Advertisements

வீட்டுக் கடன் ஏன் அவசியம்?

டுத்தர வருமானப் பிரிவினரின் வாழ்நாள் கனவாக இருப்பது சொந்த வீடு! ‘எலி வளையானாலும், தனி வளை வேண்டும்’ என்பது எல்லா ஊர்களிலும் சொல்லப்படும் வார்த்தை. 

கடந்த 10 முதல் 15 ஆண்டுகளுடன் ஒப்பிடும் போது, இன்றைக்கு மனை மற்றும் கட்டுமானப் பொருள்கள் விலையானது பலமடங்கு உயர்ந்துள்ளது. கடந்த 2000-ம் ஆண்டில் சென்னை புறநகர் ஒன்றில் சதுர அடி மனை 100 ரூபாய்க்கு விற்றது. இன்றைக்கு அது கிட்டத்தட்ட 2,000 ரூபாயாக உயர்ந்திருக்கிறது. இது 20 மடங்கு விலை உயர்வு. சதவிகிதத்தில் சொன்னால் 1900% அதிகரிப்பு.
2000-ல் ஒரு சதுர அடி பரப்புள்ள கட்டடத்தைப் பொருள்களோடு கட்டித் தர பில்டர்கள் ரூ.420  வாங்கினார்கள். இன்றைக்கு ரூ.1400-1,500 கேட் கிறார்கள். அடுக்குமாடிக் குடியிருப்பு என்றால் சதுர அடி விலை ரூ.3,000 சொல்கிறார்கள்.

இன்றைக்கு 600 சதுர அடியில் வீடு வாங்க வேண்டும் என்றால், ரூ.18 லட்சம் தேவை. இதுவே, மனை சொந்தமாக இருந்து 600 சதுர அடியில் வீடு கட்டினால் ரூ.9 லட்சம் வேண்டும். இது தவிர, மின் இணைப்பு தொடங்கி, பல்வேறு செலவுகள் இருக்கின்றன. 
இந்த நிலையில், வீடு வாங்குவதற்கான முழுத் தொகையையும் ஒருவரால் மொத்தமாகச் சேர்ப்பது  கடினமான காரியம். சிறிது சிறிதாகப் பணம் சேர்த்து வீடு கட்டலாம் அல்லது வாங்க லாம். என்றாலும் நாளுக்கு நாள் அதிகரித்துவரும் கட்டுமானப் பொருள்களின் விலைவாசி உயர்வு சொந்த வீடு வாங்க நினைப்பவர்களை மிரட்டு வதாக இருக்கிறது.
வீட்டு வாடகை அதிகமாக இருக்கிறது. அது நீண்ட காலத்தில்  அதிகரிக்கும் என்பது கண்கூடு. ஆயுள் முழுக்க வாடகை வீட்டில் இருந்தால், மற்ற செலவுகளுக்கு என்ன செய்வது, சொந்த வீடு வாங்க என்ன வழி என்று கேட்கிறீர்களா?
வங்கிகள் அல்லது வீட்டு வசதி நிறுவனங்கள் மூலம் கடன் வாங்கி வீடு வாங்குவது அல்லது கட்டுவதுதான் இப்போதைக்கு இருக்கும் ஒரே சுலப வழி! இதற்கான மாதத் தவணை, இப்போது கொடுக்கும் வீட்டு வாடகையைவிட இன்னொரு மடங்கு அதிகமாக இருக்கும். இன்றைய இளைஞர் களில் பெரும்பாலானவர்கள் கைநிறையச் சம்பாதிக்கிறார்கள். பல குடும்பங்களில் கணவன் – மனைவி என இருவரும் வேலைக்குச் செல்வதால், வீட்டுக் கடனுக்கான மாதத் தவணை பற்றி அதிகம் கவலைப்படத் தேவையில்லை.
சொந்த வீடு என்கிறபோது பல செளகர்யங்கள் நமக்குக் கிடைக்கும். மின்சாரக் கட்டணத்தை நம் வீட்டின் மீட்டர் காட்டும் கணக்கின்படி கட்டினாலே போதும். உங்கள் வீட்டை இஷ்டத்துக்கு மாற்றி அமைக்கலாம். வருமான வரிச் சலுகைமூலம் கணிசமான தொகையை மிச்சப்படுத்த முடியும். எல்லாவற்றுக்கும் மேலாக, உங்களின் சமூக அந்தஸ்து உயரும்.
வீட்டுக் கடனுக்கான வட்டி விகிதம் 1995-ல் 17 சதவிகிதமாக இருந்தது, இப்போது 8.5%- 9.5 சதவிகிதமாக உள்ளது. விரைவில் வீட்டுக் கடனுக் கான வட்டி உயரும் நிலை உள்ளது. இது வீட்டுக் கடன் மூலம் சொந்த வீடு என்ற அளவில் நிலை கொண்டுள்ளது.
கடந்த 20 ஆண்டுகளுக்கு முந்தைய நிலையோடு ஒப்பிட்டால் இப்போது, கடனுக்குச் செலுத்தும் மாதத் தவணை குறைந்திருக்கிறது. 15% என்றால் பத்து லட்ச ரூபாய் கடனை 15 ஆண்டுகளில் திரும்பக் கட்டுவதாக இருந்தால், மாதத் தவணை ரூ.13,996. இதுவே வட்டி 9% என்றால் மாதத் தவணை ரூ.10,143-தான். கிட்டத்தட்ட ரூ.3,850 வேறுபாடு. சுருக்கமாக, வீட்டுக் கடன் மூலம் சொந்த வீடு வாங்க இதுவே சரியான தருணம்.

Advertisements
%d bloggers like this: