Advertisements

2018 வருடத்தில் பர்சனல் லோன் எடுக்கலாம் என்று ஏதாவது திட்டமிருக்கிறதா? நீங்கள் தெளிவு செய்துகொள்ள வேண்டிய சில அத்தியாவசியமான விபரங்கள்

அதில் ஷெட்டி

பர்சனல் கடன்கள் மூலம் நாளைய வருமானத்தை இன்றே நாம் பயன்படுத்திக்கொள்ளமுடியும். கடந்த சில வருடங்களில் பர்சனல் கடன் தேவைகள் அதிகரித்துள்ளதாகவேதெரிகிறது, குறிப்பாக இது போன்ற கடன்களில் கியாரன்டர் யாரும் தேவைப்படுவதில்லை என்பதும் ஒரு காரணமாக இருக்கலாம். வங்கிகளும், வங்கி சாரா நிறுவனங்களும் (NBFC) பர்சனல் கடன்களை வழங்குகின்றன என்றாலும், அதிக வட்டி வீதத்தில் NBFC அமைப்புகள் இவைகளை விரைந்து பட்டுவாடா செய்கின்றன. பர்சனல் லோன்களைப் பெற, அதிக வட்டி, குறுகிய காலத்திற்கும் திருப்பிச்செலுத்துதல், மிக உயர்ந்த கிரிடிட் ஸ்கோர் என்று ஒருவர் சில கட்டுப்பாடுகளை எதிர்கொள்ள வேண்டியிருக்கும். இங்கே கொடுத்திருக்கும் முக்கிய விசயங்களைத்தெளிவாகப் புரிந்து கொண்ட பிறகு பர்சனல் கடன் பெறுவதைப் பற்றி யோசியுங்கள்.

கண்டிப்பான தகுதி

பர்சனல் கடன் வாங்க விரும்புபவர்களின் தகுதி நிலையை கடன் வழங்குபவர்கள் துல்லியமாகப் பரிசோதிப்பார்கள். ஒரு விண்ணப்பத்தைப் பரிசீலிக்கும் முன்னர் கடனாளியின் வருமானம் ஒரு குறிப்பிட்ட அளவில் இருக்க வேண்டும் என்பதைவங்கிகளும் NBFC க்களும் உறுதி செய்து கொள்கிறார்கள். வருமானத்துடன்விண்ணப்பம் செய்பவரின் கிரிடிட் ஸ்கோரும் பரிசீலிக்கப்படும், ஸ்கோர் மோசமாகவோ / குறைவாகவோ இருந்தால் விண்ணப்பம் நிராகரிக்கப்படும். உங்கள்கிரிடிட் ஸ்கோர் காலாண்டு தோறும் மாறும் என்பதால், விண்ணப்பிக்கும் முன்னர் இதைச் சரி செய்துகொள்வது நல்லது.

முன் செலுத்துதல் அல்லது பகுதி செலுத்துதல் வசதி

அவசரத் தேவையை முன்னிட்டு பெரும்பாலோர் பர்சனல் கடனை வாங்குகிறார்கள் என்பதால், கெடு காலத்திற்கு முன்னதாகவே அவர்கள் பெரிய தொகையை திருப்பிச்செலுத்த விரும்பலாம். ஆகையால், நீங்கள் பெறவிருக்கும் பர்சனல் கடன் திட்டத்தில் தவணைகளை முன்செலுத்த, அல்லது பகுதி தொகை செலுத்த அல்லது கடன் பலுவைக் குறைக்க பெரிய தொகையை செலுத்த அனுமதி உண்டா என்பதை அவசியம் கேட்டுத் தெரிந்து கொள்ள வேண்டும். ஒரு சில வங்கிகள், அவர்கள் வட்டி இழப்பை ஈடுகட்டும் நோக்கத்துடன் கூடுதல் கட்டணம் வசூலிப்பார்கள், மற்றும் சிலர் இதற்கு கட்டணம் வசூலிக்காவிட்டாலும், வரம்புகளுக்கு உட்பட்டு அனுமதிப்பார்கள்.

முன்னதாக முடித்துக்கொள்ளும் கட்டணம்

முன் செலுத்தும் அல்லது பகுதி தவணை செலுத்தும் வசதிகளுடன், கடன் தொகைமுழுவதையும் கெடு தேதிக்கு முன்னதாகச் செலுத்தவும் விதிமுறை ஒன்று பின்பற்றப்படும். இது போன்ற சந்தர்ப்பங்களில் பெரும்பாலும், வங்கிகள் தாங்கள் இழக்க நேரும் வட்டித் தொகையில் ஒரு பகுதியை கட்டணமாக வசூலிக்க விரும்பலாம்.

வட்டி கட்டணங்கள்

நாட்டில் கடன் ஆவணங்கள் மீது வசூலிக்கப்படும் வட்டி வீதங்களில் பர்சனல் கடன்மீது விதிக்கப்படும் வட்டி மிகவும் அதிகமாக இருக்கும். இதற்கு இரண்டு காரணங்கள் உண்டு – இக் கடனுக்கு கியாரன்டர் யாரும் இல்லை, பிணைய சொத்து எதுவும் இல்லை. சராசரியாக வங்கிகள் 11% முதல் 16% வரை வட்டி வசூலிக்கிறார்கள், NBFCக்கள் மிக அதிக வட்டி வீதத்தில் கடனை வசூலிக்கிறார்கள். ஆகையால் உங்களுக்கு கிடைக்கும் வட்டி வீதத்தைக் கணக்கிட்டுக் கொள்ளுங்கள், அதோடுமிதவை வீதங்கள் 2 முதல் 3% வரை இருப்பதைப் பாருங்கள்.

கவனிக்கவும்

இ.எம்.ஐ. ரேஞ்ச் உதாரணத்திற்காக கொடுக்கப்பட்டுள்ளது, அட்டவணையில் கொடுக்கப்பட்டிருக்கும் வட்டி வீதம் அடிப்படையில் கணக்கிடப்படுகிறது. உண்மை நிலவரத்தில், வங்கியின் T&C படி மற்ற கட்டணங்களும்
ஃபீஸ்களும் பொருந்தும். மேலேயுள்ள வட்டி வீதங்கள் சம்பளம் பெறுபவர்களுக்கும், ஓய்வூதியம் பெறுபவர்களுக்கும் பிணையச் சொத்து இல்லாதவர்களுக்கும் வழங்கப்படும். உண்மையான வட்டி வீதம் பல காரணங்களால் மாறுபடும், அதில் கிரிடிட் புரொஃபைல், கடன் தொகை, காலவரை, நீங்கள் பணி புரியும் நிறுவனம் மற்றும் வங்கியின் விருப்பத்தைப் பொருத்திருக்கும்.

அந்தந்த வங்கி இணையதளப் பக்கங்களிலிருந்து 10-பிப்ரவரி- 2018 தேதி அன்று தரவுகள் பெறப்பட்டுள்ளன. ஆதாரம்: பேங்க்பஜார்

பரிசீலிக்கும் மற்றும் இதர பிற கட்டணங்கள்

பல சமயங்களில் இது போன்ற கட்டணங்களைப் பொருட்படுத்த தேவையில்லை என்று நாம் ஒதுக்கி விடுகிறோம். ஆனால் ஒரு சில வங்கிகளில் கடன் தொடையுடன் ஒப்பிடும் போது மிக அதிக அளவில் பரிசீலிக்கும் கட்டணத்தை வசூலிக்கிறார்கள். இவைகளையும் ஜிஎஸ்டி, ஒருமுறை வசூலிக்கப்படும் கட்டணம் போன்றவைகளையும்க் கட்டாயம் பரிசோதிப்பதில் தவறு இல்லை. எழுத்தாளர்: பேங்க்பஜாரின் தலைமை நிருவாக அதிகாரி.

Advertisements
%d bloggers like this: