Advertisements

உருவ வழிபாட்டில் விநாயகர் – தியானத்தினால் கிடைக்கும் பலன்கள்

image

அமைப்பு- யானை தலை, அங்குசம், மஞ்சள் தாமரை, மஞ்சள் ஆடை, இணைந்த பாம்புகள், மூக்ஷிக வாகனம் (எலி இனம்)ஆகும். இனி இந்த வகை தியானத்தினால் கிடைக்கும் பலன்களை பார்க்கலாம்.

யானை தலை: அதீத மூளை செயல்பாடு. நீண்ட கால ஞாபக திறமை, மிருக குணத்தில் இருந்து மனித குணத்துக்கு மனம் மாற்றம்.

அங்குசம்: மனக்கட்டு பாடு, எதையும் சமாளிக்கும் குணம். அடங்காதவரை அன்பில் அடக்கும் ஆற்றல்.

மஞ்சள் தாமரை, மஞ்சள் ஆடை: மஞ்சள் நிறத்துக்கு பிரச்சனைகளை தீர்க்கும் ஆற்றல் உண்டு, காரிய தடைகள் விலகும், மனதிற்கு உற்சாகத்தை அளிக்கும், தடை பட்ட பூமி சக்தி வெளி வர உதவும், தாமரை மனதை அடக்கும், மனதை ஒருமை படுத்தும்.

இணைந்த பாம்புகள்: இவை ஆரோக்கியத்திற்கும், தியான வெற்றிக்கும், குண்டலினி வெற்றிக்கும் உதவும்.

மூக்ஷிக வாகனம்: கடுமையான சந்தர்பங்களில் எளிமையாக வெளியேறுதல், எப்படிப்பட்ட பிரச்சனைகளையும் சமாளிக்கும் குணம், சுறுசுறுப்பு, கடவுளுடன் சேர மனம் துடிக்கும், ஆன்மீக நாட்டம் அதிகரிக்கும், கடவுளுக்கும், மனிதர்களுக்கும், நல்ல ஜீவராசிகளுக்கும் உதவும் குணம் கிடைக்கும்.

கொழுக்கட்டை படையல்: இதை உண்பதால் கிடைக்கும் நன்மைகள் பொதுவாக கொழுக்கட்டைகள் கபத்தை(சளியை) முறிக்கும் அதனால் தான் மழைக்கு முன்பே இதை உண்டு சளியை முறித்து விட்டால் அடுத்து வரும் மழை காலத்தில் சளி அவ்வளவாக ஒன்றும் செய்யாது. இதில் சேரும் பொருட்களின் பொது குணத்தை சுருக்கமாக பார்க்கலாம்.
வெல்லம்-இரத்தம் ஊரும், பித்தம் குறையும், ஆற்றல் கலோரி கிடைக்கும். உடலுக்கு உஷ்ணத்தை கொடுக்கும்.

பச்சரிசி- பித்தம் குறைக்கும் கலோரி ஆற்றல் நிறைந்தது. உடலுக்கு உஷ்ணத்தை கொடுக்கும்.
பாசி பருப்பு: இதன் குணம் பித்தத்தை குறைக்கும், ஆற்றல் கொடுக்கும், உடல் வெப்பத்தை கட்டுபாட்டில் வைக்கும், சிறு தானிய வகையில் சத்துக்கள் நிறைந்த பயிர். தற்காலத்தில் பயிருக்கு பதிலாக வறுகடலை என்ற பொட்டு கடலை பயன்படுத்துவது வழக்கமாகி விட்டது.

எள்: இரத்தம் ஊரும், உடல் வெப்பத்தை கட்டுபாட்டில் வைக்கும். இளைத்த உடல் தேறும். குளிர், பனி போன்றவற்றை தாங்கும் ஆற்றல் கிட்டும்.

ஏலக்காய்: பித்தம் போக்கும், சளியை முறிக்கும், உடல் குளிர்சியினால் ஏற்படும் அஜீரணத்தை போக்கும், இரத்த ஓட்டத்தை சீர்படுத்தும், கொழுப்பை குறைக்கும்.

நெய்: மிக சிறந்த உணவு இதனால் உடலுக்கு தேவையான கொழுப்புகள் கிடைக்கும், மனம் புத்துணர்ச்சி அடையும், நரம்புகள் வலுபெறும், பித்தம் குறைக்கும்.

கொன்டைய் கடலை: ஆற்றல் கிட்டும், இனபெருக்க மண்டலம் சிறந்து விளங்கும், மூளைக்கும், உடல் தசைகளுக்கும் தேவையான சத்துக்கள் நிறைந்தது. இளைத்த உடல் தேறும்.

வெள்ளெருக்கம் பூ: ஆஸ்த்மா, சளி, இருமல், நெஞ்சு சளி முறிக்கும். மருத்துவ ஆலோசனையில் மருந்தாக செய்து உண்ணவும்.

அருகம்புல்: உடல் உஷ்ணத்தை குறைக்கும், இரத்த சம்பந்தமான நோய்கள் தீரும்.

சிவப்பரிசி கை குத்தல் அவல்: இதனால் இரத்தம் சம்பந்தப்பட்ட அனைத்து நோய்களும் கட்டுக்குள் வரும். பல ஊட்ட சத்துக்கள் நிறைந்தது. இனபெருக்க மண்டலம் சிறந்து விளங்கும். எளிதில் செரிக்கும். பல வகையான ஊட்ட சத்துக்கள் நிறைந்தது. இதை தயாரித்த ஒரு மணி நேரத்திற்குள் சாப்பிட்டால் மட்டுமே இதன் பலன்கள் கிட்டும். அனைவருக்கும் அனைத்து நலங்களும் கிடைக்க வேண்டுகிறேன்… திருச்சிற்றம்பலம்

Advertisements
%d bloggers like this: