உஜாஸ் முத்திரை

ஜாஸ் என்றால் விடியல் அல்லது புதிய தொடக்கம் என்று அர்த்தம். பூமியின் ஒவ்வொரு நாளும் புதிதாய் விடிவது போல, உஜாஸ் முத்திரையும் நம்மைப் புதிதாக மலரச் செய்கிறது. ஒரு புதிய தொடக்கத்தைக் கொடுக்கிறது, உற்சாமான மனநிலையைப் பெருக்குகிறது என்பதால், இந்த முத்திரைக்கு ‘உஜாஸ் முத்திரை’ என்று பெயர். 
எப்படிச் செய்வது?

விரிப்பில் சப்பணம் இட்டு அமர்ந்த வாறோ, கால்களைத் தரையில் நன்கு பதித்தபடி நாற்காலியில் அமர்ந்தோ செய்யலாம். கைகள் உடலைத் தொடக் கூடாது. தொப்புளுக்குக் கீழே அடிவயிற்றுப் பகுதியில் வைத்து, இரு கை விரல்களையும் கோத்துக் கொள்ள வேண்டும். தினமும் காலை, மாலை இரு வேளையும் 5-15 நிமிடங்கள் வரை செய்யலாம்.

பலன்கள்
*அடிவயிறு மற்றும் பிறப்பு உறுப்புகளுக்குச் சக்தி அளிக்கிறது. அடிவயிற்றில் உள்ள அனைத்து உறுப்புகளும் வலுப்பெறும்.
*கர்ப்பப்பை, சினைப்பை, முட்டை ஆகியவற்றின் வளர்ச்சிக்கும் ஆரோக்கியத்துக்கும் உதவும்.
*ஆண்களின் வீரிய விருத்திக்கு உதவி செய்வதுடன், விந்தணுக்கள் உற்பத்திக்கும் உதவுகிறது.
*நாவில் உள்ள சுவை மொட்டுக்கள் சீராக இயங்க உதவும். சுவை தெரியாமல் இருத்தல், நாத்தடிப்பு, மதமதப்பு ஆகியவை குறையும்.
*ஹார்மோன் குறைபாடுகளைச் சரிசெய்யும்.
*மனஅமைதி, மகிழ்ச்சி, புதிய உத்திகள், புதியன உருவாக்கும் திறமை, படைப்பாற்றல் ஆகியவற்றை மேம்படச் செய்கிறது.
*காலையில் தூங்கி எழுந்ததும் சோம்பலாய் உணர்பவர்கள் இந்த முத்திரையைச் செய்திட, உற்சாகமும் தெளிவும் கிடைக்கும்.
*விஷக்கடி, பூச்சிக்கடியால் ஏற்படும் பதற்ற நிலையைச் சமாளிக்க, உஜாஸ் முத்திரையை மருத்துவமனைக்குச் செல்லும் வரை வைத்திருக்கலாம்.
*தண்ணீரைக் கண்டால் ஏற்படும் பயஉணர்வு (Hydrophobia) நீங்கும்.

<span>%d</span> bloggers like this: