Advertisements

கொலாஜென் (Collagen)

கொலாஜென் என்பது,  நமது உடலில் தசைகள், எலும்பு, தோல், ரத்தக்குழாய்கள், ஜீரண உறுப்புகள் போன்றவற்றில் உள்ள ஒருவகைப் புரதம்.  இது எலும்பு, தோல் போன்றவற்றை இறுக்கமாகவும் சக்தியுடனும் வைத்துக்கொள்ள உதவுகிறது. மேலும் மூட்டுகளுக்கு ஒட்டும் பசைத்தன்மையைத் தருகிறது. ஆனால், நமக்கு வயதாகும்போது இந்தப் புரதத்தின் உற்பத்தி குறையும். அதனால்தான் வயதானவர்களுக்கு சருமத்தில் சுருக்கம் ஏற்படுதல், தசை தளர்ந்து போதல், மூட்டுகளில் வலி போன்ற பிரச்னைகள் ஏற்படுகின்றன. மேலும், இனிப்பு அதிகம் உண்ணுதல், புகைப்பிடித்தல், வெயிலில் அதிக நேரம் சுற்றுதல் போன்ற பழக்கங்களாலும் நமது உடலில் கொலாஜென் உற்பத்தி குறையும்.  

கொலாஜென் உற்பத்திக்கு  உதவும் உணவுப்பொருள்கள் 

*  முட்டைகோஸ், சிவப்பு கோஸ்
*  அவகேடோ (Avocado) பழம்
*  மீன்
*  மாதுளை, ஸ்ட்ராபெர்ரி
*  சிவப்பு முள்ளங்கி, பீட்ரூட், கேரட்
*  முளைகட்டிய பயறு வகைகள்
*  பூண்டு
*  சாத்துக்குடி, எலுமிச்சை, ஆரஞ்சு
*  ஆளி விதை
*  கீரை வகைகள்
*  சோயா பால், சோயா உணவுகள்        

கொலாஜென் குறைவால் ஏற்படும் பிரச்னைகள்
*  இளவயதில் முதிர் தோற்றம்
*  வயிற்று உபாதைகள், அஜீரணம்
*  அடிக்கடி மலம் கழித்தல், உணவு உண்ட உடனே மலம் கழித்தல்
*  வளர்சிதை மாற்றம் குறைதல், சோர்வு

*
சருமச் சுருக்கம், மூட்டுவலி   

ஒருநாளைக்கு எவ்வளவு கொலாஜென் தேவை?
இந்தப் புரதத்தின் ஒரு நாளையத் தேவை சரியாகப் பரிந்துரைக்கப்படவில்லை. எனினும் ஆரோக்கியத்தை ஊக்கப்படுத்தும் இந்தப் புரதம் நிறைந்த உணவுப் பொருள்களை தினசரி உணவில் சேர்த்துக் கொள்வது அவசியமாகும்.  

Advertisements
%d bloggers like this: