வருமான வரித் தாக்கல்: இதை மட்டும் செஞ்சிடாதிங்க!.. முக்கிய எச்சரிக்கை!

2019-20ஆம் நிதியாண்டுக்கான வருமான வரித் தாக்கல் செய்ய டிசம்பர் 31ஆம் தேதி கடைசி தேதி என அறிவிக்கப்பட்டுள்ளது. காலக்கெடு முடிய இன்னும் சில தினங்களே இருக்கும் நிலையில் ஏராளமானோர் வேக வேகமாக வருமான வரித் தாக்கல் செய்து வருகின்றனர்.

எனவே, இமெயில் வாயிலாக தனிநபர் விவரங்களை வருமான வரித் துறை கேட்பதில்லை எனவும், இமெயில் வாயிலாக வரும் கோரிக்கைகளுக்கு PIN எண், பாஸ்வோர்ட், கிரெடிட் கார்டு, டெபிட் கார்டு, வங்கிக் கணக்கு மற்றும் இதர நிதிக் கணக்குகள் தொடர்பான விவரங்களை பகிர்ந்துகொள்ள வேண்டாம் என வருமான வரித் துறை அறிவுறுத்தியுள்ளது.

போலி இமெயில் வந்தால் என்ன செய்ய வேண்டுமெனவும் வருமான வரித் துறை தகவல் வெளியிட்டுள்ளது.

1. இமெயிலுக்கு பதில் அளிக்கக்கூடாது.

2. இமெயிலில் உள்ள இணைப்புகளை (attachments) திறக்கக்கூடாது.

3. இமெயிலில் உள்ள லிங்குகளை (links) கிளிக் செய்யக்கூடாது.

4. இமெயில் உள்ள லிங்குகளை காப்பி செய்து பிரவுசரில் போட்டு பயன்படுத்தக்கூடாது.

இந்த இமயில்கள் பற்றி எப்படி புகாரளிப்பது? இதுபோன்ற போலி இமெயில்களை webmanager@incometax.gov.in என்ற இமெயில் ஐடிக்கு ஃபார்வர்டு செய்துவிடலாம்.

%d bloggers like this: