Daily Archives: ஜூலை 23rd, 2012

பீட்ரூட் சூப்

 

பீட்ரூட் சத்து மிகுந்த உணவுப் பொருள். பீட்ரூட்டை பொறியலாகவோ, வறுவலாகவோ தயாரித்தால் சாப்பிடப் பிடிக்காதவர்கள் தாராளமாய் இந்த பீட்ரூட் சூப்பை தயாரித்து அருந்தலாம். இதோ செய்முறை:

தேவையான பொருட்கள்:

பீட்ரூட் – 1/4 கிலோ
தக்காளி – 3
பெரிய வெங்காயம் – 1
வெண்ணெய் – 50 கிராம்
மிளகுத்தூள் – தேவையான அளவு
மசால் பொடி – 1/4 டீஸ்பூன்
உப்புத்தூள் – தேவையான அளவு
மைதா மாவு – 2 டீஸ்பூன்
கிரீம் – 1 டீஸ்பூன்
தண்ணீர் – 3 கப்

செய்முறை:

பீட்ரூட்டை தோல் சீவி துருவியால் துருவிக் கொள்ளவும். தக்காளி, வெங்காயம் இவற்றை பொடியாக நறுக்கவும். குக்கரில் 3 கப் தண்ணீர் வைத்து நறுக்கிய வெங்காயம், தக்காளி, பீட்ரூட், இவைகளைப்போட்டு, அத்துடன் மிளகுத்தூள், உப்பு, மசால் பொடி, வெண்ணெய் சேர்த்து வேக விடவும். வெந்ததும் மசித்து வடிகட்டிக் கொள்ளவும். அத்துடன் மைதா மாவை அரை டம்ளர் தண்ணீரில் கரைத்து, வடிகட்டிய பீட்ரூட் சாறுடன் ஊற்றி கொதிக்க விடவும். இத்துடன் 1 டீஸ்பூன் கிரீம் சேர்க்கவும். பிரெட் துண்டுகளை நெய்யில் வறுத்து சூடான கப்பில் போட்டு பரிமாறவும். விருந்தின்போது தயாரிக்க ஏற்றது. சுவையும் மணமும் நெஞ்சில் நிலைக்கும்.

இவர்களை இப்படி அணுகிப் பாருங்கள்!

 

சில குடும்பத் தலைவர்கள் முகத்தில் எப்போதும் கடுகு பொரிகிற மாதிரி அப்படி ஒரு அனல் வீசிக்கொண்டிருக்கும். முகமோ சிரிப்பையே மறந்திருக்கும். சின்ன விஷயத்துக்கும் சட்டென்று கோபப்பட்டு விடுவதால் இவர்களின் மனைவி, பிள்ளைகள் எப்போதுமே இரண்டடி தள்ளி நின்றபடி தான் பேசுவார்கள். இவர்களுக்கு சாப்பாடு பரிமாறும் நேரத்தில் இவர்களின் மனைவிகள் ஏதோ ஒரு பிரார்த்தனை வாசகத்தை உதட்டுக்குள் முணுமுணுத்தபடி தான் இருப்பார்கள். சாம்பாரில் உப்பு இல்லையென்றால் தட்டு பறக்கும். அதனாலேயே அப்படியொரு நிகழ்வுக்கும் காலப்போக்கில் இவர்களின் இல்லத்தரசிகள் பழகி விடுகிறார்கள்.

அதேநேரம் மணக்க மணக்க சாம்பார் ஊற்றி திருப்தியாக சாப்பிட்டு முடித்தாலும் `நன்றாக இருந்தது’ என்று ஒரு வாய்வார்த்தை இவர்களிடம் இருந்து வெளிப்படாது.

இப்படியான மனநிலை கொண்டவர்களின் சிறுவயதுப் பிராயத்தை எடுத்துக் கொண்டால் பெரும்பாலும் இவர்கள் கவனிக்கப்படாமல் வளர்ந்திருப்பார்கள். பெற்றோரின் நாலு பிள்ளைகளில் ஒருவராக இருப்பார்கள். மற்ற பிள்ளைகள் யாருக்கும் கிடைக்காத திட்டு ஸ்பெஷலாக இவர்களுக்கு மட்டும் கிடைத்தபடி இருக்கும். வகுப்பறையிலும் இவர்கள் அமைதியே காப்பார்கள். வகுப்பில் பாடத்தை கவனித்துக் கொண்டிருந்தாலும் இவர்கள் பார்வை மட்டும் எங்கோ ஒரு கற்பனை உலகில் சஞ்சரித்துக் கொண்டிருப்பது போல் தெரியும்.

சில சமயம் ஆசிரியர்கள் வகுப்பறையில் ஏதாவது ஒரு ஜோக் சொல்ல, அதற்கு மாணவர்கள் விழுந்து விழுந்து சிரிப்பார்கள். ஆனால் இந்த மாதிரியான மாணவர்கள் மட்டும் எந்தவித ரியாக்ஷனும் காட்டாமல் .அமைதியாக இருப்பார்கள்.

அதற்காக எல்லாம் கடந்த நிலை என்று முனிவர்கள் ரேஞ்சுக்கு இவர்களை எடுத்துக் கொண்டு விட முடியாது. நடப்பதற்கு ஒரு மவுனசாட்சியாக இருப்பார்கள். இவர்களிடம் கருத்து கேட்டால், தெரிந்த விஷயத்தை சொல்லவும் தயக்கம் காட்டுவார்கள். முடிந்தால் கருத்து கேட்டவர்களிடம் இருந்து நகரவும் பார்ப்பார்கள்.

பள்ளிப்பருவத்தில் ஆசிரியர்களின் அரவணைப்பும் கிடைக்காமல், வீட்டில் பெற்றோருக்கும் வேண்டாத பிள்ளைகளாய் ஏனோதானோவென்று வளரும் இவர்கள் பின்னாளில் அதிகார வட்டத்திற்குள் வரும்போது ஒட்டுமொத்த அதிகாரத்தையும் தங்கள் கையில் எடுத்துக் கொண்டு விடுகிறார்கள். அதுவரை தன்னை கண்டு கொள்ளாத சமுதாயத்தை இவர்கள் சாட்டையால் அடிப்பது போல் தங்களைச் சார்ந்தவர்களை காயப்படுத்தி திருப்திப் பட்டுக் கொள்கிறார்கள். அதிலும் இவர்களிடம் மாட்டிக் கொள்ளும் குடும்பம் தான் இவர்களின் அதிக பட்ச அதிகார இலக்கு.

இப்படிப்பட்டவர்களை எப்படித்தான் வழிக்கு கொண்டு வருவது? இவர்களை முன்னிலைப்படுத்துகிற மாதிரியான விஷயங்களை படிப்படியாக தொடர வேண்டும். அதாவது அப்படியாக நடிக்க வேண்டும். உப்பு பெறாத விஷயத்துக்கும் இவர்களின் அனுமதி கேட்டு அதன்பிறகே செய்யவேண்டும். ஆனால் இது நடிப்பு என்பதை அவர் கண்டு கொள்ளாத மாதிரி நடந்து கொள்வதில்தான்வெற்றியே இருக்கிறது.

ஒருகட்டத்தில் இதைல்ெலாம் என்னிடம் கேட்டுக் கொண்டிருக்க வேண்டுமா? என்ற சலிப்பின்நிலைக்கு அவர் வந்து விடக்கூடும். எல்லாருக்கும் வருகிற மாதிரி சாதாரண தலைவலி காய்ச்சல் அவருக்கும் எப்போதாவது வரலாம். அப்போது ஒட்டுமொத்த குடும்பமும் அவரை கவனிப்பதில் அக்கறை காட்ட வேண்டும். டாக்டரிடம் அழைத்துப்போய், “டாக்டர்…இவருக்கு ஒண்ணுன்னா நாங்க எல்லாம் உயிரோடு இருந்து வேஸ்ட். அதனால் இவரை எப்படியாவது குணப்படுத்திடுங்க” என்று சொல்லும்போதே வார்த்தைகள் தழுதழுத்து நாக்குழற வேண்டும். கண்களில் வராத கண்ணீரை லேசாக துடைக்க முற்பட வேண்டும்.

இப்படியான சந்தர்ப்பங்களில் தான் அவர் தன்னைப்பற்றி யோசிப்பார்.குடும்பத்தை நடத்தினவிதம் பற்றி யோசிப்பார். `கொஞ்சம்அதிகமாத்தான் அடாவடி பண்ணிட்டோமோ? அப்படி பண்ணியும் இந்தக் குடும்பம் என்னை நேசிக்குதுன்னா நான் இனியாவது என்னை மாற்றிக்கொள்ளத்தானே வேணும்’ என உள்மனம் குரல் கொடுக்கும்.

இதற்கெல்லாம் பிறகு அவர் குணமாகி வழக்கம்போல தன் வேலைகளில் ஈடுபடத் தொடங்கினாலும், எப்போதாவது இரவில் மொட்டை மாடியில் காற்றாட நின்று கொண்டிருந்தால், “கொட்ற பனியில் இப்படி நின்னா மார்ச்சளி பிடிச்சி பாடாப்படுத்திடுமே. உள்ளே வாங்க” என்று அக்கறை சிகாமணியாய் பதட்டக்குரலில் வீட்டுக்குள் அழைத்துப் போக வேண்டும். இது எதில் ஒன்றாவது ஓவர்ஆக்டிங்காக அமைந்து விட்டால், `பொய் நாடகம்..போலி நடிப்பு’ என்பதை அவர் கண்டு கொள்வார். அப்புறம்…?

மறுபடியும் முதல்ல இருந்தா..?

விண்டோஸ் லைசன்ஸ் கீ

புதியதாக கம்ப்யூட்டர் ஒன்று வாங்குகையில் விண்டோஸ் சிஸ்டம் பதிந்து கொடுக்கப்படுகிறது. கம்ப்யூட்டர் தயாரிக்கும் நிறுவனங்கள், இதற்கான ஒப்பந்தத்தினை மைக்ரோசாப்ட் நிறுவனத்திடம் மேற்கொண்டு, ஒவ்வொரு கம்ப்யூட்டரில் பதியப்படும் விண்டோஸ் சிஸ்டத்திற்கான உரிமத்தைப் பெற்று அதற்கான எண்ணையும், ஆப்பரேட்டிங் சிஸ்டம் டிஸ்க் அல்லது சிஸ்டம் மீட்பதற்கான ரெகவரி டிஸ்க்கினை வழங்குகின்றன.
கம்ப்யூட்டரை அசெம்பிளிங் செய்து கொடுப்பவர்கள், விண்டோஸ் ஆப்பரேட்டிங் சிஸ்டத்தின் பைரசி பதிப்பு என்று அழைக்கப்படும் நகல் பதிப்பினை பதித்துக் கொடுப்பார்கள். இது உரிமம் இல்லை என்பதால், மைக்ரோசாப்ட் இணைய தளத்திலிருந்து எந்த சேவையையும் பெற முடியாது. இவ்வாறு இயங்குவது ஒரு வகையில் திருட்டு வழி என்றே கூற வேண்டும்.
மைக்ரோசாப்ட் நிறுவனம் இதனைக் கண்டறிவதற்கென பலரை நியமித்து, அவர்களும் முறையாக உரிமம் இல்லாமல் விண்டோஸ் சிஸ்டம் பயன்படுத்துவோரைக் கண்டுபிடித்து நடவடிக்கை எடுத்து வருகின்றனர். குறிப்பாக நிறுவனங்கள், வர்த்தக மையங்களில் இது போல பயன்படுத்துவது கடுமையாகக் கவனத்தில் எடுத்துக் கொள்ளப்படுகிறது.
முறையாக உரிமம் பெற்று, அதற்கான சிடி பெற்றவர்கள் பலர், உரிமம் குறித்த தகவல்களை தொலைத்துவிடுகின்றனர். சி.பி.யு. கேபினில் ஒட்டப்பட்டு வரும் லேபிள் நாளடைவில் கிழிந்து மறைந்துவிடுகிறது. இதனை எடுத்துப் பாதுகாத்து வைத்திருக்க வேண்டும்; அல்லது கீ எண்ணை எழுதி இருக்க வேண்டும். ஒரு சில நிறுவனங்கள் தாங்கள் அளிக்கும் பில்லில் இந்த எண்ணை எழுதித் தருவதும் உண்டு.
சிலர் நிறுவனங்கள் அளிக்கும் சிடியைத் தொலைத்துவிடுகின்றனர். பின்னர் அது தேவைப்படும்போது என்ன செய்வது என விழிக்கின்றனர்

கேள்வி:எனக்கு அளிக்கப்பட்ட விண்டோஸ் ரெகவரி டிவிடியினை தொலைத்துவிட்டேன். இப்போது என் சிஸ்டம் கிராஷ் ஆகிவிட்டது. வேறு ஒருவரிடம் உள்ள சிஸ்டம் டிவிடியை வாங்கிப் பயன்படுத்தி அதில் எனக்கு அளிக்கப்பட்ட உரிம எண்ணைப் பயன்படுத்தலாமா?
பதில்: உங்கள் நண்பரிடம் உள்ள உரிமத்துடன் வந்த டிவிடியை வாங்கிப் பயன்படுத்தலாம். அல்லது http://en.community.dell.com/supportforums/softwareos/w/microsoftos/3316.21microsoftwindows7officialisodownloadlinksdigitalriver.aspx என்ற முகவரியில் உள்ள, மைக்ரோசாப்ட் நிறுவனத்தின் ஒப்பந்த மையத்தின் இணைய தளத்தில் இருந்து இதற்கான ஐ.எஸ்.ஓ. பைலை தரவிறக்கம் செய்து டிவிடி தயார் செய்து பயன்படுத்தலாம். விண்டோஸ் சிஸ்டம் நன்றாக இயங்கும். மைக்ரோசாப்ட் தரும் அனைத்து அப்டேட் பைல்களும் உங்களுக்குக் கிடைக்கும். ஆனால், இந்த முயற்சி விதிகளுக்குப் புறம்பானது என்று மைக்ரோசாப்ட் கூறுகிறது. ஏனென்றால், நீங்கள் ஒரு சிஸ்டத்திற்கான உரிமத்தினை, இன்னொன்றுக்கு அளிக்கப்பட்ட டிவிடியுடன் பயன்படுத்துகிறீர்கள். இது தவறு என்கிறது மைக்ரோசாப்ட். நீங்கள் உங்களுக்கு கம்ப்யூட்டர் வழங்கிய நிறுவனத்திடம், தொலைந்த டிவிடிக்கான மாற்று டிவிடி கேட்டு வாங்கிப் பயன்படுத்துவதே சரியான, முறையான வழி.

கேள்வி: எனக்கு கம்ப்யூட்டரை விற்பனை செய்த நிறுவனம், அதனுடன் சிஸ்டம் அல்லது ரெகவரி டிவிடி என எதனையும் தரவில்லை. இப்போதுதான் அது ஒரு கட்டாயத் தேவை என உணர்கிறேன். என்ன செய்யலாம்?
பதில்: செலவினை மிச்சப்படுத்த, கம்ப்யூட்டரை விற்பனை செய்திடும் சில நிறுவனங்கள் ரெகவரி டிவிடியைக் கூடத் தருவதில்லை. உங்களுக்கு வழங்கிய நிறுவனம் அதனைத் தரவில்லை எனில், அந்தக் கடமை அதற்கு இல்லை என்றே தெரிகிறது. மைக்ரோசாப்ட் நிறுவனத்திடம் அந்நிறுவனம் ஏற்படுத்திக் கொண்ட ஒப்பந்தப்படி அது செயல்படலாம். எதற்கும் நிறுவனத்திடம் கேட்டுப் பாருங்கள். அல்லது அதற்கான கீயாவது கேட்டுப் பெறுங்கள். கிடைக்கவில்லை எனில், உங்களுடைய சிஸ்டத்தின் கீ என்ன என்று அறிய சில புரோகிராம்கள் கிடைக்கின்றன. Jelly Bean Keyfinder என்பது ஒன்று. ஆனால், இது சில வேளைகளில் பொதுவான ஒரு கீயைத் தரலாம்.

கேள்வி: என் சி.பி.யு. கேபினில், விண்டோஸ் சிஸ்டத்திற்கான கீயுடன் கூடிய லேபிளை நீக்கிவிடலாமா? அது இருப்பது எனக்குப் பிடிக்கவில்லை.
பதில்: இருப்பது நல்லதுதானே. நீங்கள் பயன்படுத்தும் விண்டோஸ் சிஸ்டத்திற்கான உரிமைப் பட்டா இதுதான். எனவே வைத்துக் கொள்ளுங்கள். நீக்க முடிவு செய்தால், நீக்குவதற்கு முன்னர், அதில் உள்ள தகவல்களை நீக்க முடியாத, நினைவில் இருக்கும் இடம் ஒன்றில் எழுதி வைத்துக் கொள்ளுங்கள்.

கேள்வி: இபே (eBay) தளத்தில் விண்டோஸ் 7 அல்டிமேட் சிஸ்டம் எடிஷன் குறைவான விலைக்கு உரிமத்துடன் கிடைக்கும் என விளம்பரப்படுத்தப்படுகிறதே! இதனைப் பெற்று பயன்படுத்தலாமா?
பதில்: குறைந்த விலைக்குக் கிடைக்கும் என விளம்பரப்படுத்தப்பட்டால், அந்த விற்பனை குறித்து சந்தேகப்படுங்கள். இவை MSDN subscription என்று சொல்லப்படுகின்ற ஒப்பந்தத்தின் ஒரு பகுதியாக இருக்கலாம். இவற் றை விநியோக்கிக்கக் கூடாது. இவை தரப்பட்டு, விண்டோஸ் இயங்கலாம்; ஆனால் பிற்காலத்தில் இவை முறையற்றவை என மைக்ரோசாப்ட் அறிவித்து அப்டேட் போன்றவற்றைத் தடுக்கலாம்.மைக்ரோசாப்ட் நிறுவனத்தின் அத்தாட்சி பெற்ற சில்லரை விற்பனையாளர் ஒருவரிடம் சரியான, முறையான சிஸ்டத்தினைப் பெற்றுக் கொள்ளுங்களேன்.

கேள்வி: நான் ஒரு ஏஜென்சி நடத்தி வருகிறேன். என் அலுவலகத்தில் 20 கம்ப்யூட்டர்களைப் பயன்படுத்த திட்டமிட்டுள்ளேன். விண்டோஸ் உரிமத்திற்கான செலவினைக் குறைக்க “Volume Licensing” முறைக்குச் செல்லலாமா?
பதில்: நீங்கள் குறைந்தது 5 கம்ப்யூட்டர் சிஸ்டம் பயன்படுத்தினால், இதனைப் பெறும் தகுதியைப் பெற்றுவிடுகிறீர்கள். ஆனால், வால்யூம் லைசன்சிங் முறை அப்டேட் செய்வதற்குத்தான். முதலில் ஒவ்வொரு கம்ப்யூட்டருக்குமான லைசன்ஸ் பெற்றுவிட்டு, அப்கிரேட்செய்வதற்கு வால்யூம் லைசன்சிங் முறையைப் பின்பற்றலாம். மேலும் இவ்வாறு பெறும் லைசன்சினை ஒரு கம்ப்யூட்டருக்கு ஒதுக்கிய பின்னர், இன்னொன்றுக்கு மாற்றுவது அனுமதிக்கப்படுவதில்லை.