Advertisements

தொடர் வருமானம்… டிவிடெண்ட் Vs எஸ்.டபிள்யூ.பி எது பெஸ்ட்?

நீங்கள் சம்பாதிக்கும் காலத்தில், உங்களின் சம்பளமே உங்கள் குடும்பச் செலவுக்குப் போது மானதாக இருக்கும். ஆனால், ஓய்வுக்காலத்தில்..? உங்கள் தேவைகளை நிறைவேற்ற நீங்கள் உங்களின் முதலீடுகளைச் சார்ந்திருக்க வேண்டிய  நிலை ஏற்படும். 

ஓய்வுக்காலத்தில் தொடர் வருமானத்தை உருவாக்க, மிகப் பிரபலமான தேர்வுகளாக இருப்பது, நிரந்தர வைப்புகள் (எஃப்.டி) அல்லது மியூச்சுவல் ஃபண்ட்  டிவிடெண்ட் ஃபண்டுகள் ஆகும். அசலுக்குப் பாதுகாப்பு மற்றும் உத்தரவாத மான  வருமானம் போன்றவை எஃப்.டி-யை கவர்ச்சிகரமான தேர்வாக மாற்றுகிறது.

ஆனால், கூடுதல் வருமானம் தேவை என்பவர் களுக்கு, கடன் ஃபண்டுகளின் டிவிடெண்ட் திட்டங்கள் மற்றும் மன்த்லி இன்கம் பிளான்கள் (எம்.ஐ.பி)  கவனத்தைக் கவர்கின்றன. இவற்றைக் காட்டிலும், மியூச்சுவல் ஃபண்ட் முதலீட்டில் உள்ள சிஸ்டமேட்டிக் வித்ராயல் பிளான்கள் (SWP) என்பது கூடுதல் சிறப்பானது. எப்படி?

உங்கள் மியூச்சுவல் ஃபண்ட் முதலீட்டிலிருந்து, குறிப்பிட்டதொரு தொகையை, குறிப்பிட்ட கால இடைவெளியில் (பொதுவாக, ஒவ்வொரு மாதமும்) பெறுவதே எஸ்.டபிள்யூ.பி முறையாகும்.  இப்படித் திரும்பப் பெற நினைக்கும் தொகையை  நீங்களே தீர்மானிக்கலாம். இந்தத் தொகையை நீங்கள் எப்போது வேண்டுமானாலும் மாற்றவும் செய்யலாம். இது, ஒவ்வொரு மாதமும் முதலீடு செய்யும் சிஸ்டமேட்டிக் இன்வெஸ்ட்மென்ட் பிளானின் (SIP) திட்டத்தின் தலைகீழ் வடிவமாகும். எனினும், டிவிடெண்ட் திட்டங்களைவிடச் சிறந்ததாக எஸ்.டபிள்யூ.பி–யைப் பரிந்துரை செய்ய சில காரணங்கள் உண்டு. அவற்றைப் பார்ப்போம்.

மூலதனம் மற்றும் வருமானம்

பாதுகாப்பு மற்றும் குறைவான ரிஸ்க் ஆகிய வற்றின் காரணமாகக் கடன் சார்ந்த ஃபண்டுகள் தொடர் வருமானத்துக்கு எஸ்.டபிள்யூ.பி ஃபண்டுகள் பொதுவாகப் பரிந்துரை செய்யப்படு கின்றன. உதாரணத்திற்கு, அல்ட்ரா சார்ட்-டேர்ம் ஃபண்ட் மற்றும் நீண்ட காலக் கடன் ஃபண்ட் ஆகியவற்றில் ரூ.5,00,000 முதலீடு செய்கிறீர்கள் என்று வைத்துகொள்வோம். பல்வேறு முதலீட்டாளர்கள் டிவிடெண்ட் ஆப்ஷனை விரும்புவதால், மன்த்லி இன்கம் பிளானில் (MIP) முதலீடு செய்கிறார்கள். நீங்கள் பிப்ரவரி 2013–ல் முதலீடு செய்ததாக வைத்துகொண்டு, மாதாந்திர டிவிடெண்ட் திட்டத்தையும் குரோத் பிளானில் மாதாந்திர எஸ்.டபிள்யூ.பி-யை ஒப்பிட்டுப் பார்ப்போம்.   

ஐந்து ஆண்டுகளுக்குமுன்பாக, பிப்ரவரி      2013-ல் இந்த இரண்டிலும் முதலீடு செய்திருந்தால், எவ்வளவு வருமானம்  கிடைத்திருக்கும்? சராசரி மாதாந்திரத் தொகை பெறுதல் என்பது, அந்தக் காலகட்டத்தில் வழங்கப்பட்ட டிவிடெண்டுகளின் சராசரித் தோராய மதிப்பீட்டுக்கு நெருக்கமான தாகும் (பார்க்க, டிவிடெண்ட் Vs எஸ்.டபிள்யூ.பி வருமான ஒப்பீடு)

ஒரே முதலீட்டுத் தொகைக்கு, இந்த இரண்டு முதலீடுகள்மூலம் கிடைத்த வருமானங்களில் குறிப்பிடத்தக்க வேறுபாடுகள் இருப்பது தெரிய வருகிறது. எஸ்.டபிள்யூ.பி மூலம் தொடர் வருமானம் கிடைத்துவரும் அதேசமயத்தில், குரோத் ஆப்ஷனில் 2% கூடுதல் வருமானம் கிடைத்துள்ளதைக் கவனிப்பது அவசியம்.

எஸ்.டபிள்யூ.பி முறையில் ஏற்கெனவே போட்ட அசல் பணம் அழிந்துவிடும் என்கிற  தவறான கருத்தும், உதாரணமும் இதன்மூலம் தெளிவாக்கப்பட்டுள்ளது. முதலீடு மேற்கொள்ளப்பட்ட அடுத்த மாதத்திலிருந்தே பணத்தைத் திரும்ப எடுக்கத் தொடங்கியிருந்தாலும், இறுதியில் சிறப்பான பலன்களை வழங்குவது குரோத் பிளான்கள்தான். நீங்கள் பணத்தைத் திரும்ப எடுக்கும் விகிதத்தைக் காட்டிலும் ஃபண்ட் தரும் வருமானம் அதிகமாக இருக்கும் வரை, உங்கள் அசல் பணம் தொடர்ந்து உங்களுக்காகப் பணம் சம்பாதித்துத் தரும். தவிர, அசலைக் குறையாமல் பார்த்துக்கொள்ளும்.   அதாவது, உங்களது ஃபண்ட் அளிக்கும் வருமானத்துக்கேற்ற எதிர்பார்ப்பைக் கொண்டி ருந்தால், உங்கள் அசல் பணம்  குறையாது.

வரிகள்

எஸ்.டபிள்யூ.பி–யில், ஒவ்வொருமுறை பணம் எடுக்கும்போது, அதற்கு நீண்ட கால அல்லது குறுகிய கால அடிப்படையில் மூலதன வருவாய் வரி விதிக்கப்படும். குறுகிய கால மூலதன ஆதாயத்துக்கு, அடிப்படை வருமான வரி விகிதத்துக்கேற்ப (5%, 20%, 30%) வரி கட்ட வேண்டும். அதேசமயம், நீண்ட கால மூலதன ஆதாயத்துக்கு, பணவீக்க விகித சரிக்கட்டலுக்கு பிறகு 20% வரி கட்ட வேண்டும். 

டிவிடெண்டுகளுக்கு வரி விலக்குகள் இல்லை. டிவிடெண்ட் விநியோக வரியை மியூச்சுவல் ஃபண்ட் நிறுவனங்கள் அரசுக்குக் கட்டி விட்டுத் தான் முதலீட்டாளர்களுக்குத் தருகின்றன.   கடன் ஃபண்டுகளுக்கு டிவிடெண்ட் விநியோக வரி 25 சதவிகிதமாக உள்ளது. இதுவே, ஈக்விட்டி ஃபண்டுகள், பேலன்ஸ்டு ஃபண்டுகளுக்கு 10% ஆகும். இதில் சர்சார்ஜ் 12% மற்றும் செஸ் 4% ஆகும்.  இதையும் சேர்த்தால் கடன் ஃபண்டுகள் மற்றும் ஈக்விட்டி ஃபண்டுகளுக்கான டிவிடெண்ட் விநியோக வரி முறையே 29.12% மற்றும் 11.65 சதவிகிதமாக உள்ளது.

எனவே, டிவிடெண்ட் ஆப்ஷன் வரிச் சலுகைத் தரத்தக்கதல்ல. குறிப்பாக, கடன் ஃபண்களுக்கு. குரோத் ஆப்ஷனிலிருந்து பணத்தைப் பெற்று, மூலதன ஆதாயத்துக்கு வரி செலுத்துவது குறைவான வரிக்கு வழிவகுக்கும்.

உச்சபட்ச வரி விகிதம் 30 சதவிகிதமாக (மேலே உள்ள உதாரணத்தில் காணப்பட்டுள்ளவாறு) இருப்பினும், எஸ்.டபிள்யூ.பி.க்காக வரி செல்வது மிகவும் குறைவாகவே உள்ளது.

எஸ்.டபிள்யு.பி–க்காக நீங்கள் செலுத்தும் வரிக்கும் மற்றும் டிவிடெண்ட் வழியாக நீங்கள் செலுத்தும் வரிக்கும் ஏன் இந்தளவுக்குப் பெரிய வித்தியாசம்? இதற்கான காரணங்கள் இனி…

ஒன்று, சிஸ்டமேட்டிக் வித்ராயல் திட்டத்தில், ஒவ்வொரு முறை நீங்கள் பணம் எடுக்கும்போதும், அதில் ஒருபகுதி மட்டுமே உங்களுக்கான பலனாகும். டிவிடெண்ட் தேர்வின்கீழ் ஒட்டு மொத்த டிவிடெண்ட் தொகைக்கும் வரி வசூலிக்கப்படுவதைப்போல இல்லாமல், பலன் பகுதிக்கு மட்டும் வரி விதிக்கப்படுகிறது. எனவே, மூன்று ஆண்டுகளுக்கும் குறைவான காலத்தில்கூட, டிவிடெண்டுகளைக் காட்டிலும் சிஸ்டமேட்டிக் வித்ராயலில் வரி குறைவாகவே உள்ளது.

கடன் சார்ந்த ஃபண்டுகளில் மூன்று ஆண்டுகளுக்கு மேலாக வித்ராயல்கள் நீடிக்கும் நிலையில், உங்களுக்கு நீண்ட கால மூலதன ஆதாய பலன் கிடைப்பதால், முந்தைய ஆண்டு களைக் காட்டிலும் குறைவாக வரி கட்ட வேண்டி இருக்கும்.

தொடர் வருமானம்

மியூச்சுவல் ஃபண்டுகளில் டிவிடெண்டாக எவ்வளவு கிடைக்கும் என்பதற்கு எந்த நிச்சயமும் இல்லை. ஒரு குறிப்பிட்ட ஃபண்டுக்கு நீங்கள் மாதாந்திர டிவிடெண்ட் ஆப்ஷனைத் தேர்வு செய்திருந் தாலும், ஒவ்வொரு மாதமும் உங்களுக்கு டிவிடெண்ட்  கட்டாயம்  கிடையாது. டிவிடெண்ட் கொடுப்பது என்பது நிதி மேலாளர் மேற்கொள்ளப்படுவதாகும். கடந்த காலத்தில் தொடர்ந்து டிவிடெண்ட் தந்திருந்தாலும், எதிர்காலத்தில் தொடர்ந்து தரவேண்டும் என்கிற அவசியம் இல்லை.

அப்படியே டிவிடெண்ட் தந்தாலும், அந்தத் தொகையில் மாற்றம் ஏற்படலாம். உதாரணமாக, பிப்ரவரி 2013 முதல் பிப்ரவரி 2018 வரையிலான காலகட்டத்தில், ஐ.சி.ஐ.சி.ஐ புரூடென்ஷியல் எம்.ஐ.பி வழங்கிய டிவிடெண்டைத் தெரிந்துகொள்ள முன்பக்கமுள்ள வரைபடத்தைப் பாருங்கள்.

இந்தக் காலத்தில் அக்டோபர் 2013–ல் வழங்கப்பட்ட ரூ.6,255 உச்சபட்ச டிவிடெண்டாகவும்,  ஜனவரி 2014–ல் வழங்கப்பட்ட ரூ.939 மிகக் குறைவான டிவிடெண்டாகவும் தரப் பட்டுள்ளது. ஆகஸ்ட் 2017–ல், டிவிடெண்ட்  வழங்கப்பட வில்லை. நீங்கள் டிவிடெண்டுகளை மட்டுமே நம்பியிருந்தால், அதிலுள்ள  நிச்ச யமின்மை ஒரு பெரும் பிரச்னையாக மாறும். ஆனால்,    எஸ்.டபிள்யூ.பி–யின் மூலம், உங்களுக்குத் தேவையான பணம் சீராகக் கிடைக்கும்.

எதில் எஸ்.டபிள்யூ.பி?

எஸ்.டபிள்யூ.பி-களை, பொதுவாக லிக்விட், அல்ட்ரா- ஷார்ட் டேர்ம் கடன் மற்றும் நீண்ட காலக் கடன்  ஃபண்டுகள் (எம்.ஐ.பி.கள் உள்பட) எனக் கடன் ஃபண்டு களின் கலவையாக அமைத்துக் கொள்ளலாம்.

எஸ்.டபிள்யூ.பி-ஐ ஒருமுறை மேற்கொண்டாலே போதும். நீங்கள் செய்யவேண்டியது உங்கள் மியூச்சுவல் ஃபண்டிலிருந்து எப்போது பணத்தை எடுக்க வேண்டும் என்கிற தேதியை, கால அளவை (மாதம்/ காலாண்டு / இன்ன பிற) மற்றும் தொகையை நீங்களே தீர்மானித்துக்கொள்ளலாம்.

இவ்வாறு எஸ்.டபிள்யூ.பி-கள், குறிப்பிட்ட காலமுறையிலான வருவாய் உங்களுக்கு எவ்வாறு தேவைப்படும், எப்போது தேவைப் படும் (மாதத்தின் துவக்கம் / மாதத்தின் முடிவு) போன்றவற்றை நீங்களே தீர்மானிக்கலாம்.  அளவு மற்றும் காலமுறை நிச்சயமற்ற டிவிடெண்ட் திட்டங்களைக் காட்டிலும், எஸ்.டபிள்யூ.பி-கள் மீது நீங்கள் சிறப்பான கட்டுப் பாட்டினைக் கொண்டிருப்பீர்கள்.

டிவிடெண்ட் பிளானுக்குப் பதில் எஸ்.டபிள்யூ.பி பலவகையில் சிறந்தது என்பதைப் புரிந்து கொண்டீர்களா?

Advertisements
%d bloggers like this: