Advertisements

அனுமன் தரிசனம் – வெற்றிலை மாலை… அணையா விளக்கில் நெய்… – திருமணம் கூடி வரும்!

சென்னை கிண்டி, எம்.கே.என். சாலையில் அமைந்திருக்கிறது அருள்மிகு வீரஆஞ்சநேயர் ஆலயம். இங்கு அருள்பாலிக்கும் அனுமன், ஸ்ரீமத்வரின் சீடர் பரம்பரையில் தோன்றிய ஸ்ரீவியாஸராயரால் பிரதிஷ்டை செய்யப்பட்டவர்.

கோயிலில் ஸ்ரீவேணுகோபாலன், ஸ்ரீநரசிம்மர், சக்கரத்தாழ்வார், ஆண்டாள் சமேத அழகிய மணவாளப்பெருமாள், ஸ்ரீராமாநுஜர் ஆகியோருடன் ராகு கேதுவும் காட்சி தருகின்றனர். திருமண யோகம் தரும் திருக்கல்யாணத் திருத்தலமாக இந்த ஆலயம் திகழ்கிறது. மேற்கு நோக்கியிருக்கும் மூலவர் தெற்கு நோக்கி நடப்பதுபோல் இருக்கிறார். அவரின் திருப்பாதங்களில் தண்டை, நூபூரம் அணிந்துள்ளார்.

அனுமனின் வலது திருக்கரம் அபயமுத்திரை தரித்துள்ளது; இடது திருக்கரத்தை இடுப்பில் வைத்துள்ளார். அந்தக் கரத்தில் சௌகந்திகா புஷ்பமும் திகழ்வது சிறப்பு. மேலும், மணிகட்டில் கங்கணமும் புஜத்தில் கேயூரமும், வலது புறமாக மேல் நோக்கிச் செல்லும் வாலின் நுனியில் அழகிய சிறிய மணியும் திகழ்வது மிக அற்புதம். மொத்தத்தில் இந்த ஆஞ்சநேயரை நாள்முழுவதும் தரிசித்துக்கொண்டே இருக்கலாம். அவ்வளவு அழகு; அவ்வளவு சாந்நித்தியம்.
அருள்மிகு வீர ஆஞ்சநேய ஸ்வாமிக்கு ஒன்பது வியாழக்கிழமைகள் தொடர்ந்து வெற்றிலை மாலை அணிவித்து, அர்ச்சனை செய்து, கோயிலில் இருக்கும் அணையா விளக்கில் நெய் சேர்த்து, ஒன்பது முறை கோயில் முழுவதும் வலம் வந்து வழிபட வேண்டும். ஒன்பதாவது வாரம் சுவாமிக்கு வடை மாலை சாத்தி, ஜாதகத்தை சுவாமி திருவடியில் வைத்துச் சமர்ப்பித்தால் உடனே திருமணம் கூடி வருவதாக பக்தர்கள் நம்பிக்கையுடன் சொல்கிறார்கள்.
அமாவாசை தினங்களில், இந்தக் கோயிலில் அருளும் அனைத்து தெய்வங்களையும் ஒருசேர 48 முறை வலம்வந்து, சுவாமி திருவடியில் தேங்காய் மற்றும் எலுமிச்சைப்பழம் வைத்து வழிபட்டால் சகல காரியங்களும் சித்தியாகும் என்று பக்தர்கள் நம்பிக்கையுடன் கூறுகிறார்கள். அனுமத் ஜயந்தி, ஸ்ரீராமநவமி, வைகுண்ட ஏகாதசி ஆகிய விழாக்கள்  இங்கு நடைபெறுகின்றன.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: