Advertisements

புத்தம் புது காலை பொன்னிற வேளை

காலையில் எழுந்ததும் ஃப்ரெஷ்ஷாக, நிம்மதியான மனநிலையில் இருந்தால், அன்றைய நாளே அழகாகிவிடும். ஒரு முழு நாளையும் அழகானதாக மாற்றுவதற்கான அஸ்திவாரம் உங்களுடைய காலைப்பொழுதே.! அந்தக் காலைப் பொழுதில் நாம் சில பழக்கங்களைப் பின்பற்றினால், அந்த நாள் முழுவதுமே மகிழ்ச்சி தருவதாக அமையும்.

 

அப்படிச் சில பழக்கங்களை இங்கே பார்ப்போம்…

* உடலை ஃப்ரெஷ்ஷாக்கும் எனர்ஜி தரும் சிட்ரஸ் பழச்சாற்றை அருந்துங்கள்.

ஒவ்வொருநாளும் எழுந்த உடனே, நமக்கு மட்டுமல்லாமல், நமக்கு உதவி செய்தவர்களுக்கும் அருள்புரியும்படி கடவுளிடம் பிரார்த்திக்க வேண்டும். இப்படி நாம் செய்யும் பிரார்த்தனை நமக்கு உதவி செய்தவர்களுக்குத் தெரிய வேண்டும் என்ற அவசியம் இல்லை.

இதன் பலனாக நமக்கு உதவி தேவைப்படும் நேரங்களில், யாரேனும் ஒருவரின் வடிவத்தில் உதவி நம்மைத் தேடி வரும். ஈர்ப்பு விதி என்பது இதுதான்.

உங்களுக்குப் பிடித்தவருடன் சில மணி நேரம் பேசுங்கள்.

மன அமைதிக்கு உடற்பயிற்சி, யோகா, நடைப்பயிற்சி போன்றவற்றை மேற்கொள்ளலாம்.

இந்த மூன்று விஷயங்களை உங்களுக்கு நீங்களே சொல்லிக்கொள்ளுங்கள்: நடப்பவை எல்லாம் நன்மைக்கே. எனக்கு நடக்கும் எல்லா செயல்களுக்கும் நற்பலன்கள் உண்டு. எப்போதும், எந்தச் செயலாக இருந்தாலும் எல்லோரையும் மன்னிப்பேன்.

காலை எழுந்தவுடன் மொபைல், லேப்டாப்களைத் தவிர்த்து இயற்கையை ரசியுங்கள். வீட்டில் உள்ள செடிகளுடன் பேசுங்கள். நீங்கள் வளர்க்கும் செல்லப்பிராணிகளுடன் விளையாடுங்கள்.

காலையில் மென்மையான இசையைக் கேட்டபடி உங்கள் அன்றாட வேலைகளைச்செய்யுங்கள். அதனால், மனம் மேம்படுவதுடன் நீங்கள் செய்யும் வேலையும் சிறப்பாக முடியும்.

ஒவ்வொரு நாளையும்  திட்டமிடுங்கள். அட்டவணை போடலாம். குறிப்பு எழுதிக்கொள்ளலாம். இந்தப் பழக்கம், அன்றன்றைய நாளைத் திட்டமிட்டபடிச் செயல்பட உதவும்.

கண்ணாடியில் உங்களை நீங்களே பார்த்து, உங்களுடன் பேசுங்கள். உங்களுடைய தேவை நிறைவேறும் என்றும், உங்களுடைய பிரச்னைகளுக்கு நல்ல தீர்வு கிடைக்கும் என்றும் உங்களுக்கு நீங்களே பாசிட்டிவ் எனர்ஜி கொடுங்கள். அது உங்களை உற்சாகமாகச் செயல்பட வைத்து, தேவைகளை நிறைவேற்றுவதுடன், பிரச்னைகளுக்கான தீர்வையும் உங்களுக்குக் கொடுக்கும்.

தினமும் காலை எழுந்தவுடன் நேற்றைய தினம் மகிழ்ச்சியாக இருந்ததற்கு இறைவனுக்கு நன்றி செலுத்துவதுடன், விடிந்த இன்றைய பொழுதும் இனி விடிய இருக்கும் பொழுதுகளும் மகிழ்ச்சி தருவதாக அமைய வேண்டும் என்பதற்காகப் பிரார்த்தனை செய்யுங்கள்.

சரியான நேரத்தில் எளிதில் செரிமானம் ஆகக்கூடிய காலை உணவைச் சாப்பிடுங்கள். புரதம், கொழுப்பு, மாவுச்சத்து, கால்சியம் நிறைந்த உணவுகளைச் சாப்பிடுவது நல்லது.

உங்களைச் சுற்றி உள்ள சூழலைச் சுத்தமாக வைத்துக்கொள்ளுங்கள். சுத்தம் ஆரோக்கியத்தை மேம்படுத்தும். மன அழுத்தம் இல்லாத லேசான மனநிலையை உருவாக்கும்.

புன்னகையுடன் உங்கள் நாளைத் தொடங்குங்கள். நிறைந்த புன்னகை, நல்ல மனநிலையைத் தரும்.

Advertisements
%d bloggers like this: