Daily Archives: ஜூலை 22nd, 2012

வெங்காயத்தின் மகிமை!

ஒன்றுமில்லாத விஷயத்தை `வெங்காயம்’ என்று சொல்வது பலரின் வழக்கம். ஆனால் உண்மையில் வெங்காயம் மருத்துவக் குணங்கள் நிறைந்தது.வெங்காயத்தை ஆங்கிலத்தில் `ஆனியன்’ என்கிறார்கள். இது `யூனியோ’ என்ற லத்தீன் வார்த்தையில் இருந்து பிறந்தது. இதற்கு `பெரிய முத்து’ என்று பொருள்.

வெங்காயத்தின் காரத்தன்மைக்குக் காரணம் அதில் அலைல் புரோப்பைல் டை சல்பைடு என்ற வேதிப்பொருளாகும். இதுவே வெங்காயத்தின் நெடிக்கும், அது நம் கண்ணில் பட்டு கண்ணீர் வரவழைக்கவும் காரணமாக இருக்கிறது. சிறிய வெங்காயம், பெரிய வெங்காயம் இரண்டும் ஒரே தன்மை உடையவை. ஒரே பலனைத் தருபவை.

வெங்காயத்தில் புரதச் சத்துகள், தாது உப்புகள், வைட்டமின்கள் உள்ளன. எனவே இது நம் உடம்புக்கு ஊட்டச்சத்து தருகிறது.

பல நாடுகளில் வெங்காயத்தை மருந்துப் பொருளாகப் பயன்படுத்துகிறார்கள். நம் நாட்டிலும் கூட பாட்டி வைத்தியத்திலும், நாட்டுப்புற வைத்தியத்திலும் வெங்காயம் முக்கிய இடம் பெறுவது தெரிந்தது. விஞ்ஞானிகளும் வெங்காயத்தின் மகிமையைப் பாராட்டுகிறார்கள்.

வெங்காயம் வயிற்றில் உள்ள சிறுகுடல் பாதையைச் சுத்தப்படுத்துகிறது. செரிமானத்துக்கும் உதவுகிறது. பச்சை வெங்காயம் நல்ல தூக்கத்தைத் தரும். பச்சை வெங்காயத்தைத் தேனில் கலந்து சாப்பிடுவது நல்லது. இப்படி பட்டியலிட்டுக் கொண்டே போகலாம்.

பைல் வகைகள்

கம்ப்யூட்டரில் பலவகை பைல்கள் உருவாக்கப்பட்டு பயன்படுத்தப்படுகின்றன. ஒரு சிலவற்றையே நாம் அடிக்கடி பயன்படுத்துகிறோம். இதனால் தான் நம் நண்பர்கள் இமெயில் மூலமாக ஏதேனும் ஒரு பைல் அனுப்புகையிலும் வெப் தளங்களில் இருந்து ஒரு பைலை இறக்கிய சூழ்நிலையிலும் அந்த பைல் வகை என்ன? அது எதற்குப் பயன்படுகிறது? எந்த அப்ளிகேஷனில் அவற்றைத் திறந்து பயன்படுத்தலாம் போன்ற கேள்விகளுக்குப் பதில் இன்றி தேடுகிறோம். இங்கு சில முக்கிய பைல் வகைகள் அவற்றின் துணைப் பெயர்களுடன் தரப்படுகின்றன. பொதுவாக அவற்றைத் திறக்கும் அப்ளிகேஷன் பெயரும் உடன் தரப்படுகிறது.
.bmp பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.dat டேட்டா அடங்கிய தகவல் பைல். டேட்டாவினைக் கையாளும் எந்த ஒரு அப்ளிகேஷனிலும் இதனைத் திறக்கலாம்.
.doc டாகுமென்ட் பைல். வேர்ட் தொகுப்பில் திறந்து பயன்படுத்தலாம்.
.exe எக்ஸிகியூட்டபிள் பைல். புரோகிராம் ஒன்றின் முதன்மையான பைல். இதில் டபுள் கிளிக் செய்தால் அந்த புரோகிராம் இயங்கும்.
.gif பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.htm இணைய தளத்தில் வைக்கப்படும் டாகுமென்ட். இன்டர்நெட் எக்ஸ்புளோரர் உட்பட எந்த பிரவுசரிலும் இதனைத் திறந்து பயன்படுத்தலாம்.
.html இணைய தளத்தில் வைக்கப்படும் டாகுமென்ட். இன்டர்நெட் எக்ஸ்புளோரர் உட்பட எந்த பிரவுசரிலும் இதனைத் திறந்து பயன்படுத்தலாம்.
.jpeg/jpg பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.mpeg/mpg வீடியோ பைல். குயிக் டைம் மற்றும் விண் ஆம்ப் புரோகிராம்களில் திறக்கலாம்.
.mp3 ஆடியோ பைல் விண்டோஸ் மீடியா பிளேயர் மற்றும் விண் ஆம்ப் போன்ற அப்ளிகேஷன்களில் திறக்கலாம்.
.pdf போர்ட்டபிள் டாகுமென்ட் பைல். அடோப் ரீடர் போன்ற பி.டி.எப். பைல்களைத் திறக்கும் எந்த சாப்ட்வேர் புரோகிராமிலும் திறக்கலாம்.
.pps ஸ்லைட் ஷோ பிரசன்டேஷன் பைல். பவர் பாய்ன்ட் புரோகிராமில் திறக்கலாம்.
.ppt ஸ்லைட் ஷோ பிரசன்டேஷன் பைல். பவர் பாய்ன்ட் புரோகிராமில் திறக்கலாம்.
.sys சிஸ்டம் பைல். திறக்க வேண்டாமே.
.txt டெக்ஸ்ட் பைல். நோட்பேடில் திறக்கலாம்.
.wav ஆடியோ பைல். விண்டோஸ் மீடியா பிளேயர் மற்றும் விண் ஆம்ப் போன்ற ஆடியோ புரோகிராம்களில் திறந்து பயன்படுத்தலாம்.
.xls ஸ்ப்ரெட் ஷீட் பைல். எக்ஸெல் தொகுப்பில் பயன்படுத்தலாம்.
.zip சுருக்கப்பட்ட பைல். விண்ஸிப் புரோகிராம் பைல்களை விரித்துக் கொடுக்கும்.

மட்டன் விண்டாலு

ட்டன் வகைகளில் எத்தனை விதமான ரெசிபிகள் தயாரித்தாலும் அத்தனையும் மணக்க மணக்க அமைந்து நாக்கை அந்த சுவைக்கு அடிமையாக்கி விடும். இந்த மட்டன் விண்டாலு வகையும் அந்த ரகமே. செய்து பார்த்து சுவைப்போமா?

தேவையான பொருட்கள்:

மட்டன் – 1/2 கிலோ
நெய் – 100 கிராம்
கொத்தமல்லி இலை – 1/2 கட்டு(நறுக்கியது)
வெங்காயம் – 100 கிராம்(நறுக்கியது)
உருளைக்கிழங்கு – 100 கிராம்

விண்டாலு மசாலாவிற்கு:

சீரகம் – 1 டீஸ்பூன்
காஷ்மீர் மிளகாய் – 12
மஞ்சள் தூள் – 1/2 டீஸ்பூன்
ஏலக்காய் – 3
பூண்டு – 15 கிராம்
வினிகர் – 30 மில்லிகிராம்

செய்முறை:

மட்டனை சுத்தம் செய்து சிறு சிறு துண்டுகளாக்கிக் கொள்ளவும். வினிகர் சேர்த்த மசாலாக்களை அரைக்கவும். மெல்லிய துண்டுகளாக நறுக்கிய வெங்காயத்தை பொன்னிறமாக வரும் வரை வறுக்கவும். அதோடு கொத்தமல்லி இலையை சேர்த்து கிளறவும். அத்துடன் மசாலா, தேவையான உப்பு சேர்க்கவும்.

இப்போது மட்டனையும் அதில் சேர்த்து மூடி வைக்கவும். மட்டன் வேகும்வரை போதுமான தண்ணீர் ஊற்றி அடிக்கடி கிளறவும். உருளைக்கிழங்கை வேகவைத்து தோலுரித்து நான்காக வெட்டி மட்டனுடன் சேர்த்து கிளறவும்.

குறைந்த தீயில் 10 நிமிடங்கள் வைத்திருக்கவும்.

இப்போது மணக்கும் மட்டன் விண்டாலு ரெடி. வெள்ளை சாதத்துடன் தொட்டுக்கொள்ள சூப்பராக இருக்கும்.