட்டஸ்ட் வேட்டை எது தெரியுமா? ‘கிரக வேட்டை!’
ஆம், விண்வெளிப் பாதையில் பூமி போல கிரகம் உள்ளதா, அங்கு மனிதர்கள் வசிக்க முடியுமா என்று பல ஆண்டாக நடத்தி வரும் ஆராய்ச்சி தான் என்றாலும், இப்போது தான், இந்த கிரகத்தில் தண்ணீர் இருக்கிறது; அந்த கிரகத்தில் தடங்கள் பதிவு இருக்கிறது என்றெல்லாம் புதுப்புது தகவல்கள் வந்த வண்ணம் உள்ளன.
விண்வெளியில், பூமி போல ஒரு கிரகம் இருக்கிறதா, பல கிரகங்கள் இருக்கின்றனவா, அங்கு வசிப்பிட இயற்கை சூழல் இருக்கிறதா என்பதை முக்கிய குறிக்கோளாக எடுத்துக்கொண்டு, ‘நாசா’ விஞ்ஞானிகள் அனுப்பியது தான், ‘கெப்லர்’ விண்வெளி ஆய்வு டெலஸ்கோப்.
இந்த டெலஸ்கோப், சமீபத்தில் மெகா கண்டுபிடிப்பை வெளியிட்டுள்ளது. ‘நாசா’ தரைக்கட்டுப்பாட்டு மையத்தில், இது அனுப்பிய தகவல்கள், விஞ்ஞானிகளுக்கு உற்சாகத்தை தந்துள்ளது.
சூரிய மண்டலத்துக்கு வெளியே நூற்றுக்கணக்கில் பெயரில்லா கிரகங்கள் சுற்றிய படி உள்ளன; இதில், புதிதாக கண்டுபிடிக்கப் பட்ட புதிய ஐந்து கிரகங்கள், வியாழன் (ஜூபிடர்) கிரகத்தை விட, பல மடங்கு பெரியது என்றும் கண்டறியப்பட்டுள்ளது.
பல நூறு கோடி நட்சத்திரங்கள் உள்ளன. இவற்றில் சில நட்சத்திரங்களை சுற்றியபடி தான் கிரகங்கள் உள்ளன. எரிமலைகளை விட தகிப்பவை; தங்கத்தையும் கூழாக்கி விடும் அளவுக்கு வெப்பம் இருப்பதாக தெரியவந்துள்ளது.
கெப்லர் டெலஸ்கோப் கண்டுபிடித்துள்ள ஐந்து புதிய கிரகங்கள் பெயர்கள்… ‘கெப்லர் 4பி, கெப்லர் 5பி, கெப்லர் 6பி, கெப்லர் 7பி, கெப்லர் 8பி, என்று பெயரிடப்பட்டுள்ளன. இவற்றில், ஒவ்வொன்றிலும் மூவாயிரம் பாரன்ஹீட் (1650 செல்சியஸ்) வெப்பம் உள்ளது.
இவற்றில், ‘கெப்லர் 7பி’ கிரகம், பூமிக்கு அருகே, மிகவும் இயற்கை வளம் மிக்கதாக கருதப்படுகிறது. ‘மனித வாழ்வுக்கு இடமிருக் கிறதா என்று தெரியவில்லை என்றாலும், எதிர்காலத்தில் தெரிய வரலாம்!’ என்பதே விஞ்ஞானிகள் நம்பிக்கை.
கெப்லர் டெலஸ்கோப்பின் குறிக்கோள், விண்வெளியில் பாறை மிகுந்த, தண்ணீர் உள்ள கிரகத்தை கண்டுபிடிப்பது தான். கடந்த ஆண்டு மார்ச் மாதத்தில் அனுப்பப்பட்ட இந்த டெலஸ்கோப், முதல் ஆறு வார ஆய்வில் பல புதிய கிரகங்கள் பற்றிய தகவல்களை அனுப்பியுள்ளது.
வெப்பக்கதிர்களை வைத்துத்தான் கிரகங்கள் பற்றிய தகவல்களை உறுதி செய்ய முடிகிறது. அதனால், எதிர்காலத்தில், வெப்பக் கதிர்களை அளக்கும் சக்தி வாய்ந்த நவீன டிஜிட்டல் அளவைகளை கண்டுபிடிப்பது மிகவும் முக்கியம் என்று அமெரிக்க நிபுணர்கள் மதிப்பிடுகின்றனர்.
கெப்லர் டெலஸ்கோப், இன்னும் மூன்றரை ஆண்டுகள் சுற்றிக் கொண்டிருக்கும். அதற்குள், முடிந்தவரை புதிய உலகங்களை கண்டுபிடித்து விட வேண்டும் என்பது தான், ‘நாசா’ விஞ்ஞானிகளின் கனவு.
சூரிய மண்டலத்தை சுற்றிய நட்சத்திரப் பாதையில் இதுவரை சமீப காலமாக 32 புதிய கிரகங்கள் கண்டுபிடிக்கப்பட்டுள்ளன. இவற்றுடன் சேர்த்து கிரகங்களின் எண்ணிக்கை 400ஐ தாண்டுகிறது.
இந்த கிரகங்களின் அளவு பூமியை விட, ஐந்து மடங்கு அதிகம் என்றாலும், அங்கு தண்ணீர், பாறைகள் உள்ளதா என்பது இன்னும் தெரியவில்லை.
பல வகை நட்சத்திரங்கள் காணப்படுகின்றன. அவற்றை சுற்றியபடி இந்த கிரகங்கள் உள்ளன. இவற்றில், 60 சதவீத கிரகங்கள், பூமியை போல இருப்பதற்கான அறிவியல் சார்ந்த அறிகுறிகள் உள்ளன. அதனால், வேற்று கிரக மனிதர்கள் இருப்பதற்கான சாத்தியக்கூறுகளை ஆராயலாம் என்றும் விஞ்ஞானிகள் நம்புகின்றனர்.

Advertisements

அற்புதங்கள் செய்யும் ஸ்ட்ராபெர்ரி

கோடைகாலத்தில் வெயிலை விட பழங்களின் விலை கடுமையாக உயர ஆரம்பிக்கும். ஏனெனில் தோலின் வறட்சியைப் போக்கவும், இழந்த நீர்ச்சத்தை ஈடு செய்யவும், செல் அழிவை தடுக்கவும், மலச்சிக்கல் ஏற்படாமல் காக்கவும் ஏராளமான நார்ச்சத்துகள் நிறைந்துள்ள பழங்களே நமக்கு பெரிதும் உதவுகின்றன. பழங்களில் செல் அழிவை தடுக்கும் ஆன்டி ஆக்சிடன்ட் பொருட்கள் ஏராளமாக நிறைந்துள்ளன. இவை பிரி ரேடிக்கல் எனப்படும் புற்றுநோயை உருவாக்கும் ஒழுங்கற்ற செல்கள் ரத்தத்தில் கலப்பதை தடுக்கின்றன. ஆன்டி ஆக்சிடன்ட் என சொல்லப்படும் செல் அழிவை தடுக்கும் தன்மை சில குறிப்பிட்ட பழங்களிலேயே அதிகமாக காணப்படுகின்றன. இந்த தன்மை நிறைந்துள்ள பழங்கள் பெரும் பாலும் ரத்த சிவப்பு நிறத்தில் காணப்படுவது இதன் சிறப்புக்கு அடையாளமாகும்.
நாம் உட்கொள்ளும் பழம் ருசியாக இருந்தால் மட்டும் போதாது. அதில் நம் உடலுக்கு தேவையான பலவிதமான அத்தியாவசிய சத்துக்களும் நிறைந்திருக்க வேண்டும். உதாரணமாக பிற உணவுகளில் குறைந்தளவே காணப்படும் அல்லது அரிதாக காணப்படும் வைட்டமின்-பி6, வைட்டமின் கே, அயோடின், செலினியம், ஆர்ஜினின் போன்ற பொருட்கள் உணவுப் பாதையை சீர் செய்து, ரத்த செல்களை ஒழுங்கு செய்து, தைராய்டு போன்ற நாளமில்லா சுரப்பிகள்சீராக இயங்கவும், நுண்ணிய ரத்தக்குழாய்களில் அடைப் பின்றி ரத்த ஓட்டம் செல்லவும் பயன்படுகின்றன. இவை குறைபாடாக நமக்கு கிடைப்பதால் பலவித பற்றாக்குறை நோய்கள் உண்டாகின்றன. ஆகவே நாம் இது போன்ற சிறப்பான சத்துகள் நிறைந்த பழங்களை அடிக்கடி உட் கொண்டால் பலவிதமான நோய்கள் நம்மை அணுகாமல் காத்துக் கொள்ளலாம்.
ஏராளமான வைட்டமின்களையும், பலவகையான தனிக சத்துக்களையும், ஊட்டச்சத்துக்களையும் கொண்டுள்ள வெளிநாடுகளிலிருந்து இறக்குமதி செய்யப்படும் தரம் உயர்ந்த ஸ்ட்ராபெர்ரி பழங்கள், கோடைக்காலத்தில் பெருமளவு விற்பனை செய்யப்படுகின்றன. இவற்றின் மருத்துவ குணத்திற்காக இவை பெருமளவு பயன்படுத்தப்படுகின்றன. சுகந்த மணத்தையும், கருஞ்சிவப்பு நிறத்துடன், கண்களை பறிக்கும் அழகுடன் காணப்படும் ஸ்ட்ராபெர்ரி பழங்கள் உலகம் முழுவதும் பயிர் செய்யப்படுகின்றன. தரம் உயர்ந்த இயற்கை முறையில் பயிர் செய்யப்பட்ட ஸ்ட்ராபெர்ரி பழங்கள் பிற நாடுகளுக்கு ஏற்றுமதி செய்யப்படுகின்றன.
பெரோஜிரியா அனானாசா என்ற தாவரவியல் பெயர் கொண்ட ரோசேசியே குடும்பத்தைச் சார்ந்த ஸ்ட்ராபெர்ரி பழங்களில் வைட்டமின் சி, தையமின், ரிபோபேளேவின், நியாசின், பேன்டோதெனிக் அமிலம், போலிக் அமிலம், சையனோகோபாலமின், வைட்டமின் ஏ, டோக்கோபெரால், வைட்டமின் கே போன்ற வைட்டமின்களும், செம்பு, மாங்கனிஸ், அயோடின், பாஸ்பரஸ், மெக்னீசியம், கால்சியம், இரும்பு, துத்தநாகம், செலினியம் போன்ற தனிமங்களும், பல்வேறு வகையான அமினோ அமிலங்களும், அத்தியாவசிய கொழுப்பு அமிலங்களும் ஏராளமாக நிறைந்து உள்ளன.
5 பழங்களில் 250மிலி அளவில் தயார் செய்து குடிக்கும் பழச்சாற்றில் 40 கலோரிகள் சத்தும், பல்வேறு வகையான பிளேவனாய்டுகளும் நமக்கு கிடைக் கின்றன. இதிலிருந்து எடுக்கப்படும் நறுமணப் பொருளானது சாக்லேட், கேக், ஐஸ்கிரீம் போன்றவை தயார் செய்ய உணவு னூட்டியாகவும், நிறமூட்டியாகவும் பயன்படுகிறது.
ஸ்ட்ராபெர்ரி பழங்கள் 10, உரித்த ஆரஞ்சு சுளைகள் 10, பழுத்த, உரித்த நாட்டு வாழைப்பழம் 4, சீனி அல்லது நாட்டுச்சர்க்கரை 50 கிராம் ஆகியவற்றை எடுத்து தேவையெனில் நெல்லிக்காய் சாறு 100 மிலி சேர்த்து நன்கு அரைத்து பழச்சாற்றை பிழிந்து வைத்துக்கொள்ள வேண்டும். தேவையெனில் சற்று நீர் சேர்த்து இளக்கமாக அரைக்கலாம். ஏராளமான ஊட்டச்சத்துகள் நிறைந்த இந்த பழச்சாறு ஒரு சிறிய குடும்பத்திற்கு போதுமானதாகும். கோடைகாலத்தில் அடிக்கடி இந்த பழச்சாற்றை குடித்து வந்தால் தோல் வறட்சி நீங்குவதுடன், வேதிப்பொருட்களால் செய்யப்பட்ட குளிர்பானங்களை உட்கொண்டு பல் எனாமல் தேய்ந்து, பற்களில் கறை ஏற்படுவதையும் தவிர்க்கலாம். மேலும் ஸ்ட்ராபெர்ரியிலுள்ள அமிலங்கள் பல் கறையையும் நீக்குகின்றன.

விரல் போனால் கவலை இல்லை : செயற்கை விரல்களால் அசத்தலாம்

விரல்களை இழந்தவர்களுக்கு வரப்பிரசாதமாக, மிகச் சிறிய மோட்டார்கள் மூலம் இயங்கும் புதிய செயற்கை விரல்கள் கண்டுபிடிக்கப்பட்டுள்ளன. இவற்றின் மூலம், வழக்கமான வேலைகளைக் கூட, சிரமம் இல்லாமல் செய்ய முடியும்.விரல்களை இழந்த எரிக் ஜோன்ஸ் என்பவர், கையில் செயற்கை விரல்களைப் பொருத்தி, எல்லாரையும் போல, வேலை செய்கிறார். இந்த விரல் களை, ஸ்காட்லாண்டு நாட்டைச் சேர்ந்த, ‘டச்பயோனிக்ஸ்’ என்ற நிறுவனம் தயாரித்துள்ளது.

இந்த செயற்கை விரல்களுக்கு, ‘ப்ரோ டிஜிட்ஸ்’ என்று பெயர். மணிக்கட்டில் இந்த செயற்கை கை பொருத்தப்படும். ஒவ்வொரு விரலின் அடிப்பகுதியிலும், சிறிய மோட்டார்கள் பொருத்தப்பட்டிருக்கும். செயற்கைக் கையின் உள்ளங்கையில், ‘சிப்’கள் பொருத்தப்பட்டிருக்கும்.மணிக்கட்டுப் பகுதியில் உள்ள நரம்புகளின் இயக்கம், உள்ளங்கையில் உள்ள சிப்களில் பதிவாகும். அந்த சிப்கள், மோட்டார்களை இயக்கும். கைவிரல்களை விரிப்பது, மூடுவது, ஒருபொருளை இறுகவோ, லேசாகவோ பற்றுவது போன்ற செயல்கள், இந்த, ‘சிப்’ மற்றும் மோட்டார்கள் மூலம் நடக்கும். இதன் மூலம், இயற்கையான விரல்களைப் போலவே செயலாற்ற முடியும்.

இந்த, ‘ப்ரோடிஜிட்ஸ்’ கருவி, வியாபார ரீதியாக, கடந்த டிசம்பரில் அறிமுகமானது. இப்போது உலகம் முழுவதும் 60 பேருக்கு இக்கருவி பொருத்தப்பட்டு வெற்றிகரமாக இயங்கி வருகிறது. சிலர் இதை நான்கு ஆண்டுகளுக்கும் மேலாகப் பயன்படுத்தி வருகின்றனர்.ஒரு கருவியின் விலை 28 லட்சத்து 80 ஆயிரம் ரூபாயிலிருந்து 36 லட்ச ரூபாய் வரை நிர்ணயிக்கப்பட்டுள்ளது.

கடல் உணவு பிரியர்களே…

கடலில் இருந்து கிடைக் கும் பலவகை மீன்கள், நத்தை- நண்டு வகைகள், சில தாவரங்களை உணவாக உட்கொள்கிறோம். இவற்றில் பல்வேறு சத்துக்கள் நிரம்பி இருப்பது உண்மைதான். ஆனாலும் அவற்றில் ஒருவித நச்சுப் பொருள் இருப்பது சமீபத்தில் கண்டுபிடிக்கப்பட்டு உள்ளது.

நத்தை வகைகள் மற்றும் பிளாங்டான் தாவரத்தில் நரம்புமண்டலத்தை தாக்கும் நச்சுப் பொருள் இருக்கிறது. இந்த வகை உணவுகளை தொடர்ந்து சாப்பிட்டு வந்தால் அம்னீசியா மற்றும் `ஷார்ட் டைம் மெமரி லாஸ்’ போன்ற ஞாபக மறதி வியாதிகள் ஏற்படும் வாய்ப்புகள் உள்ளன. அவை நிரந்தர பாதிப்பாக மாறிவிடும் அபாயமும் இருக்கிறது.

கடல் வாழ் தாவரமான பிளாங்டான், கார்பனை உறிஞ்சுவதன் முலம் புவி வெப்பமாதலுக்கு எதிராக உதவும் என்று நம்பி அதை வளர்ப்பதை ஊக்குவித்து வருகிறோம். அதில் இந்த நச்சுப்பொருள் இருப்பதால் வேறுவிதமான விளைவுகள் ஏற்படும் என்றும் அமெரிக்க ஆய்வாளர்கள் எச்சரித்து உள்ளனர்.