Daily Archives: ஏப்ரல் 13th, 2011

போன் குறியீட்டு எண் தரும் தளம்

தொலை தொடர்பு இணைப்பு என்பது இன்று சொடுக்குப் போடும் விநாடிகளில் ஏற்படுத்தப் படும் ஒரு செயலாக மாறிவிட்டது. எந்த நாட்டி லிருந்தும் எந்த நாட்டிற்கும் தொலைபேசி மூலம் தொடர்பினை மேற்கொண்டு தகவல்களைத் தெரிவிக்கலாம். ஒவ்வொரு நாடும் தனக்கென ஒரு குறியீட்டு எண்ணைக் கொண்டுள்ளன. இந்தியாவிற்கு 91 என்பது அனைவரும் அறிந்த ஒன்று. ஆனால் அனைத்து நாடுகளின் குறியீட்டு எண்ணை எப்போதும் நினைவில் கொள்ள முடியாதே. இந்த தேவையை நிறைவு செய்திட, இணையத்தில் ஒரு தளம் இயங்குகிறது. http://www.simplecountry codes.com என்ற முகவரியில் உள்ள தளம், அனைத்து நாடுகளுக்கான தொலைபேசி குறியீட்டு எண்ணைத் தருகிறது. இந்தத் தளம் சென்று, எந்த நாட்டிற்கு நீங்கள் அழைப்பை ஏற்படுத்த விரும்புகிறீர்கள்? என்ற கேள்வியுடன் கட்டம் தரப்பட்டு, நாட்டினைத் தேர்ந்தெடுக்க ஒரு நீள் கட்டமும் தரப்படும். இதில் நாம் தொடர்பு கொள்ள விரும்பும் நாட்டினைத் தேர்ந்தெடுக்கலாம். அடுத்து, இரண்டாவதாக, நாம் எந்த நாட்டிலிருந்து அந்த நாட்டினைத் தொடர்பு கொள்கிறோம் என்பதனையும் தேர்ந்தெடுத்துக் காட்ட வேண்டும். பின்னர் Lookup Coundry code என்ற பட்டனில் கிளிக் செய்தால், தேவைப்பட்ட குறியீட்டு எண் கிடைக்கும். மிகவும் பயனுள்ள இந்த தளத்தை நினைவு கொள்ள வேண்டிய தளப் பட்டியலில் வைத்துக் கொள்ளுங்கள்.

பயர்பாக்ஸ் 4 – புதுமை, எளிமை, வேகம்

சென்ற மார்ச் 22 அன்று பயர்பாக்ஸ் பிரவுசரின் நான்காம் பதிப்பு வெளியானது. வெளியிட்ட 3 மணி நேரத்தில், பத்து லட்சம் பேர் இதனை டவுண்லோட் செய்துள்ளனர். ஒவ்வொரு நிமிடத்திலும் சராசரியாக 6,500 பேர் டவுண்லோட் செய்து வந்தனர். இது தொடர்ந்து உயர்ந்து கொண்டும் இருந்தது. இந்த எண்ணிக்கை, மக்களுக்கு பயர்பாக்ஸ் பிரவுசரின் மீதுள்ள நம்பிக்கையைக் காட்டுகிறது. பாதுகாப்பான, வேகமான, எளிமையான இன்டர்நெட் அனுபவத்திற்கு இது வழி தரும் என்ற எண்ணத்தில், இன்டர்நெட் எக்ஸ்புளோரருக்கு மாற்றாக, பயர்பாக்ஸ் பிரவுசரை மக்கள் பயன்படுத்தி வருகின்றனர் என்பதனை இது உறுதி செய்கிறது. புதிய பிரவுசரின் சிறப்பு அம்சங்களை இங்கு காணலாம்.
ஏறத்தாழ 70 கோடிக்கு மேலானவர்கள் பயர்பாக்ஸ் பிரவுசரைப் பயன்படுத்தி வருகின்றனர். இவர்களின் எதிர்பார்ப்பு களைத் தொடர்ந்து கணித்து வரும் மொஸில்லா நிறுவனம், பல புதிய அம்சங்களை, பதிப்பு 4ல் தந்துள்ளது.
எளிமையாக்கப்பட்ட இடைமுகம், அதிக திறனுடன் இயங்கும் ஜாவா ஸ்கிரிப்ட், எச்.டி.எம்.எல். 5 இயக்கம், எதனுடனும் இணைந்து செயல்படும் தன்மை, பரவலாக பனோரமா தோற்றம், பல வகைகளில் ஆயிரக் கணக்கில் தயாராகிக் கிடைக்கும் ஆட் ஆன் தொகுப்புகள், எந்த ஒரு இணைய தளத்துடனும் இணைந்து செயல்படும் தன்மை ஆகியவற்றை இந்த பிரவுசரின் சிறப்பு அம்சங்களாகக் கூறலாம்.
பயனாளர்களை வழிப்படுத்தும் “இடைமுகம்’ எனப்படும் இன்டர்பேஸ் முற்றிலும் புதியதாக வடிவமைக்கப் பட்டுள்ளது. சட்டென உணரும் வகையில் வேகம் அதிகரிக்கப் பட்டுள்ளது. இன்னும் வளர்ந்து வரும் எச்.டி.எம்.எல். 5 தொழில் நுட்பம் முழுமையாக சப்போர்ட் செய்யப் படுகிறது. சிங்கரனைசேஷன் என அழைக்கப்படும், இணைந்து செயல்படுத்தப்படும் தன்மை, ஆட் ஆன் எனப்படும் துணைத் தொகுப்புகளைப் பதிந்த பின்னர், மீண்டும் ரீஸ்டார்ட் செய்யாமலேயே அவற்றை இயக்கும் தன்மை, டேப்களை குரூப் செய்து பயன்படுத்தும் வசதி ஆகியவைகள் குறிப்பிட்டுச் சொல்லும் வசதிகளாகும்.
இணைய தளங்கள் நம் பெர்சனல் தகவல்களைப் பின்பற்றிக் கைப்பற்று வதற்கான தடை (donottrack feature) இந்த பிரவுசரில் அமைக்கப்பட்டுள்ளது. எனவே நம்மைக் குறி வைத்து தரப்படும் விளம்பரங்கள் நமக்கு இடையூறாக இருக்காது. டேப்கள் அனைத்தும் மேலாக அமைக்கப்பட்டுள்ளன.
விண்டோஸ் விஸ்டா மற்றும் விண்டோஸ் 7 சிஸ்டங்களில் இந்த பிரவுசர் இயங்குகையில், மெனு பாருக்குப் பதிலாக, பயர்பாக்ஸ் வழங்கும் பட்டன்கள் உள்ளன. ஏற்கனவே திறந்து இயக்கப்பட்ட டேப்களுக்கு ஸ்மார்ட் லொகேஷன் பார் மூலம் எளிதாகச் செல்லலாம். ஸ்டாப், ரெப்ரெஷ் மற்றும் ரீலோட் பட்டன்கள் ஒரே பட்டனாக, அட்ரஸ் பாருக்குள்ளாகத் தரப்பட்டுள்ளன. இதனால், அட்ரஸ் பார் மற்றும் சர்ச் பார், சற்று நீளமாகக் காட்சி தருகிறது.
புக்மார்க்ஸ் டூல்பார், புக்மார்க்ஸ் பட்டனாக மாற்றப்பட்டுள்ளது. நமக்கு பழையபடி டூல்பாராகத்தான் வேண்டும் என்றால், மாற்றிக் கொள்ளலாம்.
அடோப் பிளாஷ், ஆப்பிள் குயிக் டைம் அல்லது மைக்ரோசாப்ட் ப்ளக் இன் இயங்கும்போது, அவற்றில் கிராஷ் ஏற்பட்டால், பயர்பாக்ஸ் பாதுகாக்கப் படும். கிராஷ் ஆகாது. அந்த தளம் மட்டும் முடங்கும். HD HTML5 WebM பார்மட்டிற்கு சப்போர்ட் வழங்கப்படுகிறது.
முக்கிய மெனுக்கள் எல்லாம், ஆப்பரா பிரவுசரில் உள்ளது போல மேலாக இடது பக்கம் ஒரு பட்டனில் கிடைக்கிறது. மெனுவுக்குள் மெனுவாக அனைத்து மெனுக்களும் உள்ளன. ஆனால் பழைய முறையில் தான் மெனு வேண்டும் என விருப்பப்படுபவர்கள், அந்த முறைக்கு மாறிக் கொள்ளலாம். இந்த வகையில் தன்னுடன் போட்டியிடும் மற்ற பிரவுசர்களில் உள்ள நல்ல அம்சங்கள் அனைத்தையும், பயர்பாக்ஸ் 4 கொண்டுள்ளது. எளிமையாகக் குறைந்த இடத்தைப் பயன்படுத்தி, இணைய தளக் காட்சிக்கு அதிக இடம் தருகிறது.
டேப்கள் அனைத்தும் அட்ரஸ் பாருக்கு மேலே அமைக்கப்பட்டுள்ளன. டேப்களை எங்கும் நகர்த்தலாம். மொஸில்லா இவற்றை அப்ளிகேஷன் டேப் என அழைக்கிறது. இவற்றை எங்கு வேண்டுமானாலும் பின் அப் செய்து கொள்ளலாம். டேப் பாரில் இவை அப்படியே நிற்கின்றன. பிரவுசரை மூடித் திறந்தாலும், அவை அங்கேயே காட்சி தருகின்றன.
வலது ஓரத்தில் ஒரு புதிய டேப் பட்டன் ஒன்று காட்டப்படுகிறது.
பயர்பாக்ஸ் பனோரமா (Firefox Panorama) என்ற புதிய வசதி ஒன்று தரப்பட்டுள்ளது. இதன் மூலம் டேப்களைக் கையாளலாம். இtணூடூ + குடடிஞூt + உ கீகளை அழுத்தினால், இந்த பனோரமா செயல்படுகிறது. திறந்திருக்கும் அனைத்து டேப்களையும் காட்டுகிறது. அனைத்து டேப்களின் தளங்களும், நக அளவில் காட்சிகளாகக் காட்டப் படுகின்றன. இதனைப் பயன்படுத்தி, டேப் குரூப்களை உண்டாக்கலாம். ஏற்கனவே அமைக்கப்பட்ட குரூப்களிலிருந்து டேப்களை நீக்கலாம் மற்றும் இணைக்கலாம். ஒரு குரூப்பில் உள்ள டேப்பில் கிளிக் செய்தால், அந்த குரூப்பில் எந்த டேப்கள் உள்ளனவோ, அதற்கான இணைய தளங்கள் மட்டுமே காட்டப்படும். டேப் ஒன்றில் ரைட் கிளிக் செய்து, நேராக அதனை ஒரு குறிப்பிட்ட குரூப்பில் சேர்க்கலாம். இதன் மூலம் நாம் நம் வேலைகளுக்கேற்றபடி, இணைய தளங்களை குரூப்களாகப் பிரிக்கலாம். பத்திரிக்கை தளங்கள், இசை தளங்கள், நம் அலுவலக வேலை சார்ந்த தளங்கள் என வகைப்படுத்தி வைத்துக் கொள்ளலாம்.
ஆட் ஆன் மேனேஜர் வசதியும் இப்போது ஒரு டேப்பாகக் கிடைக்கிறது. இதன் மூலம், பிரவுசரில் நிறுவப்பட்டுள்ள பெர்சனாஸ், ஆட் ஆன் தொகுப்புகள் மற்றும் ப்ளக் இன் புரோகிராம்கள் காட்டப்படுகின்றன.
இன்டர்நெட் எக்ஸ்புளோரர் 9 மற்றும் குரோம் 10 பிரவுசர்களில் இருப்பது போல, பயர்பாக்ஸ் பிரவுசரில் ப்ளோட்டிங் ஸ்டேட்டஸ் பார் ஒன்று தரப்பட்டுள்ளது. இணைய தளம் ஒன்று இறங்கும்போதும், கர்சரை லிங்க் ஒன்றின் மீது கொண்டு செல்லும் போது மட்டும் இந்த ப்ளோட்டிங் ஸ்டேட்டஸ் பார் காட்டப்படுகிறது.
பயர்பாக்ஸ் சோதனைத் தொகுப்பில், ஒவ்வொரு இணைய தளத்திற்கான டேப்பும், தனியாக சிஸ்டத்தின் டாஸ்க் பாரில் காட்டப்பட்டிருந்தது. ஆனால் இறுதித் தொகுப்பில் இது எடுக்கப்பட்டு மொத்தமாகவே காட்டப்படுகிறது. விண்டோஸ் 7 போன்ற சிஸ்டங்களில் இது நன்றாகச் செயல்படும். ஏனோ, மொஸில்லா இதனை நீக்கிவிட்டது. குரோம் மற்றும் இன்டர்நெட் எக்ஸ்புளோரர் 9ல் இது கிடைக்கிறது. ஒவ்வொரு டேப்பிற்கான இணைய தளமும் தனியே ப்ராசஸ் செய்யப்படுகிறது. ஆனால், இதனால், மெமரி அதிகம் எடுத்துக் கொள்ளப்படும். ஒருவேளை, இதனைத் தவிர்க்க, மொஸில்லா, இந்த வசதியை எடுத்திருக்கலாம்.
இந்த பிரவுசரில் Firefox Sync என்ற ஒரு வசதி தரப்படுகிறது. பிரவுசரின் புக்மார்க்ஸ், ஹிஸ்டரி, பாஸ்வேர்ட், மற்றும் திறந்திருக்கும் டேப்கள் கூட, இதன் மூலம் ஒருங்கிணைக்கப்படும். அடுத்தடுத்து, வெவ்வேறு கம்ப்யூட்டர் களில் பணியாற்று பவர்களுக்கு இது மிகவும் உதவியாக இருக்கும். குறிப்பாக, அலுவலகம் மற்றும் வீடுகளில் கம்ப்யூட்டர்களில் பணி மேற்கொள்பவர்களுக்கு இந்த வசதி அவசியம் தேவைப்படும்.
இதுவரை இது ஒரு ஆட் ஆன் தொகுப்பாக இருந்து வந்தது. பயர்பாக்ஸ் பதிப்பு 4ல்,இது ஒரு உள்ளார்ந்த வசதியாகத் தரப்பட்டுள்ளது.
முன்பெல்லாம், பேக் கிரவுண்ட் படங்களுடன் ஓர் இணைய தளம் டவுண்லோட் ஆகும் போது, பயர்பாக்ஸ் பிரவுசர் சற்று திணறும். ஆனால் தற்போது பிரவுசரில் இயங்கும் புதிய ஜெக்கோ 2.0 (Gecko 2.0) இஞ்சின், எந்த சுமையுள்ள தளத்தையும் எளிதாக இறக்கிக் காட்டுகிறது. இதுவரை இயங்கிய பயர்பாக்ஸ் பிரவுசர்கள், கம்ப்யூட்டர் மெமரியில், மற்ற பிரவுசர்களைக் காட்டிலும் அதிக மெமரியை எடுத்துக் கொண்டன. ஆனால் பயர்பாக்ஸ் 4, மற்ற பிரவுசர்களைப் போல நியாயமான அளவிலேயே மெமரியைப் பயன்படுத்துகிறது. இந்த வகையில், குரோம், அது மல்ட்டி ப்ராசஸ் சிஸ்டம் பயன்படுத்துவதால், அதிக மெமரியை எடுத்து இயங்குகிறது. ஆனால் இதே வகையில் இயங்கும் இன்டர்நெட் எக்ஸ்புளோரர் பிரவுசர், மிகக் குறைந்த அளவிலேயே, மெமரியைப் பயன்படுத்துகிறது.
மற்ற பிரவுசர்களைக் காட்டிலும், அனைத்து வகைகளிலும் சிறப்பான பிரவுசராக, பயர்பாக்ஸ் பிரவுசரைக் கருத முடியாது. இருப்பினும், இதன் முந்தைய பதிப்பைக் காட்டிலும், வியக்கத்தக்க வகையில் பல முன்னேற்றங்களை பயர்பாக்ஸ் பதிப்பு 4 கொண்டுள்ளது. எனவே பயர்பாக்ஸ் ரசிகர்களும், புதிய பிரவுசர் ஒன்றைப் பயன்படுத்திப் பார்க்க விரும்புபவர்களும், இதனை மொஸில்லா வின் தளத்திலிருந்து டவுண்லோட் செய்து இன்ஸ்டால் செய்து பார்க்கலாம்.
நீங்கள் பயர்பாக்ஸ் 3.6 பிரவுசரி லிருந்து, பதிப்பு 4க்கு மாறுவதாக இருந்தால், அதிக மாற்றங்களை எதிர்கொள்ளத் தயாராகுங்கள். மாற்றங் களுடன் செயல்படுவது கடினமாக இருந்தால், மெனு டூல் பாரினை இயக்கிக் கொள்ளவும். அதே போல புக்மார்க்ஸ் மெனு பார் தேவை என்றாலும், மெனு பாரினை இயக்கி பயன்படுத்த வேண்டும்.

உலக சாதனை படைத்த பெண் புறா

புறாக்களின் வீரத்தையும், புத்திக்கூர்மையையும் ஒருங்கே வெளிப்படுத்தும் விதத்தில் அவைகளுக்கு பறக்கும் பந்தயம் வைக்கப்படுகிறது. பந்தயத்திற்காக திக்கு திசை தெரியாத பல நூறு கிலோ மீட்டர் தூரத்தில் விட்டாலும், தான் வளர்க்கப்படும் வீடு தேடி ஓய்வின்றி பறந்து வந்து விடுகிறது. சமீபத்தில் நடந்த பறக்கும் பந்தயத்தில் சாதனை படைத்திருக்கிறது பெங்களூரைச் சேர்ந்த 8 மாத பெண் புறா. அதன் பெயர் `பிளாக் குயின்’.

இந்த சாதனைப் புறாவின் சிலிர்க்க வைக்கும் பயணம் பற்றி பார்ப்போம்.

பெங்களூரில் இருந்து வாகனம் மற்றும் ரெயில் மூலம் மராட்டிய எல்லையில் உள்ள லேண்டடு பகுதிக்கு பிளாக் குயின் பெண்புறா அழைத்து செல்லப்பட்டது. இதேமாதிரி ஏராளமான பந்தய புறாக்கள் பல்வேறு இடங்களில் இருந்து வந்து சேர்ந்தன. போட்டியில் ஏறத்தாழ 25 புறாக்கள் கலந்து கொண்டன. புறா பந்தய போட்டியை நடத்துபவர்கள் கூட திசை தெரியாமல் தவித்த அந்த இடத்தில் இருந்து காலை 6.30 மணிக்கு பந்தயப் புறாக்கள் அனைத்தும் கூண்டில் இருந்து திறந்துவிடப்பட்டன.

அடுத்தகணம் புறாக்கள் வானுயர பறந்தன. போட்டி தொடங்கிய 12 மணி நேரத்திற்குள் அதாவது மாலை 6.30 மணிக்குள் முதலில் வீடு சேரும் புறா வெற்றி பெற்றதாக கருதப்படும். போட்டியில் கலந்து கொண்ட புறா என்பதற்கு அடையாளமாக காலில் ரகசிய எண் கொண்ட வளையம் போடப்பட்டு இருந்தது.

ஆனால் 9 நிமிடத்திற்கு முன்பாகவே அன்று மாலை 6.21 மணிக்கு பிளாக் குயின் தன்னை வளர்க்கும் அமர்நாத் வீட்டை வந்தடைந்து பரிசை தேடிக் கொடுத்தது. 700 கிலோ மீட்டர் தூரத்தை ஓய்வின்றி கடந்து வந்து இந்த சாதனையை படைத்திருக்கிறது.

தற்போது பிளாக் குயின் தனது சொந்தங்களுடன் கூண்டில் உலாவிக் கொண்டிருக்கிறது. உரிமையாளர் அமர்நாத் கூறுகிறார்.

வானத்தில் பல்டி அடிக்கும் கர்ணபுறாக்களை எனது பெரியப்பா வளர்த்து வந்தார். எனக்கு இப்போது 55 வயது. நான் 12 வயதிலேயே புறா இனங்கள் மீது ஆர்வமாகி புறாக்களை வளர்க்கத் தொடங்கிவிட்டேன். `ஓமிங்’ என்று அழைக்கப்படும் ரேஸ் பந்தய புறாக்களை வளர்க்க தொடங்கினேன். இந்த புறாக்களுடன் கடந்த 3 ஆண்டுகளாக போட்டியில் பங்கு பெறுகிறேன்.

8 மாதமே ஆன பிஞ்சு பெண் புறா இப்போது இந்த சாதனையை படைத்து உள்ளது. 8 மாத பெண் புறா எதுவும் உலக அளவில் இதுபோன்ற சாதனையை படைத்ததில்லை என்பது குறிப்பிடத் தக்கது. புறா பயிற்சியில் எனக்கு உறுதுணையாக பயிற்சியாளர் வின்சென்ட் பால் இருக்கிறார். அவர் தான் புறாக்களுக்கு பயிற்சி கொடுப்பது, சத்தான உணவு வழங்குவது, மருந்து மாத்திரை வழங்குவது போன்றவற்றை செய்து வருகிறார். பந்தய புறாக்களை வளர்க்கும் நுணுக்கம் அவருக்கு நன்றாக தெரியும்.

நாங்கள் இருவரும் ஒருவருக்கொருவர் புரிந்து கொண்டு செயல்பட்டதால் தான் எங்களது புறா வெற்றி பெற்றுள்ளது. அடுத்து இந்தியாவின் தலைநகரான டெல்லி வரை புறாவை பறக்க விட வேண்டும் என்பது தான் எனது இலக்கு. எனது மகன் யஷ்வந்த் புறாக்களை பேணி பராமரிப்பதில் எனக்கு உறுதுணையாக இருக்கிறான்” என்றார்.

`பிளாக் குயின்’ புறாவின் பயிற்சியாளர் வின்சென்ட் பால் கூறுகையில், “இந்த புறா 700 கிலோ மீட்டர் தூரத்தை 12 மணி நேரத்துக்குள் கடந்து உள்ளது. ஒரு நிமிடம் கூட மரத்திலேயோ அல்லது தரையிலேயோ கால் பதித்து இருக்காது. அவ்வாறு கால் பதித்து இருந்தால் அது வெற்றி இலக்கை எட்டியிருக்க முடியாது. ஓய்வே எடுக்காமலும், பாதை மாறாமலும் பறந்து வந்து சாதனை படைத்து இருக்கிறது. இந்த புறா பந்தயத்தில் ஒரு வருத்தம், உரிய அனுமதி பெற்று போட்டிக்கு கொண்டு செல்லப்பட்ட போதும் வனத்துறையினரின் கெடுபிடி அதிகமாக இருக்கிறது. இது குறைந்தால் புறா பந்தயம் வளர்ச்சி பெறும்” என்றார்.

பிளாக் குயின் புறாவை வளர்க்கும் அமர்நாத் பெங்களூரில் மத்திய அரசின் பொதுத்துறை நிறு வனத்தில் பணி செய்து வருகிறார். சில கன்னட படங்களிலும் நடித்துள்ளார்.

இவர் பந்தய புறாக்களை மட்டுமின்றி பல்வேறு நாட்டை சேர்ந்த பேன்சி ரக புறாக்களையும், ஆகாயத்தில் பல்டி அடிக்கும் கர்ண புறாக்களை யும் வளர்த்து வருகிறார். இந்த புறாக்களை வளர்க்க மாதந்தோறும் அவர் செய்யும் செலவு எவ்வளவு தெரியுமா? ரூ.30 ஆயிரம்.

அழகுப் பெண்… 5 பாம்புகள்… அதிசய யோகா

ந்த இளம் பெண்ணை பலர் சூழ்ந்திருக்கிறார்கள். அழகுப் பெண்ணான இவரது உடலையோ பல பாம்புகள் சுற்றியிருக்கின்றன. அறையில் லேசான ஒளி பரவி இருக்க அதிகம் இருள் விரவி காணப்படுகிறது. சுற்றி இருக்கும் ஆண்களுக்கும், பெண்களுக்கும் பாம்புகளைக் கண்டதும் லேசான நடுக்கம்.

“யாரும் பாம்புகளைக் கண்டு நடுங்க வேண்டாம். அவை நம்மையே நமக்கு உணர்த்தும் உன்னத ஜீவன்கள். எல்லோரும் கண்களை மூடிக்கொள்ளுங்கள்” என்று கூறி வகுப்பை தொடங்குகிறார் அந்த இளம் பெண். சீறும் பாம்புகளை சிங்காரமாக உடலில் சுற்றிக் கொண்டு யோகா கற்றுத் தருகிறார் இந்த மங்கை.

யோகா இந்தியர்களின் பழம்பெருமை மிக்க கலைகளில் ஒன்று. உடல் இயக்கத்தை ஒழுங்குபடுத்துவதுடன் மனிதனை இறைவனோடு இணைக்கும் திறனுடையதாக யோகக்கலையைப் பற்றி கூறுகிறார்கள். பாம்பை தெய்வமாக வழிபடும் வழக்கமும் இந்தியாவில் இருக்கிறது. பாம்பு போல உடலை வளைத்து செய்யும் யோகா பயிற்சி உண்டு. அதேபோல பாம்புகளை உடலில் ஊர்ந்து செல்லவிட்டு `பாம்பு மசாஜ்’ செய்வதன் மூலம் சில பலன்களைப் பெறும் தேகப் பயிற்சியும் இங்கே இருக்கிறது.

ஆனால் பாம்பு யோகா என்பது யோகா, பாம்பு வழிபாடு, பாம்பு மசாஜ் மூன்றையும் ஒன்றிணைத்து செய்யப்படுவது போன்று புதுமையாக இருக்கிறது. இந்த புதுமையை செய்து காட்டுபவர் இந்தியப் பெண்மணியல்ல. லண்டனை சேர்ந்த இளம் பெண் க்வாலி குமாரா. இவர் குண்டலினி யோகா பயிற்றுவிக்கும் பெண்.

லேசான ஒளியுள்ள அறையில், பிறை நிலா வடிவில் அரைவட்டமாக அவரைச் சூழ்ந்திருக்கும் ஆண், பெண் மாணவர்களுக்கு யோகா பயிற்சியை தொடங்குகிறார் க்வாலி..

“இலேசாக கண்களை மூடிக் கொள்ளுங்கள். பாம்பைப் பற்றிய பயத்தை விட்டுவிடுங்கள். இந்த அறையில் நிறைய பேர் அவற்றைக் கண்டு அஞ்சுவதை காண்கிறேன். பாம்புகள் நமது தேக சக்கரங்களை திறந்துவிடும் சாவிகளாகும். அவை நமது ஆற்றலை உடலெங்கும் பரவச் செய்யும். இதனால் வாழ்க்கை முழுவதும் புத்துணர்ச்சியுடன் இயங்கலாம். மறுமலர்ச்சி தெரியும்” என்று மாணவர்களுக்கு தன்னம்பிக்கையூட்டுகிறார்.

மாணவர்கள் அனைவரும் கண்களை மூடி தியானிக்கிறார்கள். பாம்புகளை மெல்ல மாணவர்களின் உடலில் சுற்றி பயிற்சி அளிக்கும்போது சிலரின் உடல் நெளிகிறது, சிலிர்க்கிறது. சிலர் கண்களை திறக்கவும், எழுந்துவிடவும், அசைந்து கொடுக்கவும் செய்கிறார்கள். அவ்வப்போது தவறுகளை சரி செய்து கொண்டே மெல்ல மெல்ல பயிற்சியின் அடுத்த கட்டத்திற்கு அழைத்துச் செல்கிறார் க்வாலி. 8 நாட்களில் ஒவ்வொரு கட்ட பயிற்சியாக சொல்லிக் கொடுக்கிறார்.

பாம்பு யோகா பற்றி க்வாலி பகிர்ந்து கொண்டவை…

“மக்கள் பாம்புகளைக் கண்டு நடுங்குவதைப் போலவே தனது நிஜமான ஆத்ம நிலையைக் கண்டும் அஞ்சுகிறார்கள். பாம்புகள் நம்மை நம் ஆத்மாவோடு இணைப்பவை. நமது உடலில் மூலாதாரம் முதல் முகுளம் வரை 8 சக்திச் சக்கரங்கள் இருக்கிறது. இவை ஆற்றல் சக்கரங்களாகும். வாழ்வியல் ஆசைகளாலும், கவலைகளாலும் இந்த சக்திச் சக்கரங்கள் மறைக்கப்பட்டு கிடக்கின்றன. மனிதர்கள் இவற்றை அறியாமலேயே வாழ்ந்து வருகிறார்கள். அதனாலேயே மகிழ்ச்சியற்றும், நலமற்றும் வாழ்கிறார்கள்.

பாம்பு யோகாவினால் இந்த சக்தி சக்கரங்களின் வழி திறக்கப்படுகிறது. இதனால் நமது ஆற்றல் இந்த சக்கரங்களின் வழியாக உடல் முழுமைக்கும் பரவுகிறது. பாம்புகள் உடலில் ஒவ்வொரு பாகத்தில் இறுகி இயங்கும்போது அந்தந்த பகுதிகளின் இயக்கம் அதிகரிக்கிறது. சக்கர இயக்கத்தையும் தூண்டிவிடுகிறது. மனஅழுத்தம், இறுக்கம் தளர்த்தப்பட்டு அமைதி உண்டாகிறது” என்று விளக்குகிறார்.

“தினமும் 20 நிமிடம் யோகா பயிற்சி செய்தால் போதும். பயிற்சிக்குப் பிறகு ஆழமான அமைதி நிலவுவதை உணரலாம். பாம்புகளின் `இச்ச்’, `இஸ்’ சத்தம் நமது உணர்வுகளை தூண்டிவிடும்” என்றும் க்வாலி கூறுகிறார். இவர் பயிற்சி கொடுப்பதற்காக 11 பாம்புகளை பராமரித்து வருகிறார்.

நெருங்கும் ஆபத்து-அணு உலை

ஜப்பானில் ஏற்பட்ட சுனாமிக்கு பின்னர் அமெரிக்க அலறுகிறது. சீனா, சிங்கப்பூரில் சுற்றுலாவுக்கு தடை. ஆஸ்திரேலியாவில் ஆர்ப்பாட்டங்கள். காரணம்.. புருஷிமா அணு உலையிலிருந்து வெளியாகும் கதிர்வீச்சு தான். உலகமே நடுங்கும் நொடியில் உடலுக்குள் நுழைந்துஉறுப்புகளை உருத் தெரியாமல் அழித்து விடும் இந்த கதிர்வீச்சினால் இந்தியாவுக்கு குறிப்பாக தமிழ்நாட்டுக்கு ஆபத்து உண்டா?
நிச்சயமாக எடுப்பிலேயே எச்சரிக்கும் தொனியில் சொல்கிறார் டாக்டர் புகழேந்தி. கதிர்வீச்சின் பாதிப்பு மற்றும் அது குறித்து விழிப்புணர்வை ஏற்படுத்தி வரும் அவர் அதற்கான காரணங்களையும் பட்டியலிடுகிறார்.
1986ல் ரஷ்யாவின் செர்னோபில் அணு உலையில் விபத்து ஏற்ப்பட்டது. அடுத்த இரண்டு வாரங்கள் சென்னைஉள்பட இந்தியாவின் முக்கிய நகரங்களில் காற்றிலும், ஆடுகளிலும் அயோடின் 131 என்கிற செறிவு பொருள் கொண்டுசோதனை நடத்தப்பட்டது. அதன் முடிவு என்ன தெரியுமா? கதிர்வீச்சின் அளவு ஆயிரம் மடங்கு அதிகமாக இருந்தது தான். அதே போல் மும்பையில் உள்ள பாபா அணு ஆய்வு நிலையத்தில் நடந்த சோதனையில் கிடைத்த முடிவும “ரத்தத்தை உறைய வைக்கும் ஜிலீர் ரகம் தான். அதாவது கதிர்வீச்சு நான்கு மில்லியன்மீட்டர் க்யூப் அளவுக்கு எகிறியிருந்தது.
ஜப்பானுக்கும் இந்தியாவுக்கும் இடைஙய இருக்கும் தூர்ம அதிகம். அதனால் கதிர்வீச்சு பரவ வாய்ப்பில்லை என்கிறார்கள். இது தவறு. நமக்கும் ஜப்பானுக்கும் இடையே உள்ள தூரம் 6300 கி.மீட்டர். ஆனால் செர்னோபில்லுக்கும் தமிழ்நாட்டுக்கும் இடையே யான தூரம் 6700 கி.மீட்டர். அதனால் கதிர்வீச்சு பரவுவதற்கும் தூரத்துக்கும் சம்பந்தமில்லை. என்று லாஜிக்காக சொல்லும் புகறேந்தி மறற முறைகளை விட காற்றின் மூலம் பரவும் அணுக்கதிர் வீச்சின் அளவு அதிகம் என்கிற பகீர் தகவலையம் பதிவு செய்கிறார்.
சரி ஜப்பானில் லிட்டர் கணக்கில் பால் தரையில் வீணாக கொட்டப்பட்டதே என்ன காரணம். பொதுவாக அணு உலையிலிருந்து வெளியேறும் கதிர்வீச்சு புற்கள் மீது படியும் அவற்றை கால்நடைகள் உண்ணும் அதனால் தான் கதீர்வீச்சின்போது பால் அருந்த வேண்டாம் என சொல்கிறார்கள்.
ஒரு விஷயம் தெரியுமா? னாப்பான் கதிர்வீச்சுக்கு பின்னர் அமெரிக்கா உடனே தனது நாட்டில் சோதனை நடத்தியது. ஆனால் அப்படிஎந்த சோதனையும் இதுவரை இந்தியாவில் நடக்கவில்லையே ஏன் என்கிற கேள்வியையும் முன் வைக்கிறார் புகழேந்தி.
இது குறித்து சென்னை அண்ணா பல்கலை பேரிடர் மேலாண்மை மைய இயக்குநர் ராஜரத்தினத்திடம் கேட்டோம்.
அணு உலைகளில் வெடிப்பு ஏற்பட்டால் அதன் பாதிப்பு பத்து கி.மீட்டர் சுற்றளவுக்குள் மட்டுமே இருக்கும். அதை தாண்டி வரும் வாய்ப்பு குறை. ஆனால் அணு வெடிப்பு உண்டான நாட்டிலிருந்து வருபவர்களின் உடலில் கதிர்வீச்சு தாக்கியிருந்து தொடர்ந்து வெளியேறிக்கொண்டே இருக்கும். அவர்கள் வேறு நாட்டுக்கு சென்றால் அங்கும் கதிர்வீச்சு பரவும் மனித உடலுக்கு இத்தகைய அபாய குணம் உண்டு.
இப்போது ஜப்பானில் மழை சீசன். விண்வெளியில் தேங்கி இருக்கும் கதீர்வீச்சு மழைத்துளிகள் மூலம் மண், தண்ணீர் அன்றாடம் பயன்படுத்தும் பொருட்கள் வழியாக எளிதில் மனித உடலுக்குள் புகும். அதனால் தான் யாரும் வீட்டை விட்டு வெளியே வரவேண்டாம் என ஜப்பான் அரசு தனது மக்களை எச்சரித்திருக்கிறது.
சரி இந்தியாவில் கதிர்வீச்சு சோதனை நடத்தப்படவில்லை. அதனால் ஆபத்து வருமா?

பொதுவாக அணுசக்தி நிலையங்களை ஒட்டியிருக்கும் மக்களிடம் மூன்று மாதங்களுக்கு ஒரு முறை சோதனை நடத்தப்படுவது உண்டு. கதிர்வீச்சின்அளவு அதிகமிருந்தால் மட்டுமே சிகிச்சை தேவை. ஆனால் அணு உலை இப்போது வெடித்திருப்பது ஜப்பானில் அதனால் தமிழ்நாட்டுக்கு கதீர்வீச்சு ஆபத்து இல்லை என்கிறார் ராஜரத்தினம்.