Advertisements

இந்திய அதிகாரிகள் வசம் கறுப்பு பணம் பதுக்கிய 100 பேர் பட்டியல்

புதுடில்லி: சுவிட்சர்லாந்தின் ரகசிய காப்பு விதிமுறைகளை மீறி, அந்நாட்டு வங்கியில் கறுப்பு பணம் பதுக்கி வைத்துள்ள 100 பேரின் பட்டியலை,இந்திய அதிகாரிகள் பெற்றுள்ளனர். அவர்கள், தாங்களாகவே தங்களது வைப்புத்தொகை விபரங்களை தாக்கல் செய்யவும் அதிகாரிகள் அறிவுருத்தியுள்ளனர். இதனை தொடர்ந்து அவர்கள் மீது நடவடிக்கை எடுக்கப்பட உள்ளது. அவர்கள் ரூ. 50-80 கோடி வரை வரி ஏய்ப்பு செய்துள்ளதாக அதிகார வட்டாரங்கள் தெரிவித்தன.

பல்வேறு காரணங்களை கூறி, கறுப்பு பணம் பதுக்கி வைத்துள்ள இந்தியர்களின் விபரங்களை வெளியிட சுவிட்சர்லாந்து மறுத்துவந்துள்ள நிலையில், அரசு ரீதியாகவும், மற்ற வழிகளிலும் பேச்சுவார்த்தை மத்திய நேரடி வரிகள் ஆணையம், இரண்டு வங்கிகளில் கறுப்பு பணம் பதுக்கி வைத்துள்ள 100 பேரின் பட்டியலை பெற்றுள்ளது. இதனைதொடர்ந்து, அவர்களின் விபரங்களை வருமான வரித்துறைக்கு அளித்துள்ள சிடிடிடி துறையினர், அவர்கள் மீது நடவடிக்கை எடுக்கவும், அதே நேரத்தில் வேண்டுமென்றே வரி ஏய்த்தல் பிரிவில் வழக்கு பதிய வேண்டாம் எனவும் அறிவுரை வழங்கியுள்ளனர். இதன் மூலம் அவளுக்கு கடுமையான தண்டனை கிடைக்காது என தெரிகிறது.
மத்திய நேரடி வரிகள் ஆணையம் பெற்றுள்ள 100 பேரும் டில்லி, மும்பை, ஐதராபாத், சென்னை, சண்டிகர் மற்றும் பெங்களூரு நகரங்களில் வசிப்பதாகவும், சிலர் வெளிநாடுகளில் உள்ள கறுப்பு பணத்தை இந்தியா மீட்பதற்கு உதவி செய்துள்ளதாகவும் அதிகாரி ஒருவர் செய்தி நிறுவனத்திற்கு அளித்த பேட்டியில் கூறியுள்ளார். மேலும் அவர், சுவிட்சர்லாந்தின் சட்ட விதிமுறைகளை மீறி பட்டியல் பெறப்பட்டுள்ளதாகவும், இவர்கள் ரூ.50 முதல் 80 கோடி வரை வரி ஏய்ப்பு செய்துள்ளதாகவும், இந்த பட்டியல் கறுப்பு பணம் குறித்து விசாரிக்கும் சிறப்பு புலனாய்வு குழுவினரிடம் ஒப்படைக்கப்பட்டுள்ளதாகவும் கூறினார்.
இதனிடையே, பட்டியலில் உள்ள 100 பேர் மீது வருமானத்தை மறைத்து வரி ஏய்ப்பு செய்ததாக வழக்குப்பதிவு செய்து நடவடிக்கை எடுக்க முடிவு செய்துள்ளதாக வருமான வரித்துறை கூறியுள்ளது. மேலும், அவர்களுக்கு இந்த வருமானம் எந்த வகையில் வந்தது எனவும், அவர்கள்வேறு ஏதாவது வகையில் வருமா வரி ஏய்ப்பு செய்துள்ளார்களா என்பது பற்றி விசாரணை நடத்தி வருவதாகவும் கூறியுள்ளது.

Advertisements
%d bloggers like this: